തുടരുമോ ഏഷ്യന്‍ വീരഗാഥ? ഏത് അടവെടുക്കും ബ്രസീലും ക്രൊയേഷ്യയും
ലോകകപ്പ് ഫുട്‌ബോളിലെ പ്രീക്വാര്‍ട്ടര്‍ ഫൈനല്‍ മത്സരങ്ങളില്‍ ഇന്ന് രണ്ട് ഏഷ്യന്‍ ടീമുകള്‍ ഇറങ്ങുകയാണ്. ജപ്പാനും ദക്ഷിണ കൊറിയയുമാണ് കളത്തിലിറങ്ങുന്നത്. രാത്രി 8.30-ന് ജപ്പാന്‍ ക്രൊയേഷ്യയെയും രാത്രി 12.30-ന് ബ്രസീല്‍ ദക്ഷിണ കൊറിയയെയും നേരിടും. മത്സരത്തിലെ സാധ്യതകള്‍ വിലയിരുത്തുന്നത് മനു കുര്യന്‍, ബി.കെ.രാജേഷ്, പ്രിയദ. നിര്‍മാണം: അല്‍ഫോന്‍സ പി.ജോര്‍ജ്. സൗണ്ട് മിക്‌സിങ്: പ്രണവ്.പി. എസ്.
Brazil vs south korea Preview

ഖത്തര്‍ ലോകകപ്പിനെ ക്വാര്‍ട്ടര്‍ ഫൈനലില്‍ പ്രവേശിച്ച് കരുത്തരായ ഫ്രാന്‍സും ഇംഗ്ലണ്ടും. പോളണ്ടിനെ ഒന്നിനെതിരേ 3 ഗോളുകള്‍ക്ക് തകര്‍ത്തായിരുന്നു ഫ്രാന്‍സിന്റെ ക്വാര്‍ട്ടര്‍ പ്രവേശനം. സെനഗലിനെ എതിരില്ലാത്ത 3 ഗോളുകള്‍ക്ക് തകര്‍ത്താണ് ഇംഗ്ലീഷ് ടീം ക്വാര്‍ട്ടറിലേക്ക് മുന്നേറിയത്.


മത്സരങ്ങളുടെ കൂടുതല്‍ വിവരണങ്ങളുമായി മാതൃഭൂമി പ്രതിനിധികളായ അഭിനാഥ് തിരുവലത്ത്, ആദര്‍ശ് പി.ഐ, ബി.കെ രാജേഷ് ഒളിമ്പ്യന്‍ വി. ദിജു എന്നിവര്‍ ചേരുന്നു.

ഖത്തര്‍ ലോകകപ്പിനെ ക്വാര്‍ട്ടര്‍ ഫൈനലില്‍ പ്രവേശിച്ച് കരുത്തരായ നെതര്‍ലന്‍ഡ്‌സും അര്‍ജന്റീനയും. നെതര്‍ലന്‍ഡ്‌സ് ഒന്നിനെതിരേ മൂന്ന് ഗോളുകള്‍ക്ക് അമേരിക്കയെയും അര്‍ജന്റീന ഒന്നിനെതിരേ രണ്ട് ഗോളുകള്‍ക്ക് ഓസ്‌ട്രേലിയയെയും തകര്‍ത്താണ് അവസാന എട്ടില്‍ ഇടം നേടിയത്.

നെതര്‍ലന്‍ഡ്‌സ് ആധികാരിക വിജയമാണ് നേടിയത്. ഗോളടിയിലും പ്രതിരോധത്തിലും മികവ് പുലര്‍ത്തിയ നെതര്‍ലന്‍ഡ്‌സിന് ക്വാര്‍ട്ടര്‍ ഫൈനലില്‍ അര്‍ജന്റീനയാണ് എതിരാളികള്‍.

മറുവശത്ത് അര്‍ജന്റീനയും മോശമാക്കിയില്ല. സൂപ്പര്‍ താരം ലയണല്‍ മെസ്സിയുടെ തകര്‍പ്പന്‍ ഫോം തുടരുകയാണ്. മെസ്സിയുടെ കളിമികവിലാണ് അര്‍ജന്റീന വിജയം പിടിച്ചെടുത്തത്. അവസരങ്ങള്‍ ഏറെ തുലച്ചെങ്കിലും അര്‍ജന്റീന മികച്ച പ്രകടനമാണ് പുറത്തെടുത്തത്. യുവതാരം ജൂലിയന്‍ അല്‍വാരസും ആല്‍ബിസെലസ്റ്റസിനായി ഗോളടിച്ചു. മത്സരങ്ങളുടെ കൂടുതല്‍ വിവരണങ്ങളുമായി മാതൃഭൂമി പ്രതിനിധികള്‍ ചേരുന്നു. സൗണ്ട് മിക്‌സിങ് സുജിത്ത്‌

ലോകകപ്പില്‍ ഇനി ജീവന്‍മരണ പോരാട്ടങ്ങളാണ്. പ്രീക്വാര്‍ട്ടര്‍ മത്സരങ്ങള്‍ക്ക് തുടക്കമായിക്കഴിഞ്ഞു. ആരൊക്കെ മന്നേറും. ആരൊക്കെ തളരും. ഏതൊക്കെ തന്ത്രങ്ങള്‍ ഫലം കാണും,  ഏതൊക്കെ വിഫലമാവും എന്നൊക്കെ ഇനി കണ്ടറിയണം. സാധ്യതകള്‍ വിലയിരുത്തുന്നത് അഖിലേന്ത്യാ ഫുട്ബോള്‍ ഫെഡറേഷന്‍ കോച്ച് എജുക്കേറ്ററും പരിശീലകനുമായ സി.എം. ദീപക്, മനു കുര്യന്‍, അനീഷ് പി.നായര്‍. നിര്‍മാണം: അല്‍ഫോന്‍സ പി.ജോര്‍ജ്. സൗണ്ട് മികസിങ്: കൃഷ്ണലാല്‍ ബി.എസ്  | Is Brazil vs Argentina dream final possible?

ലോകകപ്പിന്റെ ഒന്നാം ഘട്ടം കഴിഞ്ഞു. ഇനി പ്രീക്വാര്‍ട്ടര്‍ പോരാട്ടങ്ങളാണ്. അട്ടിമറികളും അത്ഭുതങ്ങളും ചേര്‍ന്നതായിരുന്നു ഗ്രൂപ്പ് ഘട്ട പോരാട്ടങ്ങള്‍. ഒന്നാം റൗണ്ടിലെ ടീമുകളുടെ പ്രകടനവും വിലയിരുത്തുന്നത് അഖിലേന്ത്യാ ഫുട്ബോള്‍ ഫെഡറേഷന്‍ കോച്ച് എജുക്കേറ്ററും പരിശീലകനുമായ സി.എം. ദീപക്, മനു കുര്യന്‍, അനീഷ് പി.നായര്‍. നിര്‍മാണം: അല്‍ഫോണ്‍സ പി.ജോര്‍ജ്. സൗണ്ട് മികസിങ്: കൃഷ്ണലാല്‍ ബി.എസ്

അങ്ങനെ ബ്രസീലും വീണു. ഖത്തറില്‍ അട്ടിമറികള്‍ തുടരുന്നു. ഇന്‍ജുറി ടൈമില്‍ വലകുലുക്കി കാനറികളുടെ ചിറകരിഞ്ഞുകൊണ്ട് കാമറൂണ്‍ കരുത്തുകാട്ടി. ഗ്രൂപ്പ് ജിയിലെ ഏകപക്ഷീയമായ ഒരു ഗോളിനാണ് കാമറൂണിന്റെ വിജയം. സൂപ്പര്‍ താരം വിന്‍സന്റ് അബൗബക്കറാണ് കാമറൂണിനായി വിജയഗോള്‍ നേടിയത്. തോല്‍വി വഴങ്ങിയിട്ടും ബ്രസീല്‍ ഗ്രൂപ്പ് ചാമ്പ്യന്മാരായി പ്രീ ക്വാര്‍ട്ടറിലേക്ക് കടന്നു. ഗ്രൂപ്പിലെ മറ്റൊരു നിര്‍ണായകമായ മത്സരത്തില്‍ സെര്‍ബിയയെ രണ്ടിനെതിരേ മൂന്ന് ഗോളുകള്‍ക്ക് തകര്‍ത്തുകൊണ്ട് സ്വിറ്റ്‌സര്‍ലന്‍ഡും അവസാന 16-ല്‍ ഇടം നേടി.

ഗ്രൂപ്പ് എച്ചിലെ ആവേശകരമായ പോരാട്ടത്തില്‍ പോര്‍ച്ചുഗലിനെ അട്ടിമറിച്ച് ദക്ഷിണകൊറിയ പ്രീക്വാര്‍ട്ടറില്‍ പ്രവേശിച്ചു. കരുത്തരായ യുറഗ്വായ് പ്രീ ക്വാര്‍ട്ടര്‍ കാണാതെ പുറത്തായി. തോറ്റെങ്കിലും ഗ്രൂപ്പ് ചാമ്പ്യന്മാരായി പോര്‍ച്ചുഗല്‍ അവസാന 16-ല്‍ എത്തി. മത്സരങ്ങളെ വിശകലനം ചെയ്തുകൊണ്ട് മാതൃഭൂമി പ്രതിനിധികള്‍ സംസാരിക്കുന്നു. സൗണ്ട് മിക്‌സിങ്: സുജീഷ്‌

ലോകകപ്പിന്റെ ഗ്രൂപ്പ് ഘട്ടത്തിലെ മത്സരങ്ങള്‍ ഇന്ന് പൂര്‍ത്തിയാവുകയാണ്. പ്രീക്വാര്‍ട്ടര്‍ മത്സരങ്ങള്‍ ശനിയാഴ്ച തുടങ്ങും. ഇന്നും നാല് മത്സരങ്ങളുണ്ട്. വെള്ളിയാഴ്ച ഗ്രൂപ്പ് എച്ചില്‍ അവസാന മത്സരങ്ങളില്‍ പോര്‍ച്ചുഗല്‍ ദക്ഷിണ കൊറിയയെയും യുറഗ്വായ് ഘാനയെയും നേരിടും. ഇരുമത്സരങ്ങളും രാത്രി 8.30-നാണ്. ഗ്രൂപ്പ് ജി-യില്‍ രാത്രി 12.30-ന് ബ്രസീല്‍ കാമറൂണിനെയും സ്വിറ്റ്സര്‍ലന്‍ഡ് സെര്‍ബിയയെയും നേരിടും. പ്രീക്വാര്‍ട്ടര്‍ ഉറപ്പിച്ചുകഴിഞ്ഞ ബ്രസീലിന്റെയും പോര്‍ച്ചുഗലിന്റെയും ശ്രമം ജയമോ സമനിലയോ വഴി ഗ്രൂപ്പ് ജേതാക്കളായി മുന്നേറാനായിരിക്കും. ഇതിലൊരു ടീം ഒന്നാംസ്ഥാനത്തും മറ്റൊരു ടീം രണ്ടാംസ്ഥാനത്തും വരാനിടയായാല്‍ പ്രീക്വാര്‍ട്ടര്‍ ഇവര്‍ തമ്മിലായിരിക്കും. ഇതൊഴിവാക്കാനുള്ള തന്ത്രങ്ങളായിരിക്കും അവര്‍ പുറത്തെടുക്കുക. വിലയിരുത്തല്‍ നടത്തുന്നത് ബി.കെ.രാജേഷ്, ഉമ്മര്‍ വിളയില്‍, പ്രിയദ. നിര്‍മാണം: അല്‍ഫോന്‍സ പി. ജോര്‍ജ്. സൗണ്ട് മിക്സിങ്: പ്രണവ്.പി.എസ്

അത്യന്തം നാടകീയമായ രംഗങ്ങള്‍ക്കാണ് ലോകകപ്പ് വേദിയായത്. മുന്‍ ലോകചാമ്പ്യന്മാരായ ജര്‍മനിയും നിലവിലെ ലോക രണ്ടാം നമ്പര്‍ ടീമായ ബെല്‍ജിയവും ഗ്രൂപ്പ് ഘട്ടത്തില്‍ത്തന്നെ തോറ്റ് പുറത്തായിരിക്കുന്നു. വമ്പന്‍ അട്ടിമറിയോടെ ജപ്പാന്‍ സ്‌പെയിനിനെ മറികടന്ന് ഗ്രൂപ്പ് ചാമ്പ്യന്മാരായി പ്രീ ക്വാര്‍ട്ടറിലേക്ക്. തോറ്റിട്ടും ഗോള്‍ വ്യത്യാസത്തിന്റെ ബലത്തില്‍ സ്‌പെയിനും അവസാന 16-ലേക്ക് കയറി. ഗ്രൂപ്പ് എഫില്‍ നിന്ന് ചാമ്പ്യന്മാരായി മൊറോക്കോയും രണ്ടാം സ്ഥാനം നേടി ക്രൊയേഷ്യയും പ്രീ ക്വാര്‍ട്ടറില്‍ പ്രവേശിച്ചു.

നോക്കൗട്ട് റൗണ്ട് ഉറപ്പിക്കാനുള്ള അവസാനപോരാട്ടത്തിന് വമ്പന്മാര്‍ വീണ്ടും ഇറങ്ങുകയാണ്. ഗ്രൂപ്പ് 'ഇ' യിലും 'എഫി'ലുമായി ജര്‍മനി, ബെല്‍ജിയം, ക്രൊയേഷ്യ ടീമുകളാണ് ബൂട്ടുകെട്ടുന്നത്. ഇവര്‍ക്കൊപ്പം പ്രതീക്ഷയോടെ മൊറോക്കോ, ജപ്പാന്‍, കോസ്റ്ററീക്ക ടീമുകളുമുണ്ട്. കാനഡ ഒഴികേയുള്ള എല്ലാ ടീമുകള്‍ക്കും ഇന്ന് നിര്‍ണായകമാണ്. മത്സരത്തിലെ സാധ്യതകള്‍ വിലയിരുത്തുന്നത് ബി.കെ.രാജേഷും ഇ.ജിതേഷും പ്രിയദയും. നിര്‍മാണം: അല്‍ഫോന്‍സ പി. ജോര്‍ജ്. സൗണ്ട് മിക്സിങ്: പ്രണവ്.പി.എസ്

പോളണ്ടിനെ തോൽപ്പിച്ച് അർജന്റീന പ്രീ ക്വാർട്ടറിൽ കടന്നു. ഗ്രൂപ്പ് സിയിലെ അവസാന മത്സരത്തില്‍ പോളണ്ടിനെതിരെ എണ്ണം പറഞ്ഞ രണ്ടു ഗോളുകൾക്കായിരുന്നു അർജന്റീനയുടെ ജയം. മറ്റൊരു മത്സരത്തിൽ സൗദിക്കെതിരെ തകർത്ത് കളിച്ച് ജയിച്ചിട്ടും നിരാശരായി മെക്സിക്കോ. സൗദിയെ ഒന്നിനെതിരേ രണ്ട് ഗോളുകള്‍ക്ക് തകര്‍ത്ത മെക്‌സിക്കോയ്ക്ക് തിരിച്ചടിയായത് ഗോള്‍ വ്യത്യാസമായിരുന്നു.