គិតត្រឹមពីរទសវត្សរ៍ចុងក្រោយនេះ បណ្ដាប្រទេសអឺរ៉ុបដែលភាគច្រើនជាសមាជិកសហភាពអឺរ៉ុបបានឆ្លងកាត់នូវវិបត្តិផ្សេងៗរួមគ្នា រាប់តាំងពីវិបត្តិហិរញ្ញវត្ថុកាលពីឆ្នាំ២០០៨ វិបត្តិបំណុលក្នុងប្រទេសក្រិក វិបត្តិតំបន់ចាយប្រាក់អឺរ៉ូ វិបត្តិជំងឺកូវីដ១៩ និងចុងក្រោយ គឺវិបត្តិសង្គ្រាមឈ្លានពានរបស់រុស្ស៊ីលើប្រទេសអ៊ុយក្រែន ហើយនិងវិបត្តិថាមពល។ ម្ដងជាពីរដង វិបត្តិនានាបានធ្វើឱ្យអឺរ៉ុបបែកបាក់ខ្លះ ហើយក៏រួបរួមគ្នាខ្លះ។ ទោះជាយ៉ាងណា មកដល់ពេលនេះ អឺរ៉ុបនៅបន្ដធ្វើដំណើរទៅមុខជាមួយគ្នា។

ប៉ុន្មាន​សប្តាហ៍មក​​នេះ កូរ៉េខាងជើង ប្រឹ​ងសម្តែង​​ឫទ្ធានុភាព​ខាង​កម្លាំង​អាវុធ តាមរយៈ​ការ​បាញ់មីស៊ីល​​យ៉ាង​ច្រើន​សន្ធឹក​ មាន​ទាំង​​មីស៊ីល​រយៈ​ចម្ងាយ​មធ្យមនិង​ចម្ងាយ​ឆ្ងាយ ព្រ​មទាំងបាញ់​មីស៊ីល​បាលីស្ទិក ​ទៀត​ផង។ ​​នេះគឺជាការ​វិ​វឌ្ឍ​ជឿនលឿន​ខាង​សមត្ថភាព​កងទ័ព​ជើង​គោក​របស់​របបក្រុង​ព្យុងយ៉ាង  ក៏ប៉ុន្តែ ប្រសិន​បើគេ​​ក្រឡេក​ទៅមើល​ ផ្នែក​កងទ័ពជើង​អាកាស​វិញនោះ​ គឺ​ កូរ៉េខាងជើង នៅមានកម្រិតខ្សោយខ្លាំង បើធៀបនឹងគូប្រជែង។ តើ​ហេតុអ្វី​បាន​ជា​ដូច្នេះ​?

នៅថ្ងៃទី​១៥វិច្ឆិកាខាងមុខនេះ ចំនួន​មនុស្ស​រស់នៅលើផែនដីយើង នឹងកើនដល់៨ពាន់លាននាក់។ តាមការព្យាករណ៍ ឥណ្ឌានឹងក្លាយ​ជាប្រទេស​ដែល​មាន​ប្រជាជនច្រើនជាងគេ ប្រមាណ​ ១៤០០លាននាក់ នៅរវាង១០ទៅ២០ឆ្នាំ​ខាងមុខ។ ចំនួន​​ប្រជាជន​ឥណ្ឌា​កាន់តែច្រើនបែបនេះ ធ្វើឲ្យគេបារម្ភថា ចំនួន​មនុស្ស​រស់នៅតាមទីក្រុងធំៗនៅឥណ្ឌា នឹងកាន់តែកកកុញណែនណាន់តាន់តាប់ ខ្លាំងឡើងថែមទៀត។​ បច្ចុប្បន្ននេះ ទីក្រុងធំៗនៅឥណ្ឌា កំពុងតែមានវិបត្តិ​ខ្លាំងរួចទៅហើយ ដោយសារតែ​ហេដ្ឋារចនាសម្ព័ន្ធសាធារណៈមិនគ្រប់គ្រាន់ ឆ្លើយតបទៅនឹង​ចំនួន​មនុស្ស​​​​​ដ៏ច្រើនសន្ធឹក។

នៅ​ក្នុង​ប្រទេស​វៀតណាម រដ្ឋាភិបាល​បាន​កំណត់​កម្មវត្ថុ​ប្រកប​ដោយ​មហិច្ឆតា​ខ្ពស់​សម្រាប់​បរិយាកាស។ នៅ​ក្នុង​មហិច្ឆតា​ដើម្បី​បរិស្ថាន​នេះ ក្រុង​ហាណូយ​បាន​ព្យាយាម​ងាក​ទៅ​រក​ថាមពល​កកើត​ឡើង​វិញ ឬ​ហៅ​ថាមពល​បៃតង​ដោយ​បែរ​ចេញ​បន្តិច​ម្តងៗ​ពី​ថាមពល​បាន​មក​ពី​ធ្យូងថ្ម។ គោលដៅ​ដែល​របប​កុម្មុយនិស្ត​ចង់​បាន គឺ​អព្យាក្រឹត​កាបូន​នៅ​ឆ្នាំ ២០៥០។ តែ​ក្រុម​អ្នកជំនាញ​បាន​មើល​ឃើញ​ថា ផ្លូវ​ឈាន​ទៅ​ដល់​គោលដៅ​មួយ​នេះ​នៅ​វែង​ឆ្ងាយ និង​លំបាក​ខ្លាំង។

អ្នក​កាសែត​ ជាង ​៥០ នាក់​ត្រូ​វ​បាត់​បង់​អាយុជីវិត ក្នុង​ពេល​បំពេញ​ការងារ នៅឆ្នាំ​២០២២​​​។ នេះបើតាម អង្គការ​អ្នកកាសែត​គ្មាន​ព្រំដែន និង​ អង្គការ​យូណេស្កូ ដែល​បាន​បញ្ជាក់ នៅក្នុងទិវាប្រយុទ្ធប្រឆាំងនឹងនិទ្ទណ្ឌភាពចំពោះឧក្រិដ្ឋកម្មលើអ្នកសារព័ត៌មាន ​នា​ថ្ងៃទី២វិច្ឆិកា។​  នាប៉ុន្មាន​ឆ្នាំចុងក្រោយ​នេះ អ្នក​សារព័ត៌មានបាត់​ខ្លួន​ គឺ​មាន​ចំនួន ​១១៨ នាក់  ហើយ ​អ្នក​កាសែត ជាប់​ក្នុង​ពន្ធនាគារ មា​នចំនួន​ ជាង​ ៥២០ នាក់​ នៅទូទាំង​ពិភពលោក​។​ ឋិត​ក្នុង​បរិបទអសុវត្ថិភាព​បែប​នេះ អ្នក​​​កាសែតដែល​ធ្វើ​សេចក្តីរាយការណ៍​ផ្នែកបរិស្ថាន ក៏​ទទួលរងការគំរាមកំហែងកាន់តែខ្លាំងឡើងៗដែរ។

តម្រូវការ​មាស នៅទូទាំងពិភពលោក បាន​កើនឡើងយ៉ាងខ្លាំង ជាពិសេសនៅក្នុងត្រីមាសទី​៣ឆ្នាំ​២០២២នេះ។ បើទោះបីជា​អ្នកវិនិយោគហិរញ្ញវត្ថុ មិនសូវចាប់អារម្មណ៍​ទិញមាស តែ​លោហៈពណ៌លឿងភ្លឺផ្លេកនេះ គឺជាតម្លៃគោល ដែលធានាគារកណ្តាលភាគច្រើន និយម​ទិញស្តុកទុក ជាពិសេសនៅក្នុង​គ្រាពិភពលោក​មានវិបត្តិ​សេដ្ឋកិច្ច។​ ទន្ទឹមគ្នានេះ អតិថិជនឯកជន ដែលភាគច្រើន​នៅឥណ្ឌា និង​នៅចិន ក៏បានសម្រុកទិញមាសទុកដែរ នៅរវាងប៉ុន្មាន​ខែចុងក្រោយ​នេះ ដែលធ្វើ​ឲ្យ​តម្រូវការ​មាស កើនឡើងកាន់តែខ្លាំង​។​

នៅ​ក្នុង​ប្រទេស​លីបង់ កៅអី​ប្រធានាធិបតី​កំពុង​នៅ​ទំនេរ ព្រោះ​អាណត្តិ​ប្រធានាធិបតី​លោក​មីស្ហែល អាអ៊ូន​បាន​ចប់​ត្រឹម​ថ្ងៃទី៣១ តុលា។ អវត្តមាន​ប្រធានាធិបតី​ថ្មី​ដោយសារ​តែ​សភា​បន្ត​និយាយ​មិន​ចុះ​សម្រុង​គ្នា​ក្នុង​ការ​ជ្រើសរើស​បេក្ខជន​ប្រធានាធិបតី​ថ្មី។ ក្នុង​ពេល​ជាមួយ​គ្នា រដ្ឋាភិបាល​សព្វថ្ងៃ​ក៏​ជា​រដ្ឋាភិបាល​ចាំ​ផ្ទះ ព្រោះ​តាំង​ពី​ក្រោយ​ការ​បោះឆ្នោត​សភា​នា​និទាឃរដូវ​កន្លង​មក រដ្ឋាភិបាល​ថ្មី​មួយ​នៅ​មិន​ទាន់​អាច​បង្កើត​បាន​នៅ​ឡើយ​ទេ។ ទន្ទឹម​នឹង​វិបត្តិ​ជាប់គាំង​នយោបាយ លីបង់​ក៏​កំពុង​ផុង​ខ្លួន​កាន់​តែ​ជ្រៅ​ទៅ​ក្នុង​វិបត្តិ​សេដ្ឋកិច្ច។ តើ​វិបត្តិ​ដែល​លីបង់​កំពុង​ជួប​ពេល​នេះ​នឹង​ជះផលវិបាក​អ្វី​ខ្លះ​ដល់​ប្រទេស និង​ថា ហេតុអ្វី​បាន​ជា​លីបង់​ជា​ប្រទេស​ដែល​ពិបាក​គ្រប់គ្រង ឬ​មិន​អាច​គ្រប់គ្រង​បាន?។

គ្រាន់​តែ​បក្ស​កុម្មុនិស្ត​ចិន បាន​បិទ​បញ្ចប់​មហាសន្និបាត និង​បង្ហាញ​សមាសភាព​មេដឹកនាំប្រទេស​ថ្មី ដែល​សុទ្ធ​ជា​មនុស្ស​ជំនិត​របស់​លោក ស៊ីជីនពីងភ្លាម ទីផ្សារ​ភាគហ៊ុនចិន នៅ​​ហុងកុង សៀងហៃ ... បាន​ដាំក្បាល​ចុះ​យ៉ាង​ខ្លាំង។ ចិន​ស្ថិត​នៅក្រោម​អំណាច​គ្រប់គ្រង​ដដែល​របស់​លោក ស៊ីជីនពីង ទេតើ ?! ហេតុ​អ្វី​ទីផ្សារហិរញ្ញវត្ថុ ជ្រួល​ច្របល់​បែប​នេះ ? ហើយ​អ្នក​​​វិនិយោគនាំ​គ្នា​រត់​ចេញ ?

នៅក្នុងពេល​ដែល​ពិភពលោក​កំពុងព្យាយាម​​ប្រឈម​នឹង​ការប្រែប្រួល​អាកាសធាតុ គោលដៅចម្បងមួយ ដែល​បណ្តា​ប្រទេស​ជាច្រើន​បានដាក់ចេញ គឺ​កាត់បន្ថយ​ការ​បញ្ចេញ​ឧស្ម័ន​កាបូនិក ហើយ​ឈាន​ទៅ​សម្រេច​គោលដៅ “ហ្សេរ៉ូកាបូន” នៅ​ត្រឹម​ឆ្នាំ២០៥០​ខាងមុខ។ ដើម្បី​អាច​សម្រេច​គោលដៅ វា​គឺ​ជា​រឿង​ចាំបាច់ ដែល​គេ​ត្រូវ​ងាកចេញ​ពី​ការប្រើ​ថាមពល​ផូស៊ីល ទៅប្រើ​ថាមពល​បៃតងវិញ។ ក៏ប៉ុន្តែ ការបង្កើន​ការផលិត​ថាមពល​បៃតង់​នេះ​អាច​នឹង​ធ្វើ​ពិភពលោក​ត្រូវ​ប្រឈម​នឹង​ការ​ប្រជែង​គ្នា​ដណ្តើម​វត្ថុធាតុដើម​យុទ្ធសាស្រ្ត​ថ្មី ដូចអ្វីដែល​កើតឡើង​ចំពោះ​ប្រេង​ក្នុង​សម័យកាល​បច្ចុប្បន្ន។

នៅ​ក្នុង​ប្រទេស​ចិន សមាជ​បក្សកុម្មុយនិស្ត​លើកទី២០ រយៈពេល​មួយ​សប្តាហ៍​បាន​បិទបញ្ចប់​កាល​ពី​ចុង​សប្តាហ៍​កន្លង​ទៅ។ ក្នុង​ថ្ងៃ​អាទិត្យ ទី២៣ តុលា លោក​ស៊ី ជីនពីង​ត្រូវ​បាន​គណៈកម្មាធិការ​កណ្តាល​មជ្ឈិមបក្ស​ជ្រើស​តាំង​ឲ្យ​ធ្វើ​ជា​អគ្គលេខាធិការបក្ស​អាណត្តិទី៣ សម្រាប់​៥​ឆ្នាំ​បន្ថែម​ទៀត។ នៅ​ក្នុង​តំណែង​នេះ លោក​ស៊ី​ក៏​នឹង​ត្រូវ​កាន់​តំណែង​ប្រធានាធិបតី​មួយ​អាណត្តិ​ថ្មី​ដែរ។ តែ​គេ​បាន​សង្កេត​ឃើញ​ថា ស្រ្តី​ត្រូវ​បាន​អវត្តមាន​នៅ​ក្នុង​ស្ថាប័នកំពូល ខណៈ​ដែល​ចំនួន​ស្រ្តី​មាន​ជិត​ពាក់​កណ្តាល​នៅ​ក្នុង​ចំណោម​ពលរដ្ឋ​ចិន​ទាំង​ជាង ១ ៤០០លាននាក់។ តើ​ស្រ្តី​ចិន​គ្មាន​សមត្ថភាព​ដើម្បី​កាន់​អំណាច ឬ​មួយ​ក៏​សង្គម​ចិន​មាន​ការ​រើសអើង​ចំពោះ​ស្រ្តីភេទ?