Að Rauða borðinu í kvöld kemur Kristinn Már Ársælsson doktorsnemi í félagsfræði og ræðir stöðu lýðræðisins í framhaldi af samtalinu við Sigurð Kristinsson í gær. Við erum sem sé í syrpu samtala um hin vondu stjórnmál: Hvers vegna ber fólk svona litla virðingu fyrir stjórnmálafólki og Alþingi? Eru stjórnmálin svona vond; stjórnmálamenningin, umræðuhefðin, vinnubrögðin eða er grunnur skakkur?

Að Rauða borðinu í kvöld kemur Sigurður Kristinsson prófessor á Akureyri og ræðir siðfræði stjórnmála.

Hvers vegna ber fólk svona litla virðingu fyrir stjórnmálafólki og Alþingi? Eru stjórnmálin svona vond; stjórnmálamenningin, umræðuhefðin, vinnubrögðin? Eru stjórnmálin án tengsla við almenning eða er sökin kannski almennings; að sinna ekki stjórnmálum með virkri þátttöku? Er fulltrúalýðræðið kannski gallað?

Að Rauða borðinu í kvöld kemur Stefán Ólafsson prófessor og sérfræðingur Eflingar til að ræða skattastefnu nýfrjálshyggjuáranna og hvaða áhrif hún hafði á lífskjör og samfélagsgerðina.

Hann mun síðan ræða við hagfræðinga Ásgeir Brynjar Torfason, Guðrúnu Johnsen og Ólaf Margeirsson um hvernig skattar ættu frekar að vera. Þarf almenningur að borga hærri skatta til að standa undir aukinni velsæld og öryggi eða eru það fyrst og fremst hin auðugu sem þurfa að borga meira?

3. Nóvember 2020

Að Rauða borðið í kvöld ræðum við Evrópusambandið. Hvað er ESB í dag og hvert stefnir það? Mun ESB eflast eða sundrast, verða að sambandsríki eða mun þróunin í átt að slíku ganga til baka? Er evran góð hugmynd, frelsandi eða handjárn?

Til að ræða þetta og fleira tengt Evrópusambandinu, okkar stærsta og voldugasta nágranna, mæta að Rauða borðinu þau:

Magnús Árni Skjöld, deildarforseti félagsvísinda- og lagadeildar Háskólans á Bifröst,

Freyja Steingrímsdóttir, stjórnmálafræðingur og aðstoðarmaður formanns Samfylkingarinnar,

Ásgeir Brynjar Torfason, hagfræðingur og

Jökull Sólberg Auðunsson frumkvöðull.

5. Nóvember 2020

Við Rauða borðið í kvöld kemur innflytjendaráð þáttarins og ræðir stöðu innflytjenda í stjórnmálum, fjölmiðlum, verkalýðshreyfingu, menntakerfinu og víðar. Hefur þessi stóru hópur nógu sterka rödd sem heyrist nógu víða? Hefur hópurinn sömu hagsmuni og sömu markmið? Vantar öflugt félag innflytjenda svo innflytjendur sjálfir geti sett mál á dagskrá og barist fyrir þeim? Til að ræða þetta koma að Rauða borðinu þær: Gundega Jaunlinina, listmálari, starfsmaður á leikskóla og formaður Ung-ASÍ og innflytjandi frá Lettlandi; Nancy Coumba Koné, danskennari og barn innflytjenda af afríkönskum uppruna; Lenya Rún Taha Karim, lögfræðinemi og barn Kúrdískra innflytjenda; Loubna Anbari félagsliði og barn innflytjenda frá Marokkó; Agnieszka Sokolowska túlkur og innflytjandi frá Póllandi; og Sabah Moukhliss túlkur, nemi á sjúkrabraut og barn innflytjenda frá Marokkó.

4. Desember 2020

Eins og önnur föstudagskvöld mæta við Rauða borðið fastagestir og fara yfir allt sem skiptir máli en líka það sem engu skiptir. Í kvöld byrjum við á spurningunni: Erum við ekki öll fasistar sem viljum ráðgast með annað fólk? Síðan berst samtalið út um allar koppa grundir. Gestir kvöldsins eru:

Benedikt Erlingsson leikstjóri,

Birgir Þórarinsson aka Biggi veira í Gusgus,

Mikael Torfason rithöfundur og

Oddný Eir Ævarsdóttir rithöfundur.

3. Desember 2020

Við Rauða borðið í kvöld veltum við upp gamalli spurningu í tilefni aðventunnar: Var Jesús Kristur sósíalisti?

Auðvitað varð sósíalisminn til löngu eftir að Jesús steig upp til himna, og því er spurningin kannski marklaus; en samt hefur henni verið kastað frá síðustu rúmu hundrað árin eða svo. var samstaða Jesús með hinum útskúfuðu, valdalausu og smáðu sósíalismi? Og andstaða hans gagnvart valdafólki sinnar tíðar og fullyrðing hans um hversu erfitt það myndi reynast ríkum manni að komast inn í himnaríki?

Til að ræða þetta koma að Rauða borðinu fjórir guðfræðingar og prestar: Kristín Þórunn Tómasdóttir, Örn Bárður Jónsson Ása Björk Ólafsdóttir og Davíð Þór Jónsson.

2. Desember 2020

Við Rauða borðið í kvöld kemur fólk frá verkalýðshreyfingunni og stjórnarandstöðunni á þingi og ræðir stjórnmálaástandið í vetrarbyrjun, í kreppubyrjun og miðjum faraldi, þegar líða fer að kosningum.

Þau sem setjast til borðs eru Drífa Snædal forseti Alþýðusambandsins, Sonja Þorbergsdóttir formaður BSRB, Logi Einarsson formaður Samfylkingarinnar, Inga Sæland formaður Flokks fólksins og Björn Leví Gunnarsson þingmaður Pírata.

1. Desember 2020

Við Rauða borðið í kvöld ræðum við um fullveldi og samfélag. Fullveldi hverra varð til 1. desember 1918? Erum við að fagna fullveldi valdastéttarinnar og þeirra sem fljóta ofan á eða er fullveldið eitthvað sem ætti að ná til allra landsmanna; líka hinna smáðu, fátæku, jaðarsettu og útilokuðu? Þegar við horfum aftur þessi 102 ár; er það svo að fullveldi okkar hafi verið gott og öllum til blessunar?

Til að ræða þetta koma að Rauða borðinu:

Loubna Anbari, háskólanemi og innflytjandi af annarri kynslóð;

Íris Ellenberger, lektor við menntavísindasvið sem rannsakað hefur stöðu hinsegin fólks í samfélaginu;

Þuríður Harpa Sigurðardóttir, formaður Öryrkjabandalagsins;

Ragnar Þór Ingólfsson, formaður VR og

Þorleifur Friðriksson sagnfræðingur sem rannsakað hefur verkalýðssögu og stöðu hinna fátæku og valdalausu á fullveldistímanum.

30. Nóvember 2020

Við Rauða borðið í kvöld verður rætt um rétt almennings til uppreisnar. Hvenær má fólk rísa upp gegn stjórnvöldum og gera allt til að fella þau, neita að beygja sig undir ákvarðanir þings og ríkisstjórnar, óhlýðnast, skemma eigur eða stöðva starfsemi?

Til að ræða þetta koma að borðinu Ragnar Aðalsteinsson lögmaður; Jórunn Edda Helgadóttir lögfræðingur sem dæmd var fyrir brot gegn valdstjórninni fyrir mótmæli vegna brottvísunar hælisleitenda; Sólveig Anna Jónsdóttir, formaður Eflingar og ein nímenninganna sem ákærðir voru í búsáhaldabyltingunni m.a. fyrir árás á sjálfræði Alþingis; og Ævar Kjartansson útvarpsmaður sem ákærður var fyrir spellvirki sem valdið hefði almannahættu þegar Mýetningar sprengdu stíflu í Laxá.