On Tottaama Konngol

Hannde e altine, ñannde 29, 4ɓuru, yewtere men On Tottaama Konngol no nawri e Mali. Halullaji ɗuuɗuɗi no waɗuɗe gila yontere faltiinde ndee e ɗow mejaaje renndo ko faatii e joɓdi kaŋum e balle ɗe tere CNT ɗen woni e heɓude lewru kala.Yoga no holli wonnde yaada e ko ɓee lomtiiɓe sarɗiyankooɓe ɓen heɓata gila duuɓi tati jooni to suudu sarɗinkooru. Mali woni e hendaade lewru kala, sabu e bi’ol maɓɓe hino ɗuuɗi.

Keɗoɗen jooni ñoggannde jewte waɗaaɗe ka taskaram On Tottaama Konngol e nder ndee yontere 22-26 lewru 2024 .Ko Faatumata SI SAAWAANE waɗani en nde.

Hannde e aljuma, ñannde 26 lewru 4ɓuru 2024 ka Taskaram On Tottaama Konngol en yewtii ko yowitii e alhaali rawningol walla waylugol noone guri ɓanndu mum. Hannde ɓaleeɓe ɗuuɗuɓe no wujaade nebbe walla no huutorde lekkeele rawninayɗe tentinii rewɓe ɓen, hay si tawii hannde worɓe woɓɓe kadi fuɗɗike duumaade e rawningol guri ɓandu maɓɓe kamɓe kadi. Hay si tawii ngol waylugol mbaadi nguru ɓanndu mum ko alhaali battinayɗo e cellal neɗɗo on, ɗum haɗaali wujagol ngol no ɓeydii. Ko Senegaal woni leydi  tataɓiri e leyɗe ɗo oo alhaali waylugol guri ɓanndu ɓuri jaalaade.  Oo bone no wona sabu ñawnu kanseer.

Holko saabi hannde woɓɓe no himmani wayligol guri ɓandu maɓɓe?

Ko honno ɓee rewɓe wujiiɓe nebbe rawninayɗe yiiraa e nder renndo ngoo ?

Holko ɗum battinta e cellal maɓɓe?

Hannde e alkamisa ñannde 25, 4ɓuru, ka taskaram on Tottaama Konngol, en yewtii ko faati e no nawnuɓe ɓen wonaa e jaɓɓooreede to cuuɗi ñawndirɗi ɗii walla no naɓidal ngal fewndiri hakkunde ñawndooɓe e ñawndeteeɓe. E bi’ol ɗuuɗuɓe, yoga e nawnuɓe si hewtii ka labtaani, ko gila ka damal nawna mum ɓeydotoo tiiɗugol sabu anngaal jaɓɓeede e toppiteede no haaniri non. Alhaali oo newaaki e nder cuuɗi safrirɗi ɗuuɗuɗi leyɗeele Afrik.

Ko holno alhaali on fewndori e nder leyɗeele mon?

Taw si nawnuɓe ɓen no toppiteede no haaniri e nder cuuɗi ñawndirɗi leyɗe mon?

Hannde e talaata, ñannde 24 lewru 4ɓuru 2024 ka taskaram On Tottaama Konngol, en yewtii fii ndee eɓɓoore sariya nde sarɗiyankooɓe Beretaniya Mawndi wooti e ndee altineere sariya newnuɗo e naɓugol ɗanniyankooɓe naatuɓe e UK tawa ɗoftaaki sariya Ruwanda. Kono pelle ɗuuɗuɗe no ŋiñi oo sariya. E bi’ol majje yaltinngol, ɓee ɗanniyankooɓe e yimɓe fattiiɓe e nder Beretaniya naɓa ɓe Ruwanda, ko huunde beyɗaynde anngal teddingol hakkeeji neɗɗo e nder leydi ndii. Siftinnde ko e hitaande 2022 London e Kigali siifi ngal aadodal ko faati e ɗanniiɓe. Ngam kaaldal ngal laamu Beretaaniya  holli wonnde ɓe jonnan Rwanda miliyonji 140 ero.

Ko holno yiiruɗon oo alhali?

Taw si Rwanda waawan jaɓɓaade ɓee ɗanniyankooɓe yaltinteeɓe Beretabiya Mawndi?

Ko holɗum oo alhaawi waawi jibinannde Rwanda?

Hannde e talaata, ñannde 23, 4ɓuru 2024, ka taskaram On Tottaama Konngol, en kaalan ko faati e luural diplomasiyankowal taskaangal hakkunde Mali e Moritani. Dum ko caggal nde moritaninaaɓe waraa woɓɓe nanngaa, woodii kadi siwlaaɓe ka keerol hakkunde leyɗeele ɗee ɗiɗi.  Moritani no tuumi konu Mali e wallidiiɓe maɓɓe Wagneer wonugol sabu ɗii warngooji, huunde nde Bamako yeddi. E asawe yawtunde ndee jaagorɗo moritani halfinaaɗo ndenaagu waɗuno arno Bamako ngam yottinde nulal hooreejo leydi makko ko faati e mettu-ɓernde maɓɓe e ɗii jagguuji wonaaɗi e faweede e ɓiɓɓe leydi maɓɓe e nder Mali.

Ko holno taskorɗon ngal pooɗondiral hakkunde leyɗeele ɗee ɗiɗi

Ko haa honte ngal lurral yaata si tawii ngal dartinaaka?

Ko holɗum waawi ñippude ngal lurral hakkunde leyɗe ɗee ɗiɗi?

Hannde altine ñannde 22, 4ɓuru, hitaande 2024 en yewtan ko yowitii e anngal hunnugol aadi yoga e hooreeɓe leyɗe Afrik nde ɓe woni ka laamu. Hino taskaa, ƴamooɓe lefol laamu ɗuuɗuɓe, laatinnta yoga e fodaaje maa mi wi’a paandaale ɗe ɓe waɗani ɓiɓɓe leyɗe ɗen e saayi orngal maɓɓe walla nde ɓe yiilo ngam ƴamude hoolaare ɓesnguuji Senegaal

Ko holno taskorɗon onon oo alhaali?

En miijo mon holko saabi hooreeɓe leyɗeele ɗee hunnata aadiiji ɗi ɓe ƴettanta koreeji leyɗe maɓɓe?

Ko holɗum oo alhaali waawi battinnde e dawro leyɗeele ɗee?

Ka taskaram men On Tottaama Konngol hannde e aljuma ñannde 19, lewru 4ɓuru 2024, e nder ndee yeewtere udditiinde, on haali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗitee jeewte waɗaaɗe ɗee.

Hannde e alarba ñannde 18, 4ɓuru,  ka taskaram On Tottaama Konngol, on holli mijooji mon ko faatii e  keewgol doroogu / kokaiin e nder leyɗe Afrik. Kala e saha jagge mawɗe no waɗeede e nder keeriɗii. Ko holno ñawirɗon oo alhaali e hol feere haanaa ɓameede ngam ñawndude ɗee caɗeele?

Hannde ka taskaram On Tottaama Konngol, en yewtii fii alhaali Senegaal, ko faati e huwondiral/jottondiral hakkunde diinayankooɓe e dawroyankooɓe. Ko holno onon njiiruɗon jottondiral hakkunde dawroyankooɓe e diinaayankooɓe. Taw si dawro e diina no waawi yaadude?