On Tottaama Konngol

By RFI Fulfulde

On Tottaama Konngol episodes

April 22 Dakar jaɓɓike e nder balɗe ɗiɗi "Dinngiral winndereyankewal Jam e Kisal" e nder duunde Afrik
Ñannde 20 e 21 lewru ndu ngonɗen e mum, Dakar jaɓɓiima jonnde winndereyankoore yowitiinde jam e kisal e nder Afrik. Ndee jonnde noddirteende " Dinngiral Jam e Kisal e nder Afrik" waɗii e sahaa nde teskaa waylitere mawnde e nder adunaaru nduu. Njuɓɓudiiji hono CEDEAO ina telɓi seeɗa, kuliyankaagu ina jokki layde, waylowaylo weeyo e caɗeele goɗɗe e nder duunde Afrik, tentinii e falnde hirnaage. Horeejo Senegal, Bassirou Diomaye Faye ardii udditugol ndee jonnde. O waɗii yeewtere e yeeso honooɓe makko e nultondiraaɓe leyɗe. Ngam jam e kisal laatoo, o noddii e pamondiral to baŋŋe diplomatik, tafde pelle konunkooje afrikiyankooje ngam falaade kuliyankaagu.E yi'annde mon, holno podooje ɗee mbawirta wonde ko laatii.
31 min
April 21 Ko holno njiiruɗon ngol sukkugol warngooji rewɓe mbaɗayɗi saha kala e nder Mauritanie?
Mauritanie, ko sunaare e mette mawɗe ngoni ko teskaa e nder leydi ndii, tentinii e nder Nouakchott, lamorde leydi ndii. Ɗum ko caggal nde Fatimata Hamadi BAH, yiita ina seeri e fittaandu makko e nder leegal "Dar Naîm" e laamorgo leydi ndii. Caggal ndee bomaare, ɗum iirti sariawol ngol pelle daraniiɗe hakkeeji pawɗo e taabal to suudu sarɗiiji leydi ndii, sariya biyeteeɗo "Karamah", firti ndimaagu e ɗemngal pulaar. O sariya eɓɓaaɗo ngam daranaade rewɓe e hakkeeji maɓɓe kono haa joni lawɗinaaka tawo. Ko holno njiruuɗon ɗii warngooli rewɓe baɗooji kala e saha e nder Mauritanie?
20 min
April 20 Holno ñaawirɗon ndee eɓɓoore Togo nde faandaare mum woni ñawndugol caɗeele Sahel?
To Lomé, laamorde Togo, joɗiima ton ñannde 18 lewru 4ɓuru, jonnde winndereyankoore. Faandaare nde, ko laatinde eɓɓoore ngam ñawndude caɗeele gonɗe e nder Sahel. Ko eɓɓoore nde Togo, ardii ndee jonnde wattornde goomu CEDEAO, nultondiraaɓe leyɗe AES, nultondiraaɓe fedde ONU, kono kadi nultondiraaɓe dental afrik e leyɗe Europe.
20 min
April 17 Yewtere udditiinde: wano woowiri non e aljumaare kala, on yewtii fii toɓɓe ɗe faalaɗon artude e mun
On Tottaama Konngol, hannde ko aljuma, e no kala aljuma. Ko yeewtere udditiinde. Hiɗon njogii ndimaagu naayoraade ɗo mbelaɗon e no mbiliraɗon e nder toɓɓe ɗe njeewtɗon e nder jeewte On Tottaama Konngol.
20 min
April 16 E miijo maa ko holɗum ngal gral Pap LEON XIV waawi battinde e alhaali duunde Afrik?
Caggal njillu makko ngu o waɗi Algerie, o jaɓɓaama Yaounde ñalawma hannde, Pap Leon 14 ina faadaa e nder Bamenda. Ngal diiwal haali-engeleere ina tawee to bannge hirnaage rewo leydi ndii. E nguu njillu makko o waɗii eewnaango e nder winndere ndee ko faati e jam e deeƴere, yewtere hakkunde dineeji, wallude yimɓe dahaaɓe walla famarɓe doole. Ko holɗum njillu Pap Léon 14 waawi nafde e nder Afrik? Ko holɗum konnguɗi makko mbayluude e sida ɗowngo adunaaru nduu?
20 min
April 15 E miijo maa mbele e yi’annde mon Sudan ko ko yejtitaa e fitinaaji winndere?
Timmii duuɓi tati gila fitinaaji puɗɗii e nder Sudan. Tawi hakkunde Konunkooɓe Jeneral Aldel Fatah Al-Burhan e konunkooɓe FSR, wonɓe e les njimaandi Jeneral Hemedti. Ndee hawre ina jeyaa e hare mburnde bonnde e bi’ol Dental Adunaaru ONU. E nder ɗii duuɓi 3, fotde yimɓe unjune 200 ujjunere waraama. Ko holno haanaa waɗeede ndee hawre ngam dartiinde? Mbele e yi’annde mon Sudan ko ko yejtitaa e fitinaaji winndere?
20 min
April 14 Alhaali ngal pellital ardiiɓe Gabon ko faati e toŋugol ɗee mejaaje renndo
Gabon, hallullaaji keewɗi ina pecci ko faati e ɓayyinannde nde ardiiɓe leydi ndii mbaɗi ko faati e rewindagol mejaaji renndo ɗii. E nder yamiroore nde, ardiiɓe ɓee ina njiɗi lawɗinde, hanti kala kuutortooɗo mejaaji renndo ɗii, ala e sago natal maa annde, tonngoonde carte ma d’identite, innde e yettoode maa timmunde. So tawi ko sosiyete, mbaɗa e hello ngoo no wiyete registre de commerce. Onon ko holno ñaawirɗon e ngal pellital.
20 min
April 13 ko holno ñaawirɗon ndee ŋakkere paamondiral hakkunde nultondiraaɓe Amerik e ɓe Iran?
Ko faati e alhaali Moyen-Orient, hanki nultondiraaɓe Amerik e ɓe Iran, ceertii tawi ɓe keɓaani nanondiral ko faati e peeje ngam dartinde ɗii fitinaaji gonɗi e wadde e nder Moyen-Orient.
20 min
April 10 wano woowiri non hannde aljuma kadi, on yewtii fii toɓɓe ɗe faalaɗon artude e mun
On Tottaama Konngol, hannde ko aljuma, e no kala aljuma. Ko yeewtere udditiinde. Hoɗon njogii ndimaagu naayoraade ɗo mbelaɗon e no mbiliraɗon e nder toɓɓe ɗe njeewtɗon e nder jeewte On Tottaama Konngol. E nder ɗum, heewɓe e mon caɗeele yowitiinde e woppere golle wonde ɗo e Senegal, Moyen‑Orient, Gambie e toɓɓe goɗɗe. Ngam tawaɗon e yeewtere ndee, ndewe e dow +221 76 644 12 80.
20 min
April 09 Holno njiiruɗon ngal nanondiral ɓuuɓtingol hare hakkunde Amerik e Iran?
Mbele ngonɗen ko yaade e dartagol hare hakkunde Israel e Amerik faade Iran. Ko wawi heen wonde fof, hanki hooreejo dowlaaji dentuɗi Amerik, Donald Trump nantinii nanondiral joƴƴingol kaɓorɗe hakkunde maɓɓe e Iran. Kono Liban tawaaka, ko ɗum saabii piyanɗe Israel faade e maɓɓe. Holno paamirɗon ngal nanondiral aranal? Mbele anngal waawi duumaade caggal Liban?
20 min