Dilli Dali

By S GopalakrishnanSociety & Culture

Dilli Dali episodes

April 13, 2023 India's struggles to freedom and the Arts: Interview with Vinay Lal 22/2023
Vinay Lal’s book, 'Insurgency and the Arts : The Art of the freedom struggle in India' is an important work written on modern India’s most turbulent moments during its freedom struggle from 1857to 1948.
With hundreds of rare paintings and sketches, this volume talks about the artistic expressions of the nation's struggle for freedom.
Vinay Lal, professor of history in the University of California, Los Angeles, talks to Dilli Dali in an hour long conversation on how the political and cultural imaginations of the various phases of ‘insurgency’ were shaped and fuelled by the artistic output of the time.
Book: 'Insurgency and the Arts : The Art of the freedom struggle in India'
Published by Roli Books
Welcome to the podcast.
Regards
S. Gopalakrishnan
Dilli Dali podcast
13 April 2023
https://www.dillidalipodcast.com/
1 hr 3 min
April 08, 2023 ഇതിനാൽ നിവൃത്തിയാകുന്നു Dilli Dali podcast Good Friday' 23 based on Sebastian Bach's St John Passion 21/2023
ഇരുനൂറ്റിതൊണ്ണൂറ്റിയൊൻപതുവർഷങ്ങൾക്കു മുൻപുണ്ടായിരുന്ന ഒരു ദുഃഖവെള്ളിയാഴ്ച ദിവസം ജർമനിയിലെ ഒരു ചെറിയപള്ളിയിൽ ഒരു മഹാസംഗീതജ്ഞൻ അവതരിപ്പിച്ച ഒരു സംഗീതശിൽപം പാശ്ചാത്യ ശാസ്ത്രീയസംഗീതത്തിലെ ഒരു നാഴികക്കല്ലായിമാറി.
2023 ലെ ദുഃഖവെള്ളിയാഴ്ച ദിവസം സെബാസ്റ്റ്യൻ ബാഹിന്റെ (Johann Sebastian Bach ) St John Passion കേട്ടതിന്റെ പോഡ്‌കാസ്റ്റ് അനുഭവത്തിലേക്ക് സ്വാഗതം . 1724 ൽ യോഹന്നാന്റെ സുവിശേഷത്തിലെ 18 ഉം 19 ഉം അദ്ധ്യായങ്ങളെ മുൻനിർത്തി ബാഹ് സംവിധാനം ചെയ്തതാണ് ഈ സംഗീതശിൽപം .
ഇതിനാൽ നിവൃത്തിയാകുന്നു.
സ്നേഹത്തോടെ
എസ് . ഗോപാലകൃഷ്ണൻ
ദുഃഖവെള്ളി.
ഏപ്രിൽ 07 , 2023
ഡെൽഹി
https://www.dillidalipodcast.com/
12 min
March 31, 2023 കേൾവിയുള്ള മനുഷ്യർ തുടങ്ങിയ യുദ്ധങ്ങളും ബധിരരും 20/2023
കേൾക്കാത്തവരെക്കുറിച്ച് ഒരു പോഡ്‌കാസ്റ്റ്

ഞാൻ യൂജിൻ ബെർഗ്മാൻ എന്ന ബാലന്റെ കാര്യം മാത്രം പറയാം .
ജൂതബാലൻ .
പോളണ്ടിനെ ജർമനി ആക്രമിച്ചു .
ഒരു പട്ടാളക്കാരൻ വീട്ടിൽ കയറിച്ചെന്ന് യൂജിന്റെ ചെവിയിൽ
തോക്കിന്റെ പട്ടകൊണ്ട് ഒറ്റയടി .
അഞ്ചുദിവസം കഴിഞ്ഞാണ് യൂജിന് ബോധം വന്നത് .
ചുറ്റുമുള്ളവർ ചുണ്ടനക്കുന്നതേ അവന് കാണാൻ കഴിഞ്ഞുള്ളു .
എന്നന്നേക്കുമായി അവന് കേൾവി നഷ്ടപ്പെട്ടിരുന്നു .

എഴുത്തച്ഛൻ പോലും പടഹധ്വനിയും, വീരശംഖും, കുളമ്പടിയുമാണ് കേട്ടത് ....
കേൾവിയുള്ള മനുഷ്യർ തുടങ്ങിയ യുദ്ധങ്ങളും ബധിരരും.

സ്നേഹത്തോടെ

എസ് . ഗോപാലകൃഷ്ണൻ
31 ഏപ്രിൽ 2023
https://www.dillidalipodcast.com/
9 min
March 26, 2023 ഡൽഹിയിലെ ഒരു രാത്രിമഴയും ബാഗേശ്രീയും : A Raga experience I A podcast by S. Gopalakrishnan 19/2023
ഒരു രാഗാനുഭവത്തെക്കുറിച്ചുള്ള പോഡ്‌കാസ്റ്റിലേക്ക് സ്വാഗതം.
ഞാൻ കൊണ്ട രാത്രിമഴകളെക്കുറിച്ച് ആലോചിക്കുകയായിരുന്നു, കിശോരി അമോൻകറിന്റെ ബാഗേശ്രീയുടെ പശ്ചാത്തലത്തിൽ.
ഗായിക ഉപചാരപൂർവം പകർന്ന ബാഗേശ്രീയുടെ ചഷകം കഴിഞ്ഞ മഴരാത്രിയിൽ ഞാൻ അങ്ങനെയാണ് സ്വീകരിച്ചത്.
ഒരു നിശാരാഗം മഴയത്ത് ഓർമ്മകളുടെ ജാലകം തുറക്കുകയാണ്...എത്രയെത്ര മഴകൾ !.
ഉസ്താദ് ബഡെ ഗുലാമലി ഖാൻ , എം .ഡി . രാമനാഥൻ , കിശോരി അമോൻകർ എന്നിവർ പാടിയ ബാഗേശ്രീകളും ഉൾപ്പെടുത്തിയിരിക്കുന്നു.
സ്വീകരിച്ചാലും .
സ്നേഹപൂർവ്വം
എസ് . ഗോപാലകൃഷ്ണൻ
26 മാർച്ച് 2023
ഡൽഹി
https://www.dillidalipodcast.com/
13 min
March 26, 2023 ലോകബാങ്കിങ് രംഗത്തെ പ്രതിസന്ധി United States bank failures 2023 Interview with T.K. Arun 18/2023
എന്താണ് ലോകബാങ്കിങ് രംഗത്തെ പ്രതിസന്ധി ?
ഒരു സമഗ്രാവലോകനം
ഇന്ത്യയിലെ മുതിർന്ന സാമ്പത്തികകാര്യ പത്രപ്രവർത്തകൻ ടി . കെ . അരുൺ വിശദമായി സംസാരിക്കുന്നു , ഒരു നല്ല അദ്ധ്യാപകനെ പോലെ .
അമേരിക്കയിലേയും യൂറോപ്പിലേയും ഈ ബാങ്കിങ്ങ് പ്രതിസന്ധി മറ്റുലോകരാജ്യങ്ങളെ ബാധിക്കുമോ ?
സത്യത്തിൽ അമേരിക്കൻ സമ്പദ് രംഗം ശക്തിപ്പെടുകയാണോ ?
ഇന്ത്യയുടെ റിസർവ് ബാങ്കിന്റെ കടുത്ത ആത്മവിശ്വാസത്തിൻ്റെ അർത്ഥമെന്താണ് ?
ഇന്ത്യൻ സ്റ്റാർട്ട് അപ്പുകളെ എങ്ങനെ ഇന്ത്യ സംരക്ഷിക്കണം തുടങ്ങിയ വിഷയങ്ങൾ .
തീർച്ചയായും കേട്ടിരിക്കേണ്ട ഒരു പോഡ്‌കാസ്റ്റിലേക്ക് സ്വാഗതം .
സ്നേഹപൂർവ്വം
എസ്‌ . ഗോപാലകൃഷ്ണൻ
23 മാർച്ച് 2023
https://www.dillidalipodcast.com/
30 min
March 22, 2023 ദുരന്തവുമായുള്ള ഇണചേരൽ A podcast on IPCC report submitted on 21 March on climate change 17/2023
2023 മാർച്ച് 21 ന് പുറത്തിറങ്ങിയ അന്താരാഷ്‌ട്ര കാലാവസ്ഥാ വ്യതിയാനറിപ്പോർട്ട് മനുഷ്യരാശിയ്ക്ക് അന്തിമമുന്നറിയിപ്പ് നൽകിയിരിക്കുന്നു , Act now or perish .
റിപ്പോർട്ടിനെക്കുറിച്ചാണ് ഈ പോഡ്‌കാസ്റ്റ് .
നമ്മെയെല്ലാം ചുട്ടെരിക്കാൻ പോന്ന കാട്ടുതീകളെ ഗർഭപാത്രത്തിൽ പേറുന്ന , നമ്മെയെല്ലാം മുക്കിക്കൊല്ലാൻ പോന്ന പ്രളയങ്ങളെ ഗർഭപാത്രത്തിൽ പേറുന്ന ഒരു സമീപഭാവിയെയാണ് ആധുനികമനുഷ്യൻ അവൻ്റെ ആർത്തിയുമായി ഇണചേർന്ന് ഉണ്ടാക്കിയിരിക്കുന്നത് .
എസ് . ഗോപാലകൃഷ്ണൻ
22 മാർച്ച് 2023
https://www.dillidalipodcast.com/
7 min
March 20, 2023 നടരാജഗുരു: നാരായണഗുരുവിൻ്റെ ഗന്ധർവ്വ ശിഷ്യൻ നിത്യചൈതന്യയതി Podcast on Natarajaguru 50 Death Anniversary 16/2023
2023 മാർച്ച് 19
നടരാജഗുരു വിടപറഞ്ഞിട്ട് അൻപതുവർഷം
ടാഗോറിൻ്റെ ഗീതാഞ്ജലി നടരാജഗുരു നാരായണഗുരുവിനെ വായിച്ചു കേൾപ്പിച്ചു . നാരായണഗുരു കാരുണ്യത്തോടെ ശിഷ്യനോട് ഇങ്ങനെ പറഞ്ഞു : ' കടങ്കഥ പോലെ . നീ ഇങ്ങനെ എഴുതരുത് . പറയുന്നത് അസന്ദിഗ്ദ്ധമായിരിക്കണം, സ്ഫുടമായിരിക്കണം.'
'നടരാജഗുരു : നാരായണഗുരുവിൻ്റെ ഗന്ധർവ്വ ശിഷ്യൻ', നിത്യചൈതന്യയതി എഴുതിയ മനോഹരമായ ഗുരുപൂജയാണ് ഈ ദിവസം പോഡ്‌കാസ്റ്റായി അവതരിപ്പിക്കുന്നത് .
നടരാജഗുരുവിനുള്ള ആദരമായി ദില്ലി -ദാലി ഇത് സമർപ്പിക്കുന്നു .
സ്നേഹപൂർവ്വം
എസ് . ഗോപാലകൃഷ്ണൻ
https://www.dillidalipodcast.com/
23 min
March 19, 2023 സൗദി അറേബ്യ -ഇറാൻ -ചൈന പുതിയ ലോകരാഷ്ട്രീയം Interview with Prof A.K Ramakrishnan 15/2023
പ്രിയസുഹൃത്തേ ,
മാർച്ച് മാസം പത്താം തീയതിയിലെ വെള്ളിയാഴ്ച സൗദിഅറേബ്യയ്ക്കും ഇറാനും സുപ്രധാനമായി മാറി . ഒരുതരത്തിൽ ചൈനയ്ക്കും .
വർഷങ്ങളായി നീണ്ടുനിൽക്കുന്ന വൈരം മറക്കാൻ ശ്രമിക്കുകയാണ് ഒരു കരാർ വഴി അവർ . ചൈനയാണ് ഇടനിലനിന്നത് .
ഇത് പശ്ചിമേഷ്യൻ രാഷ്ട്രീയത്തേയും ലോകരാഷ്ട്രീയത്തേയും എങ്ങനെ സ്വാധീനിക്കുവാൻ പോകുന്നു എന്ന് വിശദമായി സംസാരിക്കുകയാണ് പ്രൊഫസർ എ . കെ . രാമകൃഷ്ണൻ ദില്ലി -ദാലി പോഡ്‌കാസ്റ്റുമായി നടത്തിയ 36 മിനിറ്റ് സംഭാഷണത്തിൽ . ഡൽഹിയിലെ ജവഹർലാൽ നെഹ്‌റു സർവകലാശാലയിലെ School of International Studies ലെ പശ്ചിമേഷ്യൻ പഠനവിഭാഗത്തിലെ പ്രൊഫസറാണ് ഡോക്ടർ എ .കെ . രാമകൃഷ്ണൻ
പോഡ്‌കാസ്റ്റ് കേട്ടാലും .
സ്നേഹപൂർവ്വം
എസ്‌ . ഗോപാലകൃഷ്ണൻ
18 മാർച്ച് 2023
ഡൽഹി
https://www.dillidalipodcast.com/
39 min
March 16, 2023 നീത്‌ഷെ കരഞ്ഞപ്പോൾ : A podcast by S. Gopalakrishnan on Dilli Dali 14/2023
പ്രിയ സുഹൃത്തേ ,
മറ്റൊരു ലക്കം ദില്ലി -ദാലിയിലേക്ക് സ്വാഗതം .
മനഃ ശാസ്തജ്ഞൻ ദാർശനികനോട് പറയുകയാണ് , താങ്കളുടെ ജീവിതത്തിലെ ഏറ്റവും അടിസ്ഥാന പ്രശ്നം സമ്മർദ്ദമാണ് എന്ന് . വ്യക്തിബന്ധങ്ങളിലെ തിരിച്ചടികളിൽ നിന്നുള്ള സമ്മർദ്ദമാണ് എന്ന് . അപ്പോൾ നീത്ഷേ പറയുന്നു , എനിക്ക് കുടുംബമില്ല , കുട്ടികളില്ല ശ്രദ്ധിക്കുവാൻ , നോക്കിവളർത്തുവാൻ . എനിക്ക് stress ഇല്ല . അപ്പോൾ ഡോക്ടർ Josef Breuer പറയുകയാണ് , Extreme isolation itself is a stress . കടുത്ത ഒറ്റയാൻ ജീവിതവും സമ്മർദ്ദമാണ് എന്ന് . അപ്പോൾ നീത്‌ഷെ പറയുന്നു , ഞാൻ സ്പിനോസയുടേയും ബുദ്ധന്റേയും പിൻഗാമി . എനിക്ക് സ്ട്രെസ് ഇല്ല . അവരാരും ഒറ്റയ്ക്കായിരുന്നില്ല . അവരുടെ സഖാവ് അവർ തന്നെയായിരുന്നു . വാതിൽ കൊട്ടിയടച്ച് , ദേഷ്യപ്പെട്ട് ഇറങ്ങിപ്പോകുന്ന ദാർശനികനോട് മനഃ ശാസ്ത്രജ്ഞൻ വിളിച്ചുപറഞ്ഞു , Your vision is blurred , നിങ്ങളുടെ കാഴ്ച മങ്ങിയിരിക്കുന്നു , നിങ്ങൾക്കെന്റെ സഹായം ആവശ്യമുണ്ട് . പാശ്ചാത്യദർശനത്തിലെ എക്കാലത്തേയും ഉയരം കൂടിയ ചിന്തകരിൽ ഒരാളായ നീത്‌ഷെയുടെ ഉന്മാദകാലത്തെ ചികിൽസിച്ച മനഃ ശാസ്ത്രജ്ഞൻ ഡോക്ടർ ബ്രൂയറും ദാർശനികനും തമ്മിലുള്ള സംഭാഷണങ്ങൾ എങ്ങനെ ആധുനിക മനോവിശകലനശാഖയുടെ അടിത്തറയായി മാറി എന്നന്വേഷിക്കുന്ന When Nietzche Wept എന്ന നോവലിന്റെ , സിനിമയുടെ വായനാനുഭവമാണ് ഈ പോഡ്‌കാസ്റ്റ് .
സ്വീകരിച്ചാലും .
സ്നേഹപൂർവ്വം
എസ് . ഗോപാലകൃഷ്ണൻ
16 മാർച്ച് 2023 ഡൽഹി
https://www.dillidalipodcast.com/
15 min
March 08, 2023 മുഖത്ത് സുഷിരങ്ങളുള്ള ഗന്ധർവ്വപ്രതിമ Madhavikutty 2023 Women's Day Podcast 13/2023
2023 ലെ ദില്ലി -ദാലിയുടെ അന്താരാഷ്‌ട്രസ്ത്രീദിന പോഡ്‌കാസ്റ്റിലേക്ക് സ്വാഗതം .
മുഖത്ത് സുഷിരങ്ങളുള്ള ഗന്ധർവ്വപ്രതിമ മാധവിക്കുട്ടിയുടെ 'എൻ്റെ കഥ'യിലെ ഒരദ്ധ്യായം. ' ആദരണീയരും ധാർമ്മികബോധത്തിൽ നിഷ്ഠയുള്ളവരുമായ എൻ്റെ മാതാപിതാക്കളുടെ കുട്ടിയായി ഞാൻ ജനിച്ചതെങ്ങനെ എന്നു ഞാൻ പലപ്പോഴും അത്ഭുതപ്പെടാറുണ്ട്. അവർ നിരപരാധികളാണ് . എനിക്ക് തോന്നുന്നത് ഇതാണ്: എൻ്റെ ജന്മസമയത്ത് ഏതോ ഒരു കുരുത്തംകെട്ട ദൈവം മുറിയിലേക്ക് പതുങ്ങിയിഴഞ്ഞു കയറിവന്ന് എന്നെ തൊട്ടു. അങ്ങനെ ഞാൻ ഇന്നത്തെ ഞാനായി'.
സ്നേഹപൂർവ്വം
എസ് . ഗോപാലകൃഷ്ണൻ
08 മാർച്ച് 2023
https://www.dillidalipodcast.com/
10 min