On Tottaama Konngol

Hannde e nder yewtere On Tottaama Konngol, on holli mijooji mon ko faati e maanditaare duuɓi 40ɓiire fedde dawro RDPC Kamerun nde Paul Biya jeyaa e mum. E nder ɗum on ngartii e njaltuudi wondude e ɗii noddaali ngam tawtoregol makko e woteeji paaɗi.

Hannde e nder yewtere On Tottaama Konngol, on holli miijooji mon ko faati e ngol nanngugol jaayndiyankooɓe walla yoga e dawriyankooɓe e nde Burkina Faso.  Tawi yoga e maɓɓe ngandataa ko saabii jaggere maɓɓe. Holno ñawiirɗon oo alhaali?

Gine, aggal lebbi 8 gila ndee ñaawoore warngooji 28 settaambur taƴaaa, haa joni lorriiɓe ɓee no njokki lamndaade ndaamordi maɓɓe. Ndii ndamordi ko yimɓe tumaaɓe ɓee  kaanunoo yoɓde ɗum. Ko holno ñaawirɗon ngol leelgol heɓtugol hakkeeji maɓɓe?

Hannde e nder yewtere On Tottaama Konngol, on holli mijooji mon ko faati e waylowaylooji dawro e nder Afrik. Caggal lebbi 12 ko Senegaal suɓinoo hooreejo maɓɓe. Hol yeeru bawɗo ƴetteede e ndii leydi so tawo ndii yerondiraama e leyɗe gonnɗe e nder diiwal ngal?
 

Senegal, ñannde 24 lewru 3ɓuru hitaande 2024, taaɓal kesal hoɗii leydi ndii. Tawi ko ngol woni laawol aranol e nder tariika leydi Senegal ko kandidaa lunndiiɗo no foola gila e dawal aranal wooteeji. Ɗum okki Senegaal limde waylowaylooji tati to bannge dawro. Ɗum ko hitaande 2000 hakkunde Abdoulaye Wade e Abdou Diouf, hitaande 2012 hakkunde Abdoulaye Wade e Makki Sall e hitannde 2024 hakkunde Basiiru Jomay Faye e lulndiiɓe tawi no e maɓɓe hooreejo jaagorɓe kiiɗo Senegal, hono Amadou Ba, ngembinooɗo landa laminooɗo oo. Tedduuɓe ko holno njiruɗon waylowaylooji dawro e nder Afrik, mbele Senegal no tawa e leyɗe mbawɗe ƴettireede yeru e nder diiwal Afrik hirnaage? Heewɓe e mon ngaddi mijooji. Koɗo men e ndee yewtere porofeseer OUmaar Njaay.

Hitaande wootere suɓngo Basiiru Jomay faay, ko holno njiiruɗon alhaali dawro Seenegaal so yeondiraama e leyɗe goɗɗe?

Taskaram men On Tottaama Konngol hannde e aljuma ñannde 21 lewru 3ɓuru 2025, e nder ndee yeewtere udditiinde, on kaali ko faati e alhaali kabaaruuji jawtuɗi e ndee yontere. On ngaddii ji’anɗe mon e toɓɓe ɗe njiɗɗon heɓde fensitande e majje. Keɗoɗee jeewte baɗaaɗe ɗee.

tummbondiral hakkunde hooreejo RD. Konngo Feliks Tshisekedi e yerondiraaɗo makko mo Ruwanda Pool Kagame to Doha, laamorgo Qatar. Ndee jonnde ndee laamiiɗo Qatar waawi laatinde hakkunde ɓee hooreeɓe ɗiɗo no juhi ɗuuɗuɓe, sabu tiinde e taasande hakkunde maɓɓe fii jewte dow hare hakkunde konu RD Konngo e M23 no habbanoo ɓurii hitaande. Feliks Tshisekedi e Pool Kagame haldi e talaata dartinngol hare ɗen.

Ko holno taskorɗon ndee tiinde e taasande nde Feliks Tshisekedi e yerondiraaɗo makko mo Ruwanda Pool Kagame waɗi Doha to Qatar?

Hiɗon miiji wonnde fodaare hooreeɓe ɓee ɗiɗi dartinngol ndee hawre waway laataade?

Alarba ñannde 19, 3ɓuru, en yewtay ko faati e yaltugol leyɗe tati dental AES e nder kawtital leyɗe haali-faransi « Francophonie ». Mali, Burkina Faso e Niijeer anndinii ndee yontere pellital maɓɓe waynondirde e kawrital OIF. E nder winndannde nde Mali e Niijeer  waɗi hanki ngam andinnde ngal pellital maɓɓe hiɓe maadini wonnde OIF alaa e waɗande ɓe jooni huunde e ko ɓe haɓɓori ɓe .
 

Ko holɗum ngol yaltugol ɗee leyɗe tati e nder kawtital leyɗe haali-faransi waawi battinnde?

Ko holno njiiruɗon golle OIF onon ?Koɗo on ka yewtere ko Idi Balde taarikayankoojo, jannoowo witɗotooɗo to iniwersite Gine

Talaata ñannde 18, 3ɓuru, en kaalan ko faati e alhaali dawro Koddiwaar.  Ngoomu halfinaangu yuɓɓinngol suɓngooji leydi ndii lollinii hanki doggol aranol wootooɓe ɓen. Ko buri miliyonji 8 wootooɓe no winndii e doggol ngol weeɓiteteengol haa ñannde 21 lewru ndu wonuɗen e mun ngam ɓiɓɓe Koddiwaar ƴeewa anndi si innde mun no tawaa, maa hino winndaa no haaniri e kala ko nanndi e mun. E waawude saataade ko feewaa kon ɗoo yo happu waaɓitannde ndee timmude.

Kona haalullaaji no waɗude gila hanki caggal nde doggol ngol lollinaa. Innde hooreejo Kiɗɗo Koddiwaar Loran Gbagbo e hooreejo fedde dawro COJEP Shar Ble Gudé alaa e ngol ɗerol aranol lollinaangol.Ko ɓe waasuɓe ɓe ɗiɗoo non kakkeeji maɓɓe neɗɗankaangal,caggal nde suudu ñaairdu Koddiwaar fawiɓe jukkooje.

Ko holno faamirɗon ngol ronkugol taweede innde hooreejo kiɗɗo koddiwaar Loran Gbagbo e nde jaagorɗo makko kiɗɗo Sharl Ble Guude, e ngol doggol wootooɓe weeɓitaangol hanki e altine ?

Ko honɗum ɗum waawi battinnde e alhaali dawro Koddiwaar?

Ngam okkugol miijo mon e ɗow lefol ngol on nadday ka tongoode woowunde

Altine ñannde 17, 3ɓuru, en taskoto hannde ko faatii e janngo pelle dawro e nder leyɗe ɗe konunkooɓe ardii laamu. Yeru Gine, Mali, Burkina Faso e Niijeer. E nder ɗee leyɗe pelle politik ɗen no jogii caɗeele woodeede. Yoga e majje fusaama, goɗɗe ɗen no wenngaa. Wano lanndaaji politik 28 wenngaama walla golle mun dartinaama tawo. Hino jeyaa e majje RPG-Arc-en -ciel, fedde Alpha Konde hooreejo kiɗɗo leydi ndii e UFR nde Sidiya Tuure.
 

Pelle 24 goɗɗe no holla woodeede majje doftaaki sariya ko e ɗen UFDG fedde mawnde nde Cellu Dalen JALLO woni hoore Tawaa.

Ko holno njiiruɗon janngo pelle dawro e nder ɗee leyɗeele ɗe laamuuji ciwlaa?

Ko holɗum oo alhaali waawi battinnde e nder leyɗeele ɗee ?

Taskaram men On Tottaama Konngol hannde e aljuma ñannde 7 lewru 3ɓuru 2025, e nder ndee yeewtere udditiinde, on kaali ko faati e alhaali kabaaruuji jawtuɗi e ndee yontere. On ngaddii ji’anɗe mon e toɓɓe ɗe njiɗɗon heɓde fensitande e majje. Keɗoɗee jeewte baɗaaɗe ɗee.