Tús Áite

Tá cuairt gan choinne á thabhairt ag Príomh Aire na Breataine Rishi Sunak ar na sé chondae um thráthnóna le bualadh le polaiteoirí. Labhraímid faoi seo le Póilín Ní Chiaráin (Tráchtaire Polaitíochta).

Insíonn Áine Mhaoir scéalta dúinn ón Donegal Daily, Dublin Gazette, Antrim Guardian, Kilkenny People agus Connacht Tribune.

Ardú eile ar ráta úis agus Marc MacSharry ar fionraí ón Dáil – scéalta móra an lae le hEoin Ó Catháin (Eagraí polaitíochta RnaG).

Ar an gclár inniu: Eoghan Ó Neachtain (Iar-Oifigeach airm & Iar-Rúnaí preasa rialtais), Eoin Ó Catháin (Eagraí polaitíochta RnaG), Pearse Doherty (TD agus Urlabhraí Airgeadais Shinn Féin), Póilín Ní Chiaráin (Tráchtaire Polaitíochta), Hugh Murphy (Cathaoirleach Óige an Lucht Oibre) agus mír na mean áitiúil le hÁine Mhaoir.

Beidh Maracó ag imirt i gcoinne na Fraince anocht ag a 7 i staid Al-Bayt sa dara cluiche leathceannais i gCorn an Domhain sa sacar. Labhraímid faoi seo le hAidan Fitzmaurice (Iriseoir spóirt le Independent News and Media).

Beidh toghchán arís ann do Bhord Údarás na Gaeltachta ag tosú in 2025 agus roghnóidh pobail Ghaeltachta deichniúr de bhaill an bhoird. Pléimid é seo le Seosamh Ó Cuaig (Iar-Chomhairleoir Condae agus iar-bhall de Bhord Údarás na Gaeltachta) agus Éamon Ó Cuív (TD le Fianna Fáil).

Chuaigh céatadán níos airde de dhaltaí ó Ghaelcholáiste na Mara i gCill Mhantáin isteach i gcúrsaí tríú leibhéal i mbliana ná meánscoil ar bith eile sa tír. Pléimid é seo le Seán Ó hArgáin (Príomhoide Ghaelscoil Osraí agus Leas-Uachtarán Ghaeloideachas) agus Tony Ó Murchú (Príomhoide Ghaelcholáiste na Mara).

Ar an gclár inniu: Seosamh Ó Cuaig (Iar-bhall de Bhord Údarás na Gaeltachta), Éamon Ó Cuív (TD le Fianna Fáil), Eoin Ó Catháin (Eagraí Polaitíochta RnaG), Aidan Fitzmaurice (Iriseoir spóirt ón Independent), Seán Ó hArgáin (Leas-Uachtarán Ghaeloideachas), Tony Ó Murchú (Príomhoide Ghaelcholáiste na Mara) agus mír na meán le Gráinne Uí Chaomhánaigh.

Tugann Gráinne Uí Chaomhánaigh a léirmheas dúinn ar eagrán na Nollag d’iris Comhar agus Ceol na nGael ar RTÉ.

Cáin chorparáide na hEorpa, cruinniú Eorpach deireanach ag Micheál Martin mar Thaoiseach agus líomhaintí caimiléireachta i bParlaimint na hEorpa – scéalta móra an lae le hEoin Ó Catháin (Eagraí Polaitíochta RnaG).