Am Basket – Championnat sinn d‘Dammen schonn an der Vakanz, d’Häre mussen, bis op Walfer an d’Pikes, den Owend nach eng Schicht drunhänken.

Am REBOUND vun haut kucken de Guy Seyler an de Jhang Mathes donieft nach eng Kéier zréck op Véierelsfinallen an der Coupe, a si probéieren et mol nees mat enger klenger Rechenaufgab.

Iwwerdeems d’Dammen schonn an der wuelverdéngter Chrëschtvakanz sinn, mussen d’Hären sech nach e bësse gedëllegen.

Fir si steet haut nämlech de 14. Spilldag um Programme, duerno eréischt kënnen si sech mat de Fester vum Joresenn beschäftegen.

An den Owend gëtt et mat der Partie Steesel géint Diddeleng souguer e gellege Klassiker.

Annuléiert gouf de Matcher Walfer géint d’Musel Pikes. Zu Walfer hunn se nämlech en zolitte Problem mat der Hal, wou de Buedem sech wéinst der Fiichtegkeet plazeweis gehuewen huet.

An deenen aneren 3 Partien sinn d’Etzella géint Konter, d’Sparta géint Hiefenech an de Basket Esch um Racing kloer favoriséiert.

SPOTLIGHT

En Dënschdeg an e Mëttwoch waren Véierelsfinallen an der ‘‘Coupe de Luxembourg‘‘ programméiert.

De Spëtzematch war hei ouni Zweiwel d’Partie Musel Pikes géint de Basket Esch.

An enger ganz intensiver a scho bal dramatescher Partie konnten d’Pikes sech no Verlängerung mat 95 op 92 duerchsetzen.

Déi däitlechste Victoire konnt d’Résidence op der Sparta feieren. De Max Schmit vu Walfer war nom Match richteg begeeschtert vun hirer Leeschtung.

Op Blessur hin huet d’Résidence missen méi wéi eng Halschecht op ee vu sengen Amerikaner verzichten. D’Sparta konnt dovun awer net profitéieren, am Géigendeel.

De Xavier Engel vun der Sparta hat no der Partie Problemer fir déi Bartrenger desolat Leeschtung ze explizéieren.

Nieft de Musel Pikes a Walfer, konnten sech och nach d‘Etzella zu Hesper, an d’Amicale Steesel an der Fiels fir Halleffinallen qualifizéieren.

Béid Equippen haten awer zolidd Aarbecht fir sech duerchzesetzen. Ettelbréck huet esouguer 2 Verlängerungen gebraucht.

MAGIC NUMBER

Mat de Musel Pikes, Walfer, der Etzella an der Amicale konnten sech 4 Equippen aus der Total League fir de ‘‘Final Four‘‘ an der ‘‘Coupe de Luxembourg‘‘ qualifizéieren.

Bei den Dammen hunn déi lescht Woch d’Amicale, d’Etzella, Konter, a Woltz aus der Nationale 2 de Wee an d’Coque gepackt.

SPROCH VUN DER WOCH

Mäin Interview mam Walfer Trainer Erny Gruskovnjak vum leschte Weekend schwätzt am Fong fir sech, lauschter emol.

War dir 2 ieren am selwechte Rechecours?

Am nationale Basket gëtt et den Ament souwuel bei den Dammen wéi bei den Hären ee Veräin deen dominéiert, nämlech d'Amicale Steesel. Am Rebound vun haut kucken de Jeff Kettenmeyer an de Jang Mathes op déi Steeseler Dominanz an kucken och op Dammen Coupe zeréck.

Am nationale Basket gëtt et den Ament souwuel bei den Dammen wéi bei den Hären ee Veräin deen dominéiert, nämlech d'Amicale Steesel. Am Rebound vun haut kucken de Jeff Kettenmeyer an de Jang Mathes op déi Steeseler Dominanz an kucken och op Dammen Coupe zeréck.

Jang ech mengen déi aner Veräiner hunn schonns nees e bëssen d'Flemm wann se Tabelle bei den Dammen an Häre kucken.

Op béide Plazen steet de Veräin vum President Frank Fischer nämlech ganz uewen an dominéiert de gréissten Deel vun de Matcher.

An och an der Coupe ass d'Amicale nach zwee mol dobäi, bei den Dammen zanter virgëschter souguer an der Halleffinalle.

De Veräin schéngt also och no de ville Succèsen aus de leschte Joren net sat ze sinn, ma d'Erwaardungen sinn awer däitlech geklomm an et gëtt et sech praktesch just nach mam Doublé zefridden, sou de Frank Fischer.

CUT

Bei den Dammen gouf et e Mëttwoch an der Coupe eng 80 op 63 Victoire géint den T71 Diddeleng an domat gouf och den Ticket fir d'Halleffinalen an der Coque gebucht.

Net mat dobäi ass de Gréngewald, dat no der knapper 67 op 72 Néierlag zu Ettelbréck, Tessy Hetting.

CUT

Am Championnat well de Gréngewald awer onbedéngt an der Playoff.

CUT

D'Etzella ass fir all Géigner op engem gudden Dag eng ganz onbequem Equipe.
En Dënschdeg hunn d'Spillerinnen ronderëm d'Jo Schreiner ee gudden Job gemaach.

CUT

Donieft huet Konter däitlech géint Walfer gewonn, an am Duell tëscht den zwou Nationale 2 Equipen, BC Mess a Wolz, konnten sech déi Wëltzer ganz däitlech behaapten, a stinn als Underdog an der Halleffinale.

Bei den Hären ass d'Coupe eréischt déi aner Woch, ma muer geet et virun am Championnat mam 13. Spilldag.

De Spëtzematch gëtt op der Musel tëscht de Pikes an der Etzella gespillt.

Sproch vun der Woch Jingle

Ech mengen d'Résidence Walfer gëtt Champion bei den Hären.

Wéi eng Pellen hëlls du dann? Also ech trauen hinne vill zou mä dat awer éischter net!

Ma zanter datt den Erny Gruskovnyak do ass leeft et besser an hien weess definitiv op wat et ukënnt.

CUT

D'Lëtzebuerger Basket Nationalequipe huet de leschte Weekend knapp Sensatioun verpasst fir a Portugal ze wannen.
Am Rebound vun haut kucken de Guy Seyler an de Jeff Kettenmeyer heirobber zeréck, an awer och op de Championnat no vir well desen elo viru geet.

D'Lëtzebuerger Basket Nationalequipe huet de leschte Weekend knapp Sensatioun verpasst fir a Portugal ze wannen.
Am Rebound vun haut kucken de Guy Seyler an de Jeff Kettenmeyer heirobber zeréck, an awer och op de Championnat no vir well desen elo viru geet.

Alt ze vill hat net gefeelt, an d'Lëtzebuerger Hären Nationalequipe hätt an der EM Qualifikatioun sensationell a Portugal gewonn.

Um Enn gouf et trotz 23 Punkten Avance an der Paus eng knapp Néierlag no Verlängerung.
Mat der Leeschtung war de Nationaltrainer Ken Diederich trotzdem zefridden.

CUT

Spéitstens elo misst awer bei verschidden Equipen de Message ukomm sinn datt d'Lëtzebuerger op engem gudden Dag engem kennen ee Been stellen.

D'Jongen hu Confiance getankt an mam Public am Réck hofft een am Februar géint Zypern deemno wéi kennen ze wannen.

CUT

Et ass och fir d'éischt datt d'Lännermatcher während der Saison gespillt ginn, an net méi wéi soss am Summer, ass dat elo eppes wat dem Ken Diederich entgéint kennt oder net?

CUT

Spotlight Jingle

De Weekend geet et fir d'Lëtzebuerger Hären da nees am Championnat virun.

Am Spëtzematch kritt d'Amicale Steesel vun de Musel Pikes, an do stinn virun allem d'Gäscht ënner Drock, sou de Ken Diederich dee jo och Coach vun der Amicale ass.

CUT

Den Owend spillt schonns d'Sparta géint de Racing.
Muer sinn soss nach d'Matcher Hiefenech géint Diddeleng an Konter géint Esch.

E Sonndeg spillt dann nach d'Etzella doheem géint Walfer.

Bei den Dammen ass den 12. Spilldag an hei spillt den Owend schonns d'Sparta géint d'Musel Pikes.

Muer sinn 3 Partien, Steesel am Derby géint Walfer, Konter géint Hesper an de Gréngewald géint de Basket Esch.

E Sonndeg spillt nach Ettelbréck géint den T71.

Sproch vun der Woch Jingle

Déi Néierlag a Portugal war éigentlech keng.

Op mannst wann een et esou charmant ausdreckt wéi de Nationaltrainer.

CUT

Am Basket – Championnat bei den Dammen ass den Ament d’Amicale Steesel d’Equipe vun der Stonn.

Am REBOUND vun haut kucken de Jeff Kettenmeyer an de Jhang Mathes donieft op d‘Deplacement vun den Hären a Portugal, an si gratuléieren fir e Gebuertsdag.

Am Basket – Championnat bei den Dammen ass den Ament d’Amicale Steesel d’Equipe vun der Stonn.

Am REBOUND vun haut kucken de Jeff Kettenmeyer an de Jhang Mathes donieft op d‘Deplacement vun den Hären a Portugal, an si gratuléieren fir e Gebuertsdag.