Am Championnat hunn d’Hären den Ament jo eng kleng Paus, an dat wéinst dem Asaz vun der Nationalequipe dëse Weekend a Portugal.

Bei den Dammen dogéint geet et monter weider, an de Champion Amicale huet seng Iwwerleeënheet déi lescht Woch gläich zweemol ënnerstrach.

Zweemol haten déi Steeseler Meedercher et mat de Musel Pikes ze dinn, an der Coupe an am Championnat, an zweemol hunn si hirem Géigner awer och guer keng Chance gelooss.

Fir de Coach vun der Amicale Jérôme Altmann war dës Demonstratioun vun der eegener Stäerkt gläichzäiteg e wichtege Message un déi aner Equippen.

An deenen 2 Matcher hunn d’Pikes – Dammen all Kéiers eng ferm op de Bak kritt vum Favorit Amicale, an déi Situatioun heescht et fir d’éischt emol verdauen.

Trotzdeem ass de Miseler Trainer Dominic Dörr net der Meenung, dass et fir déi Steeseler elo an deenen 2 Kompetitiounen e labberen Duerchmarsch gëtt.

Den Ament gesäit et esou aus, wéi wa Konter dee sérieuste Géigner vun der Amicale am Championnat wier. Mee bis de Champion um Enn fest steet, ass et nach e wäite Wee.

SPOTLIGHT

Iwwermuer Sonndeg, um 5 Auer eiser Zäit, spillt déi Lëtzebuerger Hären – Nationalequipe a Portugal. Den Nationaltrainer Ken Diederich erkläert emol, wat dat fir eng Kompetitioun ass.

Wéi huet den Ken Diederich seng Equipe dann op de Rendezvous a Portugal preparéiert?

Nieft Portugal ass mat Zypern och nach en ale Bekannten am Lëtzebuerger Grupp. D’Zyprioten kommen den 22. Februar 2018 op Besuch.

MAGIC NUMBER

De leschte Weekend hunn d’Lux – Rollers hiren 30. Anniversaire gefeiert.

De Luciano Fratini, dee vun Ufank un derbäi ass, ka sech nach gutt un déi Zäit erënneren.

SPROCH VUN DER WOCH

A bal all Equipe gëtt et Spiller, déi heiansdo mengen, si missten e Match ganz eleng decidéieren.

Do reagéiert en Trainer dann alt emol zimlech genervt.

Hal endlech op mam Kapp duerch d’Mauer ze goen, wann’s de net weess, wat op där anerer Säit op dech waart.

Am nationale Basket sinn déi éischt 9 Spilldeeg eriwwer. Virun de Retourmatcher ass Geleeënheet, fir e klengen Tëschebilan  ze zéien. Dat maachen elo de Jeff Kettenmeyer an de Guy Seyler am Rebound vun haut.

Am nationale Basket sinn déi éischt 9 Spilldeeg eriwwer. Virun de Retourmatcher ass Geleeënheet, fir e klengen Tëschebilan  ze zéien. Dat maachen elo de Jeff Kettenmeyer an de Guy Seyler am Rebound vun haut.

Bis elo ass et eng ganz spannend Saison, wou bal kee Spilldag ouni Iwwerraschung iwwert d’Bühn gaangen ass.

Iwwerraschend ass et och, datt den Tabelle-Leader Basket Esch heescht. Wuel wousst een, datt si mam Transfert vum Clancy Rugg e gudde Grëff gemaach hätten. Mee ganz uewen hat ee si net erwaart.

Den Alex Rodenbourg a seng Coequipieren kucken déi Saach ganz realistesch.

Cut 1 Rodenbourg

Nëmmen 1 Punkt hannendrun läit den aktuelle Champion Steesel. D’Amicale huet zwar schonn zweemol verluer. De Rôle vum Titelfavorit hu si domat awer net verspillt.

Do gesäit et beim T71 Diddeleng a bei de Musel Pikes ganz anescht aus. No 4 Defaite  bleiwen éischt Diskussiounen net aus. Vu Panik wëllt de Miseler Trainer Frank Baum awer näischt wëssen

Cut 2 Baum

Eng 5. Platz an der Tabell ass fir den Diddelenger President Marcel Wagner keng Katastroph, an awer enttäuschend:

Cut 3 Wagner

D’Etzella ass mat der 4. Plaz zwar gutt an der Course, mee 3 Defaiten doheem weisen awer, datt nach net alles optimal leeft.

Bei der Sparta, zu Walfer an och zu Konter haten se sech méi versprach. Den neien Trainer vu Konter, de Frank Mériguet erwaart sech vun der Réckronn besser Resultater.

Cut 4 Mériguet

Déi 2 Opsteiger, de Racing an Hiefenech, stinn do wou een se erwaart hat. Hannen um Wupp.

Den Yves Bellwald vun Hiefenech wëllt awer elo mam neien Amerikaner  en neien Ulaf huelen.

Cut 5 Bellwald

Let’s talk about

Wann d’Total League wéinst der Nationalequipe eng kleng Paus mécht, esou geet bei den Dammen de Championnat awer weider.

Muer um hallwer 7 spille mat Steesel an de Musel Pikes déi zwee Haaptkonkurrenten géinteneen. Wien sech hei duerchsetzt , kënnt dir live bei eis op der Antenne vu Radio Lëtzebuerg suivéieren.

SPROCH VUN DER WOCH

De leschte Weekend haten déi 10 Equippen 103 Spiller um Bou stoen.  18 dovun koumen net an den Asaz.

Ech hunn ee vun hinne gefrot, ob dat him näischt géif ausmaachen, de Match just vun der Bänk aus ze kucken.

Nee, war d’Äntwert: Mir spillen ëmmer samschdes -  an do géif ech souwisou duschen.

Am Basket – Championnat geet dëse Weekend schonn d’Aller- Ronn vun der Qualifikatiounsphase op en Enn. Am REBOUND vun haut kucken de Guy Seyler an de Jhang Mathes nieft dem Championnat awer och op d‘Coupe ....

Am Basket – Championnat geet dëse Weekend schonn d’Aller- Ronn vun der Qualifikatiounsphase op en Enn. Am REBOUND vun haut kucken de Guy Seyler an de Jhang Mathes nieft dem Championnat awer och op d‘Coupe ....

Bei den Dammen wéi bei den Hären ass dëse Weekend schonn dee leschte Spilldag vun der Aller – Ronn an der Qualifikatioun.

A wéi den Zoufall et wëllt, spillen bei den Hären déi momentan éischt 6 géinteneen, an déi 4 lescht sinn ënnert sech.

Do kann a wäert sech also bestëmmt munches doen, wat d’Klassement ugeet.

Besonnesch am Fokus stinn an där Optik engersäits d’Musel Pikes, déi bis elo op alle Fall net dee Rendement hunn, deen si sech sécher selwer erhofft haten.

Eng Ursaach heifir, an net déi mannsten, ass ganz kloer de Wiessel virun der Saison vun hirem laangjäregen Amerikaner Clancy Rugg bei de Basket Esch.

D’Pikes konnten deen Transfert bis elo net richteg kompenséieren, an et kann ee gespaant sinn, ob sech hei an deenen nächste Wochen net vläicht eppes wäert doen.

Vill Sputt bleift deene Miseler net, besonnesch wann dëse Weekend hiert Deplacement bei den T71 och nach sollt an d’Box goen.

Déi aner Equipe, op déi ee muer ganz gespaant wäert kucken, sinn déi Hiefenecher bei hirem Auswäertsmatch zu Konter.

D’Equipe vum Trainer Alex Pires huet nämlech virun 8 Deeg bei der Victoire géint de Racing ënnerstrach, dass vun elo un en anere Wand bei hinne bléist.

Mat Schold dorun ass ouni Zweiwel deen neien Amerikaner Giovonni Shuler, dee bei sengem 1. Optrëtt gewisen huet, wat hien drop huet.

Den Hiefenecher Joël Thesen ass op alle Fall iwwerzeegt vu sengem neie Coequipier, a kuckt méi optimistesch an d‘Zukunft ….

Cut 1:

No der Aller – Ronn hunn d’Hären, mat Ausnam vun den Nationalspiller, eng Paus vun 2 Weekender.

D‘Nationalequipe spillt nämlech am Kader vun enger EM- Prequalifikatioun de 26. November a Portugal.

Fir d’Dammen dogéint gëtt et keng Paus, fir si geet et direkt weider mat de Retour – Matcher am Championnat.

Hei ass d’Tabellebild och méi kloer. Mam Champion Steesel, Konter, de Musel Pikes an dem T71 Diddeleng hu scho 4 Equippen sech e bëssen ofgesat.

LET’S TALK ABOUT

Dës Woch waren, iwwer 3 Deeg verdeelt, d’Aachtelsfinallen an der Coupe de Luxembourg.

Déi favoriséiert Equippen konnten sech um Enn alleguer duerchsetzen a sech fir Véierelsfinallen qualifizéieren.

Eng kleng Iwwerraschung gouf et trotzdeem mat der Eliminatioun vum T71 Diddeleng op der Sparta. E puer aner Favoritten haten méi Krämpes, wéi hinne léif war.

Déi nächst Woch ass et dann un de Meedercher. Si spillen, och iwwer 3 Deeg, an der ‘‘Coupe des Dames‘‘.

MAGIC NUMBER

Bei den Hären konnten sech 6 Equippen aus der Total – Ligue fir d’Véierelsfinallen an der Coupe de Luxembourg qualifizéieren.

2 sinn der noutgedrongen eliminéiert ginn, dat well se géint aner Veräiner aus der ieweschter Divisioun verluer hunn.

Och bei den Dammen déi nächst Woch sollten sech der 6 vun den Top – Equippen an de Véierelsfinallen erëmfannen. Méi geet op alle Fall net.

SPROCH VUN DER WOCH

An den Aachtelsfinallen vun der Coupe sinn dach an der Reegel 8 Matcher, oder ieren ech mech do?

Neen, do hues de Recht.

Bei den Dammen ass dat dës Saison awer net esou, do sinn et der nëmme 7.

Da wonnert mech elo och net méi, dass ech neierdéngs mat den Zuelen esou meng Problemer hunn. De Basket ass un allem Schold.

Am nationalen Häre Basket marschéiert Esch nach ëmmer alleng un der Tabellespëtzt.
Am Rebound vun haut kucken de Jang Mathes an de Jeff Kettenmeyer wat an der Minettsmetropole alles zum Gudden geännert huet an hunn beim Samy Picard nogefrot wéini hien nees ka spillen.
Mä als éischt gëtt der Lëtzebuerger Educatioun gehollef.

Am nationalen Häre Basket marschéiert Esch nach ëmmer alleng un der Tabellespëtzt.
Am Rebound vun haut kucken de Jang Mathes an de Jeff Kettenmeyer wat an der Minettsmetropole alles zum Gudden geännert huet an hunn beim Samy Picard nogefrot wéini hien nees ka spillen.
Mä als éischt gëtt der Lëtzebuerger Educatioun gehollef.

Jang, ech muss soen, all Respekt dat hues de gutt gemaach!

Wat mengs de domat?

Du als ale Schoulmeeschter hues dat perfekte Beispill ginn wéi een et meescht fir op kee Fall méi a Fro ze kommen nach emol Schoul ze halen, obwuel mer der jo an der Educatioun dringend Léierpersonal brauchen.
De Basket Esch huet de leschte Weekend bei der Victoire géint Diddeleng 100 Punkte markéiert, an dunn koum am Interview mam Pit Biever däin Asaz an deng Rechenaufgab.


CUT

Loosse mer dat also lo mol sou am Raum stoen! ... staark ass awer och dat wat de Basket Esch den Ament spillt.

Déi Escher sinn nach ëmmer alleng un der Tabellespëtzt an et schéngt wéi wann dësen Erfolleg net iwwerraschend géif kommen, sou de Pit Biever.

CUT

An deen Trainer, nämlech de Sylvain Lautié schéngt an all Situatioun déi richteg Wierder ze fannen.

CUT

Dese Weekend spillt de Basket Esch op der Musel géint d'Pikes, deemno och de Retour vum Clancey Rugg bei seng al Equipe.

Let's Talk About Jingle

Den Ament spillt d'Amicale Steesel ouni hiren Haaptpilier Samy Picard deen eng Blessur um Fouss huet.

CUT

Bei der Victoire zu Hiefenech huet hien der Equipe net wierklech gefeelt, ma géint déi méi staark Géigner wäert dëst awer sécher de Fall sinn.

CUT

Ob de Samy Picard schonns e Sonndeg op der Etzella ka spillen, decidéiert sech deemno wéi den Owend um Training vun der Amicale.

Et steet awer fest, datt wann et dem Spiller nogeet et zwar soll sou séier wéi méiglech sinn mä trotzdem näischt soll iwwert de Knéi gebrach ginn.

CUT

Den Trainer Ken Diederich huet eis confirméiert datt den Asaz vum Samy Picard awer just géif a Fro kommen wann d'Blessur net méi ze spieren wier.

Sproch vun der Woch Jingle

Den Tom Schumacher hat no der Néierlag relativ séier eng Ursaach fonnt.

CUT