On Tottaama Konngol

Hannde e yewtere On Tottaama Konngol, on holli mijooji mon ko faati e suɓngooji hooreyaaku leydiMoritani. Caggal njaltudi woote ɗee, salndu halfinaandu njuɓɓudi ɗee woote anndini ko hooreejo Mohammed Uud Ghazuwani heɓi polgu e yeeso lunndiiɓe makko. Ko holno ñawirɗon ɗee woote?

Hannde e nder yewtere mon On Tottaama Konngol, e kaalan ko faati e njaltudi araniri wooteeji sarɗiyankooɓe leydi Faransi. E ngal daawal aranal, lannda fantiyankooɓe ñaamo keedi yeeso Ɗum woni RN, ɓe dañii daaɗe ko foti 34 dow teemederel. Kono kawtital lannda laamuyankoore ndee laatima tataɓo e daade 20 dow teemederewel caggal lannda woñorɓe nano. Ko holno ñawirɗon ɗee woote?

Hannde e taskarama On Tottaama Konngol, ko yewtere hertinanaande rewɓe. Toɓɓere ndee no yewta fii alhaali rewɓe e dawrugol. No teskaa e nder Afrik, rewɓe hewaaka yi’eede no ƴama  jonle mawɗe, hono horeyaaku leydi. E miijo mon holko saabii oo alhaali?

Keɗoɗen ɗoo ñoggannde jeewte waɗaaɗe ka taskaram On Tottaama Konngol e nder nde yontere. Ko Muusa Umaar BARI waɗani en. Heɗiaynkooɓe ɓen  neldii ji'anɗe maɓɓe e toɓɓe ɗe ɓe yiɗi artude e mum.

Hannde e yewtere On Tottaama Konngol, on hollii miijooji mon ko faati e ɗii suɓngooji fewndiiɗi Faransi waɗooji ñannde 29 nduu lewru e 7 darotoondu. Gila e woteeji sarɗiyankooɓe dental Erop faltiiɗi, teskaama taaɓal mawngal ngal fedde dawro RN waɗi, fedde nde Mariin Le Pen ardii. Jooni hino wi’ee wonnde hiɓe e damal laamu. Ko caggal ɗum Emmaniyel Makron folli suudu sarɗinkooru, o ƴami yo suɓngooji kesi keñoraaɗi yuɓine. Holko woni miijo mon e ɗee woote?

Moritani, ñannde 29 lewru ngu ngonɗen, emmbere miliyonji  pawɗo 900 wotooɓe no padaa e nder cuuɗi ngootirɗi ɗii ngam suɓaade hooreejo leydi maɓɓe ndii hakkunde kanndaaɓe 7 fooɗondirooɓe e ɗee wooteeji hooreyaaku leydi ndii. Waɗi jooni jonte ɗiɗi, ko ɓee ƴamooɓe lefol laamu ɓe no njirloo e nder wertaango leydi  Moritnani ngam tiindirde e ɓesnguuli leydi ndi. Ko holno njiruuɗon ngal orngal woteeji ? Ko Holɗe golle ɓuri teeraade hooreejo keso oo so o suɓaama ?

Ko pellital ngal senegalnaaɓe ɓurnoo fadaade e nder leydi ndii ko pellital ustugol coggeeli ñaameteeji. Ɗum ko fodoore nde Basiiru Jomaay Faay e Usmaan Sonko fodunoo e saha orngal woteeji hooreyaaku leydi ndii. Ngol ustugol toɗɗii ko maaro, nebam, mburu, siman. Fii yo ɗum waawu laataade ko ballal ngal  milliaruuji 53,4 cfa laamu nguu yaltini. Ko holno njaɓorɗon ngal pellital? Mbele ɗum battinan  nguurdam e ɓesnguuli ɗii? Holko haanaa waɗeede ngam rewindaade ngol ustugol? Mbele e nder leyɗe mon hono ɗee pellite ƴettaama?

Hannde e yewtere mon On Tottaama Konngol, on hollii mijooji mon ko faati e ngal pellital ngal tawtoranooɓe jonnde ko faati e moƴƴingol pesooje njewtaaɗe to Paris. E ndee yewtere, ardiiɓe jonnde ndee ƴetti pellital yaltinde miliyar gooto e kalisi dollars ngam moƴƴingol pesooje e nder Afrik. Holno njiruuɗon ngal pellital ?

E ndee jonnde fii fewnugol pesooɗe to Paris, pellital fii yaltingol miliyar gooto ngam pesooɗe heɓe moƴƴine nder Afrik, ko holno taskorɗon oo alhaali

Ka taskaram men On Tottaama Konngol hannde e aljuma ñannde 21, lewru 6 ɓuru 2024, e nder ndee yeewtere udditiinde, on kaali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗitoɗee jeewte waɗaaɗe ɗee.

Gine ardiiɓe laamu faddewu nguu nantinii annuye maɓɓe ndartugol gonal pelle dawro. Guwerneman on no  yurnitaade sellugol kaydiiji majje. Ɗum fuɗɗike hanki alaraba. Fedde dawro kala no jogii jonte ɗiɗi fii weynugol kaydiiji ngonka, sarɗiiji mum, aawagol fedden nden e wertaango leydi ndin fow. Faandaare nden ko anndugol so tawii fedde ndee no jojji noddireede fedde dawro. Ko holno njiruuɗon ngal pellital ? Holko woni ngoƴo mon e mum?