Meg minnist

Uttastu húsini í Nesi í Hvalba vórðu bygd um 1900. Húsini bygdi Olivuri Schrøter úr Mylludamm-inum úti á Bønhúsfløtu. Hann hevði konu úr Nýggjustovu í Skálum. Olivur gekk burtur í 1919, tá báturin kollsigldi á Mjóanesi á veg aftur av útróðri. Fleiri møguleikar at byggja hús vórðu útvegaðir í Nesi, tá Rókatrøðin varð innløgd í 1916. Barnaheimið hjá Jóhannes Andr. Næs var miðstøð í býlinginum. Har var keypmanshandil, sum eisini tók ímóti útróðrarfiski til virkingar. Har var telefonin og somuleiðis sjúkrakassin.

Undir Vørðubrekku er fyrsta hús uttanfyri Lítlahamar í Nesi. Har bygdu Jenis av Gørðum og Marianna úr Skálum. Tey mistu einasta sonin undir Íslandi, og í einum ódnarveðri rivu húsini so illa, at ikki var búgvandi í teimum. Á Gørðum giftist fáminingurin Jenis Ludvig, nevndur Risin, við Mariu.Tey fingu fimm synir og tvær døtur. Allir synirnir búsettust í Nesi. Úr húsinum uttan Garða komu Dánjal og Jákup Berg. Dánjal bygdi á Breyt og Jákup oman fyri húsini á Gørðum. Hann gift-ist Petrinu úr Froðba.

Undir Vørðubrekku er fyrsta hús uttanfyri Lítlahamar í Nesi. Har bygdu Jenis av Gørðum og Marianna úr Skálum. Tey mistu einasta sonin undir Íslandi, og í einum ódnarveðri rivu húsini so illa, at ikki var búgvandi í teimum. Á Gørðum giftist fáminingurin Jenis Ludvig, nevndur Risin, við Mariu.Tey fingu fimm synir og tvær døtur. Allir synirnir búsettust í Nesi. Úr húsinum uttan Garða komu Dánjal og Jákup Berg. Dánjal bygdi á Breyt og Jákup oman fyri húsini á Gørðum. Hann gift-ist Petrinu úr Froðba.

Sunnudagin verður fyrsta sending í Meg minnist við tí 97 ára gamla Jóhannes Andreas Næs úr Nesi í Hvalba. Hann fer at siga frá býlinginum Nesi við frásagnum um fólk og hendingar. Pápi Johannes var handilsmaðurin Martin Næs. Mamman Julianna var av Hamri í Hvalba. Byrjað verður út eftir Støðlunum við Slokkunum og Sandbakkunum og gomlu Træbrúnni. Tey gomlu húsini í Nesi stóðu omanfyri gøtuna. Har verður byrjað inni í Trøðini og hildið fram undir Lítlahamar. Jóhannes Andr. Næs var lærari í Suðuroy í 20 ár til hann í 60unum varð settur sum ráðgevi í serundirvísing á skúla-fyrisitingini.

Sunnudagin verður fyrsta sending í Meg minnist við tí 97 ára gamla Jóhannes Andreas Næs úr Nesi í Hvalba. Hann fer at siga frá býlinginum Nesi við frásagnum um fólk og hendingar. Pápi Johannes var handilsmaðurin Martin Næs. Mamman Julianna var av Hamri í Hvalba. Byrjað verður út eftir Støðlunum við Slokkunum og Sandbakkunum og gomlu Træbrúnni. Tey gomlu húsini í Nesi stóðu omanfyri gøtuna. Har verður byrjað inni í Trøðini og hildið fram undir Lítlahamar. Jóhannes Andr. Næs var lærari í Suðuroy í 20 ár til hann í 60unum varð settur sum ráðgevi í serundirvísing á skúla-fyrisitingini.

Niels Nattestad legði í sínum ítróttalívi mesta dentin á hondbólt. Spældi á 1. liði hjá Kyndli frá1964 til 1982 og var føroyameistari næstan hvørt ár. Niels var á landsliðnum frá 1968 og øll 70ini. Eitt skifti var hann formaður í HSF. Seinni hevur hann verið frammarlaga í áhugafelagnum Lions og distriktsguvernørur fyri Føroyar, Grønland og Norðursæland. 60 ára gamal legði Niels frá sær sum skúlastjóri á Venjingarskúlanum í 2007. Sum eftirløntur hevur hann havt parttíðararbeiði fyri sambandsflokkin og ÍSB, men hevur eisini givið sær stundir at ferðast víða um við konuni.

Á Læraraskúlanum hevði Niels Nattestad bæði eldri og yngri lærarar. Har vóru royndir menn sum Martin Holm, Bjarni Niclasen, Thomas Nygaard og Sofus Joensen, men eisini yngri lærarar sum Hans Holm, Ólavur Hátún og Ása Hátún. Umstøðurnar á Frælsinum vóru sera góðar. Har var eisini gott lív í Næmingafelagnum, sum eitt nú slóðaði fyri í flogbólti. Niels var í praktikk í Hvalba og á Glyvrum. Í 1971 fekk hann starv á Venjingarskúlanum. Tíggju ár seinni varð hann varaskúlastjóri, og frá 1996 var Niels Nattestad stjóri á Venjingarskúlanum, til hann legði frá sær í 2007.

Niels Nattestad flutti í 1956 til Havnar saman við foreldrum sínum og systrini. Tá fór hann at ganga í Sankta Frans Skúla, men longu úr 4. flokki fór hann oman í realskúlan. Niels tók realprógv í 1962, og nú arbeiddi hann í fleiri ár á Bacalao. Í 1964 var hann á ítróttaskúla í Vejle.

Hansara dreymur var altíð at gerast lærari, og í 1966 slapp hann inn á Læraraskúlan. Tey byrjaðu á Vaglinum, har næmingarnir trivust væl. Fyrstu fimm árini í Havn búði familjan í Gundadali. Har royndi Niels seg í fótbólti og svimjing, áðrenn hann fór at spæla hondbólt. Hann var eisini skóti.

Niels Nattestad flutti í 1956 til Havnar saman við foreldrum sínum og systrini. Tá fór hann at ganga í Sankta Frans Skúla, men longu úr 4. flokki fór hann oman í realskúlan. Niels tók realprógv í 1962, og nú arbeiddi hann í fleiri ár á Bacalao. Í 1964 var hann á ítróttaskúla í Vejle.

Hansara dreymur var altíð at gerast lærari, og í 1966 slapp hann inn á Læraraskúlan. Tey byrjaðu á Vaglinum, har næmingarnir trivust væl. Fyrstu fimm árini í Havn búði familjan í Gundadali. Har royndi Niels seg í fótbólti og svimjing, áðrenn hann fór at spæla hondbólt. Hann var eisini skóti.

Gestur í Meg minnist verður nú eftirlønti skúlastjórin Niels Nattestad, sum hevur røtur úr Hvalba og Porkeri. Pápin Ásbjørn var úr Hvalba og mamman Ninna úr Porkeri. Tey vóru niðri undir krígnum. Fáar mánaðir gamal kom Niels í 1946 til Hvalbiar. Fyrsti Nattestad í Føroyum æt Thor.

Hann kom um 1780 úr Kongsbergi í Noregi. Skjótt giftist hann garðagentuni í Stórstovu og tók við fýra marka garðinum. Nattestadfólk í Føroyum fara í summar til Noregs at skoða garðin Nattestad, sum er upphavið til eftirnavnið. Har á leiðini verður navnið framborið sum ?Nasta?.