On Tottaama Konngol

Hannde e alarba, ñannde 31, lewru 12ɓuru 2025 ka taskaram On Tottaama Konngol, on artanii en e kabaaru yawtuɗo e nder ndee hitaande 2025. Kabaaru mo maaditiɗon tawa himo battini e mon. Kabaaru leyɗe Afrik maa leyɗe adunayankooje, woni ko to baŋŋe dawro, ndeenaagu, kisal, cellal, faggudu, taariindi, needi, maa baŋŋeeji goɗɗi.

Hannde talaata ñannde 30, 12ɓuru yewtere men no nawra en Najeriya, nokku to konu Amerik waɗi e alkamisa yawtuɗo fiyannde weeyo liddu fedde  noddirteende « Dawla Lislaamu » e nder diiwal Sokoto to rewo leydi ndii. E bi’ol ardiiɗo konu Amerik, siwiljo hay e gooto heddaaki e nden ndee fiyande nde hooreejo Amerik Donald Trump holli wonndema ko ndee waɗanaa ko ngam yottanagol e hiwugol nasarankooɓe wonaaɓe e wareede Najeriya e kadi laamu Naeriya wallitino Amerik laatinngol fiyannde.

Ko holno taskorɗon ndee fiyande konu Amerik e nder leydi ɓurndi e heewude ɓiɓɓe leydi e nder duunde Afrik ?

Taw si ɗum waaway haɓude rafi ndeenaagu taskaangu e nder leydi ndii ?

Hannde e oo altine 29 lewru 12ɓuru, en kaalii ko faatii e suɓngooji hooreyaaku Gine. Ko ɓaɗii miliyonji 7 ginenaaɓe no haanunoo suɓaade alet ardotooɗo leydi ndii e nder duuɓi 7 arooji hakkunde kanndidaaɓe njeenayo, hooreejo laamu faddewu Gine jeneral Mamadi Doumbouya e tiindondiraaɓe njeetata ɓe Abdoulaye Yéro Baldé e Dr Faya Millimouno tawaa. Kono luulndiyankooɓe mawɓe Gine wano Cellou Dalein Diallo maa hooreejo kiɗɗo leydi ndii Alpha Condé mo laamu mun liɓaa e hitaande 2021 wonuɓe ɓee ɗiɗo to caggal leydi, tawaaka e woote ɗen. E biol suuɗu halfinaandu yuɓɓingol woote ɗen, ɗe feƴƴii e jam, Ginenaaɓe yaltii e keewal ngam suɓaade hooreejo keso leydi, ndii. Limoore wootuɓe ɓen no ɓadii 85 e nder teemedere wel.

Hannde e aljuma, ñannde 26lewru 12ɓuru 2025 ka Taskaram On Tottaama Konngol en kaalii fi ngoo foolotiro fuku-koyngal Afrik CAN hitande 2025 fuɗɗiingo Marok gila e alat ñannde 21 lewru nduu wonɗen e mum haa ñannde 18 lewru darotoondu hitaande 2026. Diɗɗe walla leyɗe 24 tawtoraaɗe e ngoo folotiro no sennditaa e nder guɓe walla pul jeego’o, en yi’ii wano Marok, leydi juɓɓinndi CAN oo hikka no wonndi e Mali guɓal gootal. Ko tiindondiral hakkunde ngal diɗɗal Marok e ngal Komoor udditi ngoo foolotiro.

Ko holno taskorɗon kawrite yawtuɗe ɗen ? Wano hakkunde Senegal – Botswana, Mali – Zambiya, Burkina Faso – Gine-ekwatoriyal, Koddiwaar e Mozambik.

Ko holno yiiruɗon arsike leydi mon e ɗeen kawrite ?

Ko e ɗiɗɗe honɗe fawuɗon yaakaare e mum ka daawal aranal foolotiro ?

Hannde e alkamisa ñannde 25, 12ɓuru, hiɗen hewta Marok, kaalen fii ngoo foolotiro fuku-koyngal CAN 2025 fuɗɗiingo gila e alat yawtuɗo. Dawal aranal foolitiro ngoo timmii hanki e alarba. Diɗɗe 24 ɗen fof fijii tiindondire mum arane ɗen. Gila e tiindandiral hakkunde Marok e Komoor udditungal foolotiro ngon, rewri e kawrite Mali e Zammbiya, maaɗum Senegal e Boswana, Burkina Faso - Guine Equatorial, haa e Cote d’Ivoire - Mozambik e kawrital ngal hakkunde Kamerun e Gabon, alhaaliiji buy taskaama e ɗee pottite.

Ko holno yiiruɗon kawrite yuɓɓinaaɗe e ngal daawal aranal foolotiro CAN Marok?

Ko holno ñaawirɗon kawrital diɗɗal mon e ngal daawal e ndee ñalaande aranere?

Ko diɗɗal walla diɗɗe honɗe juhi on e nder ɗee kawrite yuɓɓinaaɗe e nder ɗee balɗe nayi?

Alarba ñannde 24 lewru 12ɓuru, en kaalii hannde fii ndee jonnde ɗiɗaɓere Dawlaaji Leyɗe AES. Hooreeɓe Mali, Burkina Faso e Niger hombii hanki jonnde maɓɓe ngal ɓalɗe ɗiɗi nde ɓe yuɓɓini to Bamako. Faandaare ndee jonnde ko e alhaali semmbinde jokkondiral e gollidal hakkunde leyɗeele maɓɓe tati ɗee to bannge ndeenaagu e ɓamtaare, ina wonndi e ndaartugol golle ɗe ɓe laatini gila ɓe sinci ngal kawtital AES.

Ko tippude e ɗum hooreeɓe ɓen tato udditii oo tele AES e Banke BCID-AES mo ɓe hawtiti ɓe sinci Bamako. Ɓe okkii kadi laawol ngoomu konu maɓɓe yo fuɗɗo golle. Ka hommbugol ngal tummbondiral, ɓe suɓike Capitaine Ibrahim Traoré, hooreejo Burkina Faso ko lomtoo general Assimi Goita e gardiigu dental AES e ndee hitaande aroore.

Ko holno taskorɗon ndee jonnde 2ɓare dental leyɗe AES?

Talaata hannde 23 lewru 12ɓuru, yeewtere men no nawra en to Koddiwaar nokku to oorngal suɓngooji sarɗiyaŋkooji njokki. Gila yontere faltiinde ndee, kanndidaaɓe e ɗii sarɗiyankooji yuɓɓinteeɗi ñande aset aroore, 27 lewru ndu wonuɗen, no yiilaade e nder denndaagal ca’e e koɗooli leydi ndii ngam noddude ɓiɓɓe Koddiwaar ɓee wootangol fedde maɓɓe dawro. Kanndidaaɓe 2.740 foolotiray e ɗii sarɗiyankooji fii julle 255.

Lebbi ɗiɗi ɓaawo nde Alassane Ouattara suɓitaa ardagol Koddiwaar, RHDP fedde laamuyankoore nden tiindodiray e ɗii ssuɓngooji e lunndo ngoo jogondira. Wano fedde dawro PPA-CI nde Laurent Gbagbo tawtortaake. Fedde PDCI nde Tidjane Thiam, nde tawanooka e woote hooreyaaku leydi ndii, tawtorte ɗii sarɗiyankooji.

E miijo mon hara fedde PDCI nde Tidjane Thiam waaway dañude keewal e ɗii sarɗiyankooji ?

Ko holno taskorɗon pellital PPA-CI nde Laurent Gbagbo, waasude tawtoreede e suɓngooji ɗii ?

Tawu si ɓee kanndidaaɓe ɓe humondiraa e fedde dawro waaway juhuɗe e ɗii sarɗiyankooji ?

Hannde e talaata ñannde 22 lewru 12ɓuru, en kaalan hannde fii pellital ngal fedde toppitiinde fuku-koyngal Afrik woni CAF ɓami. Pellital anndingal wonndema gila e hitaande 2028 foolotiro CAN yuɓɓintenoongo duuɓi ɗiɗi kala, yuɓɓintee jooni ko duuɓi nayi (4) kala. Ko ɗum anndini e aset faltiinde ndee hooreejo fedde CAF nden, Patrice Motsepe. Himo holli wonnde foolotiro CAN saatiingo e hitaande 2027 Kenya, Ouganda e Tanzanie dirtintaake kono haananoongo yuɓɓineede e hitaande 2029 artirete e hitaande 2028. Gila ɗon CAN yuɓɓintaake haa e hitaande 2032 jokka 2036 e 2040 …

Pellital konngol ngal oo hooreejo CAF feññini kadi no yowitii e yuɓɓingol foolotiro wonngo Afik futtotoongo e hitaande 2028, ina wi’e ‘‘Ligue des nations d'Afrique’’, wano ‘‘Ligue des nations d'Europe’’ on. E bi’ol Patrice Motsepe, faandaare nden ko ngam wallitagol no latooɓe ballon afriknaaɓe ɓee e teekode Oropnaaje ɗee waawa hitaande kala tawtoreede e ngoo foolotiro ‘‘Ligue des nations d'Afrique’’.

Ko holno yiiruɗon ngal pellital CAF

Ko holɗum ngal pellital waawi waylude e ngoo foolotiro CAN

On Tottaama Konngol Hannde e nder ndee yeewtere udditiinde, on kollii miijooji mon e ko faati e kabaaruuji ɗi njiɗɗon artude e mum e nder ndee yontere...

Hannde e nder yewtere On Tottaama Konngol, on holli mijooji mon ko faati e ɗee pellite ɗe hooreejo Amerik, Donald Trump ƴetti woni haɗugol fodde  leyɗe jeeɗiɗi tawi no e majje leyɗe AES naade e nder Amerik?