On Tottaama Konngol

Hannde e altine, ñannde 13, 5ɓuru, en yewtii ko yowiti e alhaali dawro Caad. Caggal nde Mahamat Idriis Debi hooreejo laamu ƴanngal Caad fooli e ɗii Suɓngooji hooreyaaaku yuɓɓinaaɗi yontere yawtunde e nder leydi ndii. O heɓii daaɗe /hitooji 61 e nder teemederewell. Kono Siksee Masra hooreejo jaagorɓe makko, lunndiiɗo mo e ɗii suɓngooji, heɓuɗo kaŋum hitooji 18 piccal 53e nder teemederewell waɗii wullitannde to suudu ñaawirdu leydi ndii ngam hollude wonde o jaɓaa njaltuɗi ɗii. Himo lamdii yo suɓngooji ɗii firte walla yo njaltuɗi sellunɗi ɗin lolline. Ko holno taskorɗon polgu Mahamat Idriis Debi e suɓngooji hooreyaaku Caad?Ko holno yiiruɗon janngo dawro Caad, ko faatii e laamu Mahamat Idriis Debi?Hiɗon miiji wonnde waylitere waɗan to ɓaŋŋe dawro Caad, kaa politik oo yaaran caggal e duuɓi arooji?

Ka taskaram men On Tottaama Konngol hannde e aljuma ñannde 5, lewru 4ɓuru 2024, e nder ndee yeewtere udditiinde, on haali ko faati e alhaali kabaaruuji feƴƴuɗi e ndee yontere. On addii yi’anɗe mon e toɓɓe ɗe yiɗuɗon heɓude fensitande e majje. Heɗitee jeewte waɗaaɗe ɗee.

Hannde e alkamisa ñannde 9, 5ɓuru, ka taskaram on Tottaama Konngol, en kaali ko faatii e alhaali bonondaaji kewɗi yeru sumu cuuɗi, jeereeji e gollirɗe …. ngu ya’a ara kuuran saabotoo e nder leyɗeele men Afrik. Wano Gine, yontere faltiinde, ko jeere mawnde nden Madina e nder Konaakiri woni ko senngo mun fof sumi. Yiite ngen non ka ka transpo jano iwri, nge jaali e nokkuure nden caggal nde kuuran on tayi maa mi wi’a ya’i si ardi doole.

Hino tawti nokkeeli sumuɗi e nder yontere wootere nden, cuuɗi keewɗi e nder gure goɗɗe e ca’e ka laamorde, kaŋun e jaagorgal finaa-tawaa Gine.Taskaama non wonde, ɗii bonandaaji ɗi kuuran woni e saabaade e nder Gine, ko ɗii lebbi sakkitiiɗi ɓuri e jaalaade. Ko holno alhaali oo fewndori e nder leyɗeele mon? E miijo mon holko saabii ɗii cumi no ɓeydii Gine? Ko pehe holɗe haana ɓameede ngam re’ude ɗii cumi iwranɗi e ya’a ara kuuran e nder leyɗeele men?

Hannde e alarba ñannde  8, 5ɓuru en kaalan fo faatii e alhaali dawro Togo. UNIR, Fedde laamuyankoore nden fooli e suɓngooji sarɗinkooɓe yuɓɓinaaɗi ñannde 29 lewru 4ɓuru e nder leydi ndii. Ɓe heɓii julle 108 e nder 113 sarɗinkooɓe. Tippude e dosngal kesal Togo lawdinaagal e altine yawtunde ndee,Foor Ñasingbe waawan wonude hooreejo conseil jaagorɓe, ɓe noddiri ɗum jooni e ɗemngal faransiire « President du conseil des Ministres ». ko hooreejo oo halfintee laamu ngun fof, tawa kadi happu alaa e maggu.

Ko holno taskorɗon nguu polgu Unir, ndee fedde laamuyankoore Togo e ɗii suɓngooji sarɗinkooɓe? Ko honno ñaawirɗon ngol waylugol noone ardiingu Togo iwude e laamu hooreyaaku ara e laamu sarɗinkooru? E miijo mon ko holɗum ndee waylitere mawnde waawi battinnde e alhaali dawro leydi ndi?

Hannde e Talaata, ñannde 7, 5ɓuru, en artan e ngal tumnbondiral leyɗe jeyaaɗe e fedde islamuyankoore noddirteende OCI yuɓɓinaangal yontere yawtunde ndee Banjul laamorde Moritani. En taskoto jewte ɗe hooreejo Senegaal waɗi ko faatii e hare ɓooyude hakkunde Israyel e Palestiin. Basiiiru Jomaay Faye holli mettu ɓerde mum ko faatii e fiyanɗe ɗe konu Israyel woni e waɗude Gaza. E bi’ol makko alhaali fewndiiɗo e nokkure ndee no maapini men sanne fii kala mofte winndere nden daranaaki. E kadi salndu Dental ONI daraniindu kisal alaa e waɗude golle mayru ko faatii e daranaade hakkeeji neɗɗanke. O ɓeydi hollude kadi wonde leydi makko ndii no iwtiri ɓaawo palestiin ngam ɓe hetta hoore maɓɓe, fudnaange Jerisaleem wona laamorde palestiin.Ko holno taskorɗon ɗee jewte ɗe hooreejo Senegaal Basiiru Jomaay Faye holli e ngal tumnbondiral? Hiɗon miiji wonde jewte ɗe oo hooreejo waɗi aran e battinnde.