On Tottaama Konngol

Alarba ñannde 17, 6ɓuru taskaram men On Tottaama Konngol hiɗen yewta hannde ko faati e alhaali Eggingol e woncitugol hentina ca’e e nder yoga e laamorɗe leyɗe Afrik. Alhaali on no taskaa e oo saha, e nder ca’e mawɗe buy. Wano Niamey, Conakry e Abijan kominji Port-Bouet, Cocody e Koumassi, ngol woncitugol, liɓa cuuɗi, eggina yimɓe no jokki. Huunde wonde e battinnde sanne e hoɗuɓe e ɗin nokkeeli wonaaɗi e wonciteede. Lorriiɓe e ɗee geɗe no holli ɓe fow maɓɓe huunde wootere, ɓe jokkiri ardiiɓe ɓen anngal anndinngol ɓe ado ɓe liɓaneede, jonnugol ɓe happu daɓɓo tawa ɓe waawa huunde e nder dumunna on e kadi ko tawi ko laamu ngun ƴettaa feere woo no wallitora ɓe no ɓe heɓira wonunde wonnde.

Ko holno taskorɗon no yimɓe ɓen wonaa e egginireede non?

Ko holno taskorɗon daliilaaji ɗi ardiiɓe ɓen hollata nde ɓe felliti eggingol e woncitugol hentina nokkuure?

Ko holɗum ɗum battinnta e lorriiɓe ɓen?

Hannde e talaata 16 lewru 6ɓuru, yeewtere men On Tottaama Konngol hiɗen hewta hannde Mauritani, nokku to haalullaaji ko faati e "happu 3ɓo" wonande hooreejo leydi Mohamed Ould Cheikh El Ghazouani jaali e nder leydi ndin. Ɗum ko gila, suɓaaɓe nokkeeli ɗin wano meerɓe, ardiiɓe leeɗe e ko nanndi e mun fuɗɗii waɗude noddaandu nde hooreejo Moritani mo mandaa mun timmata e hitaande 2029, ɗaɓɓata mandaa tataɓo.

Ɗum saabike dartingol diisnondire fokkitinaaɗe ngam yuɓɓinde kaaldigal ngenndiwal. Lunndo ngon no ŋiñi ɗee faale wonnduɓe e laamu ngun.

E Bi’ol Maître Lo Gourmo Abdoul, cukko hooreejo fedde dawro UFP, Hay si laamu ngun eɓɓaani waɗugol happu tataɓo, ko huunde nde laatotaako, sabu ɓe accataa gooto wayla doosgal leydi Mauritanie.

Ko holno taskorɗon ŋakkere hoolaare taskaande hannde hakkunde laamu Moritani e lunndo ngon ?

On Tottaama Konngol aljuma hannde 12 lewru 6ɓuru, e no aadorii e aljuma kala, ko yeewtere udditiinde. Oɗon njogii wellitaare artude e kala toɓɓe ɗe njiɗɗon kadi e yuurnitaade toɓɓe ɗe njeewtuɗen e nder yontere ndee

Hannde e alkamisa ñannde 11, 6ɓuru en kaalan fi ngol koolol 23ɓol Deesewal fuku-koyngal adunaaru 2026. Kawrite ɗen fuɗɗoto hannde alkamisa 11, haa ñannde 19 lewru darotoondu. Hikka non ko leyɗe tati, Dawlaaji Ndentuɗi Amerik, Mexique e Canada jaɓɓotoo diɗɗe 48 tiindindirayɗe, ɗe diɗɗe 10 Afriknaaje tawaa, huunde heyre e taariika ngoo foolotiro ngo FIFA yuɓɓinta jooni duuɓi nayi kala gila hitaande 2022. Ko diddal Afrik du Sud e Mexique, leydi jeyaandi e leyɗe 3 jaɓɓotooje foolotiro ngon kawrata hannde e yamde 19 saayi Dakar.

Ko holno taskorɗon hikka yuɓɓingol Deesewal fuku-koyngal adunaaru 2026?

Ko holno yiiruɗon arsike ɗiɗɗe afriknaaje waawude woɗɗade e ngoo foolotiro?

E diɗɗe 10 Afriknaaje tawaaɗe e ngoo foolotiro, ko honɗe fawuɗon yaakaare e mun?

Hannde Alarba ñannde 10, 6ɓuru, yewtere men no nawra Gine ngam senndodude e heɗiyankooɓe ɓen njaltuɗi suɓngooji sarɗinkooɓe e meerɓe yuɓɓinaaɗi ñannde 31 lewru faltindu. Wano woote referendum yuɓɓinanooɗe e lewru 9ɓuru e ɗee woote hooreyaaku leydi e 12ɓuru hitaande faltiinde, lumndiyankooɓe mawɓe Gine, Cellou Dalein Diallo hooreejo fedde dawro UFDG, e hooreejo kiɗɗo leydi, Alpha Conde mo laamu mum liɓaa e hitaande 2021. Hannde ɓee ɗiɗo non no e caggal leydi e kadi tawaaka kadi e ɗee woote. Ɓee lumndiyankooɓe ɗiɗo ɓe pelle mum dawro fusaa gila lebbi, hollutuno denndaangal jinnganooɓe ɓe, wota tawe e ɗii suɓngooji. Njaltuɗi arani suɓngooji ɗin no okki laamu ngun poolgu mawngu. GMD dañii keewal depiteeɓe to suudu sarɗinkooru wonndude e meerɓe. Wano pelle lumndiyankooje ɗiɗi : FRONDEC e Bloc Liberal, kala e maɓɓe ko jullere wootere tan dañi e nder julle 147 to suudu sarɗinkooru. Ko wano non kadi ka suɓngooji meerɓe, lumndo ngoo foolaali e nder ca'e mawɗe ɗen.

Nde tawi ko GMD laamu ngun dañi keewal depiteeɓe to suudu sarɗiiru, e miijo mon ko holno konngol lumndiyankooɓe ɓen waawata battinirde e pellite ƴetteteeɗe  ɗen?

Hannde e talaata ñannde 9, 6ɓuru, hiɗen yewta hannde ko faati e alhaali mahanteeri walla daarnoondi e nder leyɗe men Afrik. E miijo mon ko noone daarnoondi honndi haanaa darneede  Afrik tawa ko waawayndi yaadude e mbayliihi weeyo taskaangu e nder adunaaru ? Saalndu ONU daraniindu mahanteriiji no wi’e ONU-Habitat, anndinii e nder jeertinol wonnde, mbayliigu weeyo no battinnde hannde e koɗanɗe keewɗe e nder ca’e mawɗe leyɗe Afrik. Ɗum no holli wonnema ɓiɓɓe leyɗe ɗen no haani wattande yiila annda ko mahata e no mahirta koɗanɗe mum ngam reenaade e ɗii bineeji ɗi yoga e leyɗe Afrik weeɓitanii hannde. Gine hoɗuɓe e leegal (galluure) Nongo Taadi e nder laamorgo Conakry no wonndi e annde mawnde e oo saha, sabu feccagol leydi e maadi cuuɗi ɗuuɗuɗi ɗee balɗe. Hoɗuɓe e nokkure nden yamiraama yaltugol wota cuuɗi ɗin yanu (yirbo) e hoore maɓɓe.

Ko holno yiiruɗon oo alhaali ?

Ko holno yimɓe ɓen waawi rentorde e ɗee caɗeele nde ɓe maha cuuɗi maɓɓe ?

E altine ñannde 8, 6ɓuru, yewtere men no nawra en Mali, nokku to ardiiɓe leydi haɗi dogugol motooji mawɗi e nder denndaangal gure Mali, itti e wuro yaade e wuro. E bi’ol maɓɓe ɓe ɓamii ngal pellital ngam waawude haɓude rafi ndeenaagu jaaliingu e nder leydi ndii wondude e ngoomuuji jogiiɓe kaɓirɗe, nde tawi ko ɗin motoojo mawɗi woni ko ɓee boniyankooɓe yiilorta. Ɗum jibinii haalullaaji keewɗi immorde e ɓiɓɓe leydi ndii annɗinɓe wonnde ko ɗim motooji yoga e malinaaɓe huntirta haajuuji mun. Ko holno taskorɗon ngal pellital laamu Mali, haɗungal yiilagol motooji itti e wuro naɓi e wuro?

On Tottaama Konngol hannde, e no aadorii e aljuma kala,ko yeewtere udditiinde. Oɗon njogii wellitaare artude e kala toɓɓe ɗe njiɗɗon kadi e yuurnitaade toɓɓe ɗe njeewtuɗen e nder yontere ndee

Hannde e alkamisa ñannde 4, 6ɓuru yewtere men no nawra en RD. Konngo, nokku to dinngiral C64, mottondirgal pelle dawro keewɗe wonndude e pelle sosiyete siwil, noddi hanki e alarba denndaagal ɓiɓɓe leydi ndin hedaade ka cuuɗi e nder ñallal. Ɗum ko ngam hollude salagol maɓɓe faale laamu ngun waylude dosngal leydi RD. Konngo. sabu e bi’ol ɓee lumndiyankooɓe, waylugol sariya mawɗo leydi ndii waaway udditanngol hooreejo leydi Félix Tshiseked laawol waɗugol mandaa tataɓo.

Ko holno yiiruɗon pooɗondiral taskaangal hakkunde pelle lumndiyankooje e laamu Congo?

Taw si nduu noddaadu lumndiyankooɓe liddu laamu ngun ko huunde haɗaynde laamu ngu laatinnde eɓɓoore maɓɓe wayllude sariya mawɗo RD Konngo?

honto pooɗondiral hakkunde laamu ngun e C64, dinngiral pelle dawro e sosiyete siwil haaɗata?

Alarba ñannde 3, 6ɓuru, en yewtay hannde ko faati e njillu hooreejo keso Benin Romuald Wadagni, e nder leyɗe Niijeer e Burkina Faso. Taw si nguu njillu, no waawi wonnde fokkitande ngam immintinngol walla wuurnitugol huuwondiral hakkunde Benen e Dawlaaji Leyɗe Sahel (AES)? Sabu ko ɗum holli oo hooreejo keso Benin nde o fuɗɗori njillu makko aranuru e nder ɗee leyɗe ɗiɗi sahel kawtalje makko. Hanki o yiilino Burkina Faso e Niger, leyɗe ɗiɗi ɗe huuwindiral e leydi makko boni walla dartii ɗii duuɓi sakkitiiɗi.Konunkooɓe ardiiɓe Niger e Burkina Faso no tuumi Benin gila duuɓi tati jaɓude woodeede e nder leydi maɓɓe daakorɗe konu Faransi ngam haɓugol ɓe. E kadi gila duuɓi 3 keerol hakkunde Benin e Niger no uddii sabu alhaali ndeenaagu. Niger. Kono ɗum e ɗum mun Romuald Wadagni no holli faale wurnitugol gollidal hakkunde leyɗe maɓɓe. O anndinno ɗum heɓii balɗe 10 nde o waɗata woondoore makko ardagol Benin.