Segðu mér

Edda segir frá ömmu Hófí, aðalpersónunni í samnefndri kvikmynd sem var frumsýnd nýlega. Þar eru Edda og Laddi í aðalhlutverkum.

Maríanna hefur alla tíð lesið mikið og þykir hvergi betra að vera ení bókabúðum. Hún var að þýða sína fyrstu bók og segir að það hafi komið á óvart hvað það var skemmtilegt. Hún var einnig að taka við sem dramatúrg í Borgarleikhúsinu. Maríanna ræðir einnig gamanleik og rifjar upp sprellið í hinni rómuðu sýningu Mamma Mía þar sem hún á lokasýningu var komin sex mánuði á leið.

Helga Vala rifjar upp ferðalög með foreldrum sínum, Helga Skúlasyni og Helgu Bachmann

Hildur Eir Bolladóttir, prestur frá Akureyri, er nú að ljúka erfiðri geisla- og lyfjameðferð við illkynja krabbameinsæxli í endaþarmi. Batalíkur hennar eru miklar og hún horfir keik fram á veginn við hlið ástmanns sín sem hún kynntist við óvenjulega aðstæður.

Hildur Eir segist hafa verið rosalega mikill besservisser sem barn. Hún var gestur Sigurlaugar M. Jónasdóttur í Segðu mér. „Ég er náttúrulega alin upp af öldruðum foreldrum eins og sagt er. Þau voru reyndar bara nýskriðin yfir fertugt þegar þau áttu mig en ég er langyngst. Ég var rosalega mikið ein með þeim og þau töluðu við mig eins og jafningja.“

„Ég var svona barnafyllibytta, byrjaði mjög snemma en hætti líka mjög ungur,“ segir Einar Hermannsson nýkjörinn formaður SÁÁ. „Ég var 11 ára gamall sem telst frekar ungt, ég fór á minn fyrsta AA-fund 17 ára. Var þá búinn að vita í nokkurn tíma að ég ætti við vandamál að stríða.“ Einar hætti svo alfarið að drekka 27 ára.

Einar er líka bisness-maður og hefur undanfarin 20 ár verið framkvæmdastjóri hjá dansk-frönsku fyrirtæki sem er með starfsemi í 52 löndum. „Þeir eru stærstir á sínu sviði í útiauglýsingum. Eru með saminga við flugvelli, reka strætóskýli, almenningssalerni, reiðhjólaleigur og fleira. Velta 350-400 milljörðum.“ Núna rekur hann fyrirtæki með félaga sínum og þeir hyggjast hasla sér völl á því sem hann kallar örflæðismarkaðnum. Það er leiga á faratækjum til skamms tíma eins og rafhlaupahjólum, sem Einar segir að sé á frumstigi og eigi eftir að vaxa mikið. „Ef markaðurinn væri sími, væri hann Nokia 3110 í dag. Breytingarnar eru rosalega örar frá degi til dags. Í Bandaríkjunum eru fyrirtæki þar sem þú pantar heim til þín rafskútu og hún kemur sjálf keyrandi til þín.“

Þorsteinn segir að það fylgi því kraftur og orka að vera frá Vestmannaeyjum. Hann tók nýlega við starfi borgarritara eftir að hafa verið sveitastjóri í Skútustaðahreppi.

Listahátíð í Reykjavík hefur verið leiðandi afl í íslensku menningarlífi frá stofnun árið 1970. Vigdís segir frá hátíðinni sem nú er haldin með óhefðbundnum hætti eins og gefur að skilja.

Stefán Sturla býr í Finnlandi en kemur reglulega til Íslands. Stefán var að ljúka við að skrifa spennusögu, síðustu bókina í þríleiknum um lögreglukonuna Lísu.

Kristín var ung send í sveit og hún segir frá lífinu þar og bókasafninu sem geymt var uppi á lofti. Hún er sérkennari og hefur nýlega sent frá sér fimm sögubækur og verkefnabók fyrir börn á aldrinum 5-8 ára.

Tryggvi er myndlistarmaður og lögfræðingur og var að opna sýningu í sal Íslenskrar grafíkur í Hafnarhúsinu.