On Tottaama Konngol

Taskaram men On Tottaama Konngol hannde e aljuma ñannde 04 lewru 7ɓuru 2025, e nder ndee yeewtere udditiinde, on kaali ko faati e alhaali kabaaruuji jawtuɗi e ndee yontere. On ngaddii ji’anɗe mon e toɓɓe ɗe njiɗɗon heɓde fensitande e majje. Keɗoɗee jeewte baɗaaɗe ɗee.

Hannde e alkamisa ñannde 3, 7ɓuru, en kaalii ko faati e alhaali afriknaaɓe naatuɓe faransi, wonuɓe e ƴamude kaydi fattordi leydi ndii. Limoore maɓɓe no ɓeydii sanne ɗuuɓi sakkitiiɗi. E bi’ol cimtol njuɓɓudi faransiyankoori daraniindi ɗanniyankooɓe no wi’e OFPRA, leyɗe ɗe yimɓe mum ɓuri e ɗaɓɓoɓe kaydi e nder Faransi, ko Gine, Koddiwaar e RD.Konngo. kono ko Gine woni leydi araniri e majje. Rowani, ɓuri ginenaaɓe ujune 11 lamdike kaydi fattordi. Limoore ɓeydornde 5 e nder teemederewel e nder hitaande wootere, fii kala Gine alaa e nder hare. Ginenaaɓe wonuɓe e ƴamude kadi fatttordi Faransi ko yaltuɓe ka mum e bi’ol maɓɓe sabu balhaali dawro, e fitinaaji faweteeɗi rewɓe.

Ko holno taskorɗon oo alhaali ɓeydagol limoore afriknaaɓe wonuɓe e lamdaaɗe kaydi ngam ɓe woowa jooɗaade Faransi?

Ko hono yiiruɗon ko ko Gine siforaa leydi araniri e leyɗe Afrik ɗe ɓiɓɓe mun ɓuri e ɗuuɗuɗe e lamdiiɓe kaydi fattorndi Faransi?

Hannde e alarba, ñannde 2, 7ɓuru, yewtere men no nawra en hannde Kamerun kaalen ko faatii e alhaali dawro leydi ndii. RDPC, fedde dawro laamiinde ndee waasi gollidiiɓe maɓɓe ɗuuɗuɓe. Jaagorɓe tato fow ɓortike laamu e nder yontere wootere, e saayi nde leydi ndii woni e heblanaade suɓngooji hooreyaaku saatiiɗi e lewru 10ɓuru hitaande nde wonuɗen e mun. Ɓee hooreeɓe tato ko joginooɓe doole sannde e nder RDPC, wallitiiɓe ko moolanaa hooreejo leydi ndii Paul Biya e laamagol Kamerun

Caggal nde ɓee jaagorɓe jonnitude laamu, ɗiɗo e maɓɓe feññinii faale maɓɓe ƴamugol lefol laamu. Ɓen ko Bello Bouba Maigari, hooreejo fedde dawro UNDP jaagorɗo kiiɗɗo laamu woni jooni duuɓi noogas e jeetati. E hooreejo fedde FSNC Issa Tchiroma, ƴettanoowo guwernama konngol. Ɓee dawroyankooɓe ɗiɗo, ko jogiiɓe doole to bannge rewo leydi ndii e banŋe politik

Hannde e talaata ñannde 1 lewru 7 ɓuru yewtere men no nawra en Gine, kaalen ko faati e eɓɓoore dosngal leydi ndii. Hooreeɓe CNT lomtiiɓe suudu depiteeɓe e oo saa’i laamu ƴanngal gaynii winndide eɓɓore sariya mawɗo keso mo ginenaaɓe wootata walla andida si jaɓii walla oo ñannde 21 lewru 9ɓuru hitaande nde wonuɗen e mun. Toɓɓe kese ɗuuɗuɗe hino loowaa e nder ndee eɓɓoore doosngal Gine.Ko holno taskorɗon toɓɓe keso loowaaɗe ɗen e nde eɓɓoore dosngal Gine?

Wano tawtoreede e suɓngooji Gine mo jeyaaka e fedde dawro, happu duuɓi ƴamooɓe lefol laamu. Jooni ko jogiiɗo duuɓi gila 40 haa 80 yananaa ɗaɓɓude laamu. Mandaa hooreejo Gine ko duuɓi 7 hetɗintinteeɗi nde wootere pet, e kadi hooreejo laamu faddewu nguu Jeneral Mamady Doumbouya waawan tawtoreede e ƴamooɓe lefol laamu. Toɓɓe kese goɗɗe kadi ko joɗɗingol suudu sarɗinkooru mawndu SENAT e fonnugol faransiire nden e ɗemɗe ngandiije ɗen.

Hannde e Altine ñannde 30, 6ɓuru, en kaalan ko fewti RD.Konngo e Rwanda. Ɓawto duuɓi heewuɗi hare hakkunde leyɗe ɗee ɗiɗi, ɗe siifii aadodal jam e aljuma yawtuɗo Washington ngam dartinngol hare ɓooyuɗe funnaange RD Konngo. Ɗum waɗii e tawnde jaagorɓe halfinaaɓe jokkondire hakkunde leyɗe maɓɓe e ɗee janane, ɓen ko mo RD.Konngo, mo Rwande e mo Amerik.

Kono haa hannde toɓɓe ɗe nanondiral ngal siifaa e ɗow mun ɗen feññinaaka. Ngal adoodal kesal siifaangal e ley ardiingu Amerik jibinii haalullaaji ɗuuɗuɗi.Hay si tawii woodii miijiiɓe wonndema ngal ɗoo aadodal seertay e yawtuɗe ɗee, faandaare nde aran timmude, woɓɓe kaŋum no sikki tun ko ko woowi kon ko siifungol tun aadode ɗe nafataa huunde saɓu ko haldaa kon teddintaake. Ko holɗum woni ji’anɗe mon e ngal aadodal nanondiral siifaangal hakkunde RD.Konngo e Rwanda? Tawu si ɗum ko damal kesal ɗaminaare wono holliri Donald Trump hooreejo Dawlaaji Ndentuɗi Amerik?

Hannde e aljuma, ñannde 27lewru 6ɓuru 2025 ka Taskaram On Tottaama Konngol en kaalii ko yowiti e alhaali darnde rewɓe e haɓugol tuuɗe poore. Huunde taskaande e nokkeeli ɗuuɗuɗi e nder leyɗeele men, woni ka daaɗe maaje walla e nder majje, ka ngese, ka tuuɗe hibbetee, e ka nder galleeji. Ɗum no battinnde sanne e nder adunaaru nduu. Yoga e kulle maaje muli sabu oo poore.  No jeyaa e ɗen liƴƴi. ɗee tuuɗe poore kaɗi no saabaaɓe waylugol noonanteeri taariindi ndii. Nde tawi ko rewɓe ɓen woni ka ɓennguureeji, ko kamɓe laɓɓinnta, mooɓa tuuɗe hibba, ko ɗum waɗi hiɓe jojii geɓal mawngal e nder habugol ɗee ɗuuɗe poore fii hiwude taariindi ndin. E miijo mon, Ko holɗum debbo kala haani gollude ngam háɓude tuuɗe poore e nder leyɗeele ɗen?

Alkamisa ñannde 26, 6ɓuru yewtere men no nawra en to baŋŋe coftal ɓalli, kaalen ko faati e foolotiro fuku koyngal deesewal adunaaru teekode no noddiree « Coupe du monde des clubs »  Foolotiro fuɗɗiingo ñannde 15 lewru ndu wonuɗen e mun to Dawlaaji Ndentuɗi Amerik, jokkayngo haa ñannde 13 lewru 7ɓuru arooru. Ko diɗɗe 32 immorde duuɗe ɗen jowi, hawti sennditii e goɓe 8 ɗee teekode 4 guɓal kala. Hino jeyaa e diɗɗe 32 yaaɗe e ngoo foolotiro diɗɗe 4 afriknaaje.

Ɗen ko Mamelodi Sundows mo Afrik di Sid, Widad mo Marok, Esperance mo Tunisie e Al Ahly mo Egypte. Kono teekode afriknaaje ɗee nayi non waawaali yottaade e 8 jeetataɓal timmoode. Ko e kawrite daawal aranal ngal ɗe fow majje ɗe piyaa.

E miijo mon holko saabii teekode afriknaaje nayi tawaanooɗe ɗen fow ronki woɗɗaade e ngoo foolotiro ? Walla yiltaa ka daawal aranal

Holko ŋakkani ɗee didde Afriknaaje e ɗee tiindondire ?

Alarba ñannde 25, 6ɓuru yewtere men mo nawra en Koddiwaar, Alasaan Waatara ardiiɗo leydi ndii haa jooni fenñinaali si o tawete e suɓngooji hooreyaaku happaaɗi e lewru 10ɓuru hitaande nde wonuɗen e mun. Fedde dawro makko RHDP suɓike mo yontere yawtunde wonude kanndida maɓɓe e woote arooje ɗee. Ɗum ko e tummbondiral mawngal ngal RHPD yuɓɓini e alat yawtunde Abijan ka laamorgo ngon.

Kono  tawanooɓe ɓen fow ka mottondiral hootuduno e kumpa sabu Alasana Waatara feññinaali nden ñannde ko ɗuuɗuɓe habbi,  si tawete walla oo’o e suɓngooji arooji.O holli wonndema o anndinay miijo makko balɗe arooje si o fellitii wonude kanndida walla alaa.

Ko holno yiiruɗon anngal laɓɓingol Alasana Waatara si o ƴamay lefol laamu Koddiwaar, ngam waɗude mannda 4ɓo ?

Hara ko honɗum woni fii oo jiɓi liɓi mo woni e waɗude e dow kanndidaaku makko ?

Koɗo on ka yewtere ko Mammadu Moctaar JALLO, hertorɗo dawro immorde Koddiwaar

Hannde e talaata ñannde 24 lewru 6ɓuru 2025, ka taskaram On Tottaama Konngol, en kaalan fii Dental Leyde Hirnaange Afrik CEDEAO, ko faati e hooreejo keso Dental ngal Julius Maada Bio, hooreejo Sierra Leone. O toɗɗaama lomto Bola Ahmed Tinubu e hooreyaaku Dental ngal e alat yawtunde e jonnde 67ɓere Dental Cedeao to Abuja, Najeriya. Julius Maada Bio halfinaama ardiigu ngal dental leyɗe hirnaange Afrik e saayi mo CEDEAO woni e caɗeele ;  hino jeyaa e majje, yaltugol Mali, Burkina Faso e Niijeer, e nder CEDEAO. Caggal nde o suɓaa, Julius Maada Bio feññinii pellite ɗe o ƴetti ko faati e laatingol paadaaje fedde ndee. Hino jeyaa e majje semmbinde demokarasi, wallude no ndeenaagu leyɗe ɗen tabitira, semmbinde yaha-ara hakkunde leyɗe ɗen.

E miijo mon hara Julius Maada Bio ardiiɗo CEDEAO keso, waawan timminde walla laatinde no neworii pellite ɗe o ƴetti ɗee?

Altine ñannde 23, 6ɓuru, en kaalan hannde fii pelle dawro e nder leyɗeele men, ko yowitii no ɗee pelle politik dañirta kaalisi ko ɗe laatinirta golleeji majje. E leyɗeele keewɗe laamu ngun no happi adadu kaalisi mo ngu wallitorta pelle dawro ɗen hitaande kala. Ɗum ko wano Mali, nokku to pelle dawro ɗen yamiraama andinnde no ɗe huutori kaalisi mo laamu ngun wallitori ɗe, fi kala ɓurɗe ɗen no fusa gila lewru 3ɓuru faltiindu.

Suudu ñaawirdu leydi ndii hollii wonndema ko haa ñannde 30 lewru ndu wonuɗen e mun ɗoo, pelle ɗen okkaa ngam sifaade no ɗe huutori balle ɗe laamu ngun totti ɗe duuɓi 25 sakkitiiɗi, gila e hitaande 2000 ɓeɓi hannde.

E hitaande 2018 lanndaaji politik Mali wallitorano miliyaar 2 piccal 6 kaalisi seefa, ɗum no ɓaɗii miliyon 4 kaalisi Ero.Enee, ko holno taskorɗon ngal pellital ardiiɓe Mali yamirgal pelle dawro leydi ndin anndinde no ɗe huutori kaalisi mo laamu ngun wallitori ɗe?

Ko honno pelle dawro leyɗeele mon woni e dañirde kaalisi ko ɗe huutorta e banŋe golleeji majje?

Ngam okkugol miijo mon e ɗow lefol ngol on nadday ka tongoode woowunde. Ka 00221766441280

Virgule

Koɗo on ka yewtere ko Mamadou SY Albert, hertorɗo alhaali dawro immorde Senegaal