Lestin

Lestin

Download on the App Store

All Lestin episodes

  • Afsökunarbeiðnin, viskan og þjáningin og Beðið eftir barbörunum
    Þegar orðrómur berst um barbara utan bæjarmúra á mærum heimsveldisins, grípa yfirvöld til stöðugt harðari aðgerða gegn meintum innrásarmönnum og bæjarbúum. Þetta er sögusvið skáldsögunnar Beðið eftir barbörunum eftir suður-afríska nóbelsskáldið J.M. Coetzee (koúdsee) sem kom út í íslenskri þýðingu nú á dögunum. Við ræðum við þýðendurna tvo, Sigurlínu Davíðsdóttur og Rúnar Helga Vignisson.
    Halldór Armand veltir fyrir sér viskunni og þjáningunni í pistli sínum þessa vikuna. Æskilos, Job og Bobby Kennedy koma meðal annars við sögu í pistlinum.
    Og við veltum fyrir okkur þeirri athöfn að biðjast afsökunar og hvað þarf til svo afsökunarbeiðni sé vel tekið. Í vikunni baðst grínistinn Pétur Jóhann Sigfússon afsökunar á óviðeigandi og fordómafulli gríni sem var tekið á myndband og dreift á samfélagsmiðlum. Andrés Jónsson, almannatengill, kemur í þáttinn og Sema Erla Serdar leggur orð í belg.
    52 min
  • Rappferill George Floyd, Spurningar mannverunnar, Grímuverðlaunin, og
    Um þessar mundir eru 40 ár frá skotárásinniá J.R. Ewing Junior í sjónvarpsþáttaröðinni Dallas. Áhorfendur um allan heim sátu eftir með stærstu ráðgátu sjónvarpssögunnar: Hver skaut J.R? Við köfum ofan í þessa spurningu og áhrif hennar í Lestinni í dag með aðstoð Dallas-sérfræðingsins Karls Ferdinands Thorarensen.
    Nú á dögunum var George Floyd borinn til grafar í heimabæ sínum Houston í Texas. Dauði hans af hendi hvíts lögreglumanns í Minneapolis hefur kveikt mótmælaöldu gegn kynþáttahatri og lögregluofbeldi í Bandaríkjunum og víðar. Á sínum tíma tók Floyd virkan þátt í rappsenu Houston ásamt einum frægasta plötusnúði allra tíma, DJ Screw. Við könnum í dag stuttan rappferil Big Floyd eins og hann var kallaður.
    Manneskjan er nafli alheimsins. Að minnsta kosti hefur slík mannmiðjukenning verið undirliggjandi forsenda í allri hugmyndasögu vesturlanda undanfarnar aldir. Í öðrum pistli sínum af fjórum um stöðu mannsins í heiminum veltir Karl Ólafur Hallbjörnsson, heimspekinemi við Háskólann í Warwick, fyrir sér spurningum mannverunnar.
    Við fylgjumst líka með kapphlaupi ungs sviðslistamanns við tímann þar sem hann flýtir sér heim frá Svíþjóð, í gegnum sóttvarnarsvæði og skimanir, til að mæta á Grímuverðlaunahátíðina í kvöld þar sem hann er tilnefndur.
    55 min
  • Hvað getur Ísland lært af mótmælunum?
    Þátturinn verður með óvenjulegu sniði að þessu sinni. Lestin verður tekin undir pallborðsumræður þar sem spurt verður hvernig íslenskt samfélag geti best brugðist við þeirri mótmælaöldu sem nú geisar um allan heim í kjölfar morðsins á George Floyd. Hvernig vandinn endurspeglast hér á landi, hvaða lexíur við þurfum að læra, hvert við eigum að stefna?
    54 min
  • Svarthol, rasismi og kvikmyndir og enskumælandi fjölmiðlar
    Í dag kemur tímaritið Iceland Review út á íslensku í fyrsta sinn í 57 ára sögu blaðsins. Útgáfan er viðbrögð við fordæmalausum tímum, þar sem engir túristar eru eftir á landinu til að lesa sér til um land og þjóð. Tímaritið Reykjavík Grapevine hefur eins fundið fyrir breyttu árferði og hefur brugðist við því með aukinni sókn á veraldarvefnum. Gréta Sigríður Einarsdóttir, ritstjóri Iceland Review og Valur Grettisson, ritstjóri Reykjavík Grapevine, taka sér far með Lestinni í dag.
    Við höldum inn í miðju svartholsins, sérstæðuna, örlítinn punkt þar sem tímarúmið er óendanlega sveigt. Fjórir reykvískir hönnuðir hafa skapað slíka sérstæðu í hátíðarsal Iðnó en þessi gagnvirka innsetning er einskonar miðja Listahátíðar í Reykjavík sem fer fram með óvenjulegu sniði í ár.
    Og Marta Sigríður Pétursdóttir gerir heimsmálin, og málin hér heima fyrir, að umtalsefni sínum í örlítið óvenjulegum kvikmyndapistli.
    53 min
  • Þöggun, yfirlestur og rettan sem hvarf
    Þöggun hefur verið umtalsvert í umræðunni undanfarin ár. En hvað er þöggun? Þessu veltir heimspekingurinn Elmar Geir Unnsteinsson fyrir sér í nýjasta hefti Hugar, tímarits áhugafólks um heimspeki. Rætt verður við Elmar í Lestinni í dag.
    Það líður ekki sá dagur að Jakob Bjarnar Grétarsson, blaðamaður Vísis, sé ekki beðinn um að senda viðmælanda viðtal til yfirlestrar fyrir birtingu. Jakob segir þessa hugmynd, um að yfirlestur sé sjálfsögð krafa, vera vitleysu og brjóta gegn trúnaðarsambandi blaðamanns og lesenda.
    Halldór Armand Ásgeirsson veltir fyrir sér sígarettunni sem er horfin úr kjafti Bubba Morthens á mynd af tónlistarmanninum á vegg Borgarleikhússins.
    55 min
  • Nýir rithöfundar, mannmiðjukenningin, áróðursgildi lögguþátta
    Kröfur mótmælenda í Bandaríkjunum eru allt í senn einfaldar og flóknar. Barist er fyrir jafnrétti, því að svört líf séu metin til jafns við hvít, en uppi eru ýmsar róttækar hugmyndir um leiðina að þessu markmiði. Ein vinsælasta hugmyndin snýr að því að skera niður hjá lögreglunni. Önnur, snýr að því að skera niður lögregluþætti. Við rýnum í síðarnefndu kröfuna.
    Manneskjan er nafli alheimsins. Að minnsta kosti hefur slík mannmiðjukenning verið undirliggjandi forsenda í allri hugmyndasögu vesturlanda undanfarnar aldir. Loftslagsbreytingar, kjarnorkuvopn og verksmiðjubúskapur á dýrum væri hægt að taka sem dæmi um þessa mannmiðjuhugsun. Í lestinni í dag veltir Karl Ólafur Hallbjörnsson, heimspekinemi við Háskólann í Warwick, fyrir sér stöðu mannsins og lífum annarra vera.
    Það eru ekki margir styrkir sem bjóðast nýjum rithöfundum sem eru að stíga sín fyrstu skref í útgáfu. Nýræktarstyrkir Miðstöðvar Íslenskra bókmennta, sem voru afhentir í síðustu viku, gegna því mikilvægu hlutverki í að rækta nýjabrumið í ritlistarsenunni. Við fáum tvo nýbakaða nýræktarstyrkþega í heimsókn í Lestinni í dag og ræðum um bækur og líf ungskáldsins.
    55 min
  • Tölfræði í Harmageddon, Run The Jewels og blómablinda
    Við kynnum okkur hugtakið plöntublinda, en það er notað yfir hvernig við nútímafólkið tökum æ verr eftir plöntunum í umhverfi okkar og eigum erfiðara með að þekkja ólíkar tegundir gróðurs í sundur. Bryndís Snæbjörnsdóttir, myndlistarkona, kemur við sögu og Sverrir Norland, rithöfundur, útskýrir hvernig plöntur eða hverfa úr orðabókum. Rappdúettinn Run the Jewels gaf út sína fjórðu breiðskífu í gær en annar helmingur hans, Atlanta-rapparinn Killer Mike, vakti mikla athygli í vikunni fyrir innblásna ræðu þar sem hann útlistaði reiði sína vegna dráps lögreglunnar á George Floyd. Útgáfu RTJ4 var í raun flýtt um tvo daga vegna ástandsins í Bandaríkjunum. Davíð Roach Gunnarsson rýnir í gripinn. En við ætlum að byrja á sláandi fyrirsögn sem birtist í gær en sagði ekki alla söguna.
    53 min
  • Tölfræði í Harmageddon, Run The Jewels og plöntublinda
    Við kynnum okkur hugtakið plöntublinda, en það er notað yfir hvernig við nútímafólkið tökum æ verr eftir plöntunum í umhverfi okkar og eigum erfiðara með að þekkja ólíkar tegundir gróðurs í sundur. Bryndís Snæbjörnsdóttir, myndlistarkona, kemur við sögu og Sverrir Norland, rithöfundur, útskýrir hvernig plöntur eða hverfa úr orðabókum.
    Rappdúettinn Run the Jewels gaf út sína fjórðu breiðskífu í gær en annar helmingur hans, Atlanta-rapparinn Killer Mike, vakti mikla athygli í vikunni fyrir innblásna ræðu þar sem hann útlistaði reiði sína vegna dráps lögreglunnar á George Floyd. Útgáfu RTJ4 var í raun flýtt um tvo daga vegna ástandsins í Bandaríkjunum. Davíð Roach Gunnarsson rýnir í gripinn.
    En við ætlum að byrja á sláandi fyrirsögn sem birtist í gær en sagði ekki alla söguna.
    55 min
  • Áhorfendalausir íþróttaleikir, Exos og K-pop mótmæli
    Í byrjun vikunnar kom út platan Indigo með tónlistarmaðnninum og plötusnúðinum Exos. Þetta er fyrsta plata hans í 20 ár, en Exos er gamalreyndur í hinni alþjóðlegu teknósenu. Við heyrum í Adda Exos sem er fastur í Víetnam vegna Covid-19 ástandsins, þar sem hann stoppaði í miðju tónleikaferðalagi um Asíu.
    Áhorfendur spila stórt hlutverk í að skapa stemningu og rafmagnað andrúmsloft á íþóttavöllum. Nú þegar íþróttakeppnir hefjast aftur víða um heim eftir covid-hlé er hins vegar leikið fyrir tómum leikvöngum vegna sóttvarna. Á völlunum hljóma því engir söngvar, enginn trommusláttur, ekkert baul, engin vonbrigðaandvörp, engin fagnaðarlæti. Hins vegar reyna nú margir að finna nýjar leiðir til að skapa stemningu án áhorfenda. Við ræðum við Guðjón Má Guðjónsson, framkvæmdastjóra OZ, sem vinnur að einni slíkri lausn.
    Síðustu dagar og nætur hafa reynst mótmælendum í Bandaríkjunum erfiðir. Mörg hafa orðið fyrir líkamlegu ofbeldi af hendi lögreglu og hvítra ofstækismanna, verið lamin með bareflum, sprautuð með táragasi, skotin með gúmmíkúlum og fangelsuð. Í gær þurftu skipuleggjendur síðan að draga andann djúpt þegar samfélagsmiðlaherferðin #blackouttuesday tók á sig óumbeðna mynd er velmeinandi stuðningsmenn svartra Bandaríkjamanna drekktu upplýsingagjöf undir myllumerkinu #blacklivesmatter í svörtu tómarúmi. En fyrir hvert skref aftur á bak skulu tvö tekin fram á við og málstaðnum hefur borist liðsinni úr óvæntri átt. Nefnilega, frá unnendum K-Pops.
    55 min
  • 8 mín og 46 sek, myrkvaður þriðjudagur og framtíð hlaðvarps
    Við veltum fyrir okkur framtíð hlaðvarps í ljósi nýlegs risasamnings streymisveitunnar Spotify við viðtalsþáttastjórnandann Joe Rogan. Gestir verða Gunnlaugur Reynir Sverrisson, einn stjórnenda tæknivarpsins og myrkraverka-hjónin Svandís Sigurðardóttir og Jóhann Már Ævarsson
    Halldór Armand Ásgeirsson flytur sinn vikulega pistil á þriðjudegi og veltir fyrir sér máli málanna. Víðtækum mótmælum um gjörvöll bandaríkin og myndbandið sem kveikti reiðiölduna, myndbandi af því þegar hvítur lögreglumaður þrýstir hné að hálsi svarts borgara George Floyd í 8 mínútur og 46 sekúndur.
    Við heyrum líka um hvernig tónlistarbransinn hefur tekið þátt í svokölluðum myrkvuðum þriðjudegi þar sem nánast allri tónlistarútgáfu hefur verið frestað og fyrirtæki hafa sent starfsfólk heim til að rækta eigin nærsamfélag og stuðla að breytingum í kjölfar morðsins á George Floyd. Dyggðaflöggun eða leið að raunverulegum umbótum?
    55 min