On Tottaama Konngol

Hannde ka taskaram  On Tottaama Konngol en yewtan ko faatii e Sudan.Timmii hitannde gila hare fuɗɗii hakkunde Jeneral Abdel Fattah Al Burhaan, gardiiɗo konunkooɓe e Jeneral Mohamed Hamdan Daglo lollirɗo Hemedti gardiiɗo konunkooɓe FSR. Ɗee Hare hakkunde ɓee jenerɓe ɗiɗo layii walla jaalike e nukkeeli keewɗi leydi ndi. ɗe saabike hannde maayeele ɗuuɗuɗe, Ko ɓuri miliyon jeetati sudanaaɓe eggii nokkeeli mun. Miliyon gooto yimɓe piccal jeɗɗi mooloyike leyɗe keerodirɗe e Sudan. Leydi ndii no hatonjiniri fewnde ɗoo balle neɗɗiyankooje e wano non.

E miijo mon holko saabii haa hannde nanondiral heɓaaka ngam ñippude ɗee hare?

Ko honɗum Afrik wawi waɗude ngam ñippude hare ɗee ?

Hannde ka taskaram  On Tottaama Konngol, on hollii mijooji mon ko faati e ngal pellital ngal ardiiɓe laamu ƴanngal Mali ƴetti yontere faltiinde, Ngal no yowitii e dartiingol golle pelle politik/dawro leydi ndii.

Ko holno ñaawirɗon ngal pellital ?

Ko honɗum ngal pellital yowugol kala ko faati e golle pelle dawro  Mali waawi battinnde e alhaali leydi ndii?

Hannde Aljuma 12 lewru 4ɓuru ka yewtere udditiinde on Tootaama Konngol, on hollii miijooji mon ko yowitii e kabaruuji fewndiiɗi e ɓaŋŋe ɗen fuu. Heɗoɗen jewte mon jolɗe ka Taskaram. Faatimata SI SAAWAANE

Hannde e alkamisa 11, 4ɓuru taskaram men on Tottaama Konngol no nawra en Abijan, ka laamorgo Koddiwaar. Guwerneerjo Abijan on hollii wonnde o faalaaka yi’ude hannde-kadi torotooɓe e sera laawi ɗin ka ca’e. O toŋii kadi ngeyngu e hoore laawi wano tammbagol ko yeeyetee haylina (jinndina) e nder Abijan. E bi’ol hooreeɓe ɓen, o dallinorii ƴettugol ngal pellital fii haɓugol  keewal yimɓe ɓen e hoore laawi ɗin, e fii newinngol ya’a ara yimɓe ɓen e otooje ɗen, e rentagol e kasaaraaji walla masiibooji heɓotooɗi e dow laawi.

Ko holno ñaawirɗon ngal pellital Guwerneerjo Abijan on ko faati e tuŋugol alhaali toragol e dow ɗii laawi?

Taw si ɓee hooreeɓe  ɓee ƴettan pellite goɗɗe ngam wallitaade ɓee wuurɓe e dow ɗii laawi Abijan?

Hannde e alarba ñannde 10, 4ɓuru, en kaalan ko faatii e lurral taskaangal hakkunde fedde tammbitiinde fuku-koyngal Kamerun no wi’ee FECAFOOT e jaagorgal halfinaangal coftal-ɓanli. Dum ko caggal nde Samiyel Eto’o hooreejo Fecafoot salii Mark Bris oo eltoowo keso mo jaagorɗo Kamerun toppitiiɗo coftal-ɓalli suɓii ko elta diɗɗal Kamerun. E bi’ol Samiyel Eto’o, wonaa oo joogorɗo haani suɓaade eltoowo kippu leydi ndii. O anndinno kadi wonde, o suɓotono hanki e talaata eltoowo goɗɗo.

Ko holno ñaawirɗon ngal lurral hakkunde ɓee hooreeɓe ɗiɗo, jaagorɗo halfinaaɗo coftal-balli e hooreejo Fecafoot?

Hannde e Talaata, ñannde 9, 4ɓuru 2024 ka taskaram On Tottaama Konngol, en kaali hannde ko faati e alhaali ndee juldeere suumaye (koorka) e nder leyɗeele men. Hikka caɗeele ɗuuɗuɗe hino taskaa tentinii e baŋŋe coggeeli ɗin ka jeere. E bi’ol woɓɓe e heɗiyankooɓe gila e ñamri heɓi comci haa e paɗe fof coggu mum no ɓeydii ka luumooji, huunde welaa heɓude hikka. Hay dañugol muudo wonaa huunde newiinde, coggu maaro no satti sanne e nder leyɗe buy.

Ko honno wonɗon e hebloorde fii ndee juldeere suumaaye fii no nde feƴƴira no newori?

Ko caɗeele holɗe taskiɗon e nder heblanagol ndee juldeere e nder leyɗe mon?

Hannde e altine, ñannde 8, 4ɓuru, en yewtan ko faati e dawro Senegaal. Caggal nde leydi ndii heɓi guwerneman keso, Basiiru Jomaay FAAY hooreejo leydi ndii e Usmaan Sonko hooreejo jaagorɓe suɓike e aljuma jaagorɓe guwerneman maɓɓe arano on. Ko guwerneman mo jaagorɓe 25, mo rewɓe 4 tawaa e muuɗum, e koolaaɓe kuuɓal njowo, Usmaan Sonko ardotoo. Hino taskaa e oo guwerneman keso jaagorɓe ɓe senegalnaaɓe meeɗaa annude, ɓe wonaa dawroyankooɓe, hay si tawii yoga no ŋiñi oo guwerneman keso, ɓe wi’i wonde ko jaagorɓe toɗɗoraaɓe giɗaale.

Ko holno taskorɗon oo guwerneman keso Senegaal mo Basiiru Jomaay eFaay e Usmaan Sonko sosi?

E miijo mon, mbayliigu waɗii e oo guwerneman Usmaan Sonko? Walla ko holɗum senndi guwerneman kiɗɗo on e oo guwerneman Usmaan SONKO?

Tama’u mon no semmbi, e miijo mon oo waawan laatinde ko senegalnaaɓe habbori mo fow ?

Ka taskaram men On Tottaama Konngol hannde e aljuma ñannde 5, lewru 4ɓuru 2024, e nder ndee yeewtere udditiinde, on haali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗitee jeewte waɗaaɗe ɗee.

Keɗoɗen ɗoo jooni ñoggannde jewte waɗaaɗe ka taskaram On Tottaama Konngol e nder ndee yontere. Ko Faatumata SIH-SAAWAANDE waɗani en ndee ñoggande.

Hannde e alkamisa ñannde 4, 4ɓuru, en wontidan ka taskaram men On Tottaama Konngol yewtuɗo hannde ko faati e dawro Senegaal.  Basiiru Jomaay Faay, hooreejo njowaɓo Senegaal toɗɗike e talaata yawtunde ndee, Usmaan Sonko, hooreejo jaagorɓe. Oo hooreejo keso guwerneman Senegaal, nde ƴetti konngol caggal nde o suɓaa, o feññinii pellital makko gollidude e Basiiru Jomaay Faay. E bi’ol Usmaan Sonko, o accidataa e hooreejo leydi ndii e golle ɗen fof. Ko maa ɓe jonnindira juuɗe wano ɓe waɗiri non haa Basiiru Jomaay Faay fooli ka suɓngooji hooreeyaaku Senegaal.

Ko holno jaɓɓorɗon ngol toɗɗagol Usmaan Sonko Hooreejo Jaagorɓe Senegaal?

Ko holno njiiruɗon janngo gollidal walla naɓidal maɓɓe e ardungal Senegaal?