"Söfnin á Íslandi eru búin að stunda útilokun á hinsegin fólki, í sínu karllæga veldismunstri, svo lengi sem sögur herma. Og ef að karlar þurfa að vera að kvarta yfir því að einhver hópur ætli að taka sér pláss, þá verða þeir bara að gjöra svo vel að kyngja því." Þetta er skoðun Yndu Eldborgar, sem er ein sýningarstýra sýningarinnar Til sýnis: Hinsegin umfram aðra , sem nú stendur yfir í Nýlistasafninu. Sýningin er sú fyrsta í íslensku safni sem ávarpar stöðu og sýnileika hinsegin myndlistarfólks, nú og í sögulegu samhengi.

Í júlí árið 1518 fór af stað sérkennilegur faraldur á svæði sem nú tilheyrir Frakklandi. Faraldurinn upphófst hjá konu sem einn heitan sumardag steig út á stræti Strausburgar og byrjaði að dansa. Enn þann dag í dag leita leiknir og lærðir skýringa á því sem svo gerðist. Í tilefni þess að á morgun hefst nokkurra daga danshátíð í Reykjavík ætlum við að minnast þessa sérkennilega atburðar í sögu Evrópu.

En við hefjum þáttinn í leikhúsinu, en nýtt íslenskt verk, Eyja, var frumsýnt um liðna helgi. Eva Halldóra Guðmundsdóttir rýnir í sýninguna í þætti dagsins.

Umsjón: Halla Harðardóttir og Melkorka Ólafsdóttir