On Tottaama Konngol

Hannde e alarba, ñannde 8 lewru 10ɓuru, yeewtere men no nawra en hannde to Kamerun. En kaalat ko faati e alhaali dawro leydi ndii. Ko e ciifol sakkitorol ngol wonaa ado suɓngooji hooreyaaku leydi, yuɓɓinteeɗi ñannde 12 lewru ndu wonuɗen e mun. Kono lumdiyankooɓe ɓen waawaali haa ni timminde faandaare maɓɓe wootere ko faatii e nanondirde e kanndidaajo gooto mo ɓe iwtirta ɓaawo mun ngam foolude Paul Biya, gonɗo e laamu fodde duuɓi 42, kadi ƴamoowo lefol laamu Kamerun e laawol 8taɓol. E kanndidaaɓe sappo e go’o to senngo lumnɗiyankooɓe haanuɓe taweede e ɗee woote, ko ɗiɗo tun felliti tawo iwtirgol ɓaawo Bello Bouba Maigari, kanndidaajo fedde dawro UNDP.

Ɓen lumdiyankooɓe ɗiɗo tawtuɓe Bello Bouba Maigari jaagorɗo, kiɗɗo Paul Biya, ko Akéré Mouna, hooreejo fedde dawro Univers e Ateki Kakson mo fedde dawro PAL. Fewndo ɗoo wonii kanndidaaɓe 9 to senngo lumndo pooɗondirayɓe lefol laamu e Paul Biya.

Ko holno faamirɗon ngol waasugol nanondirde ɓee lumndiyankooɓe e kanndidaajo gooto?

E miijo mon holko saabii ɓe waɗude korun an, beɗun an? Ko holɗum ɗum battinta?

Alarba hannde, ñannde 7 lewru 10ɓuru, en yewtii ko faati e caɗeele dawro taskaaɗe to Faransi. Ko huunde nde meeɗaa waɗude taskaa ton e ɗee balɗe. Yamnde 14 caggal nde guwernaman keso Faransi joɗɗinaa, Sébastien Lecornu hooreejo keso jaagorɓe leydi ndin jonnitii laamu ngu o halfinaa ñannde 9lewru faltiinde. E bi’ol Sébastien Lecornu ko addimo ɓortaade nguu laamu, ko tawde sartiiji ɗin timma fii yo o waawu laataade hooreejo jaagorɓe Faransi. Hino jeyaa e ɗum anngal famondiral hakkunde makko e hooreejo leydi ndii ko faatii e suɓagol jaagorɓe guwernaman makko on.

E ndee yeewtere men hande, altine 6 lewru 10 ɓuru, en kaalan fii hare ɓooyuɗe Gaza, wonndude e eɓɓoore hooreejo Dawlaaji Ndentuɗi Amerik Donald Trump. Ɗum ko ndee feere nde o ɓami ngam artirde ɓuttu/jam hakkunde Israyel e Hamas. Hino jeyaa e toɓɓe ndee eɓɓoore Donald Trump fii lannugol/gasnugol hare Gaza, accitugol ɗahaaɓe Israyelnaaɓe ɓe Hamas jaggi, woppitugol teemed e   teemede palestinnaaɓe wonuɓe e juuɗe Israyel, wallinngol kaɓorɗe ɗee, dartina hare ɗen wonndude e toɓɓe goɗɗe e goɗɗe. Fedde Hamas e senngo mun hollii wonnde ɓe jaɓii toɓɓere aranere e ndee eɓɓoore Donald Trump, woni accitugol  denndaangal ɗahaaɓe israyelnaaɓe wonɓe e juuɗe maɓɓe.

Ko holno taskorɗon ndee eɓɓoore hooreejo Amerik fii lannugol hare Gaza hakkunde Israel e Hamas? Tawu si ndee feere Trump waway artirde jam hakkude Hamas e Israyel? Kaaldal no jokka gila hannde bimbi to Charm el-Cheikh, leydi Egypte e dow ndee feere Donald Trump,  no nde haani yaarude. 

On Tottaama Konngol Hannde e nder ndee yeewtere udditiinde, on kollii miijooji mon e ko faati e kabaaruuji ɗi njiɗɗon artude e mum e nder ndee yontere

E nder ɗee balɗe fof ko filñitere mawnde teskaa e nder leyɗe Maroc e Madagascar. Sukaaɓe leeydi Maroc renduuɓe e fedde noddirteende e Gen Z 212, mbaɗii seppooji e nder diiwe keewɗi, e nder Agadir, Marakech, Casablanca, ngam hollirde mettu mbernde maɓɓe ko faati e ngonka e leyɗe, ŋakkere golle sukaaɓe, caɗeele cellal e jaŋde leydi ndii e ko nanndi hen. To Madagascar ko hono ɗeen fedde wotere "generation Z ", ɓe mettini keewwndi taƴƴugol kuran e ndiyam e nder leyɗeele ɗee. Guwernama leydi ndii fusaama, heɓe namni yo hooreejo leydi ndii jippo e laamu. Holko ɗii seppooji kollata ko faati e dillere renndo?

Hannde e nder yewtere On Tottaama Konngol, on hollii mijooji mon e alhaali jukkoore maayde faade e hooreejo kiiɗɗo leydi RDC, Joseph Kabila. O gorko no tuumaa bonanda-hare, janfa faade e ngenndi makko, gollidude e murtuɓe AFC/M23. Ko holno njiiruɗon ndee jukkoore nde o fawaa?

Hannde e nder yewtere On Tottaama Konngol, on hollii mijooji mon ko faati e duuɓi tati laamu Kapiten Ibrahima Traore. E gargol makko e laamu, o hollitiino woni faandaare makko, ko haɓude kuliyankaagu e nder Burkina Faso. Caggal ɗii duuɓi tati, ko holno ñaawirɗon laamu makko? 

Altine, ñannde 29lewru 9ɓuru, en kaalan hannde fii calɗi dental adunaaru ONU dariniiɗi kisal e ndeenaagu no wi’e conseil de sécurite. Jonnde 80ɓere ONU, yuɓɓinaama yontere yawtunde ndee to New York, e dow toɓɓe yowitiiɗe e caɗeele winndereyankooje taskaaɗe e oo sahaa, yeru hare hakkunde Russie e Ukraine e ɗee alhaali dawla Palestine. Hooreeɓe leyɗeele Afrik keewɓe  ɓamuɓe konngol e ngal tummbondiral hollii ko faati e heyɗintingol walla waylugol ngal dental ONU. Woɓɓe no holli waasugol timmingol darnde calɗi Onu daraniiɗi ndeenaagu.  Wano hooreeɓe jaagorɓe Burkina Faso e Mali ƴettuɓe konngol e ndee jonnde, ñiŋii sanne golle ɗii calɗi ONU e nder Afrik. Ko ñiŋooje goote ɗen e bannge hooreeɓe ɓamuɓe konngol ɓurɓe ɓen ka tummbondiral.

Enee ko holno taskorɗon golle calɗi dental adunaaru ONU e nder leyɗeele ɗen ?

Hannde e aljuma, ñannde 26lewru 9ɓuru 2025 ka Taskaram On Tottaama Konngol en kaalii ko yowiti e alhaali mehugol humanbinnaaku rewɓe dowri. Hannde jannde rewɓe dowri ko huunde hittunde, nde tawi ko ko wallitotoo ɓe daranaade hoore maɓɓe, e waawude ɓamtude yimɓe dowri maɓɓe. Rewɓe ɗuuɗuɓe faamii hannde nafa janngugol hay si duuɓi ɗin toowii , yoga e maɓɓe no winndaade e duɗe jannginirɗe mawɓe ngam heɓugol ganndal, waawa winndude, janngude e limude… hara ɓe waaway nawrude no newori kala ko ɓe jokki tawa ɓe rewaali e neɗɗo goɗɗo. tawa ɓe wallitaaka

Ko holno yiiruɗon jannde ɓee rewɓe toowuɓe e duuɓi ?

Ko holɗum mehugol humanbinnaaku woni e ɓattinaade rewɓe ɓe naataano lekkol ?

 Ko holɗum e nafa rewɓe ɓen woni e dañude e nder  ngol mehugol humanbinnaaku ?

Hannde alkamisa 25 lewru 9ɓuru, yeewtere men no nawra en Gine, nokku to suudu ñaawirdu  mawdu leydi ndin lawɗinta njaltudi suɓngooji referendum yuɓɓinaaɗi e ñande alet 21 lewru 9ɓuru. Kono e bi’ol jaagorɗo halfinaaɗo geɗe nder leydi, « Eey » on hollude no jaɓi ngal dosngal kesal Gine foolii dañii wootuɓe eey 89 e nder teemedere wel. Hooreejo jaagorɓe Gine Bah Oury kadi nde ƴetti konngol alarba hanki, holliino wonnde ɗum ko poolgu ɓii-leydiyaagal walla ko ɓii-leydiyaagal ngal fooli. E bi’ol makko, ngal keewal wootuɓe wonndude e foolude Eyo on jibinii hoolaare e yaakaare wonnde ko faati e woote sarɗinkooɓe e hooreyaaku Gine, woote ɗe o anndini wonnde yuɓɓinte ɗoo e timmoode hitaande nde wonuɗen e mun.

To banŋe luulndiyankooɓe hollunooɓe kala bambube ɓe hoto wootoy, no liddii njaltudi suɓngooji referendum ɗii. El hadj Cellou Dalein DIALLO, hooreejo fedde dawro UFDG, hollii e dow mejaaji renndo ɗii wonnde ko jiiɓoldu moolanaandu waɗaa e ɗii suɓngooji. Ko ɗum kadi holliri Faya Millmolo. E bi’ol hooreejo fedde dawro Bloc Liberal, njaltudi ɗee woote no kirɗi toode.

Holno yiiruɗon njaltudi suɓngooji referendum ɓanginaaɗi ɗii ?

Ko holno suɓngooji ɗii feƴƴiri ka mon ?

Ko holno yiiruɗon janngo laamu faddewu Gine ?