Tús Áite

Inniu: Eoin Ó Catháin (Eagraí Polaitíochta RnaG); Nóirín Uí Mhaoldomhnaigh (Bainisteoir Chomharchumann Oileán Árainn Mhór); Niamh Ní Dhrisceoil (Cathaoirleach Chomharchumann Oileán Chléire); Frank Reidy (Iar Cheannfoirt Airm & saineolaí ar chúrsaí míleata agus slándála); Brenda Ní Shúilleabháin

Sheol an tAire Forbartha Tuaithe agus Pobail, Heather Humphreys polasaí náisiúnta do na hoileáin inniu, an chéad polasaí dá leithéid le nach mór 30 bliain. Labhair Nóirín Uí Mhaoldomhnaigh agus Niamh Ní Dhrisceoil linn ar an gclár faoi seo.

Ar Mír na Meáin an tseachtain seo labhair Brenda Ní Shúilleabháin linn faoi Féile na Meán Cheilteach, clár nua d'ár teideal 'Dúirt Bean Liom' a mbeidh ar siúl anocht ar TG4 agus an chéad eipeasóid don gclár Éire Eile, atá mar chuid d'ocht chlár atá ar fáil ar Sheinnteoir TG4.

Thosaigh an Ardteistiméireacht inniu le Páipéar a hAon Béarla ar maidin agus Eacnamaíocht Bhaile um tráthnóna. Bhuail Tristan Rosenstock amach go Coláiste Ráithín i mBré, Co. Chill Mhántáin agus labhair sé le cuid de na daltaí, an príomhoide Déaglán Ó Laoire agus an múinteoir Béarla Conall Ó Dúfaigh.

Tá tubaist daonna agus comhshaoil ag titim amach i gceantar Kherson i ndeisceart na hÚcráine tar éis scriosadh damba ar abhainn an Dnipro. Labhair Frank Reidy linn faoi seo.

Tá an Rúis agus an Úcráin ag cur an milleán ar a chéile mar gheall ar scriosadh damba i ndeisceart na hÚcráine. Tá sé fógraithe ag Mike Pence go bhfuil sé le hainmniúchán an pháirtí phoblachtánaigh a lorg chun seasamh i dtoghchán na hUachtaránachta. Na scéalta seo á phlé ar an bpainéal idirnáisiúnta ag Niamh Ní Bhroin & Caomhán Ó hÓgáin.

Tháinig comhnascadh mór gailf aniar aduaidh ar an bpobal spóirt inniu - tá an PGA Tour agus an DP World Tour ag comhnascadh leis an LIV Tour comórtas gailf a reáchtálann an Arab Shádach. Labhair Cuán Ó Flatharta linn faoi seo.

Inniu: Eoin Ó Catháin (Eagraí Polaitíochta RnaG); Cathnia Ó Muircheartaigh (Príomhoide Gaelcholáiste Osraí); Breandán MacRóibín (Múinteoir Gairmthreoireach i gColáiste Eoin, Stigh Lorgáin); Dr. Niamh Ní Bhroin (Taighdeoir ar na meán sóisialta in Ollscoil Oslo); Caomhán ó hÓgáin (Aistritheoir le Comhairle na hEorpa sa Bhruiséil); Cuán Ó Flatharta

Thug an tAire Fiontar Simon Coveney le fios inniu go bhfuil suim aige i gcónaí sa bpolaitíocht agus nach bhfuil sé i gceist aige imeacht ó shaol na polaitíochta sa gcéad oll-thoghchán eile. É seo agus tuilleadh á phlé ag Eoin Ó Catháin ar Pholaitíocht an Lae.

Labhair Cathnia Ó Muircheartaigh agus Breandán Mac Róibín linn ar an gclár chun súil chun cinn a thabhairt ar an Ardteist agus comhairle a thahairt dos na daltaí agus tuismitheoirí araon. Cuirfear tús le na scrúdaithe Ardteistiméireachta amárach le Páipéar a hAon Béarla.