Zanter e puer Deeg ass gewosst, wéi et am nationalen Härebasket a punkto Playoff ausgesäit. Franky Hippert a Jeff Kettenmeyer kucke, wéi eng Equippen d'Erwaardungen erfëllt hunn, a wou et an de nächste Wochen e bëssen méi onroueg a brenzeleg kéint zougoen.

Zanter e puer Deeg ass gewosst, wéi et am nationalen Härebasket a punkto Playoff ausgesäit. Franky Hippert a Jeff Kettenmeyer kucke, wéi eng Equippen d'Erwaardungen erfëllt hunn, a wou et an de nächste Wochen e bëssen méi onroueg a brenzeleg kéint zougoen.

De Jang an der Vakanz, de Guy schoune mer, Franky dofir muss du haut dru gleewen an iwwer Basket matschwätzen.

De Ken Diederich wäert sech freeën, dee weess datt ech eppes dovu kennen.

Wa mer Zäit hunn erklären ech dir säi Sarkasmus emol, komm mir kucke lo op dat sportlecht.
Do steet de Playoff jo fest, a verschidden Equippen hunn genee dat gemaach wat vun hinnen erwaard gouf.

Sou zum Beispill eben d'Amicale Steesel als Titelverdeedeger an och d'Etzella.

De Basket Esch sengersäits ass vill méi staark wéi lescht Saison an huet och richteg iwwerzeegt.
De Programme ass hefteg an och déi nächst Wochen gi richteg ustrengend, sou de Steve Kuhlmann.

CUT

Mam T71 Diddeleng an der ganzer Experienz déi d'Equipe huet ass souwisou am Playoff ze rechnen.

An d'Musel Pikes hoffen lues awer sécher richteg an d'Gäng ze kommen.

Donieft kéint d'Sparta fir vill Equipen de Spillverdierwer ginn.

Richteg verduerwen ass d'Stëmmung awer zu Konter, well mam Playdown genee dat erausgesprongen ass wat een op kee Fall wollt.

Den Teammanager Francis Rollinger wollt sech d'Laun net verdierwe loossen, huet awer däitlech Wierder fonnt fir dat wat him net gefält.

CUT

D'Zieler fir des Saison goufen also fréizäiteg net areecht.

CUT

Nach méi schlecht gesäit et zu Hiefenech aus, d'Missioun fir an der Total League ze bleiwen gëtt richteg komplizéiert, de Charel Oly gleeft awer drun.

CUT

Let's Talk About Jingle

De nächste Weekend also dee leschte vum Mount Januar ass kuerz Paus am Championnat, well d'Coupe Halleffinallen um Programme stinn.

Bei den Dammen sinn et Partien Steesel géint Wolz aus der Nationale 2, an d'Etzella géint Konter.

Bei den Hären spillt den Titelverdeedeger Steesel géint d'Musel Pikes an d'Etzella géint Walfer.

Sproch vun der Woch Jingle

Wann de Laurent Schwartz vun de Musel Pikes emol seng Schong un de Nol gehaangen huet kennt hien bei eis schaffen.

D'Zesummenaarbecht mat eisem Shari de leschte Weekend huet schonns gutt geklappt.

Am Basketchampionnat leeft de Betrib scho nees op Héichtouren - d’Vakanz vum Joresenn war dës Kéier extrem kuerz. Am REBOUND kucken de Rich Simon an de Jhang Mathes op déi aktuell Situatioun, an hunn donieft och eng ganz interessant Invitatioun fir all Basketsfrënn.

Am Basketchampionnat leeft de Betrib scho nees op Héichtouren - d’Vakanz vum Joresenn war dës Kéier extrem kuerz. Am REBOUND kucken de Rich Simon an de Jhang Mathes op déi aktuell Situatioun, an hunn donieft och eng ganz interessant Invitatioun fir all Basketsfrënn.

Kaum huet dat neit Joer ugefaangen, sinn d’Basketspiller schonn nees voll am Jus.

Duerch den Nodrosmatch bei den Hären tëscht Walfer an de Musel Pikes, ass d’Tabelle sou lues och erëm an der Riicht.

Eenzeg Konter an de Racing hu schonn 1 Match méi um Compteur wéi di aner 8 Equippen.

Si hunn nämlech hire Match vum 12. Spilldag, dee komplett ausgefall war, schonn Enn vum leschte Joer nogespillt.

Déi aner 4 Partien vun deem Spilldag stinn all déi nächst Woch um Programme, an da misst erëm alles normal sinn.

An deem Nodrosmatch, deen en Dënschdeg zu Hiefenech iwwer d’Bühn gaangen ass, konnten d’Pikes sech um Enn géint Walfer duerchsetzen.

Domat hunn déi Miseler hir Aussiichten op de spéideren Titelgrupp däitlech verbessert, och wann nach laang net alles an dréchenen Dicher ass. Dat mengt op alle Fall och de Pikes – Trainer Frank Baum.

D’Résidence dogéint steet lo praktesch mam Réck zur Mauer a muss onbedéngt direkt reagéieren.

An deem Kontext sinn deene Walfer hir 2 Matcher dëse Weekend, e Freideg zu Bartreng an e Sonndeg zu Hiefenech géint den T71, wuel schonn decisiv.

Fir de Résidence – Spiller Kevin Moura ass trotzdeem nach näischt verluer.

MAGIC NUMBER

D’Harlem – Globetrotters sinn dës Joer nees op Tournée duerch Europa a maache bei där Geleeënheet och eng Halt zu Lëtzebuerg.

Op Initiativ vun der Sparta trieden déi amerikanesch Ballartisten den 2. Mäerz um ½ 8 am Centre Atert zu Bartreng op.

Och wann d’Globetrotters aner a vill méi grouss Hale gewinnt sinn, huet dëse Site fir de Bartrenger President Frank Arendt e spezielle Charme.

Rendezvous deemno fir all Frënn vu spektakulärem Basket mat artisteschen a witzegen Einlagen ufanks Mäerz zu Bartreng.

SPROCH VUN DER WOCH

Op der Musel war déi lescht Deeg net nëmmen Héichwaasser, mä fir d’Fans vun de Pikes huet och nach bal de Bam gebrannt.

E Kolleg vun der Sportpress hat nämlech op Facebook geschriwwen:

Frank Baum will Jarmar Gulley entlassen.

D’Pikes Supporter wollte schonn op d’Barrikade klammen, du huet de Mëssel sech glécklecherweis gekläert.

De gudde Mann wollt nämlech schreiwen:

Frank Baum will Gulley entlasten.

Sou séier kann ee klenge Schreiffeeler fir grouss Opreegung suergen.

An dat seet och nach e fréiere Schoulmeeschter!

Net vill erblose konnten sech déi Lëtzebuerger Basketspiller iwwert de Joreswiessel. No just emol 14 Deeg Paus geet et muer am Championnat scho mam 15. Spilldag weider.
Net vill Rou haten duerfir och eis zwee Basketspezialisten. De Jang Mathes an de Guy Seyler presentéieren Iech den éischte Rebound fir 2018.

Net vill erblose konnten sech déi Lëtzebuerger Basketspiller iwwert de Joreswiessel. No just emol 14 Deeg Paus geet et muer am Championnat scho mam 15. Spilldag weider.
Net vill Rou haten duerfir och eis zwee Basketspezialisten. De Jang Mathes an de Guy Seyler presentéieren Iech den éischte Rebound fir 2018.

Bis den 20. Januar muss déi éischt Ronn vum Championnat ofgeschloss sinn. Duerfir heescht et elo Basket-Total an der Total League.  

5 Matcher mussen d’Equipen an den nächste 14 Deeg spillen. Fir d’Résidence Walfer a fir d’Musel Pikes sinn et der esou guer 6  an den nächsten zwou Wochen.

U Schivakanz ass do net ze denken. Weder fir d’Spiller nach fir déi Responsabel. Si hunn d’Feierdeeg genotzt, fir hier aktuell Situatioun ze analyséieren.

Déi ass zu Steesel séier gemaach. D’Amicale féiert mat enger Avance vun 2 Punkten d’Tabelle un. A wann een hire Reschtprogramm kuckt, hunn si déi 1. Plaz praktesch sécher.

De Ken Diederich bleift awer virsiichteg, well hie weess aus der Vergaangenheet, datt esou en Deplacement wéi dat vu muer op Hiefenech net onbedéngt e Spadséiergank ass:

CUT 1 Ken

Zu Esch hunn se an der Lescht e bësse gelappt. No engem exzellenten Ufank goufen et am Dezember 4 Defaitten. Dorënner war d’Eliminatioun aus der Coupe. De Joe Biever hëlt dat awer ganz relax:

CUT 2 Biever

Fir Diddeleng ass op der 4. Plaz nach alles op. Mee esou richteg iwwerzeegt huet den 12-fache Champion bis elo net.
Trotzdem kuckt den Tom Schumacher optimistesch an d’Joer 2018:
 
CUT 3 Tom

Mir wëlle jo bei dëser Iwwerraschung kee Spillverdierwer sinn. Esou vill wëlle mir dann awer verroden: de Virnumm vun deeër Verstäerkung ass Frank.

Let’s talk about

E bësse panikéiert hunn se zu Bartreng an op der Musel.

D’Sparta läit mat 7 Defaitten aus 13 Matcher hannert hiren Erwaardungen. Dat huet de Brad Reese ze spiere kritt. Den Amerikaner gouf duerch säi Compatriot Troy Huff ersat. De 25 Joer alen Huff war d’lescht Joer am Februar beim belsche Club vu Lék entlooss ginn.

En neie Profi gëtt et och op der Musel. De Mike  Nwelue koum ni un d’Performance vu sengem Virgänger Clancy Rugg erun an et war nëmmen eng Fro vun der Zäit, wéini hie géif ersat ginn.

Dat war elo de Fall. Den neie Mann ass Kanadier, heescht Tyrell Green, ass 23 Joer al a kënnt direkt aus Schweden, wou hien den 28. Dezember vu sengem Club Norrkoping Dolphins Äddi gesot krut.

SPROCH VUN DER WOCH

Steesel huet mam Shavon Coleman e Profispiller vun der Extraklass. Wat mécht een als Géigner, wann ee weess, datt een dien nëmme ganz schwéier fir net ze soen guer net an de Grëff kritt?

Et tréischt een sech esou, wéi den Tom Schumacher dat mécht.

CUT 4 Tom

Am Basket – Championnat sinn d‘Dammen schonn an der Vakanz, d’Häre mussen, bis op Walfer an d’Pikes, den Owend nach eng Schicht drunhänken.

Am REBOUND vun haut kucken de Guy Seyler an de Jhang Mathes donieft nach eng Kéier zréck op Véierelsfinallen an der Coupe, a si probéieren et mol nees mat enger klenger Rechenaufgab.