On Tottaama Konngol

Hannde e nder yewtere On Tottaama Konngol, on holli mijooji mon ko faati e fitinaaji waɗooji e nder galleeji ɗii hakkunde genndaaji. Kala e saha fitinaaji no mbaɗa e nder dewle ɗee. Yoga e rewɓe no heddoo e mum. Oo alhaali no jaali e oo ɗoo saaha e nder duunde Afrik haa e adunaaru nduu. Ko holno ñawirɗon ɗee caɗeele?

Hannde e nder yewtere On Tottaama Konngol, on holli mijooji mon ko faati e ngal lurral dipolomasi gonngal hakkunde Mali e Ajeriya. Ɗum ko caggal nde Aljeri nantini  liɓugol doroonwal mum e nder leydi maɓɓe. E miijo mon ko haa holto ngal luural waawi yottaade hakkunde leyɗe ɗee ɗiɗi ?

Heɗeni e Altine 7 lewru 4ɓuru hitaande 2025. E nder ndee yontere ko adunaaru nduu fof tini pellite sagalle ɗe hooreejo Amerik Donald Trump fawi faade e adunaaru. Ɗee sagalle ko immaade 10 jaggi 50 e nder 100 wonande njeeyguuli naatooji e nder Amerik. Leyɗe Chine taƴante fodde 34 e nder 100 dental leyɗe Erop 20 e nder 100 e 50 e nder 100 wonande Lesotho. To bannge leyɗe Afrik, ngal pellital ina toɗɗi fodde leyɗe 51.

Holko ɗee pellite mbawi battiinde to bannge faggudu? Mbele nanondiral Agoa woni ko e laƴal? Agoa ko nanondiral dokannongal Afrik nawde jawle maɓɓe to USA taw alaa e yoɓugol sagalle? Koɗo men e ndee yewtere ko Mamadou Ndiaye, jaayndiyanke to ITv, hertorɗo faggudu.

Hannde, aljummah 4 lewru 4ɓuru 2025, wano woowiri non e aljumaare, yeewtere ndee ko udditiinde. On ngartii e toɓɓe keewɗe jolɗe e nder yontere ndee. Yaafuye mo Jeneral Mamadi Dummbuya yeɗi Muusa Dadis Kamara, alhaali bortugol walla firtugol e mbaadi heyri sariya yaaforɗo wootanooɗo e fewndo laamu  Makki Sall, Senegaal e jaltingol walla raɗagol  jananɓe e nder  Moritani. Woɓɓe ngartanii en ko jaalii e leyɗe maɓɓe. Woɓɓe kadi e Coftal ɓalli, foolotiro CAN U17 puɗɗiingo to Marok.

Tedduɓe heɗiiɓe Rfi Fulfulde daaɗe duuniyaaru, on calminaama ! Hannde, toɓɓere ko Senegaal paaɗen. Oɗon nganndi alarba hanki, to suudu sarɗiiji depiteeɓe ɓe ngooti e keewal kuulal baylungal sariya yaafuya mo hooreejo Senegal kiɗɗo Makki Sall wootnuno e lewru tataɓuru hitaande 2024 faltiinde ndee, jonte seeɗa ko adii omo immoo e jappeere laamu ndee. Ngal kuulal lollirgal "loi amnistie" yaafiino denndaagal boneeji baɗnooɗi immaade lewru 2ɓuru hitaande 2021 haa lewru 2ɓuru 2024.
 

Ko hannde, 2 lewru 4ɓuru, waɗi hitaande hiɓɓere ko Basiiru Joomay Fay waɗunoo woondoore makko, o laatii hooreejo joyaɓo Senegaal, caggal nde o heɓi poolgu gila e dawal gadanal woote baɗnooɗo ñannde 24 3ɓuru 2024, cappanɗe joyi e teemederewel e senegalnaaɓe ngootanii mbo. Oo woni hooreejo ɓurɗo wonde suka e taariika Senegaal. Ñannde o fiiletee lefol laamu, e konngol makko, o artii e toɓɓe mawɗe ɗe o haani gollude e duuɓi gadani e dow jappere laamu.

Ustugol satteende nguurndam ɗam, addude waylaare e sariya, haɓaade ŋakkere golle sukaaɓe, kam e toɓɓe goɗɗe. Holko maanditiɗon e laamu makko e ɗii lebbi 12 ?

Hannde e nder yewtere On Tottaama Konngol, on holli miijooji mon ko faati e ngoo noddaandu landaaji dawro Mali addunoondu ciifondiral ñannde 31 lewru 3ɓuru hitannde 2024 mbaɗi. Hiɗi namnii yo ardiiɓe laamu faddewu Mali njuɓɓin woteeji ɗii no yawiri. Holno njiruɗon ngoo noddaango?

Hannde e yewtere mon On Tottaama Konngol, on hollii mijooji mon ko faati e ngol yafagol Muusa Dadis Karama, pawanooɗo duuɓi 20 kaso. Sabu omo tumanoo war-neɗɗanke ko faati e warngooli 28 septembre 2009. Holno njiruuɗon ngol yafagol?

Hannde e nder yewtere hertinanaade rewɓe, on holli mijooji mon ko faati e ngal pellital ngal ardiiɓe koddiwar ƴetti woni ɓeydude happu foftere rewɓe ɓesnuɓe. Wono ko lebbi 3, jooni wattaama lebbi 6. Holno njiruɗon ngal pellital?

Hannde ko ñoganɗe ɗe ngaccuɗon e ndee yontere e taskaram On Tottaama Konngol ,
keɗoɗen hakkunde mon e Muusa Umaar Bari.