On Tottaama Konngol

E ndee alkamisaare faltiinde, fedde windereyankoore daraniinde hakkeeji bii adaama ɓayyinii cimtol, tuumngol warngooli immoraade e konunkooɓe leydi ndii e wallidiiɓe maɓɓe Vdp een kono kadi e jihadiyankooje gonnɗe e nder leydi ndii. E nder ngol cimtol, fedde ndee, hollitii gila e hitaande 2023 haa yottii hitaande 2025, fodde 1800 siwileeɓe mbaraama e nder Burkina Faso e ujjune ujjune ɓiɓɓe leydi ndii eggii koɗorɗe maɓɓe.
 

Tuume ɗe ardiiɓe leydi ndii njeddi.

Ko ala hay dallilaaji gooti. Tedduuɓe ko holno yiannde e oo alhaali warneɗanke e nder Burekina Faso, tawi ko tumnaade e ngol cimtol? E holno ñaawirɗon ɓayyinande nde ardiiɓe ɓee mbaɗi?

To Cameroun, e jonnde nde ɓe mbaɗi ñande 4 lewru nduu ngonɗen nduu, sarɗiyankooɓe leydi ndii ngootii e keewal sariya dokkoowo hooreejo leydi ndii Paule Biya, suɓaade cukko-hooreejo leydi. Holko woni heen yiyannde mon?

Yo ɓiɓɓe Burkina Faso, njejjitde demokrasi, ɗum wonaa ko men, wii ni ko Capitaine Ibrahima Traore, hooreejo laamu faddewu Burkina e yeewtere nde o waddi e jaayndeyankooɓe ñannde alkamisaare faltiinde ndee. Holno njaɓɓori ɗon ɗii konnguɗi makko, e hol bannge demokrasi waawirta hadde ɓamtaare leydi ?

Hannde ko aljumaa, e no kala aljumaa, ko yeewtere udditiinde. E nder ɗum, hoɗon njogii ndimaagu nayoraade ɗo mbelaɗon, e toɓɓe ɗe njewtuɗon e ndee yontere e nder taskaram on tottaama konngol. Walla artuude e toɓɓe ɗe nanɗon e nder Rfi  haani e gonnɗe e nder lɗyɗe mon. E nder ɗum, heewɓe e mon ngartii e alhaali Senegal. Ngam taweɗoon e ndeer yeewtere ndee, ndewe, e dow +221 76 644 12 80.

Hannde 2 lewru 4ɓuru hitaande 2026, timmii duuɓi ɗiɗi ko hooreejo leydi ndii, Bassirou Diomaye Faye, jaratenooɗo e oon sahaa e duuɓi 43, woni hooreejo leydi Senegal, ɓurɗo famɗude duuɓi. E nder ɗuum, gargol maɓɓe e laamu, waɗiino ɗaminaare mawnde immoraade e Senegalnaaɓe, saabii ɓe ndokkaa daaɗe 54 e nder 100. Hannde woni duuɓi ɗiɗi caggal woondoore makko.

Caggal duuɓi 52, ko ɓe mbayri tawtoreede e foolotiiro winndere fuku koyngal. Hikka RDC maa tawe foolotiro winndere fuku koyngal waɗoowo e ndee hitaande 2026 to dowlaaji dentuɗi Amerik. Ɗum waawi lataade, ko caggal nde ɓe keɓi poolgu loggol gootol e ɓolum e yeeso Jamaique. Holno ñaawirɗon laawol ngol RDC rewi haa yotti ɗoo?

Yeewtere men on tottaama konngol, hannde faati ko e alhaali luural gonngal hakkunde Mali e Mauritanie. E ɗee balɗe cakkitiiɗe, tuume ina mbaɗa hakkunde ɗee leyɗe. E talkuru ɓayyinaandu ñannde 28 lewru 3ɓuru, Mauritanie hollitii wonnde konunkooɓe Mali mbarii siwileeɓe 5 tawi ko Mauritaninaaɓe e nder leydi Mali, ɗo woɗaani keerol hakkunde maɓɓe. Holko saabi ngal luural? Ko holton ngol waawi yettaade?

Fedde dental leyɗe Afrik, jagganaani hooreejo kiiɗɗo Senegal, Macky Sall e jonnde kolaaɗo kuuɓal fedde ONU. E nder talkuru ndu goomu dental ngal ɓayyini, fodde leyɗe 20 e nder 54 Afrik, njaɓaani addude ballal maɓɓe, no e majje leydi Senegal. ko holno njiruɗon oo peccor e nder dental leyɗe Afrik, kono kadi e yiyannde e darnde nde Senegal darii e oo alhaali?

Aljuma, ñannde 27, 3ɓuru, ko e oo saa’i ɗoo wontidetin ka taskaram men woowunɗo  “OnTottaama kongol”.                                                                                              
Ko saɗi mon ko toolii / Bismilla mon / foofo mon
Mussiɓɓe tedduɓe wano tinirɗon e aljuma sakkintiinde lewru kala, taskaram On Tottaama Konngol jonnan rewɓe ɓen konngol.
 

Toɓɓere nde men yewtidata e maɓɓe hannde no yowiti e caɗeele rewɓe ngam wullitaade e cuuɗi ñaawirɗi e nder duunde Afrik.Hino taskaa hannde e nder yoga e leyɗe Afrik tenntinii ɗee hikkorɗe e hirnaage e wuddu duunde nden wullitagol rewɓe ɓen ka cuuɗi ñawirɗi wonaa huunde newaniinde rewɓe ɓen fow.

Fi kala to banŋe sariyaaji poolgu dañaama e nder leyɗe keewɗe ko faati e teddingol hakkeeji rewɓe, kono geɗe goɗɗe jeyaaɗe e faggudu, finaa tawaaa walla aadaaji men e goɗɗe e goɗɗe no haɗude hannde yoga e rewɓe waawude wullitaade e suudu sariya. 

Ko holno taskorɗon oo alhaali e nder leyɗeele mon.

Ko holɗum haanaa waɗeede hannde ngam hakke rewɓe waawude wullitaade e suudu sariya teddinee e nder denndaagal leyɗe Afrik

Ngam yewtugol fii oo alhaali hiɗen ɓanniti Metere Fatimata Mbaay, daraniiɗo hakkeeji neɗɗo to Moritani

En yewtidan kadi e Habi JALLO, Ko o komiseerjo poliisi gonnɗo e foftere.

Koɗo tammo on ko Mariama Keso DIALLO jannginoowo jeyaaɗo e fedde rewɓe noddirteende COFIG.

En wontidan men e heɗiyanjooɓe men ngam hollide miijooji mun e lefol ngol.

Rewro ngon ko ka kowal kawal 221 76-644-12-80,

Aljuma, ñannde 27, 3ɓuru, ko e oo saa’i ɗoo wontidetin ka taskaram men woowunɗo  “OnTottaama kongol”.                                                                                              
Ko saɗi mon ko toolii / Bismilla mon / foofo mon
Mussiɓɓe tedduɓe wano tinirɗon e aljuma sakkintiinde lewru kala, taskaram On Tottaama Konngol jonnan rewɓe ɓen konngol.
 

Toɓɓere nde men yewtidata e maɓɓe hannde no yowiti e caɗeele rewɓe ngam wullitaade e cuuɗi ñaawirɗi e nder duunde Afrik.Hino taskaa hannde e nder yoga e leyɗe Afrik tenntinii ɗee hikkorɗe e hirnaage e wuddu duunde nden wullitagol rewɓe ɓen ka cuuɗi ñawirɗi wonaa huunde newaniinde rewɓe ɓen fow.

Fi kala to banŋe sariyaaji poolgu dañaama e nder leyɗe keewɗe ko faati e teddingol hakkeeji rewɓe, kono geɗe goɗɗe jeyaaɗe e faggudu, finaa tawaaa walla aadaaji men e goɗɗe e goɗɗe no haɗude hannde yoga e rewɓe waawude wullitaade e suudu sariya. 

Ko holno taskorɗon oo alhaali e nder leyɗeele mon.

Ko holɗum haanaa waɗeede hannde ngam hakke rewɓe waawude wullitaade e suudu sariya teddinee e nder denndaagal leyɗe Afrik

Ngam yewtugol fii oo alhaali hiɗen ɓanniti Metere Fatimata Mbaay, daraniiɗo hakkeeji neɗɗo to Moritani

En yewtidan kadi e Habi JALLO, Ko o komiseerjo poliisi gonnɗo e foftere.

Koɗo tammo on ko Mariama Keso DIALLO jannginoowo jeyaaɗo e fedde rewɓe noddirteende COFIG.

En wontidan men e heɗiyanjooɓe men ngam hollide miijooji mun e lefol ngol.

Rewro ngon ko ka kowal kawal 221 76-644-12-80,