Et kascht näischt, héchstens ee Wuert oder ee Geste. An awer deet sou muncher ee sech immens schwéier domadder.

Nolauschtere schued net – och enger politescher Partei net.
Esou ass de Commentaire vum Dany Rasqué haut iwwerschriwwen.

Ëmmer erëm liest een respektiv héiert e vu deene verschiddenste Fäll vu Bedruch. An dës Fäll ginn et ëmmer méi oft. Et soll e wierklech gutt oppassen, net a sou eng Situatioun ze kommen. An awer gleeft d’Sandra Mélan éischter un dat Gutt am Mënsch.

Virun e puer Méint huet zu London d'House of Lords e gréissere Rapport opgestallt iwwer all déi Leit, déi et ëmmer méi schwéier hu fir nach einfach Finanzoperatioune kënnen ze maachen. Si mussen entweder héich Käschten droen oder si kréien Finanzservicer déi hiere spezifesche Besoinen net entspriechen. Hei huet d'House of Lords ze bedenke ginn datt esou Leit faktesch aus dem Finanzsysteem ausgeschloss sinn. Dann ass et awer esou datt, ouni adequat Finanzservicer, déi Leit keng laangfristeg Finanzplanung kënne maachen.
Dat ass besonnesch traureg fir England wou op der Londoner Finanzplaz regelméisseg nei Produkter a Servicer op de Maart kommen déi bestëmmt si fir eng Clientèle, déi e grousst Verméigen hunn, wou dann awer fir déi aner sougenannte kleng Clienten kaum eppes gemaach gëtt. Deen Trend setzt sech sécher weider duerch, esou datt d’Distanz tëschent ”aarm” a “räich” weider wiist.
D'Englesch Regierung, déi duerch dee Rapport erausgefuerdert ginn ass, huet dorop eng Rei Moosname virgestallt fir dëser Evolutioun entgéintzewierken.
Déi eng Moossname sinn dofir ze suergen datt all Client, op räich oder aarm, Accès huet zu enger Rei Finanzprodukter a Déngschtleeschtungen déi esou wuel nëtzlech wéi och bezuelbar sinn. Dat ass eng breet Panoplie vu Servicer, déi esouguer “Payment Systemer” an Versécherunge mat abegräifen. Hei ass d'Zesummenaarbecht noutwenneg, vum Staat mat de Banken, den Iwwerwaachungsautoritéiten an den Konsumenteschutzorganisatioune. Et gëllt net nëmmen déi Palett vu Servicer a Produkter opzestellen, mais et gëllt och se ze iwwerwaachen an se regelméisseg de Besoine vun de Clienten an vun den neien Technologien unzepassen.
Déi aner Moossname sinn déi, fir ze suergen, datt jiddereen déi néideg Kenntnisser ka kréien fir dës Produkter a Servicer optimal kënnen ze benotzen. Dat soll sécher prioritär iwwert de Schoulsysteem geschéien mä doriwwer eraus muss och all Client d’Méiglechkeet kréie fir sech déi néideg Kenntnisser lafend un ze eegenen.
Och zu Lëtzebuerg musse mir eis, an dëser Hisiicht, eng Rei Gedanke maachen.
Mir gesinn och hei datt ëmmer méi Leit net méi matkomme mat den informatiséierte Finanzservicer an derbäi sinn dat nach laang net nëmmen eeler Leit, mä esouguer jonk Leit hunn et heiando guer net einfach.
D'Digitaliséierung am Finanzsecteur wäert elo vill Ännerunge mat sech bréngen. Hei kréien besonnesch Clienten déi ee gewëssent Verméigen hunn nei Méiglechkeete fir präisgënsteg ganz interessant Operatiounen ze maachen, fir esou hiert Verméigen ze vergréisseren
Et ass dofir och zu Lëtzebuerg onbedéngt noutwenneg fir ze suergen datt de Finanzsystem esou evoluéiert datt en am Déngscht vun der gesamter Bevëlkerung steet a bleift, an datt keng Kategorie vu Clienten den Androck kritt si misst iwwerproportional  Käschten droen, fir dann zweetklasseg Servicer a P

Wéi gitt Dir akafen? Einfach esou, fir dann doheem festzestellen datt dir dëst an dat vergeess hutt. Oder baséiert dir iech nach op de klasseschen Akafsziedel, deen der dann an all ären Täsche sicht fir en endlech zimlech zerkniwwelt an der Hand ze halen. Déi zwou Methoden sinn esou eppes vun OUT.  Den Handy ass déi nei Hëllef beim Akafen, behaapt de Guy Seyler am Apropos

Dreckslöcher hunn se dat an Däitschland iwwersat, wat den Trump do iwwer verschidde Länner gesot huet. Hien huet awer shitholes gesot, wat e bëssen eng aner Nuance ass, ne.   Mä egal,   dem Trump säi Behuelen huet säi Sënn.
E Commentaire vum Nico Graf.

Ouni Schlof kann een net liewen! Héiert sech dramatesch un, ass awer sou. D'Marie Gales huet sech e puer Gedanken ëm d'Schlofen an ëm d'Midd si gemaach

Léif Nolauschterinnen an Nolauschterer,
Zum Joreswiessel hate sech sécher déi meescht vun eis nei gutt Viersätz geholl an een dem aneren eng gutt Gesondheet fir dat neit Joer gewënscht.
De Wonsch no enger gudder Gesondheet ass a bleiwt eng vun eise wichtegste Suergen! Mee leider stelle mer fest, datt ëmmer erëm op en Neits Leit aus Famill, Noperschaft oder dem Bekanntekrees vu méi oder manner schlëmme Krankheete betraff ginn. Ech schwätzen elo net vun den alljährlechen, übleche Grippen an Erkältungen, mee vun den zanter 20 bis 30 Joer zouhuelenden Häerz-Kreeslaf-, Kriibs- oder Zockerkrankheeten, vun Allergien an Autoimmunkrankheeten, Depressiounen an anere psychesche Krankheeten. A mir stelle fest, dass och ëmmer méi Kanner a Jugendlecher betraff sinn.
Vis-à-vis vun all dësen zouhuelende chronesche Krankheeten, och Zivilisatiounskrankheete genannt, gëtt da vun offizieller Säit komescherweis just un den Eenzelnen appelléiert, fir sech präventiv méi verantwortlech ze verhalen: net fëmmen, net zevill Alkohol, sech méi gesond ernähren a sech méi beweegen!
Dës Appeller sinn natierlech net falsch, ginn awer net duer, well se déi politesch Verantwortung fir eis verschmotzten Ëmwelt an den ëmmer méi grousse soziale Stress ëmmer erëm ausklameren, obschon des Facteuren zu den Haaptverantwortlechen fir déi massiv Zounahm vun dëse Krankheeten zielen.
Léif Nolauschterinnen,
Déi rezent skandaléis Evenementer ronderem d’Sprëtzmëttel Glyphosat an munch anerer oder em d’Diesel- a Feinstaubbelaaschtungen an eise Stied si leider just d’Spëtzt vum berühmten Äisbierg, vu villen aneren Ëmweltgëfter gëtt nämlech mol guer net geschwat.
Léif Nolauschterer,
Zanter elo méi wéi 25 Joer beméit sech d’Associatioun AKUT fir d’Ëffentlechkeet iwwert déi wëssenschaftlech nogewise Relatiounen tëschent Ëmweltgëfter a ville chronesche Krankheeten z’informéieren. Et handelt sech hei haaptsächlech em chemesch, elektromagnetesch, schwéiermetallhalteg oder och biologesch Schadstoffquelle wéi zum Beispill Schimmelpilzer.
Och zanter déi ëmweltmedezinesch an epigenetesch Fuerschung wëssenschaftlech konnt noweisen, datt schon de Fötus am Mammebauch ënnert esou Belaaschtunge ka leiden an doduerch Krankheeten no der Gebuert an am spéidere Liewen vierprogramméiert ginn, gëtt d’Informatiounsaarbecht vun AKUT ëmmer méi wichteg, an ëmmer méi wichteg wier och eng ëmweltorientéiert Präventiounspolitik vun eiser Santé a vun de politesche Responsablen an Europa!
Léif Nolauschterinnen an Nolauschterer,
D’Informatiounsaarbecht vun de Responsable vun AKUT ass evidenterweis eng ganz Kritesch a stellt munches a Fro. Mee och wann dat deem engen oder anere wirtschaftleschen oder politeschen Acteur net ze gefale schéngt, wäert AKUT och an Zukunft iwwert Ëmwelt a Gesondheet informéieren.

Korsika

Si hunn alles, wat mir net hunn, a mir, wat hinne feelt. Z.B.: Mir hunn “d’Mumm séiss” a si déi korsesch Polyfonie – en Ouereschmaus.
“L’île de Beauté” op franséisch, net hier Sprooch. Mir si weder Insel nach schéin an eist Mir ass d’Stekelter Mouer.
Mir sinn e selbststännege Staat; si net, och kee Stéck Frankräich. Korsika läit jo net am geografeschen Hexagone. Mir och net: mee ouewendrun.
Si haten e Keeser, mir hunn e Groussherzog.
Dogéint hu mir Geld, vill Geld, a si mussen “entrer par la voie étroite”. Tëscht Autonomie, Onofhängegkeet an/oder Staatshëllef vu Paräis “louvoyéieren”.
Si flegen hir Sprooch, bis an d’Parlament eran – e Greiel fir all Francophone. – Eis mëcht et näischt aus, onst Musel-Fränkescht mat Franséischem unzeräicheren – aus Schlamperei, well mir jo Urtexter dax am Moliére sengem Idiom liesen.
D’Korse liesen Jérôme Ferrari. Allerdéngs awer och: si geheie mol Bommen, oder schéissen – wéi hiren dichtechsten Auteur – 200 Joer nom Prosper Mérimée. Bei eis gëtt just Sylvester e Poufert lassgelooss. – Fazit also a Moral vun dëser Kurzgeschicht: Grond genug fir Korsika a Lëtzebuerg ze jumeléieren.
Mir, oder ech, vläicht, verbréngen dann eis lescht Deeg am selwer gesichten Exil a liese Seneca, Philosoph enrem Nero, och Keeser.
Mat béiden, wéi mam Napoleon, ass et schief ausgang; mat eisem dichtechste Keeser allerdéngs och.

Am Apropos vun haut beschäftegt sech d'Bea Kneip mat engem Objet mat dem mer alleguer all Dag ze dinn hunn...