"मागणे हे एक रामा आपुल्या द्या पादुका!" हे भरताने अत्यंत काकुळतीने मागितलेले दान प्रभू श्रीराम नाकारू शकले नाहीत. भरताने त्या पादुकांना राज्याभिषेक केला आणि स्वतः त्या राज्याचा कारभारी म्हणून कारभार पाहू लागले. इकडे प्रभू श्रीरामाने चित्रकूट सोडला आणि ते दक्षिणेला निघाले. वाटेत त्यांनी अनेक राक्षसांचा नायनाट केला .10 वर्षानंतर ते गोदावरी तटावर पंचवटीत आले. एकदा या पर्णशाळेच्या ओट्यावर प्रभू श्रीराम,बंधू लक्ष्मण आणि माता जानकी सह वार्ता विनोद करत असताना एक अद्भुत स्त्री तिथे आली .ती प्रभू श्रीरामांना न्याहाळत हलके हलके मंजुळ स्वर काढत प्रभू श्रीरामांना काय म्हणाली ? ऐकू या ......

कोण तू कुठला राजकुमार !गीत# रामायण भाग 28

जय #श्रीराम​!@harshaseartreat.

"आश्रया गुहेकडे जानकीस पाठवा

चापबाण घ्या करी सावधान राघवा "अशा प्रकारे प्रभू श्रीरामांना' सावधान 'अशी सूचना देणारा लक्ष्मण भरतावर धावून जातो तेव्हा प्रभू श्रीरामांनी त्याला परत शांत केले .भरत वेड्यासारखीच प्रभू श्रीरामांच्या चरणांना मिठी घालतो. आणि पित्याच्या निधनाची वार्ता देऊन प्रभू श्रीरामांना परत परत अयोध्येस येण्यासाठी विनंती करू लागला तेव्हा त्याचे सांत्वन करून प्रभू श्रीराम त्याला काय म्हणतात ऐकू या....

"पराधीन आहे जगती पुत्र मानवाचा

दोष ना कुणाचा!"

"माता न तू वैरिणी" अशाप्रकारे कैकेयीची निर्भत्सना केल्यानंतर भरत प्रभू श्रीरामांचा शोध घेण्यासाठी निघाला. भरद्वाजाश्रमी त्याला प्रभू श्रीरामांचा मार्ग कळला. इकडे वनात प्रभू श्रीराम, माता जानकी आणि बंधू लक्ष्मण यांच्याबरोबर विहार करीत असताना एकाएकी उत्तर दिशेकडून धुळीचे लोट दिसू लागले. तेव्हा बंधू लक्ष्मण प्रभू श्रीरामांना काय म्हणतो ऐकूया..

"आश्रया गुहेकडे जानकीस पाठवा!"

गीत रामायण!

गीतरामायण!

"दाटला चोहीकडे अंधार "असे महाराज दशरथ म्हणत असतानाच" राम ,राम" असे आर्ततेने रामाला बोलवत असतानाच त्यांचे प्राणक्रमण झाले. इकडे आजोळाहून भरत अयोध्येला आल्यानंतर आपल्या आईच्या कृत्यामुळेच अयोध्येला अवकाळा प्राप्त झाली आहे हे कळताच त्याचा संताप अनावर होतो आणि तो काय म्हणतो? ऐकूया.....

माता न तू वैरिणी!

"शेवटी करिता नम्र प्रणाम ,बोलले इतुके मज श्रीराम" हे मंत्री सुमंताचे बोलणे ऐकून महाराज दशरथांचे अवसान गळून पडले. त्यांचा कंठ दाटून आला आणि ते भ्रमातच काय बोलू लागले ?ऐकूया ....

"दाटला चोहीकडे अंधार"

गीत रामायण भाग -23.

"या इथे लक्ष्मणा बांध कुटी "या प्रभू श्रीरामांच्या आज्ञेप्रमाणे लक्ष्मणाने शाखा पल्लवांची जमवाजमव करून सुंदर कुटी उभी केली. प्रभू श्रीराम ,माता सीता आणि लक्ष्मण तिघांनीही कुटीमध्ये प्रवेश केला. प्रभू श्रीरामांची आज्ञा घेऊन मंत्री सुमंत अयोध्येस परत आला. सुमंत परत आल्याचे पाहताच अश्रू भरल्या डोळ्यांनी महाराज दशरथ त्याला विचारू लागले, "माझा राम काय रे म्हणाला जाताना? "तेव्हा खालच्या मानेने सुमंत महाराज दशरथांना काय सांगतात ......ऐकू या......

"शेवटी करिता नम्र प्रणाम बोलले इतुके मज श्रीराम!"

#गीत रामायण

"श्रीरामांचे नाम गात या श्रीरामाला पार करू" असे म्हणत म्हणत नौका गंगा पार झाली. प्रभू श्रीराम माता सीता आणि बंधू लक्ष्मण यांच्यासह भरद्वाज मुनींच्या आश्रमात आले. त्यांनी प्रभू श्रीरामांना चित्रकूट पर्वताचा मार्ग दाखविला आणि त्यावेळी प्रभू श्रीराम बंधू लक्ष्मणाला काय सांगतात...... ऐकूया. "या इथे लक्ष्मणा बांध कुटी"

गीत रामायण!

"थांब सुमंता थांबवि रे रथ" ही नगरजनांची प्रार्थना श्रीरामांचा रथ अडवू शकली नाही .बंधू लक्ष्मण आणि पत्नी जानकी यांच्यासह श्रीराम अयोध्येच्या बाहेर पडले .श्रीराम गंगातीरी शृंगवेरपुरास आले. निषादाधिपती गुहानं श्रीरामांचं दर्शन घेतलं आणि अत्यंत भक्तीनं त्यांचं आदरातिथ्य केलं. श्रीराम सीता लक्ष्मणासह नौकेमध्ये चढले . नावाडी नौका वल्हवू लागले .लाटांवर लाटा आढळू लागल्या आणि नौका वल्हवता वल्हवता गुहासह त्याचे नावाडी गाऊ लागले, म्हणू लागले .......

"नकोसं नौके परत फिरू ग नकोस गंगे उर भरू"

गीत रामायण!

'जेथे राघव तेथे सीता' या सीतेच्या निश्चयापुढे श्रीराम काय बोलणार.... प्रभू श्रीराम, बंधू लक्ष्मण आणि माता जानकी तिघेही वल्कले धारण करून सर्वांचा निरोप घेऊन वनवासाला निघाले. सुमंत मंत्री त्यांच्या रथावर बसला .आज सारी अयोध्या नगरी अत्यंत शोकमग्न अवस्थेत घराबाहेर पडली आहे . मंत्री सुमंताला हाक मारून मारून ते प्रभू श्रीरामांचा रथ थांबविण्याची विनंती करत आहेत आणि म्हणत आहेत....

थांब सुमंता थांबविरे रथ!