ഖത്തര്‍ ലോകകപ്പിലെ ഗ്രൂപ്പ് മത്സരങ്ങള്‍ ആവേശകരമായ രണ്ടാം ഘട്ടത്തിലേക്ക് കടക്കുകയാണ്. എല്ലാ ടീമുകളും ഓരോ മത്സരങ്ങള്‍ പൂര്‍ത്തിയായി കഴിഞ്ഞു. അര്‍ജന്റീനയെ സൗദി മലര്‍ത്തി അടിച്ചതും ജപ്പാന്‍ ജര്‍മ്മനിയെ അട്ടിമറിച്ചതും പോര്‍ച്ചുഗലിനോട് ഘാന പൊരുതി തോറ്റതും, ആരാധകരെ നിരാശരാക്കാതെ ബ്രസീല്‍ വിജയിച്ചതുമെല്ലാം ഖത്തര്‍ ലോകകപ്പിന്റെ ആദ്യ ദിനങ്ങളെ സംഭവ ബഹുലമാക്കി. നല്ല ഫുട്‌ബോളിന്റെതാകും വരും ദിവസങ്ങളിലെന്ന് അടിവരയിട്ടു പറയുന്നതായിരുന്നു ഓരോ മത്സരവും. ആദ്യ റൗണ്ട് ഗ്രൂപ്പ് മത്സരങ്ങള്‍ വിലയിരുത്തുകയാണ് മാതൃഭൂമി സീനിയര്‍ സബ് എഡിറ്റര്‍ ബി കെ രാജേഷ്. കണ്ടന്റ് റൈറ്റര്‍മാരായ അരുണ്‍ ജയകുമാര്‍, പ്രിയദ എന്നിവര്‍. സൗണ്ട് മിക്‌സിങ്: പ്രണവ് പി.എസ്. പ്രൊഡക്ഷന്‍: അല്‍ഫോന്‍സ പി ജോര്‍ജ് |FIFA world cup first round match analysis

ആരാധകരുടെ പ്രതീക്ഷകള്‍ വാനോളമുയര്‍ത്തി നെയ്മറുടെ ബ്രസീലും ക്രിസ്റ്റ്യാനോ റൊണാള്‍ഡോയുടെ പോര്‍ച്ചുഗലും ഖത്തര്‍ ലോകകപ്പ് ഫുട്ബോളില്‍ അരങ്ങേറി. വെള്ളിയാഴ്ച പുലര്‍ച്ചെ നടന്ന മത്സരത്തില്‍ ബ്രസീല്‍ സെര്‍ബിയയെ ഏകപക്ഷീയമായ രണ്ടുഗോളുകള്‍ക്കു തകര്‍ത്തപ്പോള്‍ ഘാനയെ രണ്ടിനെതിരേ മൂന്നുഗോളിനാണ് പോര്‍ച്ചുഗല്‍ തോല്‍പ്പിച്ചത്.
മാതൃഭൂമി പ്രതിനിധികളായ അഭിനാഥ് തിരുവലത്ത്, അനീഷ് പി.നായര്‍, കെ.വിശ്വനാഥ് എന്നിവര്‍ മത്സരം വിലയിരുത്തുന്നു. സൗണ്ട് മിക്‌സിങ്: സനൂപ്.

ഖത്തര്‍ ലോകകപ്പില്‍ വ്യാഴാഴ്ച ആദ്യ രണ്ട് മത്സരങ്ങള്‍ പൂര്‍ത്തിയായപ്പോള്‍ കാമറൂണിനെ ഒറ്റ ഗോളിന് വീഴ്ത്തി സ്വിറ്റ്‌സര്‍ലന്‍ഡ് ആദ്യ ജയം സ്വന്തമാക്കിയപ്പോള്‍ രണ്ടാം മത്സരത്തില്‍ ദക്ഷിണ കൊറിയക്കെതിരേ യുറഗ്വായ് സമനിലകൊണ്ട് രക്ഷപ്പെടുകയായിരുന്നു. 48-ാം മിനിറ്റില്‍ ബ്രീല്‍ എംബോളയുടെ ഗോളിന്റെ മകവില്‍ സ്വിറ്റ്‌സര്‍ലന്‍ഡ് കാമറൂണിനെതിരേ ജയവും മൂന്ന് പോയിന്റും സ്വന്തമാക്കുകയായിരുന്നു. പിന്നാലെ വേഗത കൊണ്ട് ഏഷ്യയുടെ കരുത്തറിയിച്ച് ദക്ഷിണ കൊറിയയും. പരിചയസമ്പത്തും താരപ്പകിട്ടും കൊണ്ട് തിരിച്ചടിച്ച് യുറഗ്വായിയും ഗോള്‍രഹിത സമനിലയില്‍ പിരിഞ്ഞു. മാതൃഭൂമി പ്രതിനിധികളായ അഭിനാഥ് തിരുവലത്ത്, ബി.കെ രാജേഷ്, സിറാജ് കാസിം എന്നിവര്‍ മത്സരം വിലയിരുത്തുന്നു.
സൗണ്ട് മിക്‌സിങ്: സനൂപ്.

ഇന്ന് കളത്തില്‍ ബ്രസീലും പോര്‍ച്ചുഗലും മാത്രമല്ല, രണ്ട് ഫുട്‌ബോള്‍ ഐക്കണുകള്‍ കൂടിയാണ് ഇറങ്ങുന്നത്. നെയ്മറും ക്രിസ്റ്റിയാനോ റൊണാള്‍ഡോയും. സെര്‍ബിയയെ നേരിടുന്ന ബ്രസീലിനെയും ഘാനയെ നേരിടുന്ന പോര്‍ച്ചുഗലിന്റെയും മുന്നിലുള്ള പ്രധാന പേടി അര്‍ജന്റീനയുടെയും ജര്‍മനിയുടെയും വിധിയാണ്. അട്ടിമറിയില്ലാതെ രക്ഷപ്പെടാന്‍ എന്ത് തന്ത്രമാവും ഇവര്‍ പുറത്തെടുക്കുക.... വിലയിരുത്തുന്നത് ബി.കെ.രാജേഷ്, ആനന്ദ്, പ്രിയദ. പ്രൊഡക്ഷന്‍: അല്‍ഫോന്‍സ പി.ജോര്‍ജ്, സൗണ്ട് മിക്‌സിങ്: പ്രണവ്.പി. എസ്.

ലോകകപ്പ് ഫുട്‌ബോള്‍ ഗ്രൂപ്പ് ഇയില്‍ കരുത്തിനും വേഗത്തിനും തന്ത്രത്തിനും ഒത്തൊരുമയ്ക്കും മുന്നില്‍ നിഷ്പ്രഭമായി പോയ കോസ്റ്ററീക്കയെ മടക്കമില്ലാത്ത ഏഴ് ഗോളിന് സ്‌പെയിന്‍ ഭസ്മമാക്കി. മാതൃഭൂമി പ്രതിനിധികളായ അഭിനാഥ് തിരുവലത്ത്, ബികെ രാജേഷ്, അനീഷ് പി നായര്‍ എന്നിവര്‍.
മത്സരം വിലയിരുന്നു. സൗണ്ട് മിക്‌സിങ്: സനൂപ്.

ഫുട്‌ബോളിലെ ഏറ്റവും വലിയ അട്ടിമറികളിലൊന്നിന് വേദിയായിരിക്കുകയാണ് ഖത്തര്‍ ലോകകപ്പ്. നാല് തവണ കിരീടം നേടിയ ജര്‍മനിയെ ജപ്പാന്‍ അട്ടിമറിച്ചിരിക്കുന്നു. അതും ഒന്നിനെതിരേ രണ്ട് ഗോളുകള്‍ക്ക്. ഒരു ഘട്ടത്തില്‍ ഒരു ഗോളിന് പിന്നില്‍ നിന്ന ജപ്പാന്‍ രണ്ടാം പകുതിയില്‍ രണ്ട് ഗോളുകളടിച്ചുകയറ്റി ജര്‍മനിയെയും ലോക ഫുട്‌ബോളിനെയും ഞെട്ടിച്ചിരിക്കുന്നു. അര്‍ജന്റീനയ്ക്ക് പിന്നാലെ ജര്‍മനിയും ലോകകപ്പില്‍ വമ്പന്‍ അട്ടിമറിയുടെ ഭാഗമാകുന്നു. ജര്‍മനി ജപ്പാന്‍ മത്സരത്തിന്റെ വിശകലനവുമായി മാതൃഭൂമി പ്രതിനിധികളായ ഒ.ആര്‍ രാമചന്ദ്രന്‍, കെ.വിശ്വനാഥ്, ബി.കെ രാജേഷ്, ആര്‍ ഗിരീഷ് കുമാര്‍, അനീഷ് പി നായര്‍, അനുരഞ്ജ് മനോഹര്‍, അരുണ്‍ ജയകുമാര്‍ എന്നിവര്‍ ചേരുന്നു. സൗണ്ട് മിക്‌സിങ്: സനൂപ്‌

ലോകകപ്പില്‍ ഇറങ്ങുമ്പോള്‍ ജര്‍മനിയുടെയും സ്‌പെയിനിന്റെയും മനസ്സില്‍ പ്രതീക്ഷ മാത്രമല്ല, ആശങ്ക കൂടിയുണ്ട്. അര്‍ജന്റീനയുടെ അനുഭവമാവും ഇവരെയും കഴിഞ്ഞ തവണത്തെ റണ്ണപ്പ് ക്രൊയേഷ്യയെയും അലട്ടുന്നത്. സൗദിയെ പോലെ അട്ടിമറി വീരന്മാരാവാന്‍ ജപ്പാനും കോസ്റ്ററിക്കയ്ക്കും കഴിയുമോ എന്നു കൂടിയാണ് ഇന്ന് കണ്ടറിയേത്. ഗ്രൂപ്പ് എഫിലെയും ഗ്രൂപ്പ് ഇയിലെയും സാധ്യതകള്‍ വിലയിരുത്തുകയാണ് ബി.കെ.രാജേഷും സജ്‌ന ആലുങ്ങലും പ്രിയദയും. പ്രൊഡക്ഷന്‍: അല്‍ഫോണ്‍സ പി. ജോര്‍ജ്, സൗണ്ട് മിക്‌സിങ്: പ്രണവ്.പി.എസ്.

ഖത്തര്‍ ലോകകപ്പിന്റെ മൂന്നാം ദിനം സംഭവ ബഹുലമായിരുന്നു ആദ്യ മത്സരത്തില്‍ തന്നെ ഫുട്‌ബോള്‍ പ്രേമികളെ ഞെട്ടിച്ചുകൊണ്ട് സൗദി അറേബ്യ അര്‍ജന്റീനയ്ക്ക് എതിരെ 2-1 ന് അട്ടിമറി ജയം നേടി. ഡെന്‍ന്മാര്‍ക്ക് ട്യൂണിഷ്യ മത്സരവും മെക്‌സിക്കോ പോളണ്ട് മത്സരവും ഗോള്‍രഹിത സമനിലയില്‍ അവസാനിച്ചു. നാലാം മത്സരത്തില്‍ നിലവിലെ ചാമ്പ്യന്മാരായ ഫ്രാന്‍സ് ഓസ്‌ട്രേലിയയെ 4-1 തകര്‍ത്തു. ഖത്തര്‍ ലോകകപ്പിന്റെ വിശകലനവുമായി മാതൃഭൂമി പ്രതിനിധികളായ അഭിനാഥ് തിരുവല്ലത്ത്, ബികെ രാജേഷ്, അനീഷ് പി നായര്‍. സൗണ്ട് മിക്‌സിങ്: സനൂപ്
FIFA World Cup, Day 3 Preview

അവിശ്വസനീയം എന്ന് മാത്രമെ സൗദിയുടെ വിജയത്തെ വിശേഷിപ്പിക്കാനാവു. വമ്പന്‍മാരായ, ലോകത്തെ ഏറ്റവും കൂടുതല്‍ ആരാധകര്‍ ഉള്ള ടീമിനെയാണ് സൗദി മലര്‍ത്തിയടിച്ചത്. ലോട്ടറിയില്ല സൗദിയുടെ ജയം. കൃത്യമായ പ്രതിരോധം തീര്‍ത്ത്, തന്ത്രം മെനഞ്ഞ് ലോകത്തെ ഏറ്റവും മികച്ച കളിക്കാരനായ മെസിയുടെ ടീമിനെ അതില്‍ വീഴ്ത്തി ആധികാരിക ജയം ആണ് സൗദി സ്വന്തമാക്കിയത്. സൗദിയുടെ വിജയവും അര്‍ജന്റീനയുടെ പരാജയവും വിലയിരുത്തുന്നു മാതൃഭൂമി സീനിയര്‍ സബ് എഡിറ്റര്‍ ബി.കെ. രാജേഷ്, കണ്ടന്റ് റൈറ്റര്‍ റൈറ്റര്‍മാരായ ആനന്ദ്, പ്രിയദ എന്നിവര്‍. പ്രൊഡക്ഷന്‍: അല്‍ഫോണ്‍സ പി.ജോര്‍ജ്, സൗണ്ട് മിക്‌സിങ്: പ്രണവ് പി.എസ്

കാത്തിരുന്ന ആ പോരാട്ടം ഇതാ കണ്‍മുന്നില്‍. രണ്ടു തവണ വീതം കപ്പില്‍ മുത്തമിട്ട ചരിത്രമുള്ള രണ്ടുപേര്‍ ഇന്ന് കളത്തിലിറങ്ങുകയാണ്. നിലവിലെ ചാമ്പ്യന്‍ ഫ്രാന്‍സും അര്‍ജന്റീനയും. വൈകീട്ട് മൂന്നരയ്ക്ക് അര്‍ജന്റീന സൗദി അറേബ്യയെയും രാത്രി പന്ത്രണ്ടരയ്ക്ക് ഫ്രാന്‍സ് ഓസ്‌ട്രേലിയയെയും നേരിടുകയാണ്. ഗ്രൂപ്പ് സിയില്‍ ജയത്തോടെ തുടങ്ങുകയാണ് അര്‍ജന്റീനയുടെ ലക്ഷ്യം. പരിക്കാണ് ഫ്രാന്‍സിന്റെ വില്ലന്‍. പിന്നെ നിലവിലെ ചാമ്പ്യന്‍ ഒന്നാം റൗണ്ടില്‍ പുറത്താവുകയെന്ന പതിവും. കണ്ടറിയാം കളി. മൂന്നാം ദിനം ഖത്തറില്‍ മത്സരത്തിന്റെ ആരവങ്ങള്‍ ഉയരുമ്പോള്‍ മാതൃഭൂമി സീനിയര്‍ സബ് എഡിറ്റര്‍ രാജേഷ് ബി.കെ സീനിയര്‍ കണ്ടെന്റ് റൈറ്റര്‍ സജ്‌ന ആലുങ്ങല്‍, കണ്ടന്റ് റൈറ്റര്‍ പ്രിയത എന്നിവര്‍ ടീമുകളെ വിലയിരുത്തുന്നു. സൗണ്ട് മിക്‌സിങ്; പ്രണവ് പി.എസ്. പ്രൊഡക്ഷന്‍: അല്‍ഫോന്‍സ പി ജോര്‍ജ്

World Cup 2022: Argentina match preview