മുണ്ടക്കൈ-ചൂരൽമല ദുരന്തത്തിലെ പുനരധിവാസ കാര്യത്തിൽ ഹൈക്കോടതിയുടെ കർശനമായ മേൽനോട്ടമുണ്ട്. അത് ഇന്നത്തെ പ്രധാനവാർത്തകളിലൊന്നാണ്. മറ്റൊന്ന് സിനിമാപീഡനത്തിലെ അന്വേഷണമാണ്. ആ കാര്യത്തിൽ അന്വേഷണ സംഘം തന്നെ കർശനമായാണ് ഇപ്പോൾ മുന്നോട്ട് പോകുന്നത്. ആ വാർത്തയും തുല്യപ്രാധാന്യത്തോടെ തന്നെ വിന്യസിച്ചിട്ടുണ്ട് പത്രങ്ങൾ. അതിനപ്പുറത്തുമുണ്ട് പ്രധാനവാർത്തകൾ. ഇ-വാഹനങ്ങൾ ചാർജ് ചെയ്യുന്നതിന് നിരക്ക് കുറയാൻ സാധ്യതയുണ്ടെന്ന് മാതൃഭൂമിയുടെ ലീഡ് വാർത്ത. അങ്ങനെ അനവധിയുണ്ട് വാർത്തകൾ. |കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

സിനിമാപീഡനത്തിന്റെ വാർത്തകൾ സിപിഎം എംഎൽഎ മുകേഷിനെ വട്ടമിട്ട് കറങ്ങുകയാണ്. എംഎൽഎ സ്ഥാനം രാജിവെക്കണമെന്ന് മുന്നണിയിലെ രണ്ടാംകക്ഷിയായ സിപിഐ ആവശ്യപ്പെടുമ്പോഴും നാണംകെട്ടാലും എംഎൽഎ സ്ഥാനം നിലനിർത്തണമെന്ന നിലപാടിലാണ് സിപിഎം. അതേസമയം സംസ്ഥാന സർക്കാരിന്റെ സാമ്പത്തിക സ്ഥിതി ദയനീയമായതിനാൽ പദ്ധതികൾ പാതിയും വെട്ടിയിട്ടുണ്ട്. എങ്കിലും വയനാടിനും വിലങ്ങാടിനും പുനരധിവാസ പാക്കേജ് പ്രഖ്യാപിച്ചിട്ടുണ്ട്. വാർത്തകൾക്ക് അപ്പുറത്തേക്ക് കടന്നാൽ, സിനിമാ പീഡനത്തെക്കുറിച്ചും ഹേമ കമ്മിറ്റി റിപ്പോർട്ടിനെക്കുറിച്ചുമുളള നിലപാടുകളുമുണ്ട്. മലയാള മനോരമയിൽ സക്കറിയയുടെ പംക്തിയിൽ അതുണ്ട്. മാതൃഭൂമിയിൽ ടി. പത്മനാഭന്റെ പ്രസംഗത്തിലുമതുണ്ട്.| കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

പാലക്കാട് 3806 കോടി രൂപ മുതൽമുടക്കിൽ വ്യവസായനഗരം നിർമ്മിക്കുമെന്ന കേന്ദ്ര പ്രഖ്യാപനമാണ് ഇന്നത്തെ പ്രധാനവാർത്ത. സിനിമാരംഗത്തെ ലൈംഗികചൂഷണം ഗുരുതരമായ വഴിത്തിരിവിൽ എത്തിയിരിക്കുകയാണ്. നായകന്മാരും വില്ലന്മാരും തമ്മിൽ വ്യത്യാസമില്ല. പരക്കെ ബലാത്സംഗക്കേസുകൾ വരുന്നു. ഇതിനെല്ലാമിടയിലും മുണ്ടക്കൈ-ചൂരൽമല ദുരന്തഭൂമിയിൽ നിന്ന് ഉളളുലക്കുന്ന വാർത്തകൾ പുറത്തേക്ക് വരുന്നുണ്ട്. നഷ്ടപരിഹാരം വാങ്ങാൻപോലും ആളില്ലാത്തവിധം ഇല്ലാതായത് 58 കുടുംബങ്ങളാണ്. ഫലസ്തീനിലും തീ കെടുന്നില്ല. ഗസ്സയെ ഇല്ലാതാക്കിയ ഇസ്രായേൽ ഭീകരത വെസ്റ്റ്ബാങ്കിലേക്ക് തിരിഞ്ഞിട്ടുണ്ട്. | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

സിനിമാ അഭിനേതാക്കളുടെ സംഘടനയായ അമ്മയിലുള്ള ആഭ്യന്തരക്കുഴപ്പം തന്നെയാണ് പത്രങ്ങളുടെ മുഖ്യവിഭവം. പ്രസിഡന്റ് മോഹൻലാലും സഹഭാരവാഹികളും രാജിവെച്ചുകൊണ്ട് ആ സംഘടനയുടെ ചലനശേഷി നഷ്ടപ്പെടുത്തിയതാണ് പുതിയ ട്വിസ്റ്റ്. ക്ലൈമാക്സായിട്ടില്ല, കഥ തുടരും. കേരളത്തിന് സഹായം അഭ്യർഥിച്ച്കൊണ്ട് മുഖ്യമന്ത്രി പിണറായി വിജയൻ ഡൽഹിയിൽ പോയി പ്രധാനമന്ത്രി നരേന്ദ്രമോദിയെ കണ്ടതുണ്ട്, ഡൽഹി മദ്യനയക്കേസിൽപെട്ട് അഞ്ചുമാസത്തോളമായി തടവിൽ കഴിയുന്ന ബിആർഎസ് നേതാവ് കവിതയ്ക്ക് സുപ്രിംകോടതി ജാമ്യം അനുവദിച്ചതുണ്ട്. അങ്ങനെ കേരളത്തിന് പുറത്തുനിന്നും വാർത്തകൾ അനവധിയുണ്ട് | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

മലയാള സിനിമാക്കൊട്ടകയിലെ തീ കെട്ടിട്ടില്ല. അത് ആളിപ്പടരുകയാണ്. അതങ്ങനെ ഗ്രാഫിക്കലായി ദൃശ്യചാരുതയോടെ അവതരിപ്പിക്കുകയാണ് മാതൃഭൂമി. ആളിക്കത്തുന്ന ഒരു മുഖംമൂടി. വെളളിത്തിരയിൽ തീയാളുന്നു എന്ന് തലക്കെട്ടും. മുഖമില്ലാത്ത അനവധി മുഖങ്ങൾ ചേർന്നൊരു വനിതാമുഖമാണ് മലയാള മനോരമയുടെ ചിത്രാവിഷ്‌കാരം. സിനിമാപീഡനം, വെളിപ്പെടുത്തലുകളിൽ നടപടി തുടങ്ങിയെന്ന് വിവരണം. സിനിമാപീഡനം എന്നൊരു വാക്ക് മനോരമ കൊണ്ടുവന്നിരിക്കുന്നു. അമ്പുകൊളളാത്തവരില്ല എന്നാണ് മാധ്യമത്തിന്റെ തലക്കെട്ട്. അമ്മയെന്ന സ്ഥാപനത്തെ ചുട്ടുചാമ്പലാക്കി ഹേമ കമ്മിറ്റി റിപ്പോർട്ട് എന്ന ബോംബ് പൊട്ടിത്തെറിക്കുന്ന കാർട്ടൂണാണ് മാധ്യമത്തിന്റെ സവിശേഷത. അകലെ മാറിനിൽക്കുന്ന മൂന്നുപേർ. മുഖ്യമന്ത്രിയും സിനിമാമന്ത്രി സജിചെറിയാനും മുൻ സിനിമാമന്ത്രി എ.കെ ബാലനും. മുഖ്യമന്ത്രി പറയുന്നു, നമ്മൾ നാലരവർഷമെടുത്ത് നിർവീര്യമാക്കിയ ബോംബാണ് എന്ന്. വി.ആർ രാഗേഷിന്റെ കാർട്ടൂൺ, അതാണ് ഇന്ന് മാധ്യമത്തിന്റെ മുഖം. | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

സിനിമാമേഖലയിൽ നിന്നുളള വെളിപ്പെടുത്തലുകളും ഒഴിഞ്ഞുമാറലുകളും തന്നെയാണിന്നും പ്രധാന പത്രവിഭവം. വെളളിത്തിര വിപ്ലവം എന്ന് മലയാള മനോരമ, മാനം കാക്കാൻ എന്ന് മാതൃഭൂമി, തലകൾ ഉരുളുമെന്ന് മാധ്യമം. നേരറിയാൻ ഉന്നത പൊലീസ് സംഘമെന്ന് കേരളകൗമുദി. നിരവധി ട്വിസ്റ്റുകൾ നിറഞ്ഞ ഉദ്വേഗജനകമായൊരു തിരക്കഥപോലെ വായിച്ചുപോകാവുന്ന പത്രങ്ങൾ. മറ്റുവാർത്തകളുമുണ്ട്. ഹിസ്ബുല്ല-ഇസ്രായേൽ പോലെ, ടെലഗ്രാം സി.ഇ.ഒ പവേൽ ദുറോവിന്റെ അറസ്റ്റ് പോലെ ലോകത്ത് സംഭവവികാസങ്ങൾ പലതുമുണ്ട്.| കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം- പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവണ്‍

യു.പി.എസ്.സി, സാലറി ചലഞ്ച് തുടങ്ങിയ ചില വാർത്തകളൊക്കെ പരസ്യത്തിനിടയിൽ വിന്യസിച്ചിട്ടുണ്ടെങ്കിലും പത്രങ്ങളുടെ ഇന്നത്തെയും പ്രധാനവിഭവം, ഹേമ കമ്മിറ്റിയുടെ തുടർചലനങ്ങൾ തന്നെയാണ്. ചലച്ചിത്ര അക്കാദമി ചെയർമാൻ രഞ്ജിത് ഇന്ന് രാജിവെച്ചേക്കുമെന്ന് വാർത്തയുണ്ട്. അമ്മയുടെ ജനറൽ സെക്രട്ടറി സിദ്ദീഖ് പീഡിപ്പിച്ചെന്ന് ഒരു യുവനടിയുടെ വെളിപ്പെടുത്തലുമുണ്ട്. അതിന്റെ അനുരണനങ്ങളോടെയാണ് ഇന്നത്തെ ദിവസം തുടങ്ങുന്നത്. |കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം- പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവണ്‍

ഹേമ കമ്മിറ്റി റിപ്പോർട്ടിന്റെ തുടർചലനങ്ങൾ ഉണ്ടെങ്കിലും മറ്റ് വാർത്തകളുമുണ്ട്. വയനാട് ദുരന്തത്തിൽപ്പെട്ടവരുടെ സഹായത്തിൽ നിന്ന് വായ്പാ കുടിശ്ശിക പിടിക്കരുത് എന്ന ഹൈക്കോടതി നിർദ്ദേശമാണ് മാതൃഭൂമിയുടെ മുഖ്യവാർത്ത. പ്രധാനമന്ത്രിയുടെ യുക്രെയിൻ സന്ദർശനമാണ് മനോരമയുടെ ലീഡ്. ഹേമ കമ്മിറ്റി റിപ്പോർട്ട് പുറത്ത് വിടുന്നതിന് മുൻപ് സർക്കാർ വക വെട്ടിമുറി നടന്നെന്നാണ് മാധ്യമം പറയുന്നത് | കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം- പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവണ്‍

ഹേമ കമ്മിറ്റി റിപ്പോർട്ടിന്മേൽ തുടർനടപടി തേടി ഹെെക്കോടതിയിലെത്തിയ ഹരജിയും കൊൽക്കത്തയിലെ ഡോക്ടറുടെ മരണത്തിൽ സുപ്രിംകോടതി നടത്തിയ ഇടപെടലുമാണ് ഇന്ന് പത്രങ്ങൾ പ്രധാനമായി കെെകാര്യം ചെയ്യുന്ന വാർത്തകൾ...

| കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം- പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവണ്‍

പ്രധാനവാര്‍ത്തകള്‍ ഇന്ന് പലതാണ്. ഓണ്‍ലൈന്‍ ഭാഗ്യക്കുറിത്തട്ടിപ്പ് അവസാനിപ്പിക്കാന്‍ സര്‍ക്കാര്‍ നടപടിയെടുക്കുന്നുവെന്നതാണ് മാതൃഭൂമിക്ക് ലീഡ്. ഒരു വര്‍ഷം കഴിഞ്ഞിട്ടാണെങ്കിലും അധ്യാപകനിര്‍ണയം പൂര്‍ത്തിയാക്കി തസ്തികകള്‍ അനുവദിച്ചുവെന്നതാണ് മാധ്യമവും ദീപികയും ലീഡ് വാര്‍ത്തയാക്കിയത്. എല്ലാവരും പ്രധാന്യത്തോടെ നല്‍കിയ രണ്ട് വാര്‍ത്തകള്‍ എല്ലാ പത്രങ്ങളിലുമുണ്ട്. വീടുവിട്ടിറങ്ങി തീവണ്ടിയില്‍ കയറിയ അസമീസ് പെണ്‍കുട്ടിയെ ഒരു രാവും പകലും തിരഞ്ഞ ശേഷം വിശാഖപട്ടണത്തുവെച്ച് കണ്ടെത്തിയതാണ് ഒരു വാര്‍ത്ത. കേരളത്തിന്റെ ചീഫ് സെക്രട്ടറി ഡോ.വി വേണു വിരമിക്കുമ്പോള്‍ ഭാര്യ ശാരദാ മുരളീധരന്‍ ചീഫ് സെക്രട്ടറിയാകുമെന്നതാണ് മറ്റൊരു വാര്‍ത്ത.

| കാതിലെത്തും പത്രങ്ങൾ | Spotify | Apple Podcast | Amazon Music | MediaOne Podcast

അവതരണം- പി.ടി നാസർ, എക്‌സിക്യൂട്ടീവ് എഡിറ്റർ, മീഡിയവണ്‍