Meg minnist

Nýggjur gestur í Meg minnist verður maskinmeistarin Tummas Thomsen úr Syðrugøtu.

Hann lærdi á Runavíkar Mekaniska Verkstað og gekk í skúla í Havn og í Esbjerg, og er sonur Per Martin Thomsen, nevndur Per á Niðri.

Mamman Magda f. Reinert var úr bóndahúsinum Heimistovu úti við Á í Kaldbak. Syðrugøta er brimpláss við stórum sandi.

Poul Michelsen varð í 1984 valdur inn á ting fyri fólkaflokkin. Í fyrstu syftu sat hann á tingi til 1990, og kom so afturíaftur í 2002. Fyrstu árini arbeiddi hann eitt nú fyri sy broyta endurgjald úr statskassanum til heildarveiting.

Seinnu árini var hann eitt skifti formaður í stjórnarskipanarnevndini. Hann iðrar seg enn um, at semja ikki fekst í lag. Í 2011 fór Poul úr fólkaflokkinum og stovnaði Framsókn.

Poul Michelsen stillaði upp til býráðsval í Havn í 1980 og tók við sum borgarstjóri 1. januar 1981. Hann sat tríggjar setur. Kommunan gjørdi stórar íløgur í eitt nú í vatnbrunn og reinsiverk í Villingardali og í Brennistøðina á Hjalla.

Arbeitt varð við at menna býin, sum hevði verið innilæstur, men nú hevði lagt saman við tí partinum av Tórshavnar Uttanbíggja Kommunu, sum fevndi um Hoyvík og Hvítanes. Nógv byggiøki fekst til vega við hesum átaki.

Elsti bróður Poul Michelsen, Aage, búsettist í Mexico. Hann var 20 ár eldri. Poul kendi nóg illa bróðurin, tá hann í 60unum kom til Føroya at ferðast. Aage var giftur eini mexikanskari kvinnu, sum hann hitti í Keypmannahavn.

Hann gavst at lesa læknafrøði og flutti yvir um Atlantshav. Poul var gulur skóti, HBari, boðdrongur, lossaði á keiini og avloysti í taxabili.

Lærdi hjá Balslev & Co og yvirtók vørudeildina saman við Kartna Winther og Torbjørn Sørensen. Nøkur ár seinni stovnaði Poul Michelsen egið heilsøluvirki P/f Poul Michelsen, sum var ársins virki í fjør.

Fyrrverandi borgarstjórin í Havn hevði stórar trupulleikar í skúlanum, tí hann var orðblindur, men luttøka í ítrótti gav honum dirvi til at herja á. Hann vann FM í borðtennis í 1961, og formaðurin í ÍSF heiðraði hann í skúlanum.

Poul var nú tríggjar ferðir føroyameistari í single. Í badminton var hann singlemeistari 10 ferðir upp í slag, og í fótbólti vann hann FM í 1971.

Í 1982 fór Max Weihe at arbeiða á trolaraskrivstovuni hjá KGH í Grønlandi. Starvsfólkini hjá KGH sum heild vóru 4500 í tali. Einahandilin rakk út í hvønn krók, men varð avtikin í 1985-86.

Heimastýrið yvirtók framleiðslu- og útflutningspartin 1. januar 1985. Har varð Max Weihe settur í starv sum fiskarídisponentur fyri trolararnar.

Nakað skjótt fór hann til Føroya at royna eydnuna í aling, men var aftur í Grønlandi frá 1988. Nú stóð hann fyri at leggja til rættis á trolarakontórinum, til hann í 1990 fór til Harbour Grace at umboða Royal Greenland.

L/F Grønlandsfelagið átti feløgini Faroegreen og Nordafar í Grønlandi. Faroegreen umboðaði eisini grønlendsk, donsk og norsk rækjuskip.

Fiskasølan stovnaði felagið Faroe Seafood Trading, sum seldi fyri fleiri grønlendsk skip. Í 1979 tók Max Weihe við sum stjóri á Nordafar.

Næsti samstarvsmaður hansara í Føroyingahavnini var støðleiðarin Jóhan Joensen úr Kvívík. Á bryggjuni helt Jóhan Danielsen í Nólsoy vakt tog bjargaði mongum manni.

Eftir fólkaskúlan fór Max Weihe í realskúla á Glyvrum. Bussurin var eftir honum klokkan 6:30. Hann var ikki við hús aftur fyrrenn 10 tímar seinni.

Í 1969-70 var Max í Colorado í USA, har hann búði hjá einum volgatýskum húski og gekk í skúla. Max ferðaðist um stóran part av USA, og haðani fór hann á studentaskeið í Høng.

Max ætlaði at lesa í Århus, men gavst nakað skjótt, og fór at arbeiða á Selatrað, á Skipafelagnum og á rækjuveiðu við Suðurvarða.

Max Weihe verður nú í Meg minnist. Hann eitur Max Cecil Weihe eins og pápin, ið varð nevndur Cecil á Selatrað. Mamman var Mathilda var eisini av Selatrað. Tey bygdu á eini trøð í Brekkunum á Selatrað, sum Cecil fekk frá beiggja sínum Lassen, ið var bóndi á størsta garði í Eysturoynni.

Weihe-navnið kom úr Lamba til Selatraðar, tá Gamli Lassin Weihe av Bønhúsmørk giftist við garðagentuni á Niðristovugarði, sum var 11 merkur. Gamli Lassin hevði gingið í realskúla í Havn. Sonurin Hans Petur, sum hevði stóran handil í Søldarfirði, hevði verið 12 ár á skúla og i handli í Danmark.

Disa fór í húspláss í Nólsoy í 1958. Har giftist hon og fekk fimm børn í 1960unum. Í Nólsoy vóru tá 60 neyt og 60 børn.

Nólsoyingar høvdu góðan útróður eystan fyri, har russarar plagdu at royna. Í bygdini vóru tveir fiskakjallarar og fimm handlar. Disa flutti seinni til Havnar og fór í 1983 til Danmarkar at søkja sær útbúgving.

Hon arbeiddi ymsum á stovnum um keypmannahavnarleiðina, gekk í framhaldsskúla og slapp inn á ríkissjúkrahúsið at læra til sjúkrahjálpara.