On Tottaama Konngol

Hannde e alkamisa, ñannde 5, 9ɓuru, en kaali fii alhaali dawro Gine e batte ɗii duuɓi tati laamu CNRD. Timmii hannde duuɓi tati gila fedde konunkooɓe nde Jeneral Mamadi Dummbuya woni hoore mum sammini laamu Alfa Konnde, ardii Gine. Nde ɓe hewti ka laamu, ɓiɓɓe Gine weltino  ɓe sanne, sabu hari ɓe haaɓi laamu Alfa konnde wonnooɗo e waɗude mannda tataɓo, mo o daginanaaka.

Ko holno ñaawirɗon laamu CNRD gila ɓe ardii Gine ?

E nder ɗii aadiiji ɗi CNRD ƴettani ginenaaɓe ko holɗi majji ɓe hunni ?

Fii jaabagol ngal lamndal,  RFI Fulfulde no jaɓɓii yoga e  heɗiyankooɓe mum e nder taskaram heblaaɗo Konaakiri, laamorgo Gine.

Toɓɓere yeewtere men nden hannde, ko anndugol battane mbayliigu e dow faggudu e demal. Ngam rippude  ndee toɓɓere,en mbismoto Moktaar Tarawoore, heertoorɗo faggudu, hooreejo goomu wi'eteengo ADG to Mali.
Golle maɓɓe ina fewti e wittooji ngam ɓamtaare ndema. Caggal ɗum en mbismoto kadi Salif Baydal Bah, heertoorɗo faggudu e kiwal taariindi, jooɗiiɗo Podoor, rewo Senegal. En ndokkan konngol gooto e remooɓe ɓe mbayliigu weeyo ngo battini e golleeji mum.

Hannde e alarba, ñannde 4, 9ɓuru, ka taskaram men en tottaama konngol, wonaaka yuɓɓineede hannde kadi gila Konakiri laamorgo Gine, en tolnay e ngal ñallal jaayndeyankooɓe ngam yewtude ko faati e alhaali golle maɓɓe e oo saayi laamu faddewu walla no mecce ɗee sifori ɗii duuɓi ɗiɗi sakkitiiɗi. Ɗum ko gila e alhaali teddinngol ndimmaaku jaaynirɗe, weeɓinanngol jaayndeyankooɓe gollude haa e teddinngol hakkeeji maɓɓe. E nder yewtere en yewtan kadi e dow toɓɓe goɗɗe.

Ko holno taskorɗon alhaali oo e nder ɗii duuɓi ɗiɗi sakkitiiɗi? Ko holɗum anngal teddinngol ndimaaku jaaynirɗe waawi jibinande leydi?

Hannde e talaata, ka taskaram On Tottaama Konngol, en kaalan ko faatii e alhaali ɓeydugol, maa mi wi’a juutinngol happu laamu faddewu Gine e ko ɗum waawi battinde.

E ndee yontere kaa taskaram no daakii nder Gine, on keɓan toɓɓe fere fereeje ko rewindii e jogaaɗe leydi ndii, ɗum woni duuɓi tati gilla ko konunkooɓe laamii leydi ndii. Puɗɗiren en ndee talaataare juutingol walla ɓeydugol happu happu laamu faddewu nguu. Ko holno ñaawirɗon ɓeydugol happu laamu faddewu ngun? Ko holɗum oo alhaali waawi battinde?

Hannde e altine, ñannde 2, 9ɓuru, en kaali fii alhaali dawro Gine, ko faati e ɗii duuɓi tati laamu CNRD.

Musiɓɓe e alkamisa 5 lewru 9 ɓuru, timman duuɓi tati gila konunkooɓe ciwlii laamu hooreejo leydi ndin Alfa Konnde. Gila nden ñannde heɓi hannde ko CNRD, fedde konunkooɓe samminɓe laamu, nde Jeneral Mamadi Dummbuya woni hoore mum ardii leydi ndii. Nde ɓe hewtata ka laamu, ɓe foduno ginenaaɓe geɗe ɗuuɗuɗe no jeyaa e majje yuɓɓiningol no yaawiri suɓngooji laaɓuɗi fii no demokarasi tabitira Gine, ñimnugol sariya e ɓamtugol faggudu leydi ndii. 

Ko holɗum nguu laamu faddewu ɓattini to baŋŋe dawro e faggudu e ɓamtaare Gine?

Hannde e nder taskaram On Tottaama Konngol, ko yewtere hertinanaande rewɓe wonno. Toɓɓere nde no faati e alhaali hakkeeji ɗi ɓee rewɓe hesniiɓe walla kenguɓe njogi. Holno hana waɗeede ngam hakkeeji maɓɓe teddinee e nder renndo ngoo e nder ɗee leyde Afrik?

Hannde e nder yewtere On Tottaama Konngol, on holli mijooji mon ko faati e soodugol laaɗe wirooje ngol ardiiɓe leyɗe Afrik mbaɗata tawi kala e saha ɗum no adda hallullaaji mawɗi. Mbele soodugol laana hooreejo leydi ko huunde fodunde wonnde walla ko ɗum bonnere ?

 Hannde e alkamisa, ñannde 29, 8ɓuru, taskaram On tottaama konngol, no nawri en Gabon,Kaalen ko faatii e timmugol hitaande gila Jeneral Biriis Oligi Ngema,sammini laamu Ali bongo. hooreejo kiɗɗo ardiiɗo leydi ndii e  ɓesngu mun fodde duuɓi 50. Ko holno njiiruɗon golle Jeneral Biriis Oligi Ngema, e nder ɗii lebbi 12. ɗi o ardii . Ndeo hewti ka laamuo foduno sembintiinde calɗi leydi ndii, haɓugol alhaali ngenaari bonndi e nder Gabon. Mbele ɗen podooje fuɗɗaama hunneede?

Hannde e Talaata, ñannde 27, 8ɓuru, en kaali ko faati e nguu njanngu fiyannde waɗunde to Barsalhogo hakkunde rewo Burkina Faso. Fiynnde de yimɓe teemeɗɗe maayi, ɗuuɗuɓe kadi barmi e nder mun yontere yawtunde. Ko holno ñawirɗon ngol wattorgol ɗii ɓesnguuli e ndee hare kuliyankaagu?

Toggi lewru 1ɓuru jagga lewru 3ɓuru hitaande 2024, hakkeeji bani aadama ndoolaama no feewi walla mbiyen mbelsindaama. Ko ɗum woni cimtol ngol fedde ONU tawi ko e gardagol joɗaniiɗo « haut commissariat » fedde ndee e nder Gine Konakri. Hakkeeji jaayndeeji karlaama, yimɓe loraama e saha sepppoji, woodi maayɓe e barmuɓe anndini ngol cimtol ONU. Ko wonaa ɗum tawaaɓe fedde FNDC, Umaar Silla e Mammadu Billo Bah no pawaano juuɗe woni hannde lewru e ko fawi, hay gooto annda to ɓe nawaa, fedde ndee artii e huutorogol doole ngam wawde wadde pellite ɗe ƴetti waɗude e nder leydi ndii. Ko holno ñawirɗon ngol cimtol ? Holko woni yi’annde mon e alhaali hakkeeji neɗɗanke gila nguu laamu faddewu jooɗii? Holko woni yi’annde mon e alhaali hakkeeji neɗɗanke gila nguu laamu faddewu jooɗii?