សហគមន៍​សេដ្ឋកិច្ច​នៃ​រដ្ឋ​អាហ្វ្រិកខាងលិច​ហៅ​កាត់​សេដេអាអូ (Cédéao) បាន​បិទបញ្ចប់​កិច្ចប្រជុំកំពូល​លើកទី៦២ កាល​ពី​ថ្ងៃ​អាទិត្យ ទី៤ ធ្នូ​ក្នុង​ទីក្រុង​អាប៊ូហ្សា ប្រទេស​នីហ្សេរីយ៉ា។ នៅ​ក្នុង​កិច្ចប្រជុំកំពូល ប្រមុខរដ្ឋ និង​ប្រមុខ​រដ្ឋាភិបាល​ទាំង ១៥ប្រទេស​សមាជិក​បាន​ជជែក​គ្នា​លើ​ប្រធានរឿង​សំខាន់​ជា​ច្រើន ពិសេស​ប្រធានរឿង​ដែល​កំពុង​កើត​មាន​នៅ​ក្នុង​ប្រទេស​សមាជិក។ ទន្ទឹម​គ្នា​នេះ សេដេអាអូ​ក៏​បាន​សម្រេច​បង្កើត​ឲ្យ​មាន​កម្លាំង​មួយ​ប្រចាំ​តំបន់។ តើ​វា​ចាំ​បាច់​ដែរ ឬ​ទេ​ដែល​សេដេអាអូ​ត្រូវ​បង្កើត​ឲ្យ​មាន​កម្លាំង​តំបន់​នេះ​ឡើង និង​ថា មាន​បញ្ហា​អ្វី​ខ្លះ​ដែល​សេដេអាអូ​កំពុង​ប្រឈម​ខ្លាំង​ជាង​គេ?។

ផ្អែកតាមទិន្នន័យផ្លូវការចុងក្រោយ យ៉ាងហោចណាស់ មាន៤៥ប្រទេសដែលបានដំឡើងអត្រាការប្រាក់ រហូតមកដល់ពេលនេះក្នុងឆ្នាំ២០២២។ នយោបាយនេះគឺធ្វើឡើងដោយធនាគារកណ្ដាលនៃប្រទេសនីមួយៗ ដើម្បីដោះស្រាយបញ្ហានៃការកើនឡើងអតិផរណា ឬការកើនឡើងតម្លៃទំនិញជាទូទៅ។ ក៏ប៉ុន្តែ ក្នុងពេលជាមួយគ្នា នយោបាយនេះក៏នឹងបង្កផលប៉ះពាល់ដល់អ្នកខ្ចី អ្នកសន្សំ អ្នកប្រើប្រាស់ អ្នកវិនិយោគ ក៏ដូចជាសេដ្ឋកិច្ចជាតិទាំងមូល។

លោក ចាង ហ្សេមីន អតីត​ប្រមុខដឹកនាំ​ចិន បាន​ទទួលមរណភាព កាល​ពីថ្ងៃ​ពុធ ក្នុង​ជន្មាយុ ៩៦ឆ្នាំ។ នៅក្នុងបរិបទ​នៃ​ចលនាបាតុកម្ម​ប្រឆាំង​រដ្ឋាភិបាល មរណភាព​របស់​លោក​ ចាង ហ្សេមីន គឺ​ជារឿង​មួយ​គួរ​ឲ្យ​​កត់សម្គាល់ ពីព្រោះ​ថា នៅពេល​ដែល​លោក​ឡើងកាន់អំណាច ចិន​ ទើបនឹង​ឆ្លងកាត់​ហេតុការណ៍​បង្ក្រាប​បាតុកម្ម​នៅ​ទីលាន​ធានអានមេន ហើយ​​លោក ចាង ហ្សេមីន ត្រូវ​បាន​គេ​ទទួលស្គាល់​ជាទូទៅ​ថា ជា​អ្នក​បាន​នាំ​ចិន​ឲ្យ​ចេញ​ផុត​ពី​ភាព​ឯកោ​​ក្រោយ​ហេតុការណ៍​ធានអានមេន ហើយឈាន​ជើង​ទៅ​ក្នុង​ឆាក​អន្តរជាតិ។

ការដឹកជញ្ជូន​តាមផ្លូវអាកាសគឺ​ជា​ប្រភពដ៏ចម្បងមួយ​នៃ​ការ​បញ្ចេញ​ឧស្ម័ន​នាំ​ឲ្យ​ផែនដី​ឡើងកម្តៅ។ ដើម្បី​កាត់បន្ថយ​ការ​បញ្ចេញ​ឧស្ម័ន​នៅ​ក្នុង​វិស័យ​នេះ គេនាំគ្នា​សំឡឹងឃើញ​យន្តហោះអគ្គិសនី​ថា​​ជា​មធ្យោបាយ​ដ៏​មាន​សក្តានុពល។ ក៏ប៉ុន្តែ គិតមកទល់នឹង​ពេល​បច្ចុប្បន្ន​នេះ នៅមាន​បញ្ហា​ប្រឈម​មួយ​ចំនួន ដែល​ជា​ឧបសគ្គ​រារាំងមិន​​ឲ្យ​យន្តហោះ​អគ្គិសនី​អាច​ក្លាយ​ជា​មធ្យោបាយដឹកជញ្ជូន​ផ្លូវអាកាសបាន។

នៅ​ថ្ងៃ​ចន្ទ ទី២៨ វិច្ឆិកា រដ្ឋាភិបាល​អ៊ីរ៉ង់​បាន​សាទរ​លើ​ការ​សម្រេចចិត្ត​របស់​រដ្ឋាភិបាល​អ៊ីរ៉ាក់​ក្នុង​ការ​បញ្ជូន​កម្លាំងទ័ព​ទៅ​ដាក់​នៅ​តំបន់​គួដឌីស្ថាន​អ៊ីរ៉ាក់​ជាប់​ព្រំដែន​អ៊ីរ៉ង់។ តំបន់​គួដឌីស្ថាន​ក្នុង​ទឹកដី​អ៊ីរ៉ាក់​ជា​តំបន់​ស្វយ័ត​ដែល​ជា​មូលដ្ឋាន​របស់​ក្រុម​ប្រឆាំង​គួដឌីស្ថាន​អ៊ីរ៉ង់។ ក្នុង​រយៈ​ពេល​ចុង​ក្រោយ​នេះ ពោល​តាំង​ពី​មាន​ចលនា​បាតុកម្ម​នៅ​អ៊ីរ៉ង់​ជាង ២ខែ​កន្លង​ទៅ កងឆ្មាំបដិវត្តន៍​អ៊ីរ៉ង់​បាន​ធ្វើ​ការ​វាយប្រហារ​លើ​ក្រុម​ប្រឆាំង​គួដឌីស្ថាន​អ៊ីរ៉ង់​លើ​ទឹកដី​អ៊ីរ៉ាក់​ដោយ​ប្រើ​មីស៊ីល និង​ដ្រូន។ អ៊ីរ៉ង់​បាន​ចោទ​ក្រុម​ប្រឆាំង​គួដឌីស្ថាន​អ៊ីរ៉ង់​ថា​ជា​អ្នក​គាំទ្រ និង​ញុះញង់​ឲ្យ​មាន​ការ​បះបោរ​នៅ​អ៊ីរ៉ង់​សព្វថ្ងៃ។ តើ​ក្រុម​ប្រឆាំង​គួដឌីស្ថាន​អ៊ីរ៉ង់​នៅ​លើ​ទឹកដី​អ៊ីរ៉ាក់​ជា​នរណា និង​មាន​ប្រភព​មក​ពី​ណា?។

នៅក្នុងកិច្ចខិតខំប្រឹងប្រែងទប់ស្កាត់​ការ​ឡើងកម្តៅផែនដី ការស្វែងរក​ថាមពល​បៃតង​ជំនួស​ថាមពល​ផូស៊ីល គឺ​ជា​រឿងចាំបាច់។ នៅក្នុង​វិស័យដឹកជញ្ជូន រថយន្តអគ្គិសនី​កំពុងជា​វិស័យ​អាទិភាពមួយ ដោយ​បណ្តា​ប្រទេស​ជាច្រើន​ដាក់គោលដៅ បញ្ឈប់​ការ​ផលិត និង​លក់​រថយន្តប្រើ​ប្រេង​ នៅ​ក្នុងរយៈពេល​ប្រមាណ​ជា ១០​ឆ្នាំខាងមុខ។ ក៏ប៉ុន្តែ សំណួរចោទឡើង​ចំពោះ​វិស័យដឹកជញ្ជូន​តាមផ្លូវអាកាស។ តើ​យន្តហោះ​អគ្គិសនី​អាច​ក្លាយ​ជា​មធ្យោបាយ​ដឹកជញ្ជូន​មួយដែរឬទេ ទៅថ្ងៃអនាគត?

កាលពីថ្ងៃទី១១វិច្ឆិកា​កន្លងទៅ រដ្ឋាភិបាល​ជប៉ុន​បាន​ប្រកាស​ឲ្យដឹង អំពី​គម្រោង​វិនិយោគ បង្កើត​ក្រុមហ៊ុន​ដ៏ធំមួយ ក្នុងគោលដៅ​បង្កើន​សមត្ថភាព​ក្នុងការ​ផលិត​សឺមីកុងឌុចទ័រ ហើយ​កាត់បន្ថយ​ការពឹងផ្អែក​លើ​ការនាំចូល​ពី​បរទេស ជាពិសេស តៃវ៉ាន់ ដែលកំពុង​ប្រឈម​នឹង​ស្ថានភាព​តានតឹងខ្លាំង​ជាមួយចិន។ តាមគម្រោង ជប៉ុន​ចង់​បង្កើន​សមត្ថភាព​​ក្នុងការ​ស្រាវជ្រាវ និង​ផលិត​សឺមីកុងឌុចទ័រ ដើម្បី​អាច​ប្រកួតប្រជែង​ជាមួយ​នឹង​តៃវ៉ាន់ និង​កូរ៉េ​ខាងត្បូង នៅ​ក្នុង​រយៈពេល ៥ឆ្នាំ​ខាងមុខ។

យោង​តាមរបាយការណ៍​របស់អង្គការ FAO ពិភពលោក​ត្រូវ​​គេ​រំពឹង​ថា​នឹង​ចំណាយ​ប្រាក់​ដ៏​ច្រើន​សន្ធឹក​សន្ធាប់​ក្នុង​ការ​នាំ​ចូល​ស្បៀងអាហារ​ ក្នុងទំហំទឹកប្រាក់ ១,៨ទ្រីលាន​ដុល្លារអាមេរិក​ នៅ​ក្នុង​ឆ្នាំ​នេះ។ នេះ​គឺ​ជា​កំណត់ត្រា​ពិភពលោក​ថ្មី​មួយ ហើយវាគឺជារឿងមួយដែល​គួរ​ឲ្យ​ព្រួយ​បារម្ភណាស់។ ប្រជាជនងាយរងគ្រោះបំផុតនៅលើពិភពលោកឥឡូវនេះចំណាយកាន់តែច្រើន សម្រាប់ស្បៀងអាហារកាន់តែតិច។

ប្រទេសវ៉ានូអាទូ ដែល​ជា​កូនកោះតូចមួយ នៅ​កណ្តាល​មហាសមុទ្រ​ប៉ាស៊ីហ្វិក ហើយ​ដែល​ជា​ប្រទេស​កំពុង​ប្រឈម​ខ្លាំង​នឹង​ការ​ឡើងកម្តៅផែនដី បាន​ផ្តួចផ្តើម​គំនិត​យក​សំណុំរឿង​ប្រែប្រួល​អាកាសធាតុ ទៅ​កាន់តុលាការយុត្តិធម៌អន្តរជាតិ​ក្រុងឡាអេ។ ការផ្តួចផ្តើម​គំនិត ដែល​ត្រូវ​បាន​ធ្វើឡើង តាំងពី​ឆ្នាំ២០២១​កន្លងទៅ ហាក់កំពុងតែ​មាន​ពន្លឺ ក្រោយ​ពី​​​ទទួល​បាន​នូវ​ការគាំទ្រ​ពី​ប្រទេស​កាន់តែច្រើន។ តើ​បណ្តឹង​ទៅកាន់​តុលាការ​យុត្តិធម៌​អន្តរជាតិ​នេះ ពិត​ជា​អាច​ជា​ដំណោះស្រាយ​ ជំរុញ​ឲ្យ​បង្កើន​វិធានការ​ប្រយុទ្ធប្រឆាំង​នឹង​ការឡើងកម្តៅផែនដី​បាន​មែន​ឬ​ក៏​យ៉ាងណា?

សន្និសីទអន្តរជាតិស្តីពីអាកាសធាតុ ដែលកំពុងប្រព្រឹត្តិធ្វើទៅ នៅទីក្រុង Charm-el-Cheikh ប្រទេស​អេហ្ស៊ីប ជិតដល់ថ្ងៃបិទបញ្ចប់ហើយ។ ប្រមាណជាងមួយសប្តាហ៍មកនេះ ក្រុមអ្នកជំនាញ និងតំណាងវិស័យនានា បាន​និយាយ​ដោះដូរ​យោបល់គ្នា ស្តីអំពីវិធានការចាំបាច់ ដើម្បីឈានទៅកាត់បន្ថយ​ការបញ្ចេញឧស្ម័ន​កាបូនិក​ ដែលជាប្រភពនៃការកើន​ឡើងកំដៅផែនដី​។ ក្នុងនោះដែរ វិស័យឧស្សាហកម្ម​ផលិតសម្លៀក​បំពាក់ គឺជា​អ្នកចូលរួម​បញ្ចេញ​ឧស្ម័ន​កាបូនិកទៅក្នុង​បរិយាកាស ដ៏សំខាន់ម្នាក់ដែរ។ ម៉ូដសម្លៀកបំពាក់​ថោកៗ ប្រើ​១ដង ២ដងបោះចោល បានជះឥទ្ធពល ជាទំលាប់អាក្រក់ដល់អ្នកប្រើប្រាស់ ដែលដូរម៉ូតញឹកញាប់ ដោយ​មិនគិតពី​​ផល​វិបាក​ផ្នែកបរិស្ថាន ដែលស្ថិតនៅពីក្រោយ​ការផលិតសម្លៀកបំពាក់ទាំងនោះ។ ទោះបីជា​មានចេតនា​ចង់កាត់បន្ថយ​ការបញ្ចេញឧស្ម័នកាបូនិក តែ​តំណាង​ក្រុ​មហ៊ុន​ឧស្សាហកម្មផលិត​សម្លៀក​បំពាក់ បានទទួលស្គាល់ថា ការងារនេះជារឿងលំបាកខ្លាំងណាស់​។