On Tottaama Konngol

Toɓɓere yeewtere men hannde 1 lewru 5ɓuru hitaande 2026 yowitii ko e suɓngooji sarɗiyankooɓe e hooreeɓe kominaajo juɓɓinaaɗi to Guinée, alet hanki. Ko foti no miliyooji 7 wootooɓe cabbanoo to cuuɗi gootirɗi ɗii e nder wertaango leydi ndii. So en tuugniima e yoga e jaayndeeji e heertoriiɓe suɓngooji, yimɓe ɓee ina ŋakki yaltude no feewi ngam waɗde ndee foDde.

Holno njiiruɗon ɗee woote, banndiraaɓe musiɓɓe ?

Hannde e talaata ñannde 2, 6ɓuru, yewtere men nawri en, ko Senegal. Leydi ndin dañii hanki altine guwerneman keso. Gila Ousmane Sonko ittaa hooreejo jaagorɓe, Ahmadou Al Aminou Mohamed Lô toɗɗaa ko lomtoo mo, Ko lamndal gootal jaalii e jewte ɗen fow. Ngal ko anndude ko wonata darnde lannda PASTEL e nder guwerneman keso joɗɗinteeɗo on? Kono ɗum laaɓii hanki kiikiiɗe. Fedde PASTEF jogiinde keewal to suudu sarɗiiru, fellitii waasude taweede e guwerneman on. Ndee fedde Ousmane SONKO no sifori ɗum anngal faamondirde e laamu ngun e dow toɓɓe goɗɗe ko faatii e ardiigu Senegal. Fii kala ɓe hollii ɓe jeyetaake e oo Guwerneman mo jaagorɓe 30to joɗinaaɗo hanki, kono yimɓe maɓɓe tato ka PASTEF, ɓe ɗuuɗaaka andeede no tawaa e jaagorɓe toɓɓaaɓe ɓee hanki.

Ko holno taskorɗon walla faamirɗon ngal pellital PASTEF ronkude taweede e oo guwerneman keso Ahmadou Al Aminou Mohamed LO?

Tawi si waasude jeyeede PASTEF e oo kippu keso suɓaaɗo arataa ustude semmbe oo hooreejo keso jaagorɓe wonndude e guwerneman makko on?

Ko battane hombo ɗum waawi jibinannde laamu Senegaal?

Aljuma, ñannde 27, 3ɓuru, ko e oo saa’i ɗoo wontidetin ka taskaram men woowunɗo  “OnTottaama kongol”.                                                                                              
Ko saɗi mon ko toolii / Bismilla mon / foofo mon
Mussiɓɓe tedduɓe wano tinirɗon e aljuma sakkintiinde lewru kala, taskaram On Tottaama Konngol jonnan rewɓe ɓen konngol.
 

Toɓɓere nde men yewtidata e maɓɓe hannde no yowiti e caɗeele rewɓe ngam wullitaade e cuuɗi ñaawirɗi e nder duunde Afrik.Hino taskaa hannde e nder yoga e leyɗe Afrik tenntinii ɗee hikkorɗe e hirnaage e wuddu duunde nden wullitagol rewɓe ɓen ka cuuɗi ñawirɗi wonaa huunde newaniinde rewɓe ɓen fow.

Fi kala to banŋe sariyaaji poolgu dañaama e nder leyɗe keewɗe ko faati e teddingol hakkeeji rewɓe, kono geɗe goɗɗe jeyaaɗe e faggudu, finaa tawaaa walla aadaaji men e goɗɗe e goɗɗe no haɗude hannde yoga e rewɓe waawude wullitaade e suudu sariya. 

Ko holno taskorɗon oo alhaali e nder leyɗeele mon.

Ko holɗum haanaa waɗeede hannde ngam hakke rewɓe waawude wullitaade e suudu sariya teddinee e nder denndaagal leyɗe Afrik

Toɓɓere yeewtere men yowitii hannde ko e juulde taaske, woɓɓe mbiya juulde donkin.
Woodii  juulɓe hanki, woodi woɓɓe juulɓe hannde. Holno juulde mon feƴƴiri  to njooɗiɗon ton ? 

Toɓɓere yeewtere men yowitii hannde ko e fiilagol Ousmane Sonko hooreejo suudu sarɗeeji Senegal. Ɗum waɗi ko balɗe nayi caggal nde hooreejo leydi ndii Bassirou Diomaye Faye ittii mo e hooreeyaaku jaagorɓe nguu. Talaata hanki sarɗiyankooɓe ɓee gardini mo Suudu Sarɗinkooru nduu, e heɓi 132 e nder 133 heɓɓe suɓaade. E siiftinde, sarɗiyankooɓe lunndo ngoo ko ko njalti suudu nduu, sabu e bi’ol maɓɓe, fedde dawro Pastef woni ko e yeeyde cemmbe e doole mum sabu ko kamɓe ɓuri ton limoore, e tee gartugol Ousmane Sonko to suudu sarɗiyankooru nduu ɗooftaaki sariya leydi ndii. Ko holno njiiruɗon ngoo cippiro aafiingo hakkunde Ousamne Sonko e Bassirou Diomaye Faye ?

Ñannde 12 lewru 4ɓuru e ndee hitaande 2026, Romuald Wadagni fooli suɓngooji hooreyaaku leydi ndii, o lomtii Patrice Talon. E nder 100 kala o heɓi 94. Caggal nde lunndiyankooɓe ɓurɓe heewde keɓaani hay ɓennude ƴeewde wambooɓe, parrainage e fransiire. Oo alet 24 jawtuɗo, o waɗannoo woondoore makko. Kanko Roumuald Wadagni, ko kanko wonnoo jaagorɗo Patrice Talon kalfinanooɗo ngalu leydi ndii, ko foti no duuɓi 10. Ko heewi ko waylii e Benin to bannge ngalu rewi ko e junngo. Caggal woondoore makko, o darnii laamu jaagorɓe 24yo. Caggal ndee o gollidii e hooreejo leydi kiɗɗo oo, Romuald Wadagni ina fadaa e ɓeydu golle sukaaɓe leydi ndii, haɓaade e ŋakkere nguure, wonndude e haɓaade e ŋakkere kisal, haa teeŋti e bannge rewo leydi ndii.

Toɓɓere yeewtere ndee yowitii ko e follugol, maa mbiyen gittugol Ousmane Sonko e hooreyaaku jaagorɓe leydi Senegal ngol hooreejo leydi ndii Bassirou Diomaye Faye waɗi ndee aljumaare yawtunde

On Tottaama Konngol, hannde ko aljuma, e no kala aljuma. Ko yeewtere udditiinde. Hiɗon njogii ndimaagu naayoraade ɗo mbelaɗon e no mbiliraɗon e nder toɓɓe ɗe njeewtɗon e nder jeewte On Tottaama Konngol.

Toɓɓere yeewtere men yowitii hannde ko e alhaali oorngal wooteeji ngonaangal e yuɓɓineede Ginee ngam suɓaade sarɗiyankooɓe e ardotooɓe kominaaji ñannde 31 nduu lewru. Ko balɗe 9 tan keddii ɗoo e ñalaande woote ɗee hawtude.
Ɗee woote  waɗete tawi lunndiyankooɓe heewɓe tawtortaake e majje. E siiftinde, pelle politik keewɗe lunndo ngoo ko ko fusaa e lewru 3ɓuru yawtundu nduu, sabu waasde ɗe ɗooftaade sariaaji pawaaɗi e dow ɗen baale . No jeyaa e ɗen pelle UFDG, RPG e UFR. Ɗii suɓngooji ko ngam toɗɗaade sarɗiyankooɓe 147 e hooreeɓe kominaaji 342.
Holno teskoroɗon ngal oorngal e nder Gine ? Holko cabbiɗon e njaltudi ɗii suɓngooji ?
Ko nii woni mbaadi yewtere ndee. Banndiraaɓe bisimilla mon...

Yewtere men hannde no nawra en e baŋŋe coftal ɓalli. Diɗɗe 48 tiindodiranɗe ngam taweede e diɗɗe yahooje e foolotiro fuku-koyngal CAN 2027 anndaama hanki e taalaata e uurɓe waɗaaɗo “Caire” laamorde Egypte. Ɗee diɗɗe 48 sennditaama e guɓɓe 12. Guɓal kala ɗiɗɗe 4. Kawrite ɗen fuɗɗoto e lewru 9ɓuru hitaande nde wonuɗen e mun haa e 3ɓuru hitaande aroore. Ko diɗɗe ɗiɗi arane foolayɗe e nder guɓal kala tawtortee e foolotiro mawngo CAN ngo Kenya, Tanzanie e Ouganda jaɓɓoto hikka. E Guɓe ɗe leyɗe jaɓɓotooɗe foolotiro ngon tawaa, ko diɗɗal gootal lummbata ngam tawtooreede e kawrite CAN hitaande 2027 fuɗɗotooɗe ñannde 19 lewru 6ɓuru haa 17, 7ɓuru hitaande wootere nden.

Ko holno taskorɗon oo urɓa waɗaaɗo e no guɓe ɗen jooɗori non?

 Koddiwaar, leydi jogiindi deesewal CAN e hitaande 2023, no wonndi e Ghana e nder guɓal gootal.

Marok, leydi jeyaandi e guɓal aranal no wonndi e Gabon Niger e guɓal gootal?

Senegal no ndenndi e Mozambik, Sudan e Ethiopie e guɓal J.

Guinee ko kañum e Afrik di Sud e Kenya, leyɗi tawaandi e yuɓɓinɗe CAN hikka wonndi e guɓal gootal.