On Tottaama Konngol

Hannde e altine, ñannde 15, 7ɓuru, yewtere men no nawra en Amerik kaalen ko faati e etannde warngol Donald Trump taskaande e asewe yawtunde ndee  Pensilwani  (USA). Ɗum waɗii e saayi mo oo hooreejo kiɗɗo Dawlaaji Ndentuɗi Amerik waɗata yewtere e mooɓondiral orngal suɓngo hooreyaaku leydi ndii.

Ko holno ñaawirɗon ndee etannde warngo Donald Trump Pensilwani nde o daɗi e muuɗum?

Ko honɗum oo alhaali waawi ɓattinnde e orngal suɓngooji hooreyaaku Amerik?

Taw si oo alhaali waɗu ɗoo wonan sabu ɓeydagol arsike DonaldTrump haa o daña poolgu e suɓngo hooreyaaku saatiingo ngoo e lewru 11ɓuru?

Ka taskaram men On Tottaama Konngol hannde e aljuma ñannde 12, lewru 7 ɓuru 2024, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗitoɗee jeewte waɗaaɗe ɗee.

Hannde ko aljuuma wano woowiri non e aljuma kala ko  ñogannde mijooji ɗi ngaccunoɗon e ndee yontere  On Tottaama Konngol arturanta on, Ko  Muusa Umaar Bari waɗani on nde.

On Tottaama konngol, en njjewtii e alhaali yoga e ɗemɗe neniije mbattaaɗe nder hello Google, tawi no e majje ɗemngal Fululde. E nder yontere faltiinde ndee, fodde ɗemnɗe 110 mbattaama e nder Googol tawi hen 31 ko ɗemnɗe kaalateeɗe e nder Afrik. E nder hitaande 2022, fodde 10 nananooma. Ko holno njaɓɓoriɗon oo kabaaru ? E hol nafoore wonnde hen to bannge ɗemɗe neniije, teeŋti e fulfulde ?

Ngonɗen ko e 10 lewru 7ɓuru, ñalaande timmunde balɗe 100 ko hooreejo leydi Senegaal Basiiru Jomay Faay ari jappere ngardiingu leydi ndi Senegaal. Garol makko e laamu waɗii ɗaminaare mawnde, sabu e nder orngal ngal podooje keewɗe mbaɗaama hono golle sukaaɓe, yurnitaade nanondire baɗaaɗe to bannge awo. E saha woondoore makko o fodii Senegaal potal   e ɓamtaare, haɓude satteende nguurndam e ngenaari mbonndi. Hol njaltudi mbaɗaton faade ngardiigu Basiru Jomay Fay. Mbele hoɗon njona e pellite ɗe puɗiɗon yiide ɗee ?

To Fransi caggal wooteeji daawal ɗimmal sarɗiyankooɓe, ko lannda RN mo Marine Le Pèn arunooɓe yeeso e daawal aranal, keɓti ko jonnde tataɓere tawi ko 143 sarɗiyankooɓe. Emaniyel Makron e lannda mum ngarti e jonnde ɗiɗaɓere tawi ɓe keɓi ko depiteeɓe 163, « Front populaire » mo Jan Lik Melanshon heedii yeeso e ɗii suɓngooji tawi ɓe keɓii ko 180 sarɗiyankooɓe. Holno ñawirɗon ɗee woote ?

Hannde yewtere men On Tottaama Konngol no faati e jonnde AES to Ñamey, laamorde Niijeer. E nde CEDEAO to Abuja, laamorde Najeriya. E ɗee kawrite  ɗiɗi, pellite keewɗe nanaama. AES teeŋtini yaltugol maɓɓe e nder CEDEAO, e on saha hooreejo leydi Senegaal Basiiru Jomay Faay toɗɗaama ngam dogde koyɗe jam. Holno njiruuɗon oo alhaali?

Hannde e nder ndee yewtere udditiinde, heɗiyankooɓe hollii miijo maɓɓe ko faati e kabaaruuji ɗi ɓe yiɗi artude e mum e nder yontere nden Ka taskaram men On Tottaama Konngol hannde e aljuma ñannde 5 lewru 7 ɓuru 2024, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitannde e majje. Heɗitoɗe jeewte waɗaaɗe ɗee.

Tedduuɓe hannde yewtere men no faati e alhaali fuɗɗol nduungu, kono ko e saha mo nganduuɗa caɗeele keewɗe mbaɗata. Hono waameeji woɓɓe mbiya ilam, haa saaboo  yanugol galleeji e ko nanndi hen. Yeru e nder leydi Koddiwar, e yontere faltiinde ndee, ardiiɓe ɓe njamirii yimɓe ɓee njalta e nder yoga e galleeji sabu ngonnka majji feewani. Hol ɗeen peeje wala pehe laamuji mon haani ƴettude ngam falaade ɗii boneeji ?

Senegaal, haa jooni Usman Sonko waɗaani yewtere makko to suudu sarɗiyankooɓe leydi ndii. O hollitii so tawi kuule suudu ndu pewnitaaka ɗo e 15 lewru ndu ngonɗen, ko to bannge goɗɗo o waɗoyta yewtere makko. E anndinde e nder hitannde 2019, jonnde hooreejo jaagorɓe koko ittano e nder leydi Senegaal, artira e nder hitaande 2021 kono tan ndee jonnde artira kuule suudu ndu pewnitaaka. Holno ñawirɗon ngal pooɗondiral?