On Tottaama Konngol

Altine, ñannde 9 lewru 6ɓuru, yeewtere men no nawa en, hannde, to Mali. Konu Wagner anndinii e aljuma jawtuɗo oo e nder widewo mo ɓe lollini e hello maɓɓe telegram wonnde ɓe yaltat e nder Mali. Ngal guɓɓal Wagner ƴetti ngal pellital ko caggal duuɓi tati e feccere ɗi ɓe gollidi e konu Mali nguu to baŋnge ndeenaagu e kisal ɓiɓɓe leydi ndiiɓ. Ko guɓal goɗngal Russie noddirteengal “Africa Corps” lomtotooɓe e nder Mali. Ko jaagorgal Russie halfinaangal ndeenaagu ardii ngal guɓɓal. Wagner kañum wonaa guɓɓal lamuyankeewal. Ko Evgueni Prigojine sosnoo ngal e lewru 7ɓuru hitaande 2023. Wagner anndinii wonnde timminii faandaare mum e nder Mali.

Ko holno yiiruɗon onon gonal Wagner e nder Mali?

Hiɗon miijii wonnde faandaare maɓɓe timmii wano ɓe holliri?

Ko holno taskorɗon ngol yaltugol maɓɓe e nder Mali? Hara ɗum aran e battinnde?

Taskaram men On Tottaama Konngol hannde e aljuma ñannde 6 lewru 6ɓuru 2025, e nder ndee yeewtere udditiinde, on kaali ko faati e alhaali kabaaruuji jawtuɗi e ndee yontere. On ngaddii ji’anɗe mon e toɓɓe ɗe njiɗɗon heɓde fensitande e majje. Keɗoɗee jeewte baɗaaɗe ɗee.

Hannde e talaata ñannde 5, 6ɓuru, en kaalan ko faati e alhaali dawro Koddiwaar. Goomu halfinaangu yuɓɓingol suɓngooji leydi ndii CEI ɓanginii hanki e alarba, doggol woote ngol . Kandidaaɓe 4yo ɓurɓe e nantude innde e lunndiyankooɓe Koddiwaar tawaaka e ngol doggol lollinaangol. Ɓen ko Tidiane Thiam, Charles Ble Goude, Guillaume Soro e Laurent Gbagbo. CEI  adintinii ɓannginngol ngol doggol e saayi mo luundiiɓe ɓen lamndii yo doggol woote ngol ndarte ɗoo e suɓngooji hooreyaaku happaaɗi e lewru 10ɓuru hitaande nde wonuɗen e mum, torii kadi wattude e doggol woote ngol lunndiyankooɓe ittaaɓe ɓee.

Ko holno taskorɗon yaltineede inɗe ɗee ko’e nayi politik e doggol woote ngol?

Ko holno yiiruɗon laatinal suɓngooji hooreyaaku Koddiwaar e ɓaawo Tidiane Thiam, Charles Ble Goude, Guillaume Soro e Laurent Gbagbo

Ko holɗum oo alhaali waawi battinnde e dawro Koddiwaar ?

E alarba ñannde 4, 6ɓuru, en kaalan hannde ko faatii e waameeji woɓɓe no wi’a ɗum ilam e pehe  haanaaɗe ɓameede ngam falaade oo bone e nder duunde Afrik tenntini leyɗe hirnaange Afrik, yeru Mali, Niijeer Koddiwaar Gine, Najeriya…. alhaali oo battini ton sanne rowani. Hikka kadi ndunngu ngun  fuɗɗike  waɗude ilameeji tiiɗuɗi. Bonondaaji mawɗi taskaama e nder leyɗi goɗɗe.

E alkamiisa yawtuɗo, ko ɓuri yimɓe teemedere waasi pittaali mumen e nder ilam waɗuɗam to wuro Mokwa to diiwal Nayja, hakkundeere Najeriya.

E miijo mon holko woni sabaabu ɗii waameeji no waɗa hitaande kala e nder leyɗeele ɗen?

Ko honɗum foti wonude darnde ardiiɓe ɗee leyɗe e pehe ƴetteteeɗe ngam haɓude ɗam ilam walla falaade bone majjam?

Tedduɓe heɗiiɓe Rfi fulfulde daaɗe duniyaaru, on calminaama. Bisimillah mon.
Hannde talaata 3 lewru 6ɓuru hitaande 2025, toɓɓere men feewti ko e tolno cellal ɓalli e nder leyɗe men Afrik. Daliilu ndee toɓɓere, ko to Burkina Faso, suudu safrirdu Yalgado Ouédraogo ndu Ouagadougou waɗi golle mawɗe ñande 29 lewru 5ɓuru fatiindu ɗoo ndu. Safrooɓe toon ɓe mbaawi lomtinande enndu debbo mo enndu mum ittenoo sabu rafi Cancer.....

Tedduuɓe hannde ko aljuma e no kala alguma cakkitiiɗo e lewru. Ko yewtere udditanaade rewɓe. E nder ɗum toɓɓere faati ko e alhaali warngooli  baɗateeɗi faade e rewɓe. E yeru to leydi Gine, e nder lewru 4ɓuru nduu ngonɗen tan, fodde laabi 5 rewɓe mbaraama e nder wertaango leydi ndii. Holno hanaa waɗeende ngam ɗii warngooli ustoo?

Alkamisa ñannde 29 5ɓuru, en yewtay fi Dental Leyɗe Hirnaange Afrik CEDEAO. Dental ngal mawninii hanki alarba duuɓi cappanɗe 50 gila ngal sosaa. Ɗum waɗii e saayi nde caɗeele taskaa e nder ndee fedde ɗii ɗuuɓi sakkitiiɗi. Hino jeyaa e majje yaltugol Mali Burkina Faso e Niger e nder ngal dental leyɗe hirnaange Afrik. Tugnaade e paadaaje CEDEAO ko faati e ɓamtugol  fagguɗu leyɗeele ɗen, jokkondiral e politik, Ko holno taskoraon hannde golle CEDEAO ?

 

Mbele CEDEAO no heddori jogaade hoolaare ɓiɓɓe leyɗe ɗee ?

E miijo mon ko honɗum hooreeɓe leyɗe CEDEAO haani heyɗintinnde e golle fedde nden?

Ngam okkugol miijo mon e ɗow lefol ngol on nadday ka tongoode woowunde kowal kawal 221 76-644-12-80,                              

Virgule

Koɗo on ka yewtere ko Doktee Abdu BA, hertorɗo dawro jooɗiiɗo Senegaal

Hannde alarba, 28, yewtere men no nawra en senegaal. Ko hannde diisondiral ngenndiwal ngal hooreejo Senegaal Bassirou Diomaye Faye  noddi e mun yoga e ɓiɓɓe leydi fuɗɗii to Diamnadio. Haa ñannde 4 lewru 6 ɓuru darotoondu  pelle dawro Senegal, e denndaangal jeyaaɓe e pelle renndo e immorɓe e baŋŋe goɗɗe kaalday ko faati e alhaali dawro leydi ndin. Kono woɓɓe e hooreeɓe pelle lumndiyankooje hollii noototaako e nduu noddaandu ardiiɗo leydi ndin. Wano APR, fedde dawro hooreejo kiɗɗo Macky SALL.

Ndee jonnde ngenndiire yuɓɓinaama e saayi mo tawata woɓɓe e tawaaɓe e laamu hiingu Senegal no sokaa.

Ko holɗum habborɗon ngal diisondiral ɓiɓɓe Senegaal?

Taw si ndee jonnde ngenndiire waawan jibinnde ko senegalnaaɓe habbori nde?

Hannde talaata, 27 lewru 5ɓuru hitaande 2025, toɓɓere feewti ko yanugol (fukkagol) kuɓeeje,  huunde teskaande e ɗii dumunnaaji e nder leyɗe Afrik. To Senegaal, e nder nduu lewru 5ɓuru wooturu, ko jaasaani yimɓe 13 kawri e lajal e mabbugol kuɓeeje Dakar kam e Tuuba, gure ɗiɗi ɓurɗe mawnude e leydi ndii. Toon to Tuuba ñannde Aletaare faltiinde nde yimɓe 11 maayi e njomu huɓeere.
To RDC yimɓe 2 maayi, 40 ngaañiima e huɓeere samnde. Saha fof ko wayi noon ina nanee e leyɗe goɗɗe, wano Koddiwaar, Nigeria, walla kadi Sierra Leone.
Holno njiiruɗon tedduɓe oo alhaali. Hol peeje kaanɗe sakkeede ngam falaade ɗum e hol haɓaade ɗum nde ɓuri waɗɗaade.

Hannde Altine, 26 lewru 5ɓuru hitaande 2025, ten kaali ko yowiti e mawningol duuɓi 62 Dental Leyɗe Afrik UA. Ngal dental  ko ñannde 25, 5ɓuru hitaande 1963 sosaa e dow paandaale laaɓɗe e taworeede hooreeɓe leyɗe 32 rentunooɓe to Addis Abeba leydi Ethipie. Haɓaade njiimaandi jananɓe e dow Afrik, daranaade jam kam e weeɓnude jokkondiral hakkunde maɓɓe, wonnoo sabaabu darnugol ndee fedde wi'etenoonde OUA, wontunde UA e hitaande 2002.
Holno njiiruɗon darnde UA haa teeŋti e ñawndugol kareeli e nder  Afrik.