On Tottaama Konngol

By RFI Fulfulde

On Tottaama Konngol episodes

July 27 Ko honɗum haɓɓorɗon ndee fedde heyre Bassirou Diomaye Faye «Kiiraay», no firi Kiwal e wolof?
Altine 27, lewru 7ɓuru hiɗen yeewta ko yowiti e alhaali dawro Senegal. Caggal nde hooreejo leydi ndii seerti walla huccondiri e weldiiɗo makko kiɗɗo Ousmane Sonko laatiiɗo hooreejo suudu sarɗiiji balɗe 4 ɓawto nde o ittaa hooreejo jaagorɓe, Bassirou Diamaye Faye sellinii yaltugol makko e fedde dawro PASTEF, o fampike e aset faltiiɗo fedde makko dawro noddirteende «Kiiraay, les patriotes républicains».

Himo anndini wonndema yidde maɓɓe ko foolde e suɓngooji meereeɓe e depiteeɓe garooji, e ƴamude kadi lefol laamu manda ɗiɗaɓo. Ko honɗum haɓɓorɗon ndee fedde heyre Bassirou Diomaye Faye «Kiiraay», no firi Kiwal e wolof? Mbelle ɓiɓɓe Senegal no jogi haa nii hoolaare hooreejo leydi Bassirou Diomaye Faye? Ko holno yiiruɗon hannde alhaali dawro Senegal?
20 min
July 24 Yewtere udditiinde: wano woowiri non e aljumaare kala, on yewtii fii toɓɓe ɗe faalaɗon artude e mun
On Tottaama Konngol, hannde ko aljuma, e no kala aljuma. Ko yeewtere udditiinde. Hiɗon njogii ndimaagu naayoraade ɗo mbelaɗon e no mbiliraɗon e nder toɓɓe ɗe njeewtɗon e nder jeewte On Tottaama Konngol.
21 min
July 23 Holno ñaawirɗon pellital jaagorɗo Senegal tammbiiɗo coggu e njeeygu dartingol addoygol maaro caggal leydi?
Hannde e alarba ñannde 23, 7ɓuru, hiɗen yewta fii pellital ardiiɓe Senegal dartinngol ittugol maaro caggal leydi addako Senegal. Ɗum ko gila 20 lewru ndu wonuɗen e mun haa ñannde 15 lewru darotoondu. E bi’ol maɓɓe ɗum ko e eɓɓoore hooreejo leydi Bassirou Diomaye Faye yiide yo leydi ndin heɓu jeytaare mun to ɓaŋŋe nguure. Laamu ngun ɓamii ngal pellital caggal nde remooɓe maaro ɗuuɗuɓe holli mette maɓɓe ko faatii e anngal waawude yeeyude coñe maɓɓe.

Hiɗen anndi non wano ɗee pellite ko faatii e ittugol nguureeji caggal leydi adda ɗum na mun ƴettaama e leyɗe keewɗe, Saayi no feƴƴi wano oo sariya ɗoo ɓamano Burkina faso, ko wano non kaŋun kadi Gine, ardiɓe ɓen haɗuno ittugol ñameeteeji caggal leydi addaɗi Gine.Ko holno yiiruɗon ngal pellital? Ko holɗum ngal pellital arata e battinnde?
20 min
July 22 Bassirou Diomaye Faye ƴetti pellital wallude Macky Sall e kandidayaagal makko to fedde ONU
Sikke woo alaa hannde kadi laaɓi poy, hooreejo kiɗɗo Senegal Macky SALL dañii tambitannde leydi makko ko faati e kanndidaaku makko e jullere koolaaɗo kuuɓal dental Adunaaru ONU. Caggal tumnbondiral yontere faltiinde hakkunde Macky SALL, e Bassirou Diomaye Faye hooreejo leydi ndin, Bassirou Diomaye Faye anndinii pellital makko tawtude ngoo miijo hooreejo kiɗɗo Senegal ƴamugol lefol laamu ONU.

Himo ɓeydi hollude wonndema nguu kanndidaaku Macky SALL wonaa fii makko kanko tan, ko kanndidaaku Senegal fow. Ko holno taskorɗon ngal pellital Bassirou Diomaye Faye tammbitahol kanndidaaku Macky SALL, nde tawi hiɗen anndi lebbi no feƴƴi Senegal ari no liddii ndee eɓɓoore hooreejo kiɗɗo leydi ndin. Hara ko honɗum saaɓii ndee waylitere haa Bassirou Diomaye Faye felliti jooni tammbitaade Macki Sall e kanndidaaku makko? Taw si ngal pellital Bassirou Diomaye Faye faade e hooreejo kiɗɗo Macky SALL arataa e sembinnde lurral taskaangal hakkude hooreejo Senegal e hooreejo kiɗɗo jaagorɓe Ousmane Sonko?
20 min
July 21 Ko holɗum haɓɓorɗon Bassirou Diomaye FAYE lomtiiɗo hooreejo Sarlon Julius Maada Bio, e ardiigu CEDEAO?
Hannde e talaata ñannde 21, 7ɓuru, hiɗen yewta ko faati e alhaali Dental Leyɗe hirnaange Afrik CEDEAO, caggal nde hooreyaaku Dental ngal halfina Bassiru Diomay Faye, hooreejo Senegal. Jaagorɗo kiɗɗo konu Senegal Birame Diop kadi suɓaama ko ardoo njuɓɓuɗi walla komissiyonji dental ngal e ɗii duuɓi nayi arooji. O lomto oo Gambinaajo Omar Alieu Touray e ndee darnde. Ko e jonnde 69ɓere hooreeɓe e Guwernemaaji leyɗe hirnaange Afrik yuɓɓinaande Sierra Léone e alati yawtuɗo, ɓee hooreeɓe leyɗe CEDEAO, toɗɗii Senegal ko ardoo dental maɓɓe. ɗum no waɗii e saayi mo CEDEAO jogii caɗeele mawɗe to banŋe ndeenaagu, faggudu, njuɓidi e goɗɗe e goɗɗe.

Ko honɗum haɓɓorɗon Bassirou Diomaye FAYE lomtiiɗo hooreejo Sarlon Julius Maada Bio, e ardiigu CEDEAO?Mbele Bassirou Diomaye Faye waaway timminde faadaare CEDEAO e nder ndee hitaande nde o ardotoo dental ngal?
20 min
July 20 Hannde on ngaddii jiyanɗe mon e ko faati e ngal timmal hakkunde espagne e Argentine
E altine ñande 20, 7ɓuru, hiɗen yeewta fii timmal koolol 23ɓol Deesewal fuku-koyngal adunaaru, hakkunde Espagne e Argentine. Kawrital wulngal jaw hanki e alat hakkunde ɗiɗɗe ɗen ɗiɗi, ngal kippu Espagne mo Lamine Yamal sakkitori dañugol hoodere ɗiɗaɓere mun taarikayankoore caggal nde ɓe fooli tiindindiraaɓe maɓɓe ɓe Agentine loggol nde silmaaji pottital ngal ɓeyɗaa, no wi’e prolongation. Ko holno taskorɗon nguu poolgu Espagne e dow Argentine? Mbelle ngal diɗɗal Lamine Yamal no haandi e ngal deesewal? Ko holno yiiruɗon no ngoo foolotiro fukku koyngal winndere yawtiri hikka? Taw si yuɓɓinol ngol rewii laawol? Ko holno faamirɗon haalullaaji waɗuɗi e dow no kawtite goɗɗe ñaawiraa non walla arbitrage on? ko holɗun ɓuri batinnde e mooɗon e oo coupe du monde?
20 min
July 17 Yewtere udditiinde: wano woowiri non e aljumaare kala, on yewtii fii toɓɓe ɗe faalaɗon artude e mun
On Tottaama Konngol, hannde ko aljuma, e no kala aljuma. Ko yeewtere udditiinde. Hiɗon njogii ndimaagu naayoraade ɗo mbelaɗon e no mbiliraɗon e nder toɓɓe ɗe njeewtɗon e nder jeewte On Tottaama Konngol.
20 min
July 16 Holko miijooji mon e ngal ɗiɗaɓal timmoode joofngal hanki caggal nde Argentine fooli Angleterre
Alkamisa ñannde 16, 7ɓuru hiɗen yewta hannde kadi fii ngol koolol 23ɓol Deesewal fuku-koyngal adunaaru 2026 joofay e alat aroowo. Ko holno taskorɗon pottite ɗiɗaɓal timmoode, ko faati e poolgu Espagne e Argentine e ɗow tiindondiraaɓe maɓɓe Faransi e Argentine? Ko ndii jaltidi habbinoɗon e ɗee kawrite? Holko saabi diɗɗal Espagne pi’i Faransi wano ngal piggal? Hara ko honɗun ŋakkannoo oo kippu Mbappe e ngal pottital 2ɓal timmoode haa ɓe ronki yiide laawol?

Ko hono yiiruɗan poolgu Argentine e silmaaji sakkitiiɗi e diɗɗal Angleterre ngal yoka miijino ko kaŋun fijata timmal?

No yiiruɗon timmal ngal hakkunde Espagne e Argentine?

Mbele Argentine waaway dañude hikka kadi deesewal ngal wano ɓe dañiri ngal e hitaande 2022
20 min
July 15 Holko woni miijo mon e gartugol gollondiral diplomasi hakkunde Bamako e Alger?
Hannde Alarba ñannde 15, 7ɓuru, en yewtay ko yowitii e alhaami Mali e Algerie. Ɗee leydi ɗiɗi keerduɗe, e jogiiɗe caɗeele ndeenaagu goote, fellitii immintinngol walla wurnitugol gollidal mun e banŋe diplomasi. Ɗum non ko ɓawto luural ɓurngal hitaande hakkunde majje. Bamako e Alger anndini ko faati e udditugol weeyooji majje uddanooɗi gila pooɗondiral ngal fuɗɗi. E kadi ambassaderji maɓɓe wonunooɓe e nder ɗee laamorɗe ruttike.
Ko holno faamirɗon gollidal ngal Mali e Algerie yidi fuɗɗitaade ?
20 min
July 14 Holko woni yiannde mon e diiwegol Pape Thiaw ?
Talaata ñannde 14, 7ɓuru, yewtere men no nawra en hannde Senegal. Ngam taskaade alhaali ittugol Pap Thiaw e ardiigu diɗɗal fuku koyngal Senegal. Ɗum ko caggal nde barooɗe Senegal piya e nder kawrite tati e nder ɗe kippu oo fiji e ngoo foolotiro fuku koyngal winndere. Oo kippu Pap Thiaw piya e tiindondiral hakkunde maɓɓe e Belgik, tawi ɓe fooliri loggi ɗiɗi haa e silmaaji 86, hino heddii silmaaji 4 kawrital ngal joofaa e nder ɗun ɓe loggaa tati fow. Ko waasude ngal diɗɗal waawude daraade darnde timmude e ngoo foolotiro addi fedde halfinaade lato balón Senegal jippingol Pap Thiaw e gollidiiɓe makko walla sat makko. Ko holno yiiruɗon oo alhaali?

Taw si ko Pap Thiaw tun woni sabu ngol waasugol diɗɗal Senegal woɗɗagol e ngoo foolotiro?

Ngam okkugol miijo mon e ɗow lefol ngol on nadday ka tongoode woowunde kowal kawal 221 76-644-12-80,
20 min