Tús Áite

Pléadh ballraíocht muintir na hÉireann san Aontas Eorpaigh idir buntáistí agus deacrachtaí. Bhí plé ann faoin tionchar atá ag imeacht na Breataine ón Aontas Eorpach ar ról agus stádas na hÉireann san Aontas.

Ar an gclár: Tomaí Rua Ó Conghaile, Aistritheoir sa Choimisiún Eorpach agus eagarthóir an fhéile Éigse na Bruiséile; Una O'Connor, Ard Rúnaíocht Comhairle an Aontas Eorpach; Kevin Lally, Comhairleoir Polaitiúil i bPairlimint na hEorpa; Áine Clarke, Oifigeach Polasaí in Ambasáid na hÉireann; Mícheál Ó Conchúir, Cathaoirleach ar Choiste na Réigiún

Tá an cogadh san Úcráin tar éis formhór de thíortha an Aontas Eorpaigh a aontú ina gcuid tacaíochta don Úcráin agus tar éis deighlt mór a chruthú idir an tAontas agus an Rúis. Tá seo tar éis tús a chur in athuair le díospóireacht faoi neodracht na hÉireann.

Inniu ar an gclár: Eoin Ó Catháin (Eagraí Polaitíochta RnaG); Domhnall Ó Catháin (Abhcóide i New Jersey); Sinéad Mercier (Iníon léinn dochtúireachta); Saoirse Erin Ní Chuilleagáin; Síle Ní Chonceanainn

Thit an ráta boilscithe beagán an mhí seo - ó 7.7% go 7.2%, an leibhéal is ísle le bliain anuas. É sin ráite, tá méadú 20.7% tagtha ar phraghas tithíochta, uisce, leictreachais agus gáis, agus méadú 13.1% tagtha ar phraghas grósaera. Labhair Eoin Ó Catháin linn faoin méid seo.

Fuair Donald Trump deis cainte arís aréir le linn fhóram a reáchtáladh i Stát New Hampshire a d’eagraigh an craoltóir CNN. Bhí na ceisteanna á gcur ag Kaitlin Collins, ach ba mhór an dúshlán a bhí roimpi ó am go céile srian a chur ar an iar-Uachtarán. Phléigh Domhnall Ó Catháin an scéal seo linn.

Tháinig baill de dhiaspóra na hÉireann atá ag cur fúthú sa Bhruiséil le chéile le gairid chun grúpa nua a bhunú a bheadh mar aidhm acu institiúid an Aontais Eorpaigh a ullmhú le haghaidh reifreann ar Éire aontaithe. Labhair Saoirse Erin Ní Chuilleagáin ó BXL-Irish Unity linn faoin méid seo.

Mír na Meán Áitiúil: Scéalta áitiúla ón Connacht Tribune, Derry Now, agus Limerick Leader á bplé ag Síle Ní Chonceanainn.

€86 in aghaidh na meigeavatuaire an meánphraghas a thuillfidh ceithre chomhlacht cumhachta chun leictreachas a ghiniúint ó fheirmeacha gaoithe eischósta. Sin a d’fhógair EirGrid, atá i gceannas ar eangach leictreachais na tíre, i diaidh cheant a bhí ar siúl inniu. Mhínigh Sinéad Mercier an scéal seo dúinn.

Inniu ar an gclar: Eoin Ó Catháin (Eagraí Polaitíochta RnaG); Conall Ó Móráin (Saineolaí airgeadais); Aengus Ó Snodaigh (TD le Sinn Féin); Malachi Ó Marcaigh (Tuairisceoir); Rob Ó Conchúir