On Tottaama Konngol

Hannde 1 lewru 10ɓuru hitaande 2024. Ko saha mo ngannduuɗa sukaaɓe ena ndutto e nder duɗe janngirɗire. Ɗum no waɗa e saha ndunngu e illameeje, kono haɗaani yoga e leyɗe puɗɗiima ɗum hono Koddiwaar, Gammbi, Burkina Faso, Senegaal. Ko e nder yontere faande wonannde sukaaɓe ɓe tawi jannginooɓe ɓe ko ñannde 3 lewru ndu ngonɗen. Tedduɓe ko holno ngonɗon e hebloraade ngol udditgol ?

Hannde e altine ñannde 30, 9ɓuru 2024, ka taskaram On Tottaama Konngol, en yewtii ko yowiti e hare hakkunde Israyel e Palestiin, hare ɓooyuɗe jaaliiɗe hannde e Liban, saabiiɗe maayeele ɗuuɗuɗe e oo saayi to baŋŋe fedde Hezbollah e nder rewo leydin dii. E waraaɓe ɓen, Hassaan Nasrallah hooreejo Fedde Hezbollah mo konu Israyel saabii maayde mun e aljuma.

Ko holno taskorɗon ɗee hare hakkunde Israyel e Liban?

E miijo mon ko haa honte hare hakkunde Israyel e Liban waawi yaade?

Ealjuma ñannde 27, 9ɓuru hiraande 2024 ka taskaram On Tottaama Konngol ka waɗanten rewɓe ɓen aljuma lewru sakkitiindu kala, en yewtan hannde ko faatii e ɗanle ɗe rewaani sariya e ko waawi wonude darnde rewɓe e haɓugol oo alhaali. Si tawii ko sukaaɓe worɓe ɓen ɓurnoo himmande yaadu safaari, hannde limoore rewɓe ɗanniyankooɓe no ɓeydoo ñannde kala. Ko ɓuri ɗuuɗude e rewɓe wonuɓe e rewrude ka laawi hannde, Ɓee wonuɓe e ɗannorde laawi, woni ko ka ndiyam maa njorndi ɓe rewi fii yahugol e leyɗe tuubaakooɓe, yoga e maɓɓe hino heddaade e mum sabu caɗeele ɗe ɓe hawtara e muuɗum e nder yaadu maɓɓe fergu Hol darnde rewɓe e nder haɓugol ɗee ɗanle ɗe rewaani sariya

Hannde e alkamisa ñannde 26, 9ɓuru yewtere men On Tottaama Konngol no nawri en Senegaal. Musiɓɓe, 26 lewru 9ɓuru hitannde 2002. 26 lewru 9ɓuru hitannde 2024. Duuɓi 22 ko laana ndiyam noddirteeka "le joola" immornooka Ziguinchor faade Dakar, lamorde senegaal yoolii. Ngol yoolagol kaa laana joola woni yoolagol ɓurngol mawnude e nder windere nden, Gila oo masiibo waɗi, besnguuli ɓee lorriiɓe no lamndoo yo oo alhaali ñaawe.Ko ɓadii yimɓe ujune ɗiɗi maayi e oo musiiba. Duuɓi 22 timmii hannde gila ɗum waɗi, kono haa joni huunde waɗaaka.

Hannde e alarba ñannde 25, 9ɓuru, en yewtii ko faatii e alhaali dawro Burkina Faso.Jaagorɗo halfinaaɗo ndeenaagu leydi ndii Mahammadu Sana, anndini wonnde ɓe paliima latagol dillere e nder leydi ndii. Ɓe kollltii wonndema ɗee peeje ko yoga e ɓiɓɓe leydi ndi tawi no e maɓɓe Pol Henri Sandawogo Damiba mo kapiteen IbrahiIma Trawore sammini laamu mum, Newton Ahmed Bari, jaayndiyankeejo e Djibril Bassolé, jaagorɗo kiɗɗo tambiinooɗo jokkondire. Kono wona ɓee tan hay yoga tawaaɓe konunkooɓe tawi ko hiiɗɓe no tuuma wondude e leyɗe takkiiɗe Burkina Faso e yeru Koddiwar. Ko holno ñawirɗon oo alhaali

Hannde e Talaata, ñannde 24, 9ɓuru, en kaalan fii jonnde 79ɓere Dental Leyɗe Adunaaru ONU fuɗɗiinde hanki e alat.to dawlaaji Ndentuɗi Amerik. Ko holɗum habbiɗon ndee jonnde immoraade e ardiiɓe leyɗeele Afrik? Ko holɗum ndee jonnde waawi battinaande leyɗeele Afrik,?

Hannde e altine ñannde 23, 9ɓuru ka taskaram On Tottaama Konngol, en kaali ko faatii e alhaali dawro Gine. E nder ndee yontere ɓadiiɓe laamu faddewu nguu nantini wonnde Jeneral Maamadi Dummbuya no wawi tawtoreede e woteeji hooreyaaku saatiiɗi. Kono sariya mo CNRD waɗi nde ɓe hewti e laamu  no haɗimo tawtoreede e ƴamooɓe lefol laamu Gine. Ko holno ñaawirɗon o alhaali? Taw si Jeneral Mamadi Dummbuya no haani tawtoreede walla o hana?

Ka taskaram men On Tottaama Konngol hannde e aljuma ñannde 20, lewru 9ɓuru 2024, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗoɗee jeewte waɗaaɗe ɗee.

Keɗoɗen jooni ñoggannde jewte waɗaaɗe ka taskaram On Tottaama Konngol e nder nde yontere. Ko Faatumata SI SAAWAANE waɗani en.

Hannde e alkamisa ñannde 19, 9ɓuru, Taskaram on Tottaama Konngol nawran Senegaal. Ardiiɓe leydi ndii joɗɗinii e ndee talaataare, ngoomu ñaawiyankooɓe ngam haɓude bonondaaji faggudu leydi ndii, no wi’e e ɗemngal faransiire “pool judiciaire financier” Nguu goomu ko ko lomtoo Suudu ñaawirdu toppitiindu nguyaale faggudu leydi noddirteendu “CREI. Ngu nguumu halfinte ñaawugol alhaaliiji ngeenaari bonndi, haɓugol  laɓɓinooɓe mbuuɗi heɓorɗi no laaɓiraa, halorgol jawle laamu e tammbitagol kuliyankaangal e alhaaliiji goɗɗi. Kono lunndiyankooɓe ɗuuɗuɓe no holli wonnde ko liddu maɓɓe ɓee ardiiɓe Senegaal darnani nguu ngoomu ñaawooɓe, pellital ngal ko ko yowondiri e politik.

Ko holno taskorɗon onon oo alhaali?