Rauða Borðið 15.06 2003: Vopnaburður, ríkisborgararéttur og skautun

Eftir fréttir dagsins heyrum við í Helen Ólafsdóttur öryggisráðgjafa hjá Sameinuðu Þjóðunum um afleiðingar af vopnvæðingu lögreglunnar. Og ræðum á eftir við þau Margréti Valdimarsdóttur afbrotafræðing og Fjölnir Sæmundsson formann Lögreglufélagsins um vopnvæðinguna og eðli löggæslu. Victoria Bakshina fékk ríkisborgararétti á Íslandi um daginn og vegabréf í dag. Við ræðum við splunkunýjan Íslending. Í lok þáttarins kemur Arngrímur Vídalín bókmenntafræðingur og segir okkur frá útlendingaandúð sem nær langt aftur fyrir nýlendutímann.

Eftir fréttir dagsins kemur Þorgerður J. Einarsdóttir prófessor að Rauða borðinu og fjallar um kynseigin veruleika í skautuðu samfélagi, segir okkur frá baráttu og sigrum en líka viðhorfum almennings. Og spáir í hvers vegna mál tengd kynseginleika eru svona eldfim í skautuðu samfélagi. Þá kemur Árni Daníel Júlíusson sagnfræðingur að borðinu og segir okkur frá forræðiskreppunni í Evrópu eftir fyrra stríð og átökunum sem henni fylgdu. Og spáir í líkindi þess tíma við okkar tíma.

Sannar sögur við Rauða borðið 13.06.2023

Sannar sögur við Rauða borðið er þáttur þar sem við rifjum upp sögubrot og reynum að læra af sögunni. Í kvöld kemur Rósa Magnúsdóttir prófessor og segir okkur frá poppurum sem fóru gegnum járntjaldið, annars vegar ferð Hljómsveitar Björgvins Halldórssonar til Sovétríkjanna og Strax til Kína. Og Björgvin segir frá sinni ferð og Jakob Frímann Magnússon sinni. Það er því sagnfræðingur og sögupersónur hans við Rauða borðið að segja sannar sögur. í lok þáttarinn kemur Ása Ester Sigurðardóttir sagnfræðingur og segir okkur frá komu pillunnar til landsins og þeim áhrifum sem hún hafði á samfélagið og hugmyndir fólks.

Við förum yfir fréttir dagsins og fáum síðan Kristinn Hrafnsson ritstjóra Wikileaks til að skýra stöðuna í máli Julian Assange sem setið hefur í fangelsi árum saman og verður nú líklega framseldur frá Bretlandi til Bandaríkjanna. Við ræðum síðan þetta mál við Ögmund Jónasson fyrrum þingmann og formann BSRB. Þorstein Siglaugsson hagfræðing og formann Málfrelsis, og Aðalstein Kjartansson blaðamann og varaformann Blaðamannafélagsins. Við fáum svo Báru Halldórsdóttur í heimsókn og ræðum við hana um Klausturmálið af gefnu tilefni.

Rauða borðið snýr aftur í kvöld eftir hlé vegna innbrots og þjófnaðar á tækjum Samstöðvarinnar. Eftir stutt fréttayfirlit koma að Rauða borðinu þau Sonju Ýr Þorbergsdóttir formaður BSRB, Magnús Þór Jónsson formaður Kennarasambandsins og Ragnar Þór Ingólfsson formaður VR og ræða kjaramál, nýgerða samninga og þá sem fram undan eru. Hvað vill launafólk? Og hvernig ætla félögin að sækja það sem fólkið vill? Hafrannsóknarstofnun birti veiðiráðgjöf sína fyrir helgina, svo til óbreyttan afla frá fyrra ári. Jón Kristjánsson fiskifræðingur kemur að Rauða borðinu og gagnrýnir þessa ráðgjöf, en einkum þann grunn sem hún byggir á. Hann heldur því fram að við gætum veitt tvöfalt meira.

Þriðjudagurinn 9. maí

Í kvöld sendum við af veikum mætti, löskuð af innbrotinu í stúdíóið. Höfum stuttan inngang en notum síðan fjarfundabúnað til að ræða við Ásgeir Brynjar Torfason um úttekt Alþjóðagjaldeyrissjóðsins á efnahagsstefnu ríkisstjórnarinnar. Við hringjum líka í Sönnu Magdalenu Mörtudóttur borgarfulltrúa og heyrum af borgarstjórnarfundinum í dag og um stöðu sveitarfélaganna. Jón Guðnason er dósent við gervigreindarsetur Háskólans í Reykjavík og við fáum hann til að lýsa gervigreindinni og hættunni sem kann að stafa af henni. Þá endurflytjum við tvö viðtöl, annars vegar sjúkrasögu Margrétar Lilju Arnheiðardóttir og hins vegar útlistun Viðars Halldórssonar á félagslegum töfrum.

Mánudagurinn 8. maí

Í kvöld sendum við af veikum mætti, höfum stuttan inngang en flytjum síðan fjögur mikilvæg viðtöl frá síðustu dögum sem draga vel fram aukna misskiptingu í samfélaginu: Vilhjálmur Hilmarsson hagfræðingur BHM ræðir um methagnað fyrirtækja á sama tíma og verðbólgan grefur undan lífskjörum almennings. Kristín Heba Gísladóttir framkvæmdastjóri Vörðu segir okkur frá rannsókn sinni sem sýnir að æ fleiri fjölskyldur ná ekki endum saman, æ fleiri falla í fátækt og þetta er fólk úr sömu hópunum og höfðu það skítt fyrir. Ásgeir Brynjar Torfason sérfræðingur í fjármálum ræðir um óstjórn ríkisstjórnarinnar í efnahagsmálum. Og Ragnar Þór Ingólfsson formaður VR segir okkur hvers vegna hann vill mótmæla á næsta á laugardag.

Laugardagurinn 6. maí

Í Helgi-spjalli við Rauða borðið segir Ragnar Aðalsteinsson baráttusögu sína, hvernig ofbeldi ríkisvaldsins gegn mótmælendur á Austurvelli 30. mars 1949 breytti stjórnmálahugmyndum hans, hversu erfiðlega hefur reynst að fá dómstóla til að viðurkenna félagsleg réttindi fólks, rétt til tjáningar og mótmæla. Ragnar ræðir samfélagið sem hann spratt úr og stöðuna í dag, hnignandi lýðræði, vaxandi ógn vegna ófriðar og loftlagsvár.

Föstudagurinn 5. maí

Í Vikuskammti við Rauða borðið sitja í dag þau Birgir Þórarinsson aka Biggi veira, Sanna Magdalena Mörtudóttir, Jóhann Dagur Þorleifsson og Þórhildur Þorleifsdóttir og ræða fréttir vikunnar sem einkenndist af fátækt, stríði, gróða og hræringum.

Fimmtudagurinn 4. maí

1. Fréttir dagsins.

2. Við ræðum um fátækt barna við Kolbeinn Stefánsson.

3. Atli Þór Þorvaldsson segir okkur sjúkrasögu sína.

4. Rósa Magnúsdóttir segir okkur frá ástum á tímum kalda stríðsins.

5. Eva Marín Hlynsdóttir fjallar um sveitarfélög, veikleika þeirra og styrk.