On Tottaama Konngol

Hannde e alkamisa ñannde 19, 9ɓuru, Taskaram on Tottaama Konngol nawran Senegaal. Ardiiɓe leydi ndii joɗɗinii e ndee talaataare, ngoomu ñaawiyankooɓe ngam haɓude bonondaaji faggudu leydi ndii, no wi’e e ɗemngal faransiire “pool judiciaire financier” Nguu goomu ko ko lomtoo Suudu ñaawirdu toppitiindu nguyaale faggudu leydi noddirteendu “CREI. Ngu nguumu halfinte ñaawugol alhaaliiji ngeenaari bonndi, haɓugol  laɓɓinooɓe mbuuɗi heɓorɗi no laaɓiraa, halorgol jawle laamu e tammbitagol kuliyankaangal e alhaaliiji goɗɗi. Kono lunndiyankooɓe ɗuuɗuɓe no holli wonnde ko liddu maɓɓe ɓee ardiiɓe Senegaal darnani nguu ngoomu ñaawooɓe, pellital ngal ko ko yowondiri e politik.

Ko holno taskorɗon onon oo alhaali?

Hannde e alarba ñannde 18, 9ɓuru en kaalan ko faatii e hawannde kuliyankooɓe waɗunde e talaata Bamako e daaka sanndarmaaɓe. Hawannde nde fedde jihadiyankooɓe humodirnde e "Alqa'ida" noddirteende JNIM anndini wonndema ko kamɓe woni caggal mum.

Ko holno taskorɗon oo alhaali?

E miijo mon ko holɗum saabii fedde JNIM yanande ndee daakorde sanndarmooɓe e ko waɗi si ko oo saayi ɗoo ɓe waɗi nde hawannde?

Enee hara ko holɗum JNIM faalaa faaminnde maa mi wi’a hollude e nder anndinngol maɓɓe wondema ko kamɓe waɗi ndee hawannde?

Hannde e Talaata, ñannde 17, 9ɓuru, en kaalan fii AES Dental leyɗe Sahel. Timmii hanki e altine hitaande gila Mali, Burkina Faso e Niijeer hawti tafi ndee fedde. Faandaare ngal kawtal AES ko haɓude caɗeele taskaɗe e nder ɗee leyɗe tati tentinii ko faati e rafi ndeenaagu jaaliigu e nder sahel. E wuurñitude hitaande gila dental ngal sincaa, hooreeɓe leyɗeele ɗee artii e laatinanɗe mayre. Hooreejo Mali Assimi Goyta ardiiɗo ndee fedde anndinii wonde ɓe gollii sanne e ndee hitaande aranere. E bi’ol makko konunkooɓe kawtal leyɗe Sahel darike darnde timmude ngam dartaade  kuliyankooɓe e hiwude leyɗe maɓɓe.

Ko holɗum maandiɗon e golle fedde leyɗe AES e ndee hitaande?

Tawu si fedde AES waawi timminde faandaare ko nde tafanaa?

Hannde e altine, ñannde 16, 9ɓuru, yewtere men no nawri en Senegaal kaalen ko faatii e alhaali fusugol suudu sarɗinkooru ndun. Basiiru Joomay FAAY hooreejo leydi ndin dartinii golle mayru e alkamisa yawtuɗo. O noddii e wooteeji sarɗinkooji kesi ñannde 17 lewru 11ɓuru ndee hitaande 2024. Ngol dartingol golle nduu suudu sarɗinkooru jibinii hallulaaji ɗuuɗuɗi e hella pelle politik Senegaal, gila e fedde dawro hooreejo leydi haa e luunndiiɓe ɓee. Kono e bi’ol Basiiru Joomay FAAY, ko addi mo ƴettude ngal pellital ko sabu depiteeɓe ɓe Benno Bokk Yaakaar wootugol eɓɓooje laamu ngun.

Ko holno taskorɗon no ngol dartingol golle nduu suudu depiteeɓe?

Ko holɗum noddugol e wooteeji sarɗinkooji kesi ñannde 17lewru 11ɓuru ndee hitaande 2024 waawi jibinande Senegaal?

Ko holɗum yuɓɓingol ɗii suɓungooji  waawi battinnde si tawii fedde dawro Basiiru Jomaay FAAY heɓaani ɓural?

Ka taskaram men On Tottaama Konngol hannde e aljuma ñannde 13, lewru 9ɓuru 2024, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗoɗee jeewte waɗaaɗe ɗee.

Hannde e alkamisa 12, 9ɓuru, yewtere men On Tottaama Konngol no nawri en Koddiwar, kaalen ko faati e alhaali dawro leydi ndii. Cergal laatike, hakkunde fedde politik FPI nde Paskal Afi Ngesan ardii e RHDP fedde dawro Alhasaan Daramaan Waatara hooreejo Koddiwaar. Pelle ɗee ɗiɗi siifuno aadodal e lewru 5ɓuru hitaande 2023, ngam wontidude e  jokkondirgol to baŋŋe dawro. Kono ngal aadodal ɓooyungal lebbi 16, timminaali paadaaje ko ngal siifaana kon.

E bi’ol Paskal Afi Ngesaan, mo FPI, fedde makko nde e RHDP waawaali jonnindirde juuɗe, gollida ngam weldinntinde Koddiwaarnaaɓe, wano ɓe aadodi non. Ko ɗum addi ɓe firtude aadodal ngal.

Ko holno taskorɗon cergal laatiingal hakkunde RHDP e FPI?

Taw si cergal hakkunde ɗee pelle ɗiɗi politik no juhi on?

Ko holɗum seedingal hakkunde RHDP e FPI battinnta e alhaali dawro Koddiwaar?

Hannde e alarba, ñannde 11, 9ɓuru en kaalan ko fati e ɗanle ɗe ɗoftaaki sariya. Limoore ɗannortooɓe laawi ndiyam hino ɓeydii hannde sanne, e nder ɓen heddotooɓe e maaje ɓen kadi no ɓeydaade fii kala, hooreeɓe leyɗe Afrik hino ɓami pehe ngam haɓude  oo alhaali. No woodi hooreeɓe ado ɓe hewtude e laamu ɓe waɗan fodooje, ɓe weyna pehe ɗe ɓe eɓɓi laatinde ngam wallitorgol sukaaɓe ɓen golle fii haɓugol oo alhaali fergu. E alat yawtunde ndee laana ndiyam waɗorka ko timmi ɗannotooɓe 200ɗo yoolike e nder maayo e wuro Nbuur to Senegaal. Ko fawi yimɓe 35to waasii pittaali maɓɓe e nder maayo ngoo.

Holko saabii haa nii sukaaɓe ɓen no fiɓi e fergu?

Hara ko holɗum woni battane fodaaje ɗe hooreeɓe leyɗeele waɗanta sukaaɓe ko faati e fewjodude e maɓɓe e sosangol ɓe gollirɗe ngam haɓugol ɗanle ɗe rewaa sariya?

Hannde e talaata, ñannde 10, 9ɓuru, yewtere men no nawra en Aljeriya, kaalen ko faatii e laamagol Abdelmajiid Tebbuun leydi ndii laawol ɗiɗaɓol (mannda ɗiɗaɓo). Ɗum ko caggal nde o fooli e suɓngooji hooreyaaku yuɓɓinaaɗi yontere saaliinde ndee. O dañii daaɗe 94 e ko fawi e nder teemederewel. Kono adadu daaɗe ɗe oo hooreejo kiɗɗo Aljeriya fooliri ɗee hino juhi tiindondiraaɓe makko, sabu e bi’ol maɓɓe limoore wootuɓe ɓen ɗuuɗaali. Hiɓe jaɓi poolgu makko kono o waawa dañude wano ɗee daaɗe fow.

Caggal nde Abdelmajiid Tebbuun laatii ardotooɗo Aljeriya e nder duuɓi jowi arooji, ko holno taskorɗon janngo Aljee e Bamako to baŋŋe dipolomasi e huuwondiral hakkunde aljeriya e leyɗe goɗɗe? E ko golle heñoraaɗe holɗe habborɗon Abdelmajiid Tebbuun e nder oo manda makko ɗiɗaɓo?

Hannde e altine, ñannde 9, 9ɓuru, e nder ndee yewtere On Tottaama Konngol, on hollii mijooji mon ko faati e ndee jonnde waɗunde hakkunde Siin e Afrik e nder yontere faltiinde ndee. Tumnbondiral yowitiigal e jokkondiral e gollidal  to banŋe faggudu hakkunde leyɗeele ɗee. Holko woni njiyanɗe mon e ndee jonnde hakkunde Siin e leyɗeele Afrik ?

Hannde e aljuma, ñannde 6, 9ɓuru, en jokkan haalude alhaali duuɓi tati laamu CNRD, kono toɓɓere men no yowiti e aangal golle  nder leydi ndii. Faransiire wii"chomage", ɗum woni heɓugol golle ko saɗɗa jaaliiɗo saane hannde nder Gine. Alhaali ɓeydiiɗo sabu caɗeele fannu faggudu e nder leydi .

Musinɓe tedduɓe ko holɗum saabi anngal golle?

Ko holno taskorŋon jonnde ɓee sukaaɓe jannguɓe haa no jogi seditanɗe taw alaa golle?

Ko pehe honɗe haana ɓameede hannde ngam haɓude ngal anngal gol?