នៅក្នុងនាទីជីវិតជោគជ័យរបស់វិទ្យុយើងនាពេលនេះ ជួប នរក្សា សូមណែនាំប្រិយមិត្តអ្នកស្តាប់ ឲ្យបានស្គាល់ លោក ឡឹក សុធា ដែលជាបេក្ខជនចៅសង្កាត់របស់គណបក្សប្រជាធិបតេយ្យមូលដ្ឋាន។ ពីតួនាទីអ្នកនាំពាក្យ មកជាបេក្ខជនឈរឈ្មោះប្រកួតប្រជែងការបោះឆ្នោតឃុំ-សង្កាត់នាពេលខាងមុខនេះ លោក ឡឹក សុធា ប្តេជ្ញាថា នឹងបង្កើតឃុំគម្រូមួយ ដែលគ្មានអំពើពុករលួយ នៅពេលលោកជាប់ឆ្នោត។

នៅក្នុង​នាទីជីវិតជោគជ័យ​របស់​វិទ្យុយើងនៅថ្ងៃនេះ សួង សុខភារី សូម​ណែនាំលោក​អ្នក​នាងឲ្យ​ស្គាល់​លោក ហេង សុខឃន ប្រធានសហព័ន្ធកីឡា Kick-Boxing និងជាអគ្គលេខាធិកាសហព័ន្ធ​ប្រដាល់គុនខ្មែរ។ ផ្តើម​ចេញពីភាពជាអ្នក​និយម​កីឡាប្រដាល់​គុនខ្មែរ លោក​សុខឃន បាន​ជួយ​ជ្រោម​ជ្រែងកីឡាករ​ខ្មែរ រហូត​លោក​អាចទទួលបាន​មុខងារ ដែល​ជាចំណែក​ធ្វើឱ្យ​អត្តពលិកកម្ពុជា ទទួលបាន​មេដាយមាស ​ពីព្រឹត្តិការណ៍ស៊ីហ្គេម​លើកទី ៣១នៅវៀតណាម។

នៅក្នុងទស្សនាវដ្តីស្តីពីជនជាតិខ្មែរ​នៅប្រទេស​បារាំង នៅថ្ងៃនេះ លោកអ្នកនាង​នឹង​បាន​ស្តាប់បទសម្ភាសន៍​រវាង​ឈាង បុប្ផា ជាមួយជូ​ដាវី សមិទ្ធិករខ្មែរ កើតធំដឹងនៅប្រទេស​បារាំង។ បន្ទាប់ពី​ដឹកនាំខ្សែភាពយន្ត​ខ្នាតវែង ពីររឿង គឺ​រឿងកោះពេជ្រ និង​ដំណេកមាស សមិទ្ធិករ​វ័យ ៣៨ឆ្នាំ ជូ ដាវី បាន​បោះជំហាន​ទៅ​ដឹកនាំ​ផលិត​ខ្សែភាពយន្ត​កូរ៉េ ដែល​មានចំណងជើងថា ត្រលប់​ទៅ​សេអ៊ូល។

ក្រៅតែពីបញ្ហាកង្វះទឹកស្អាតប្រើប្រាស់ ប្រជាពលរដ្ឋរស់នៅក្នុងបុរីភាគច្រើនក្នុងភូមិសាស្ត្ររាជធានីភ្នំពេញ តែងរអ៊ូររទាំទៅនឹងបញ្ហាអត់សេវាទូរស័ព្ទ និងប្រព័ន្ធអិនធឺណេតប្រើប្រាស់។ បញ្ហាខ្វះសេវាទូរស័ព្ទ និងប្រព័ន្ធអិនធឺណេត បានជះផលមិនល្អមួយចំនួនដល់អ្នករស់នៅក្នុងបុរីទាំងការប្រាស្រ័យទំនាក់ទំនង និងកិច្ចការងារប្រចាំថ្ងៃផង។ ក្នុងនោះ ប្រជាពលរដ្ឋរស់នៅក្នុងបុរីមួយចំនួនបានអះអាងថា បញ្ហានេះកើតមានឡើងជាច្រើនឆ្នាំមកហើយ ប៉ុន្តែគ្មានម្ចាស់គម្រោងរូបណាចេញមកដោះស្រាយជូនអតិថិជនរបស់ខ្លួនឡើយ។ ផ្ទុយទៅវិញ ម្ចាស់គម្រោងទាំងអស់នោះបានសហការគ្នាជាមួយ ក្រុមហ៊ុនផ្តល់សេវាអិនធឺណេតដើម្បីលក់សេវាជូនអតិថិជនក្នុងបុរីទៅវិញ។

នៅថ្ងៃទី២៥ឧសភានេះគឺថ្ងៃទី៥នៃយុទ្ធនាការឃោសនាបោះឆ្នោតជ្រើសរើស​ក្រុម​ប្រឹក្សាឃុំ សង្កាត់ អាណត្តិទី៥។ បន្ទាប់ពីហែរក្បួនធំកាលពីឃោសនាថ្ងៃដំបូង នៅថ្ងៃនេះ គណបក្សនយោបាយជាច្រើន​បានត្រឹមឃោសនានៅតាមស្នាក់បក្សរៀងៗខ្លួន និងដើរចែកខិតប័ណ្ណគោលនយោបាយឲ្យដល់ដៃម្ចាស់ឆ្នោតនៅតាមភូមិ ។ ក្នុងនាទីបទយកការណ៍ថ្ងៃនេះ អ៊ឹង ប៊ុនថន សូម​​បង្ហាញពីទិដ្ឋភាពឃោសនា​របស់​គណបក្សខ្មែររួបរួមជាតិ។ សកម្មជនគណបក្សនេះនៅចង់ឲ្យមានការរួមគ្នារវាងខ្មែរនិងខ្មែរ ខណៈ​ដែល​កម្លាំង​អ្នកគាំទ្រហាក់ខ្សត់ខ្សោយទៅ។

នៅថ្ងៃទី២២មិថុនានេះ គឺជាថ្ងៃទី២នៃយុទ្ធនាការឃោសនាបោះឆ្នោតជ្រើរើសក្រុមប្រឹក្សា ឃុំ សង្កាត់អាណត្តិទី៥។ នៅរាជធានីភ្នំពេញសកម្មភាពហែក្បួនហាក់បានស្ងប់ស្ងាត់ បើធៀបនឹងថ្ងៃទី១ ដោយជំនួសមកវិញការឃោសនានៅមួយកន្លែងចាក់ផ្សាយគោលនយោបាយបក្ស។  ក្នុងចំណោមគោលនយោបាយទាំងនោះគេនៅតែស្ដាប់ឮការប្ដេជ្ញាអនុវត្តគោលនយោបាយ ភូមិ ឃុំ មានសុវត្ថិភាព។ តាមរយៈក្បាលមេក្រូវិទ្យុបារាំងអន្តរជាតិrfi ពលរដ្ឋមួយចំនួនរស់នៅក្នុងរាជធានីភ្នំពេញកត់សម្គាល់ឃើញថា  បញ្ហាគ្រឿងញៀន ដែលស្ថិតក្នុងកញ្ចប់គោលនយោបាយភូមិឃុំមានសុវត្ថិភាព អាជ្ញាធរថ្នាក់ក្រោមជាតិទប់ស្កាត់មិនទាន់បានពេញលេញទេ។ ចំណុចនេះពលរដ្ឋក៏មិនបន្ទោស មេភូមិ មេឃុំ ចៅសង្កាត់ដែរ ព្រោះបើតាមពលរដ្ឋសិទ្ធិអំណាចមេឃុំ មេភូមិ ចៅសង្កាត់ មានកម្រិត។

ដូចការគ្រោងទុកគណបក្សនយោបាយ ផ្ដើមឃោសនាបោះឆ្នោតតាមកាលកំណត់របស់គណកម្មការជាតិ​រៀបចំការបោះឆ្នោតគ.ជ.ប នៅថ្ងៃទី២១ឧសភានេះ។ ស្ទើរគ្រប់ផ្លូវក្នុងរាជធានីភ្នំពេញប្រមូលផ្ដុំដោយក្បួនឃោសនាគណបក្សនយោបាយ។ នៅអមសង់ខាងផ្លូវឯណេះ ពលរដ្ឋក្មេង​ចាស់ប្រុសស្រីដែលអង្គុយឬឈរមើលក្បួនឃោសនា ចង់ឃើញមេឃុំ ចៅ សង្កាត់ ថ្នាក់ក្រោមជាតិពាំនាំបញ្ហារបស់ពលរដ្ឋនៅមូលដ្ឋានប្រាប់ថ្នាក់លើដូចជាៈ ការស្នើសុំបញ្ចុះតម្លៃប្រេង បន្ទាបតម្លៃទំនិញ រកទីផ្សារសម្រាប់ជូនកសិករ   និងបង្កបរិយាកាសឲ្យសង្គមសុខសាន្តជាដើម។

អាជ្ញាធរ​និង​គ្រូពេទ្យ​បន្ត​រុល​ទៅមុខ​សម្រាប់​យុទ្ធនាការ​ចាក់វ៉ាក់​សាំងដល់​ខ្នងផ្ទះ​ប្រជាជន​រស់​នៅ​ក្នុង​រាជធានីភ្នំពេញ។ បើតាម​អាជ្ញាធរ រាជធានី​ភ្នំពេញ​ជា​មជ្ឈម​ណ្ឌល​សេដ្ឋកិច្ចទី១​នៅ​កម្ពុជា ទើបអាជ្ញាធរ​ខិតខំ​ធ្វើយ៉ាង​ណា​ឲ្យ​បរិមាណ​វ៉ាក់សាំង​ទាំង​ដូស​ជម្រុញ​និង​ដូសមូលដ្ឋាន​បាច​សាច​គ្រប់​ច្រក​ល្ហក់។ សូមជម្រា​ប​ជូនថា ពលរដ្ឋ​ក្នុង​រាជធានីភ្នំពេញ​បាន​ទទួល​វ៉ាក់សាំង​ជាង​១លាននាក់​ទាំង​ ដូសជម្រុញ​និងដូស​មូលដ្ឋានខណៈ​ក្របខណ្ឌ​ទូទាំង​ប្រទេស​មាន​ចំនួន​ជិត​១៥​លាន​នាក់។

នៅក្នុងនាទីជីវិតជោគជ័យរបស់វិទ្យុបារាំងអន្តរជាតិ RFI នៅពេលនេះ អ៊ឹង ប៊ុនថន សូមបង្ហាញពីប្រវត្តិ​របស់លោក អំ សំអាត ដែលទើបឡើងកាន់តួនាទីជានាយកប្រតិបត្តិនៃអង្គការលីកាដូ។ ការងារ​ជាមួយអង្គការ​សិទ្ធិ​មនុស្សមួយនេះរយៈពេលជាង២ទស្សវត្ស ដោយសារតែលោកចង់​ឃើញប្រជាពលរដ្ឋកម្ពុជាមានសិទ្ធិ​សេរីភាពពេញលេញ និងប្រទេសកម្ពុជាមានការរីកចម្រើន ​តាមបែបលទ្ធិប្រជាធិបតេយ្យ។

ក្រុមអង្គការសង្គមស៊ីវិលមកពី១៥ស្ថាប័ន បានរួមគ្នាប្រារព្វទិវាបរិស្ថានពិភពលោកនៅឆ្នាំ២០២២ ដោយចាប់ផ្តើមពីថ្ងៃទី១០ខែឧសភា រហូតដល់ថ្ងៃទី០៣ ខែមិថុនា។ ក្នុងឱកាសប្រារព្ធទិវាបរិស្ថានពិភពលោកនៅឆ្នាំនេះ ក្រុមអង្គការសង្គមស៊ីវិល បានបង្កើតព្រឹត្តិការណ៍ជិះកង់៦០០គីឡូម៉ែត្រ ជុំវិញខេត្តចំនួន៤ដើម្បីផ្សព្វផ្សាយឲ្យពលរដ្ឋនៅមូលដ្ឋាន បានយល់ដឹងពីសារប្រយោជន៍ និងកិច្ចការពារធនធានបរិស្ថានធម្មជាតិ។