On Tottaama Konngol

Hannde e alkamisa ñannde 30, 1ɓuru, yewtere men no nawra en Caad, kaalen fii pellital “Succes Masra”, hooreejo fedde dawro noddirteende “Waylooɓe” e faransiire “les Transformateurs” jaɓude gollidude e hooreejo leydi ndii Mahamat Idriis Debi. Oo lumndiyankoojo anndinii wonnde o jaɓii junngo jam ngo hooreejo Caad fontani mo. E bi’ol makko himo heblani jokkondirde e Idriis Debi ngam moƴƴinngol leydi ndii. Succes Masra feññinii ngoo miijo makko caggal nde o holli e talaata wonnde o jaɓii njaltudi suɓngooji hooreyaaku e sarɗinkooji ɗi o salinoo. Suɓngooji yuɓɓinaaɗi ñannde 29, 12ɓuru fitaande faltiinde.

Ko holno njiiruɗon ngol jaɓugol Succes Masra gollidude e laamu Mahamat Idriis Debi?

Ko Holɗum ngol artugol makko waawi battinnde to baŋŋe politik? 

Hannde e alarba, ñannde 29, 1ɓuru, en kaalan ko faati e dental leyɗe Sahel AES. Ko hannde 29 timmi hiitaande gile Mali Burkina Faso e Niijeer felliti yaltugol e nder CEDEAO. Hanki hooreeɓe leyɗe ɗee tati ɓeydii sellinnde ngal pellital maɓɓe yaltugol e dental Leyɗe hirnaande Afrik, caggal nde ardiiɓe ɓen waɗi welowelooji e nder ca’e ɗuuɗuɗe ɗee leyɗe tati, ngam wurnitugol hitaande yaltugol maɓɓe. Ɓe lawɗinii yalgol maɓɓe e nder dental CEDEAO fii kala dental ngal okkuno ɗee Leyɗe lebbi 6 ngam daarugol si tawii ɓe ruttoto e ngal pellital maɓɓe. CEDEAO non anndinii e nder ɓatakuru ndu ɓe waɗi hanki wonde dame maɓɓe no udditanii leyɗe AES. Ɓe waylataa huunde ko faati e huuwondire /Jokkondire wonnooɗe hakkunde leyɗeele ɗee e CEDEAO

Ko holno taskorɗon ngal ceergal hakkunde leyɗe AES e dental CEDEAO?

Talaata ñannde 28, 1ɓuru taskaram On Tottama Konngol no nawra en hannde to baŋŋe coftal ɓalli, kaalen ko yowitii e urɓa deesewal KAN 2025 waɗaaɗo hanki e altine Rabat laamorgo Marok. Diɗɗal kala e diɗɗe 24 tawtoraaɗe ɗen hikka e ngoo foolotiro KAN yuɓɓinteengo Marok anndii guɓal (puul) ngal jeyaa e mum hakkunde guɓe joogo’o ɗen.  Leydi kala kadi anndii tiindondiraandi mum e ngoo foolotiro fuku koyngal fuɗɗotoongo ñannde 21 lewu 12ɓuru hitaande nde wonuɗen e mum ndee. Gila hanki haalullaaji ɗuuɗuɗi no waɗeede e dow diɗɗe keewɗe wano guɓal F ngal Koddiwaar e Kamerun hawti e Marok diɗɗal wonndungal e Mali e guɓal gootal, tiindondirayngal e Komoor udditugol foolotiro KAN

Ko holno ñaawirɗon oo urɓa waɗaaɗo? E no guɓe ɗen jooɗori non?                           

No njiiruɗon arsike leyɗe 24 tawtoraaɗe ɗen e ngoo foolotiro KAN hikka Marok?

Hannde e altine, 27 1ɓuru hitaande 2025, en yewti ko faati e hare jaaliinde e nder fudnaange RD Konngo, hakkunde Murtuɓe M23 ɓe Ruwanda tambitii e konu laamu Konngo. Altine hanki, ɓee murtuɓe M23 naati e nder Goma, wuro ɓurngo e mawnude. Fewndo ɗoo gure keewɗe moggo Goma no jogii caɗeele ndiyam, kuuran e nguure. Yoga e hoɗiyankooɓe eggii. E miijo mon ko holno nde hare waawata ñippireede hannde? walla ko hommbo waawi daraade ngam yewtugol hakkunde ɓee?  E alkamisa yawtuɗo oo, Recep Tayyip Erdogan, hooreejo Tuurki jooɗodiima e hooreejo Ruwannda, Pool Kagame. O hollii faale yewtugol hakkunde ɗee leyɗee ɗiɗi mbele ndee hare ɓooynde ina gasa.

Ka taskaram men On Tottaama Konngol hannde e aljuma ñannde 24, lewru 1ɓuru 2025, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗoɗee jeewte waɗaaɗe ɗee.

Hannde e alkamisa ñannde 23, 1ɓuru, en yewtan hannde fii pellital dental leyɗe AES ko faati e sosude konu hawtaangu ngam haɓude kuliyankaaku jaaliingu e nder Sahel. E bi’ol Jeneral Salifu Moodi jaagorɗo Niijeer halfinaaɗo kisal ɓiɓɓe leydi, anndinɗo e talaata fii ngal pellital, Mali Niijeer e Burkina Faso hawtitan mooɓindira konunkooɓe ujune 5 ko sakkoo walla dartoo kuliyankaaku  e nder falde sahel nden. Himo ɓeydi hollude wonnde nguu konu ɗee leyɗeele tati tottete aalaaji gollirɗi timmiɗi. Alaaji ɗi ngu huutorta ka weeyo, ka njordi e ka baŋŋe kumpite men.

Ko holno taskorɗon ngal pellital Dental leyɗe AES sosugol konu hawtaangu?

E miijo mon, ko holɗum nguu konu waawi waylude e haɓugol rafi ndeenaagu e nder leyɗe Sahel?

Alarba ñannde 22, 1ɓuru 2025, en kaalan hannde fii dawro Gabon. Ko faati e alhaali salaade hooreeje leydi ndii, Jeneral Biriis Oligi Ngema tawtooreede e ƴamooɓe lefol laamu e suɓngooji happaaɗi e nder lebbi jeeɗiɗi. Seppooji yuɓɓinaama balɗe yawtuɗe Libreville ka laamorgo ngam noddude hooreejo leydi ndii wonude kanndidaajo e woote ɗee, kono kanko tigi hay huunde o wi'aali e ɗum. Nde Jeneral Biriis Oligi Ngema ƴetti laamu e lewru 8ɓuru hitaande 2023, o holluno wonnde ko lebbi 18 pet o ardotoo, o yuɓɓina suɓngooj o waɗta laamu nguu e juuɗe fooluɗo oo.

Ko holno njiiruɗon oo alhaali ? Taw si Jeneral Biriis Oligi Ngema teddinan konngol makko walla o tawete e ƴamooɓe lefol laamu Gabon?

Hannde e talaata ñannde 21, 1ɓuru, yewtere men no nawra enTogo. Taw si leyɗi ndii tawtay Dental Leyɗe Sahel AES? Jaagorɗo halfinaaɗo huuwondiral hakkunde Togo e leyɗe janane hollii wonnde ɗum no waawi wonde. E nder yewtere nde Robert Dussey waɗi Yontere yawtunde ka tele VoxAfrica, oo jaagorɗo anndinii wonde Togo no waawi tawtude AES, si pellital ngal iwrii e Faure Gnassingbe, hooreejo leydi ndin, walla e suudu sarɗinkooru ndun. Himo ɓeydi hollude wonnde, si tawii ɓiɓɓe Togo lamndaama hannde feññinnde miijo maɓɓe ko faati tawtude Dental Leyɗe AES Mali Burkina Faso e Niijeer, a tawan 70ɗiɗo e nder teemederewel Togonaaɓe ko wonanɓe laatingol ngoo miijo yewtere Robert Dussey.  

Ko holno taskordon ngoo miijo Robert Dussey Jaagorɗo halfinaaɗo huuwondiral hakkunde Togo e leyɗe janane ko faati e tawtugol leydi maɓɓe AES?

Ko holɗum e ngartam ɗum waawi jibinande Lome? Walla Dental Leyɗe Sahel AES,

Hannde e altine, ñannde 20, 1ɓuru, en yewtan hannde fii  alhaali dawro Dawlaaji Ndentuɗi Amerik. Donald Trump joɗɗintinte hannde e jullere laamu ngam ardaade leydi ndii laawol ɗiɗaɓol, ɗum ko caggal duuɓi nayi nde o follaa e laamu. Oo hooreejo Amerik 47ɗaɓo waɗan hannde woondoore makko ardagol leydi ndii e saayi mo tawata caɗeele hino jaalii e nder adunaaru nduu. Caɗeele ɗe oo hooreejo keso holluno nde ɗaɓɓata daaɗe ɓiɓɓe Amerik, wonndema ñawnday ɗuuɗuɗe.

Hino tawaa e majje, hare hakkunde Israyel e Palestiin, kañun e ɗee hakkunde Ukreniya e Ruusiya Donald Trump fuduno lannugol hare ɗee e nder hinƴangu E miijo mon ko holno nguu laamu Donald Trump wahata?

Hara ngu sertay e laamu makko heɓii ɗuuɓi? walla manda makko arano?

Ka taskaram men On Tottaama Konngol hannde e aljuma ñannde 17, lewru 1ɓuru 2025, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗoɗee jeewte waɗaaɗe ɗee.