Tús Áite

Tá léirsitheoirí áitiúla ag cur bac ar an mbóthar go Teach Ósta átá in úsáid cun lóistín a chur ar fáil d'iarrthóirí tearmainn in Inse Co. an Chlár. Labhair Eoin Ó Catháin linn faoi seo agus tuilleadh ar pholaitíocht an lae.

Bronnadh an Gaelbhratach ar scoileanna ó cheann ceann na tíre ag ócáid inniu in Ollscoil Chathair Bhaile Átha Cliath. Labhair Eoin Ó Catháin le Edel Ní Bhraonáin, Comhordaitheoir Gaelbhratach Ghael Linn agus le cuid de na rannpháirtithe.

Bhí Áine Ní Ghlinn ar an chlár linn ag déanamh léirmheas ar an leabhar Ceallach scríbhte ag Diarmuid Johnson.

Ar an gclár: Peadar De Bluít, Cúntóir Teanga i Roinn na Gaeilge sa Choimisiún; Caoimhe Ní Mhaolaí, Mac Léinn Dlí agus Polaitíochta i gColáiste na Trionóide; Des Geraghty, Ceardchumannaí, Scríbhneoir agus iar-Fheisire Eorpach; Tony Fahey, Ollamh le Polasaí Sóisialta i UCD

Beidh vótaí á chaitheamh Déardaoin i dtoghcháin áitiúla Thuaisceart Éireann. 462 suíochán ar aon chomhairle déag a líonfar agus is í seo an chéad deis a bheidh ag muintir an Tuaiscirt vóta a chaitheamh ó mhí Bealtaine seo caite nuair a bhí toghchán an chomhthionóil ann.

Thug Volodymyr Zelensky cuairt ar an Bhreatain inniu chun bualadh le Príomh Aire na Breataine Rishi Sunak. Pléadh seo ar an gclár.

Foilsíodh alt san Irish Times thar an deireadh seachtaine faoi mhná agus donnú bréige - alt a bhain an Irish Times den suíomh nuair a tháinig sé chun solais gur cruthaíodh an t-alt agus an ghrianghrap den “údar” le hintleacht shaorga. Pléadh seo ar an gclár.

Dhóigh léirsitheoirí frith-theifeacha pubaill agus sealúchas teifigh atá gan dídean ag an deireadh seachtaine i lár cathair BÁC agus tá na nGárdaí chun bualadh leis an Aire Roderic O’Gorman chun plé ar chonas a dhéantar póilíniú ar léirsithe frith-theifeacha. Pléadh seo ar an gclár.

Tá an teannas idir an Pholainn agus an Ungáir agus an tAontas Eorpach faoi riail an dlí, an daonlathas agus saoirse na meáin ag dul i méid le blianta beaga anuas. Tá cuma ar an scéal go bhfuil cogadh na hÚcráine tar éis deighlt idir an dá tír a mhéadú.

Labhair Tommy Ó Coghnaíle faoi Éigse na Bhruiséile agus na rudaí éagsúla a bheas ar siúl ag an ndeireadh seachtaine. Pléadh Pobal Gaelach sa Bhruiséil freisin.