മണിപ്പൂർ കലാപം മറ്റെല്ലാ വാർത്തകളും പിന്തളളി ഒന്നാംപേജിലെ ഒന്നാംസ്ഥാനത്തേക്ക് വരികയാണ്. ഇംഫാലിൽ വിദ്യാർഥികൾ തെരുവിൽ ഇറങ്ങിയിരിക്കുന്നു. കുക്കികൾ വംശഹത്യയെ ഭയക്കുന്നു എന്ന വിധത്തിലൊക്കെ വിവരങ്ങൾ പുറത്തുവരുന്നു. കേരളത്തിലെ ആഭ്യന്തരവകുപ്പ് കലാപം കൂടുതൽ ദുരൂഹമാവുകയാണ്. എഡിജിപിയോടൊപ്പം ആർഎസ്എസ് നേതാവ് രാംമാധവിനെ കാണാൻ പോയവരുടെ പേരുകൾ പുറത്തുവിട്ടാൽ കേരളം ഞെട്ടുമെന്നാണ് പ്രതിപക്ഷ നേതാവ് പറയുന്നത്. എന്നാൽ ഇതിനെയൊക്കെ മറികടക്കാൻ ഉമ്മൻചാണ്ടിയുടെ മകൻ കേന്ദ്രസർക്കാരിന്റെ അഭിഭാഷക പാനലിൽ എത്തിയെന്നും കേരളത്തിലെ ഒരു കോൺഗ്രസ് എംപി ബിജെപിയിൽ എത്തുമെന്നും പറയുന്നു ദേശാഭിമാനി | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം - പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവൺ

എഡിജിപി എം.ആർ അജിത്കുമാറിന്റെ ആർഎസ്എസ് ബന്ധം സിപിഎമ്മിനുളൡ ഉണ്ടാക്കിയ അലോസരം വലുതായി വരുന്നതാണ് ഇന്നത്തെ പ്രധാന വർത്തമാനം. അതൃപ്തി പുറത്ത് എന്ന് മലയാള മനോരമ. സിപിഎം കൈകഴുകുന്നു, പാർട്ടിയിൽ മുഖ്യമന്ത്രി ഒറ്റപ്പെട്ടു എന്നാണ് മാതൃഭൂമിയുടെ വായന. ഗ്രാമപഞ്ചായത്ത് വാർഡുകൾ വർധിപ്പിച്ചതാണ് മാധ്യമത്തിന് പ്രധാനവാർത്ത | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം - പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവൺ

പി.വി അൻവർ എംഎൽഎയുടെ വെളിപ്പെടുത്തലുകളെ തുടർന്നുണ്ടായ സംഭവവികാസങ്ങൾ വ്യക്തമായും രണ്ടായി തിരിഞ്ഞിരിക്കുന്നു. രാഷ്ട്രീയവും ഭരണപരവും. രാഷ്ട്രീയ പ്രത്യാഘാതം എഡിജിപി അജിത്കുമാറിന്റെ ആർഎസ്എസ് ബന്ധത്തിന്റെ അകംപൊരുൾ തേടുന്നു. ഭരണപരമായ നടപടികൾ സുജിത്ദാസിന്റെ കാലത്ത് മലപ്പുറത്ത് നടന്ന പൊലീസ് അതിക്രമങ്ങളുടെ ഉളള് ചികയുന്നു. | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം- പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവണ്‍

അൻവർ എംഎൽഎയും അജിത്കുമാർ എഡിജിപിയും നടിക്കുന്ന ഉദ്വേഗജനകമായ അടിപ്പടം തന്നെയാണിന്നും ഹരം പകരുന്നത്. അജിത്കുമാറും ഒരു ആർഎസ്എസ് നേതാവും ഒരേദിവസം ഒരേ ഹോട്ടലിൽ ഉണ്ടായിരുന്നതായും ആർഎസ്എസിന്റെ ഒരു പോഷക സംഘടനാ ഭാരവാഹി ഓടിച്ച കാറിലാണ് എഡിജിപി അവിടെ എത്തിയതെന്നും മലയാള മനോരമ പറയുന്നു. സിപിഎം നവമാധ്യമ ഇടപെടൽ അടിമുടി പ്രൊഫഷനലാക്കുമെന്ന് മാതൃഭൂമി പറയുന്നു. രാജ്യത്തെ 85 ശതമാനം ജില്ലകളും കാലാവസ്ഥാ വ്യതിയാനത്തിന്റെ ഭീഷണിയിലാണെന്ന് മാധ്യമം വിവരം തരുന്നു. ഇങ്ങനെ വാർത്തകൾ അനവധിയുണ്ട്. | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം- പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവണ്‍

ഹേമകമ്മിറ്റി റിപ്പോർട്ടിന്റെ തുടർചലനങ്ങളും അൻവർ കലാപത്തിന്റെ അനുരണനങ്ങളും തന്നെയാണ് ഇന്നും പത്രങ്ങളുടെ പ്രധാനവിഭവങ്ങൾ. ഹേമകമ്മിറ്റിക്കുശേഷം വന്ന പരാതികളെല്ലാം ഹൈക്കോടതിയിലെ പ്രത്യേക ബെഞ്ച് പരിഗണിക്കും. അൻവറിന്റെ ആരോപണങ്ങൾ സിപിഎമ്മിനകത്ത് ചലനങ്ങൾ ഉണ്ടാക്കിത്തുടങ്ങി. അതിന് പിന്നാലെ പ്രതിപക്ഷ നേതാവ് ഉന്നയിച്ച ആർഎസ്എസ്-എഡിജിപി ചർച്ചയും കത്തിത്തുടങ്ങി. അങ്ങനെ ആ രണ്ട് വിവാദങ്ങളും പടരുകതന്നെയാണ്. കേൾക്കാം | വേറെയുമുണ്ട് വാർത്തകൾ | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം- പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവണ്‍

പി.വി അൻവർ എംഎൽഎ തുടങ്ങിവച്ച കലാപത്തിന്റെ അലയൊലികൾ തന്നെയാണിന്നും പത്രങ്ങളിൽ മുഴങ്ങിക്കേൾക്കുന്നത്. ഇനി പാർട്ടിയുടെ കോർട്ടിൽ എന്ന് മലയാള മനോരമ. ഉന്നം മുഖ്യമന്ത്രിയാണോ എന്നൊരു ചോദ്യചിഹ്നത്തോടെ മാതൃഭൂമി. മുഖ്യമന്ത്രിയാക്കിയത് പാർട്ടിയാണ് എന്ന അൻവറിന്റെ മധുരം പുരട്ടിയ മുന്നറിയിപ്പായി കാണുന്നു മാധ്യമം. അൻവർ ചാവേറാണോ എന്ന് ദീപിക. പി. ശശിക്കെതിരെ പാർട്ടിക്ക് പരാതിയെന്ന് മം​ഗളവും അടങ്ങാതെ അൻവർ, ഏറ്റെടുത്ത് സിപിഎം എന്ന് കേരള കൗമുദിയും. അതിനൊക്കെയപ്പുറം സംസ്ഥാന സെക്രട്ടറിയുടെ നാട്ടിൽ ബ്രാഞ്ച് സമ്മേളനം നടക്കാതെപോയ കഥയുമുണ്ട് സിപിഎമ്മിൽ.

വേറെയുമുണ്ട് വാർത്തകൾ | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം- പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവണ്‍

അൻവർ കലാപം അടങ്ങിയെന്ന മട്ടിലുളള തലക്കെട്ടുകളാണ് ഇന്ന് പത്രങ്ങൾ നിരത്തുന്നത്. അൻവറിന്റെ നീക്കം അടങ്ങിയെന്നും എ.ഡി.ജി.പിക്കെതിരായ നീക്കം ഒതുക്കിയെന്നും മനോരമ. എല്ലാം രാജിയായി എന്ന് മാതൃഭൂമി. മുഖ്യമന്ത്രി വിലക്കി അൻവർ വഴങ്ങി എന്ന് മാധ്യമം. ആ കലാപത്തിന്റെ പരിണിതികൾ സംബന്ധിച്ച് അങ്ങനെ പല പല വിലയിരുത്തലുകൾ. വേറെയുമുണ്ട് വാർത്തകൾ | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

നിലമ്പൂർ എംഎൽഎ പി.വി അൻവർ തുടങ്ങിവെച്ച ആഭ്യന്തരയുദ്ധം ഇഴഞ്ഞുനീങ്ങുകയാണ്. മറുപക്ഷത്തുനിന്ന് കാര്യമായി വെടിയൊച്ചയൊന്നും കേൾക്കുന്നില്ല. ആഭ്യന്തരവകുപ്പിന്റെ പാളയത്തിലെ നീക്കങ്ങളെല്ലാം രഹസ്യമാണ്. എഡിജിപിക്ക് അനക്കമില്ല. പത്തനംതിട്ട എസ്പി സുജിത്ദാസിന് സ്ഥലം മാറ്റമേയുള്ളൂ. അൻവർ ഉന്നയിച്ച ആരോപണങ്ങൾക്കെല്ലാം ഒറ്റ മറുപടി മാത്രം. അന്വേഷിക്കട്ടെ, അതാണ് മനോരമയുടെ തലക്കെട്ട്. അന്വേഷിക്കട്ടെ! ഒരു മാറ്റവുമില്ല എന്ന് മാതൃഭൂമി. ആഭ്യന്തരകലാപം ലൈവ് എന്ന് മാധ്യമം. ആ കലാപമാണിന്ന് പത്രങ്ങളുടെയെല്ലാം ഒന്നാം പേജിൽ നിറഞ്ഞുനിൽക്കുന്നത്. ഡിജിപി അന്വേഷിക്കുമെന്നാണ് ദേശാഭിമാനി പറയുന്നത്. | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

പി.വി അൻവർ എംഎൽഎ ജില്ലാപൊലീസ് സൂപ്രണ്ടുമാരെ ചാരി ആഭ്യന്തരവകുപ്പിനിട്ട് തല്ലുന്നതാണ് പത്രങ്ങളുടെ ഒന്നാം പേജിലെ ഇടിമിന്നലായത്. പൊലീസ് തലപ്പത്ത് അധോലോകം എന്ന എംഎൽഎയുടെ വാക്കുകൾ എടുത്താണ് മനോരമ തലക്കെട്ടാക്കിയത്. ആഭ്യന്തരയുദ്ധം എന്ന് മാതൃഭൂമി. എംഎൽഎയുടെ അമ്യൂസ്‌മെന്റ് പാർക്കിനെ ഓർമ്മിപ്പിക്കണ കാർട്ടൂണും. പി.ശശി പരാജയം, എഡിജിപി കൊല്ലിക്കുന്നു തുടങ്ങി എംഎൽഎയുടെ ആരോപണങ്ങൾ തലക്കെട്ടാക്കിയാണ് മാധ്യമം വരുന്നത്. മുഖ്യമന്ത്രിയുടെ ഓഫിസിനെ കുലുക്കി അൻവർ ബോംബ് എന്ന് കേരളകൗമുദി. അൻവാർ എന്ന് മംഗളം. സുപ്രഭാതവും വാർ തന്നെ- അൻവാർ. മന്ത്രിമാരുടെ ഫോൺ ചോർത്തുന്നു എന്ന് ജന്മഭൂമിയും ആഭ്യന്തരവകുപ്പിൽ അധോലോകമെന്ന് വീക്ഷണവുമൊക്കെ അലമുറയിടുന്നു. ദേശാഭിമാനി ഇതൊന്നും അറിഞ്ഞതേയില്ല. കോൺഗ്രസിലും പവർഗ്രൂപ്പ് ഉണ്ടെന്ന് വിമർശനം ഉന്നയിച്ച സിമിറോസ്‌ബെൽ ജോണിനെ കോൺഗ്രസിൽ നിന്ന് പുറത്താക്കിയതാണ് ദേശാഭിമാനിക്ക് മുഖ്യവാർത്ത. മണിപ്പൂരിലെ വെടിവെപ്പും ബോംബാക്രമണവുമാണ് സിറാജിന് മുഖ്യം. ആ രണ്ട് പത്രങ്ങളും കേരളത്തിന് ആശ്വാസമാണ്. അവയിൽ എല്ലാം ഭദ്രമാണ്. |കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

സിനിമാരംഗത്തു നിന്നുള്ള സംഭ്രമജനകമായ വാർത്തകൾ വന്നുകൊണ്ടേയിരിക്കുന്നുണ്ടെങ്കിലും അതിനേയും വെല്ലുന്ന ട്വിസ്റ്റുകളോടുകൂടി രാഷ്ട്രീയ വാർത്തകൾ കളം പിടിച്ച ദിവസമാണിന്ന്. ഓർക്കാപ്പുറത്ത് സി.പി.എം ഇ.പി ജയരാജനെ എൽ.ഡി.എഫ് കൺവീനർ സ്ഥാനത്തു നിന്നൊഴിവാക്കിയതും പകരം ടി.പി രാമകൃഷ്ണനെ പ്രതിഷ്ഠിച്ചതുമാണൊരു കഥ. നിലമ്പൂരിലെ സി.പി.എം സ്വതന്ത്ര എം.എൽ.എ അൻവറും മലപ്പുറത്തെ മുൻ എസ്.പിയും തമ്മിലുള്ള പോര് എം.എൽ.എയും ആഭ്യന്തര വകുപ്പും തമ്മിലുള്ള ശീതസമരമായി മാറുമോ എന്നതാണ് മറ്റൊരു കടങ്കഥ. ഓണത്തിന് കൂടുതൽ അരി, ഡി.എ പിൻവലിക്കുന്നതിന് വിലക്ക് തുടങ്ങി ഓണക്കാലത്തെ സാമ്പത്തിക വാർത്തകൾ വേറെയുമുണ്ട്. |കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast