RTL - Carte Blanche

RTL - Carte Blanche

By RTL Radio LëtzebuergNews
Download on the App Store

RTL - Carte Blanche episodes

  • Commentaire: De Mënsch brauch Reegelen a Verbueter, 11/01/2018 07:50
    „Et däerf ee jo geschwënn näischt méi!“. Dat schreift e User op rtl.lu ënnert d'Nouvelle, datt Frankräich d'Vitess op de Landstroossen op 80 erof setzt. Ee vu villen, déi net wëllen nach méi verbuede kréien.
    Déi rezent Diskussioun iwwer d'Freedefeieren, déi op Silvester an enger Rei Gemengen net méi erlaabt waren, geet an déi selwecht Richtung. Vill Leit wëllen net gesot kréien, datt se sech musse bremsen. Dat ass awer leider néideg, mengt d'Carine Lemmer de Moien a sengem Commentaire...
    0 min
  • Carte blanche économique mat PWC 18h15, 10/01/2018
    Krisen, Naturkatastrofen a Konflikter hunn dozou gefouert, datt Thema Défense nees méi am Fokus steet a vill Länner hire Verteidegungsbudget erhéicht hunn. E rezente Rapport vu PWC beschäftegt sech mat dësen Entwécklunge, Jacques Vandivinit.

    Mier hunn d’Défense Budgeten vun iwwer 70 Länner säit 2012 bis haut analyséiert a verglach. D’Resultater ënnermaueren den Trend vun der allgemenger Oprüstung.
    Weisen awer och, datt et nach ëmmer grouss Ënnerscheeder tëscht de Kontributiounen vun de Länner gëtt. D’Groussmuechten USA a China mat 611 an 215 souwéi Russland mat 69 Milliarden Dollar stinn do bei den Ausgaben ganz uewen. An Europa ass dat Frankräich mat knapp 56 Milliarden viru Groussbritannien an Däitschland.
    An och wann eng Rei NATO Länner – mat Ausnam vun Osteuropa – hier Investissementer nach liicht gekierzt hu, geet et de Projektiounen no déi nächst 5 Joer iwwerall an déi aner Richtung.

    D’Defense Ausgaben ginn also global gesinn an d’Luut. Läit dat just un de sëlleche Konflikter déi sech an de leschte Joren ausgebreet hunn?

    Haaptsächlech, awer net nëmmen. D’Verteidegung gëtt duerch demographesch Verännerungen an d’Hypervernetzung ëmmer méi komplex1. D’Staate sti virun neien Défien, an dat spigelt sech och am Budget zréck. Dëst ass e weltwäiten Trend, dee sech net just op Krichsregiounen limitéiert. Um NATO Sommet 2014 zu Wales hunn d’Staatchefe sech engagéiert hier Investissementer bis op 2% vum PIB eropzesetzen. Lëtzebuerg, dat zu deem Moment bei knapp 0.2% loung huet sech 0.6% als Zil fir 2020 gesat.

    (A propos) Wéi positionéieren mir eis zu Lëtzebuerg par rapport zu den anere Länner?

    D‘Lëtzebuerger Défense ass am gaang sech ze adaptéieren. Och wann eis Investissementer mat 0.48% vum PIB – wat di 3-lescht Platz am Ranking ass – (nach) vergläichbar déif leien, si se säit 2012 ëm 4.4% gewuess. Dëst ass ee vun den héchste Wäerter vun de NATO-Länner a läit virun allem un den internationalen Engagementer um Niveau vun der NATO an der EU.
    Als relativ klengt Element vun engem grousse Ensembel sicht Lëtzebuerg no kreative Weeër fir säi Bäitrag zur kollektiver Defense ze leeschten. D’« lignes directrices de la Défense Luxembourgeoise 2025+ » déi 2017 virgestallt goufen, an déi Lëtzebuerg e Kader fir seng Défense-Ausgaben ginn, sinn do e wichtege Schrëtt an déi richteg Richtung.
    2 min
  • Carte Blanche: Robert Goebbels, 10/01/2018
    Vun alle Liewewiesen ass de Mënsch dat eenzegt dat sech Gedanke mécht iwwert dat wat hien ësst.
    Dat ass zwar an der Geschicht vum Mënsch eng relativ jonk Tendenz an och nëmmen an deene Länner wou et keen Honger, mee Iwwerfloss gëtt.
    An onse Géigenden gëtt et ëmmer méi Mënschen déi sech vegetaresch, also haaptsächlech op Basis vu Geméis an Uebst ernären. Oder Vegan sinn, also all Déiereproduit, souguer Mëllech an Hunneg ofleenen.
    Jiddereen huet d’ Recht, op seng Fassong sat ze ginn.
    Ech sinn, ech gestinn et, en Allesfrësser an der Traditioun vun der mënschlecher Evolutioun. De Mënsch ass zum dominante Wiese ginn, well hien sech iwwerall upasse konnt a praktesch alles iessen kann.
    Grad well ech gäre Fleesch, Fësch, Uebst a Geméis iessen, an och soss kee Gesondheets-Apostel sinn, geet mer d'Hypocrisie vu villen Matmënschen      iwwert d’Iessen op de Wecker.
    Déi zwar weiderhi Fleesch iessen, awer verwonnert dinn, dass de Steak oder den Hamburger net am Supermarché wiisst, mee aus dem Schluechthaus kënnt.
    An engem Schluechthaus, de Numm seet et, ginn d’ Déiere geschluecht, also Doud gemaach. Iert se vum Metzler mondgerecht preparéiert ginn.
    Et ass jo schéin a richteg, dass vill Matmënschen sech fir Déiereschutz asetzen. Ons Zivilisatioun verlaangt, dass Mënschen ewéi Déieren net gepéngegt ginn, dat hiren Exit ouni Brutalitéit kennt.
    Mais ons Gesellschaft wëllt näischt méi vum Doud wëssen. Kaum nach e Mënsch stierft doheem, mee an der Anonymitéit vun Heemer oder Spideeler.
    A wann Aktivisten Videoen dréien iwwert d’Schluechtunge vun Déieren, dann geet grouss Opreegung duerch d’Internet-Welt.
    Wéi: kleng Schwéngercher ginn elektrocutéiert ??? Et fléisst esouguer Blutt ??? Wéi schrecklech !!!
    D’europäesch Reglementer schreiwen genee vir, dass all Déiere schnellst méiglech an ouni Brutalitéit ze schluechten ass. Dat geschitt och am Land, a gëtt vu staatlechen Instanzen streng kontrolléiert. Mais eng Karkass vun engem Rand oder engem Schwäin enthält nu mol Blutt. A Blutt gëtt net nëmmen an der Bluttwurscht verschafft.
    Dofir ass déi falsch Opreegung iwwert Schluechtungen just hypokritescht Gedeessems. Veganer a Vegetarier sinn sech do wéinstens konsequent.
    Mais wann deen däitsche Fierschter, deen Bestseller iwwert d’ Séileliewen vun de Beem an de Planze schreift, Recht huet mat der Empfindsamkeet vun all Planz, da gëtt et knapp fir d’Ernärung vun der Mënschheet !!!
     


    3 min
  • Apropos "Black is black", 09/01/2018 12:50
     Schwaarz Kleeder sinn edel, sober, elegant, mä si kënnen nach vill méi ausdrécken: Protest op där enger, Ënnerdréckung op der anerer Säit. Mä um Enn geet et ëm een an dat selwecht Thema: Black is black mengt d'Christiane Kremer am Apropos vun haut.
    0 min
  • Commentaire: CSV + X, 09/01/2018 07:50
    2018 wëllen se all mat der CSV, sot eisen Invité vun der Redaktioun gëschter. Dat géif wuel keng vun den aktuelle Majoritéitsparteie sou zou ginn. Hiert Behuelen awer, schwätzt heiansdo eng aner Sprooch, mengt d’Claude Zeimetz an engem Commentaire
    0 min
  • Carte Blanche: Fernand Fehlen, 08/01/2018
    Alleguerten, déi d’Jéimeren iwwer d’Ausstierwe vun onser Sprooch net méi héiere kënnen a menge schonn all Argumenter ze kennen, géif ech bieden elo net auszeschalten. Menges Wëssens ass bis elo, dat wichtegst Argument vergiess ginn. Ech sinn bei mengen Recherche iwwer de Loutrenger Platt drop gestouss ginn, well dat eng Regionalsprooch ass, déi wierklech virum Ausstierwe steet.
    Frankräich ass ee Staat, deen d‘Eesprochegkeeet an seng Verfassung ageschriwwen huet. Fréier huet en déi vill Regionalsproochen am Hexagon esouguer bekämpft, haut toleréiert en se méi oder wéineger als regionale „Patrimoine culturel“.
    Bis nom 2. Weltkrich ass déisäit vun der Grenz a Frankräich am Sierker Land, nach vill Platt geschwat ginn. Dunn huet de Staat — besonnesch duerch seng Schoul — Drock gemaach, datt d’Eltere et mat hire Kanner doheem net méi gebrauche sollten. Ganz vill hunn gefollegt, fir hire Kanner d’Zukunft net ze verbauen, a virun allem och, well se selwer net als Boche, also als däitschfrëndlech, dostoe wollten.
    An där éischter Nokrichsgeneratioun, déi haut also 60, 70 Joer al ass, ginn et vill Loutrenger, déi net méi geléiert hunn Platt ze schwätzen, déi et iewel passiv verstinn, well se et nach doheem gehéiert hunn, wann hir Eltere mat hire Grousseltere geschwat hunn. Hiren eegene Kanner hunn se de Platt net weiderginn. A well dës en ëmmer manner gehéiert hunn, kënnen se en och net méi passiv verstoen.
    Fir datt eng Sprooch ausstierft, brauch et nëmmen dräi Generatiounen. Dëst ass dat onerbittlecht Gesetz vum Sproochendoud, dat iewel definitiv net op ons Situatioun passt.
    Lëtzebuergesch stierft nëmmen dann aus, wann seng Spriecher et net méi un hier Kanner weider ginn, wann se et net méi an hire Famill schwätzen. Dat ass iewel hei esouguer bei gemëschte Koppele seelenst de Fall. Am Géigendeel. Vill Migranten huelen d‘Lëtzebuergesch am Laf vun der Zäit als hir Haaptsprooch an hir Familljesprooch un.
    Lëtzebuergesch ass haut um Aarbechtsmaart esou gefrot, datt seng Vitalitéit an d’Grenzregiounen ausstraalt a vill Frontalieren, et als Friemsprooch léieren. Dëst ass villäicht och eng nei Chance fir de Loutrenger Platt.

    3 min
  • Commentaire, Annick Goerens, 04/01/2018 07:50
    Neijoschinterviewe an Chrëschtdags-Interviewen drop an derwidder. Dëser Deeg gëtt et bal kee Media hei am Land, deen net op d'mannst een Interview mam Premier Xavier Bettel, mam Chef vun der gréisster Oppositiounspartei Claude Wiseler oder mat béiden Politiker publizéiert huet. D'Annick Goerens huet sech se all ugekuckt, huet se gelauschtert a gelies an fënnt se carrément iwwerflächlech.
    0 min

About RTL - Carte Blanche

From the publisher's feed

Meenungen aus der Zivilgesellschaft iwwert d'Aktualitéit

More shows like RTL - Carte Blanche

Déckkäpp by RTL Radio Lëtzebuerg

Déckkäpp

0 Listeners

Journal (Radio) by RTL Radio Lëtzebuerg

Journal (Radio)

1 Listeners

Automag by RTL Radio Lëtzebuerg

Automag

0 Listeners

Tanguy Pastureau maltraite l'info by France Inter

Tanguy Pastureau maltraite l'info

19 Listeners

RTL - Presseclub by RTL Radio Lëtzebuerg

RTL - Presseclub

0 Listeners

RTL - Carte Blanche by RTL Radio Lëtzebuerg

RTL - Carte Blanche

0 Listeners

L'œil de Philippe Caverivière by RTL

L'œil de Philippe Caverivière

55 Listeners

RTL - HitStory by RTL Radio Lëtzebuerg

RTL - HitStory

0 Listeners

Kloertext fir ze lauschteren by RTL Télé Lëtzebuerg

Kloertext fir ze lauschteren

0 Listeners

Podpurri - mir schwätze Kultur! by RTL Radio Lëtzebuerg

Podpurri - mir schwätze Kultur!

0 Listeners

RTL - Flunkernews by RTL.lu

RTL - Flunkernews

0 Listeners

RTL - Econews by RTL Radio Lëtzebuerg

RTL - Econews

0 Listeners

RTL - Sproochmates by RTL Radio Lëtzebuerg

RTL - Sproochmates

0 Listeners

RTL - Lecture vun heiheem by RTL Radio Lëtzebuerg

RTL - Lecture vun heiheem

0 Listeners

RTL - IGEL - Inclusioun ganz einfach liewen by RTL Radio Lëtzebuerg

RTL - IGEL - Inclusioun ganz einfach liewen

0 Listeners

Wocheréckbléck by RTL Radio Lëtzebuerg

Wocheréckbléck

0 Listeners

RTL - Nogehaakt by RTL Radio Lëtzebuerg

RTL - Nogehaakt

0 Listeners

L'oeil d'Alex Vizorek by RTL

L'oeil d'Alex Vizorek

13 Listeners

Ausgeschwat by RTL Tëlee Lëtzebuerg

Ausgeschwat

0 Listeners

Fro den Affekot by RTL Radio Lëtzebuerg

Fro den Affekot

0 Listeners

Nospillzäit by RTL Radio Lëtzebuerg

Nospillzäit

0 Listeners

RTL inteam by RTL Radio Lëtzebuerg

RTL inteam

0 Listeners