ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

December 23, 2019 ព្រឹត្តិការណ៍កម្ពុជាប្រចាំថ្ងៃ - តើសន្ធិសញ្ញាព្រំដែនកម្ពុជានិងវៀតណាមអាចសើរើឡើងវិញបានទេ?
មន្ត្រីអង្គការសង្គមស៊ីវិល និងអ្នកវិភាគមួយចំនួនបាននាំគ្នាកាន់ទុក្ខនិងបង្ហាញពីការមិនពេញចិត្ត ក្រោយពីច្បាប់ស្តីពីសន្ធិសញ្ញាបំពេញបន្ថែម១៩៨៥ និង២០០៥ ត្រូវបានព្រះមហាក្សត្រ ចេញព្រះរាជក្រមប្រកាសឱ្យប្រើនៅថ្ងៃទី៥ខែធ្នូ។ ដំណាលគ្នា នឹងការកាន់ទុក្ខនេះ មតិខ្លះបានសួរត្រឡប់ទៅវិញថា ពួកគេកាន់ទុក្ខដោយសំអាងទៅលើអ្វី? និងថាតើសន្ធិសញ្ញាព្រំដែនកម្ពុជានិងវៀតណាមអាចសើរើឡើងវិញបានទេ នៅពេលមានមតិមិនពេញចិត្ដដូច្នេះ?
12 min
December 23, 2019 ព្រឹត្តិការណ៍កម្ពុជាប្រចាំថ្ងៃ - តើជាតិនិយមកម្រិតណាទើបល្អ?
ការស្រឡាញ់ជាតិ ទឹកដី ត្រូវបានចាត់ទុកថាជាសកម្មភាពមួយនៃជាតិនិយម។ ក៏ប៉ុន្តែជាតិនិយមជ្រុលក៏បង្កជាបញ្ហាសំរាប់សង្គមជាតិវិញដែរ។ ទាំងនេះគឺជាការលើកឡើងរបស់អ្នកតាមដាននយោបាយនៅក្នុងសង្គមកម្ពុជា។ អ្នកនយោបាយខ្លះចង់ឲ្យពលរដ្ឋព្យាយាមតាមដានព័ត៌មាន និងសិក្សាស្វែងយល់បន្ថែមទៀត ជាជាងផ្អើលតាមគ្នា បង្ហាញពីជាតិនិយម។ ដូច្នេះតើជាតិនិយមកម្រិតបែបណាទើបល្អ?
14 min
December 21, 2019 ព្រឹត្តិការណ៍កម្ពុជាប្រចាំថ្ងៃ - តើស្ថានភាពនយោបាយនិងសិទ្ធិមនុស្សកម្ពុជាឆ្នាំ២០១៩ ស្ថិតក្នុងស្ថានភាពល្អប្រសើរឬកាន់តែអាក្រក់?
ស្ថានភាពនយោបាយនិងបញ្ហាសិទ្ធិមនុស្សនៅក្នុងប្រទេសកម្ពុជា នៅឆ្នាំ២០១៩នេះ នៅតែស្ថិតក្នុងស្ថានភាពមិនប្រសើរឡើយ។ នេះបើផ្អែកតាមក្រសែភ្នែករបស់អ្នកជំនាញផ្នែកសិទ្ធិមនុស្សនិងនយោបាយនៅកម្ពុជា។ ប៉ុន្តែផ្ទុយទៅវិញ សម្រាប់មន្ត្រីរដ្ឋាភិបាលកម្ពុជា ស្ថានភាពនិងបរិយាកាសនយោបាយ និងសិទ្ធិមនុស្សនៅកម្ពុជា នៅតែល្អប្រសើ ក្រោមកំណែទម្រង់របស់រដ្ឋាភិបាលកម្ពុជា។ ដូច្នេះ តើបរិយាកាសនយោបាយនិងសិទ្ធិមនុស្សកម្ពុជានៅឆ្នាំ២០១៩ ស្ថិតនៅក្នុងស្ថានភាពបែបណា? ហើយថាតើ ស្ថានភាពទាំងពីរនេះ នឹងវិវត្តន៍ទៅជាយ៉ាងណា នៅឆ្នាំ២០២០ខាងមុខ?
13 min
December 19, 2019 ព្រឹត្តិការណ៍កម្ពុជាប្រចាំថ្ងៃ - តើហ្វេសប៊ុកកំពុងក្លាយជាកន្លែងបញ្ជូនពាក្យបណ្តឹង និងដំណោះស្រាយរវាងនាយករដ្ឋមន្រ្តីនិងពលរដ្ឋឬ?
ប្រធានមន្ទីររៀបចំដែនដីខេត្តកំពត ត្រូវបានក្រសួងរៀបចំដែនដី នគរូបនីយ៍កម្ម និង សំណង់ បានសម្រេចដកចេញតំណែងហើយកាលពីថ្ងៃពុធម្សិលមិញនេះ។ ការឈានទៅដកតំណែងនេះ គឺបន្ទាប់ពីមានប្រជាពលរដ្ឋសរសេរប្តឹងទៅទំព័រហ្វេសប៊ុករបស់លោកនាយករដ្ឋមន្រ្តីហ៊ុន សែន ស្នើសុំធ្វើប័ណ្ណកម្មសិទ្ធិដីធ្លីក្រោយពីមិនមានអាជ្ញាធរពាក់ព័ន្ធធ្វើជូនគាត់។ នេះមិនមែនជាលើកទី១ទេ ដែលលោកនាយករដ្ឋមន្ត្រីហ៊ុន សែន បានដោះស្រាយបញ្ហាជូនប្រជាពលរដ្ឋតាមរយៈការសរសេរប្តឹងមកកាន់ទំព័រហ្វេសប៊ុករបស់លោក។ សម្រាប់សង្គមស៊ីវិល និង អ្នកឃ្លាំមើលវិញ យន្តការដោះស្រាយបញ្ហាតាមទំព័រហ្វេសប៊ុកនេះ គឺជារឿងល្អ ប៉ុន្តែពួកគេថា ត្រូវមានការផ្ទៀងផ្ទាត់ និង ស៊ើបអង្កេតលើបញ្ហាឱ្យបានច្បាស់លាស់ផងដែរ។
10 min