On Tottaama Konngol

Ka taskaram men On Tottaama Konngol hannde e aljuma ñannde 03, lewru 1ɓuru 2025, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗoɗee jeewte waɗaaɗe ɗee.

Hannde e alkamisa ñannde 2 lewru 1ɓuru 2025 ka taskaram men On Tottaama Konngol, on feññinanii men ko yelaniɗon/toraniɗon hoore mon, ɓesngu mon walla leydi mon e ndee hitaande heyre.

Alarba ñannde 1, 1ɓuru, hitannde 2025 heɗiyankooɓe tedduɓe miɗo yelanii on hitaande malaande, hitaande kisal, hitaande jam
E kaa taskaram hannde, on artanan en e kabaruuji yawtuɗo e nder ndee hitaande 2024 timmude walla joofunde hanki e talaata.  Kabaaru mo maaditiɗon tawa himo battini e mon. Woni e nder Afrik maa e leyɗe adunayankooje goɗɗe, woni ko to baŋŋe dawro, ndeenaagu, kisal, cellal, faggudu, taariindi, needi, maa baŋŋeeji goɗɗi. Faatumata SI Sawaane.

Hannde e Talaata, ñannde 31, 12ɓuru, en kaalan ko faati e alhaali dawro Gine. Ko hannde 31 12ɓuru happu laamu faddewu nguu haani timmude. Kono balɗe no feƴƴi, hooreeɓe leydi ndii holluno wonndema aadi ndi ɓe ƴettannoo dental CEDEAO, nde ɓe liɓi laamu Alfa Konde, laami Gine, waawaa laataade. Pelle lumndiiɗe laamu nguu no liddii ngol heddagol fayin ɓee konunkooɓe ka laamu.

Ɓe anndini wonndema gila janngo ñannde 1 1ɓuru gitaande 2025 ɓe jaɓataa walla qirroto nguu laamu CNRD. Yoga e pelle lumndiyankooje ɗee no noddi yuɓɓinngol seppooji yontere aroore.

E miijo mon ko holɗum saabi nguu laamu faddewu waawa timmude e ndee hitaande wano hooreeɓe ɓen hollirnoo ?

Ko holɗum ɗii seppooji waawi battinnde si fawii ɗi laatinaama?

Hannde altine 30 lewru 12ɓuru, yewtere men no nawra en Senegaal, hooreejo jaagorɓe Senegaal, Usmaan SONKO waɗii yewtere mum politik kuuɓal yeeso sarɗiyankooɓe leydi ndii e aljuma yawtunde. O limtii toɓɓe ɗe guwerneman oo haani ɗoworde e nder mannda maɓɓe. Hino jeya e ɗen toɓɓe alhaali ɓamtugol faggudu leydi ndii, weynugol eɓɓoore sariya fii bortugol sariya yaaforɗo fitinaaji waɗunooɗi hakkunde hitaande 2021 e 2024.
 

Sariya mo Makki Sall ƴamunoo yo woote, e fawgol kala naatoowo Senegaal jogaade visa si tawii senegalnaajo ƴettan visa fii yahugol e ndin leyde.

Ko holno taskorɗon ɗee toɓɓe ɗe Usmaan SONKO weyni e aljuma?

Ko holno yiiruɗon laatinal ɗee eɓɓooje ɗe ɓe jogori laatinnde e nder mannda maɓɓe?

No jeyaa e loowdi taskaram men hannde 29 lewru 12ɓuru, pottite Fuku-koyngal  ngaɗaaɗe e 2024. Njewten kadi ko faati e   foolotiro CHAN. Anndinnde e senegalnaajo noddirteeɗo Reug Reug cippiroowo dogudu koyɗe anndiraango "Marathon Abijan" dañi teddefal mbi'eteengal "chevalier de l’ordre du mérite" kanko e Tafsir BAH

Tedduɓe fii yewtugol ɗee toɓɓe Aysatu LIH no jaɓɓii Haaruna DEME cukko hooreejo fedde jaayndeyankooɓe fannu coftal-ɓalli (ANPS). Tawti Jeynaba SOH jaayndeyankeejo RTC e Yoro Manngara mo Paris. Bismillah mon

E yewtere hertinanaade rewɓe e oo aljuma. En njewtii ko faati e fitinaaji hakkunde aynooɓe e remooɓe teskaaɗi kala e saha e nder yoga e leyɗe  Afrik. Ko holno rewɓe ɓee kaani daroraade ngam artirgol jam hakkunde aynooɓe e remooɓe?

 E yeewtere men hannde ndee, toɓɓere men feewtii ko e hol pehe kaani ɓeydeede ngam haɓaade doolugol sukaaɓe rewɓe.
Ñannde talaataare faltiinde nde, Amali e Wafrika, pelle ɗe ngonaa laamuyankooje daroniiɗe hakkeeji neɗɗanke to Gine, caaktii tefoore mum'en e hitaande ndee. E nder mayre, ɓe kollii ko e nder ndee hitaande 2024, sukaaɓe rewɓe 221 doolaama e nder ndiin leydi.

K o yeru tan ƴettuɗen to Gine, kono ɗeen baɗe bonɗe ina teskaa e leyɗe men keewɗe

Hannde e nder yewtere On Tottaama Konngol, on holli mijooji mon ko faati e o guwernman keso Faransi mo Francois Bayrou ardii. Mbele o guwernaman daɗan  fukkaande hono mo Michel Barnier ?

Hannde e nder yewtere On Tottaama Konngol, on holli mijooji mon ko faati e ndee ñawoore wonde waɗude Burkina Faso. Ko nden woni ñaawoore fuɗiinde ɗee balɗe e nder Burkina Faso, ko yimɓe tumaaɓe ñaamugol jawdi ndendaandi, fotde milliaruuji 3 kalsisi Cfa, no e maɓɓe bi'eteeɗo Haamidu Teeñan, gollannooɗo ko faati hiisa to jaagorgal kalfinaagal geɗe renndo Burkina Faso. Gila e fuɗɗoode ndee ñaawoore, tele Burkina Faso, no ɓayyina nde. Holno njiruɗon ɓayyingol ñawooje e ɗee e nder teleeji ɗii. Mbele ɗum wallan lamuuji ɗi wawde haɓaade ngenaari mbonndi ?