On Tottaama Konngol

By RFI Fulfulde

On Tottaama Konngol episodes

May 19 Ko holno alhaali ɓeydagol coggeeli dammi layya fewndori e nder leyɗeele mon?
Hannde e Talaata, ñannde 19, 5ɓuru 2026 ka taskaram On Tottaama Konngol, en kaali hannde ko faati e juldeere donkin (taske) e nder leyɗeele men. Hikka tiiɗallaaji ɗuuɗuɗi hino taskaa tentinii ka baŋŋe dañugol dammi layya. E bi’ol yoga e heɗiyankooɓe ɓe okkuɗen konngol, coggu baali ɗin no ɓeydii sanne hikka. Hay leyɗe ɓurɗe lollirde ngeyngu baali e nder Afrik ndee juldeere donkin no jogii caɗeele hikka. Burkina Faso, Mali e Niger ko leyɗe woowuɗe ñaɓude dammi e leyɗe kawtalje, jawle majje yaltaali hikka wano woowiri non. Pellital ardiiɓe Burkina Faso dartinnde hikka yaltinngol dammi mum battinii sanne tentinii e Koddiwaar, nde tawi 75 e nder teemederewell layya itteteeɗo Koddiwaar ko caggal leydi immorta.

Ko holno alhaali on fewndori e nder leyɗeele mon?
20 min
May 18 Yewtere udditiinde: wano woowiri non e aljumaare kala, on yewtay fii toɓɓe ɗe faalaɗon artude e mun
On Tottaama Konngol, hannde ko aljuma, e no kala aljuma. Ko yeewtere udditiinde. Hiɗon njogii ndimaagu naayoraade ɗo mbelaɗon e no mbiliraɗon e nder toɓɓe ɗe njeewtɗon e nder jeewte On Tottaama Konngol.
20 min
May 18 Holno njiiruɗon gartugol nguu ñawu ebola to RD Congo?
Hannde e altine 18 lewru 5ɓuru, on feññinii jiyanɗe mon e alhaali artugol walla fuɗɗitagol ñawu ebola e nder leyɗe goɗɗe wuddu Afrik, wano RD. Congo ko ɓuri yimɓe 80to ɓe ebola nanngi heddike e nder mun.
20 min
May 15 Yewtere udditiinde: wano woowiri non e aljumaare kala, on yewtay fii toɓɓe ɗe faalaɗon artude e mun
On Tottaama Konngol, hannde ko aljuma, e no kala aljuma. Ko yeewtere udditiinde. Hiɗon njogii ndimaagu naayoraade ɗo mbelaɗon e no mbiliraɗon e nder toɓɓe ɗe njeewtɗon e nder jeewte On Tottaama Konngol.
20 min
May 14 Ko holno yiiruɗon janngo sinema on e nder Afrik?
Hannde e alkamisa, ñannde 14 lewru 5ɓuru hitaande 2026 ka taskaram On Tottaama Konngol on holli jiyanɗe mon ko faati e alhaali sinema, no sinema on fewndori e nder leyɗeele mon e battane mum e nder duunde Afrik.
20 min
May 13 Holno ɓiɓɓe Mali nguurdi ndee uddere kuliyankooɓe e dow Bamako?
Hannde ka yeewtere men On Tootaama Konngol, on hollii jiyanɗe mon e caɗeele wuuraaɗe Mali sabu uddere nde fedde kuliyankoore JNIN jokki waɗude gila balɗe e nder gure keewɗe Bamako haa e dow laawi ɗuuɗuɗi yottaade e laamorde nden.
19 min
May 12 Holno njiiruɗo baylugol gollidal hakkunde Faransi e leyɗeele Afrik
Hannde ka taskaram men On Tootaama Konngol, on feññini jiyanɗe mon e alhaali waylugol noone gollidal hakkunde Faransi e leyɗeele Afrik.
20 min
May 11 Ko holɗum woni jiyanɗe mon e ɗii cuuɗi dummɓirɗi waɗaaɗi e nder yoga e leyɗe Afrik?
E altine ñannde 11 lewru 5ɓuru, hiɗen yewta hannde ko faati e alhaali kaso walla cuuɗi dummbirɗi suuɗiiɗi moƴƴinaaɗi e nder yoga e leyɗe Afrik. Wano Burkina Faso, RSF fedde daraniinde hakkeeji jaayndeyankooɓe e nder adunaaru nantinii e nder ciimtol ngol ɓe lollini yontere faltiinde wonndema ko faati e woodeede kaso suuɗiingo e leegal Ouaga 2000.

Ko e ndeen nokkuure Atiana Serge Oulon hooroojo jaaynde L’evenement nanngaaɗo gila duuɓi ɗiɗi sokkaa. Oo naɓaaka walloyde konunkooɓe ɓen wano hillirno ardiiɓe Burkina Faso. Hannde seedeeɓe ɗuuɗuɓe no goonɗini ɗii kabaaruuji Fedde RSF. E bi’ol maɓɓe, lunndiiɓe laamu kapitain Ibrahima TRAORE ɗuuɗuɓe no dummbee leepte, fawe fitinaaji mawɗi e nder ndeen nokkuure. Kono konunkooɓe ardiiɓe leydi ndii hollaali huunde ko faati e ngol hollitol fedde jaayndeyankooɓe RSF

Ko holno alhaali oo fewndori e nder leyɗeele mon?

Ko holɗum woodeede kaso suuɗiingo e nder leydi waawi battinde e ndimaagu e hakke neɗɗanke?
20 min
May 08 Yewtere udditiinde: wano woowiri non e aljumaare kala, on yewtay fii toɓɓe ɗe faalaɗon artude e mun
On Tottaama Konngol, hannde ko aljuma, e no kala aljuma. Ko yeewtere udditiinde. Hiɗon njogii ndimaagu naayoraade ɗo mbelaɗon e no mbiliraɗon e nder toɓɓe ɗe njeewtɗon e nder jeewte On Tottaama Konngol.
20 min
May 07 Holko tonnguɗon e ngal ɗiɗaɓal timmoode ligue des champions?
Hannde yeewtere men, faati ko e alhaali Ligue des Champions. Ko hanki timmi ɗiɗaɓal timmoode, wonno ko hakkunde PSG e Beyern Minuch to Allianz Arena e nder Allemagne. Ɗum tawi ko Arsenal fewnitiima e dow Atlentico de Madrid, foliiɓe gootel e kowal. Wadde on paami timmoode ligue des Champions hitaande 2026, wonata ko hakkunde Arsenal e Paris saint Germain.

Timmoode nde ko ñande 30 lewru nduu ngonɗen, to Budapest e nder leydi Hongrie. E yiyannde mon hol jogorɗo nawde nde timmonde ligue des champion hakkunde Psg e Arsenal.
20 min