On Tottaama Konngol

Hannde e nder yewtere On Tottaama konngol, on hollii miijooji mon ko faati e heɓtugol laamu ngol muurtuɓe mbaɗi to leydi Siiri e dow laamu Bashar Al-Assad. Ko holɗum woni miijooji mon e ngol heɓtugol laamu caggal duuɓi 13 hare hakkunde ardiiɓe  e ɓee murtuuɓe?

Ko taariika mawɗo woni ko waklitii e nder leydi ndii. Caggal duuɓi 24 ko Bashar El‑Assad ardii laamu leydi ndii, e nder balɗe 12 tan, fedde muurtuɓe e gardagol Abu Mohamad Al‑Julani liɓi laamu makko. Gila ɓee muurtuɓe nantini wonde keɓtii Damas, laamorde leydi ndii, ardiiɓe leyɗe keewɗe kam e pelle cuuti konngi. Tedduuɓe ko holno ñawirɗon ngol saamugol laamu Bashar El-Assad? Holno njiiruɗon janngo Siiri ?

Ka taskaram men On Tottaama Konngol hannde e aljuma ñannde 6, lewru 12ɓuru 2024, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗoɗee jeewte waɗaaɗe ɗee.

Hannde e nder yewtere On Tottaama Konngol, on hollii miijooji mon ko faati e dawro leydi Fransi. Hanki suudu sarɗiyankooɓe e dow keewal lunndiiɓe ɓee, liɓii guwernaman Mishel Barnier.  Ɗum addi jiiɓuru mawndu e nder dawro Fransi. Holko woni miijo mon e oo alhaali?

Lebbi 3 caggal ko toɗɗa horeejo jaagorɓe Fransi, e ɗee beete hannde Michel Barnier yaɗii galle lamorɗe leydi ndii ngam okkude hooreejo leydi ndii ɗerol rottagol golle. Ɗum waɗi caggal nde lunndiiɓe leydi ndii ngooti hanki "motion de censure" woni samminde Guwernama makko. Hono ɗum wayri wadde e nder Fransi gila e hitaande 1962. Oo alhaali nanni Fransi hannde e nder ɓittere dawro tiinde woni "crise politique". Pellite e ji’naɗe Michel Barnier holli, ooñorɓe nano e ooñorɓe kaatudi ñaamo njaaaani hen, fodde 331 sarɗiyankooɓe ngooti ngol leɓugol guwernama leydi Fransi.

Hannde e nder yewtere On Tottaama Konngol, on hollii mijooji mon ko faati e ndee bomaare (oo masiiba) waɗunde ka estad N'Zerekore e nder leydi Gine. Caggal ɓittere mawnde e saha pottital lato balon, yimɓe heewɓe maayi e oo alhaali. Fodde balɗe tati sunaare taƴaama e nder leydi ndii.
 

Ko holno hana waɗeede ngam tabitiinde kisal e nder dinngire coftal ɓalli ɗee?

Ko holno njiiruɗon oo masiiba?

Hannde e nder yewtere On Tottaama Konngol, on holli miijooji mon ko faati ngal pellital ngal ardiiɓe Caad ƴetti ko yowitii dartingol nanondiral konunkaagal hakkunde maɓɓe e Faransi. E miijo mon mbele konu Faransi no haani yaltude e nder leyɗe Afrik ɗe ngu tawetee e mum? E miijo mon Caad tan wawan reenude keeri mum, haɓa kuliyankaaku tawa alaa ballal?

Hannde e nder yewtere On Tottaama Konngol, on njewti ko faati e warngooli waɗunooɗi Caaroy ñannde 1 lewru 12ɓuru hitaande 1944. Hanki ardiiɓe Senegaal mawninii ndee ñalaande. Fransi hollitii qirrike wonnde yo warngooli mbaɗi e ndee nokkure. Holko haani jokkaade e oo alhaali ?

Tedduɓe hannde ko altine 02 lewru 12ɓuru. On Tottaama konngol. Caggal duuɓi 80 ko warngooli caaroy waɗuno. Hanki ardiiɓe leydi Senegaal mawninii ndee ñalaande e tawtoregol yoga e ardiiɓe leyɗe goɗɗe. Caggal duuɓi 80, yidde ko wootere anndude goonga e dow oo alhaali. Heɓugol ɗereeji desaaɗi woni "archive" e fransiire. Anndude tigi no ɗum yaari, limoore waraaɓe e ɗii warngooli waɗunooɗi ñannde 01 lewru 12ɓurur hitaande 1944 to Caaroy. E nder ɓataake mo hooreejo Fransi Emmaniyel Makron neldi nanndo makko mo Senegaal Basiiru Jomay Faay, gardiiɗo leydi Fransi qirrike wonnde warngooli kantoriiɗi mbaɗaama e Caaroy, tawi ko ngol woni laawol aranol. Holko waawi jokkude hen ngam heɓugol goonga mo tariyankooɓe lamndii e oo alhaali? Woni koɗo men e ndee yewtere ko Demba Seck, tariyankeejo to duɗal jaaɓi hattirde ngal Sheik Anta Joop

  Hannde ko aljuma, wano woowiri aljumaare sakkittinde lewru kala, On Tottaama Konngol no hertinanaa rewɓe. Toɓɓere men ndee  no yewta alhaali darnde rewve e baŋŋe ñeeñal. Ko holto darnde maɓɓe fewndii e oo fannu??

Hannde ñannde 28 lewru 11ɓuru 2024,  e nder yewtere On Tottaama Konngol, on holli mijooji mon ko faati e pellite ɗe yoga ardiiɓe leyɗe ƴetata fii haɗugol yaltiinde yoga ñamateeɗi caggal leyɗe maɓɓe. Ko holɗum woni nafoore ɗee pellite e caɗeele majje ?

Hannde e nder yewtere On Tottaama Konngol, on holli miijooji mon ko faati e gonal konunkooɓe Fransi e nder Afrik. E cimtol ngol Emmaniyel Makron jonnaa, ɓe kollitii wonnde ko ɓe ustayɓe limoore konunkooɓe maɓɓe e nder Afrik kono kadi eɓe anniyii waylude ngonka ɗee daakorɗe ngam nootaade ngoƴa ɗee leyɗe. Holko haani wonde darnde maɓɓe hannde e nder Afrik?

Hannde e yewtere On Tottaama Konngol, on kollii miijooji mon ko faati e ɗii fitinaaji pawateeɗi e dow rewɓe e nder winndere ndee. Kala hitaande e wii cimtol, ko ɓuuri ujunaaje rewɓe no mbaree e nder adunaaru nduu. Holno hana waɗeede ngam dartinde ɗii fitinaaji e dow rewɓe?