Tús Áite

Labhair an Teachta Dála Fianna Fáil Cathal Crowe linn ar an chláir faoin méid a bhí le rá ag an Taoiseach Leo Varadkar, go bhfuil an bacainn ar na bóithre go dtí an Teach Ósta mícheart.

Tá tús curtha ag na póilíní sa Nua Shéalainn le fiosrúchán dúnmharaithe i dtaca le tine ag brú i Wellington inár maraíodh seisear ar a laghad. Labhair Diarmuid Ó Cofaigh linn faoi seo.

An t-eagrán is déanaí den tsraith Iniúchadh TG4 – Gan Dídean atá ar siúl anocht ag a 9.30 agus an Iris is déanaí de Comhar a bhí faoi caibidil ag Antóin Beag Ó Colla ar Mír na Meán inniu.

Labhair Eoin Ó Catháin linn faoin méid a bhí le rá ag an Taoiseach Leo Varadkar maidir le pobail Co.an Chláir i dtaca leis na léirsithe faoi theach ósta chun lóistín a chur ar fáil d’iarrthóirí tearmainn.

Inniu: Eoin Ó Catháin, Eagraí Polaitíochta RnaG; Anna Heussaf, Urlabharaí Chairde na Cruinne; Frank Reidy, Iar Cheannfoirt Airm & saineolaí ar chúrsaí míleata agus slándála; Toner Quinn, Eagarthóir the Journal of Music, Scríbhneoir & Ceoltóir; Dr.Diarmuid Ó Cofaigh, Dochtúir Teaghlaigh sa Nua-Shéalainn; Antóin Beag Ó Colla

Tá gá le fís nua do lipéad ceoil Gael Linn a deir an t-eagrathóir, an léachtóir agus an ceoltóir Toner Quinn san eagrán is déanaí den Iris Comhar, eagrán chomórtha 70 bliain Gael Linn. Labhair Toner linn ar an gclár faoin alt.

Tá ceannairí cabhlaigh ó thíortha Eorpacha agus tíortha NATO ag teacht le chéile i gCorcaigh inniu agus amárach chun teicneolaíochtaí nua a phlé. Labhair Frank Reidy linn ar an gclár faoi seo.

Tá foláireamh tugtha ag eagraíocht Meitéareolaíochta an Domhain go bhfuil sé ionann agus cinnte go mbeidh ceann den céad chúig bliain eile níos teo ná bliain ar bith ó tosaíodh ar an taifead. Labhair Anna Heussaf linn faoi seo.

Tá ceannairí thíortha Chomhairle na hEorpa ag freastal ar chruinniú mullaigh dhá lá san Íoslainn chun a dtacaíocht a léiriú don Úcráin. Inné déanadh comóradh ar 75 bliain ó tharla na heachtraí go dtugann na Palaistínigh an Nakba air agus tuilleadh á phlé ar an bpainéal idirnáisiúnta inniu.

Inniu: Eoin Ó Catháin, Eagraí Polaitíochta Raidió na Gaeltachta; Áine Ní Ghlinn, Dr Niamh Ní Bhroin, Taighdeoir ar na meán Sóisialta in Ollscoil Oslo; Colm O' Neill, Abhchóide